محلات ترهيم البطاريه الاضافيه

[هلي 1999]

السلام عليكم ورحمة الله وبركاته
انا لي نيه ابى اركب بطاريه اضافيه لكن كل ماادور هنا القى واحد يقول سوافي وواحد يقول اربعه ضرب اربعه وواحد ............ الخ
انا ودي اللي عنده خبره يقول لنا محلات الترهيم وينهي وبالوصف المظبوط عشان نستفيد
يعني انا ابي اركب بالسياره بطاريه اضافيه
عندي مواقع بالسياره تصلح افياش وين احصل الافياش هاذي وابغى افضل محول كهرباء
من ناحية الزوايد اللي ابى اركبها باذن الله
كشاف خلفي وجهاز كنود فقط لاغير ووالكشاف ماهو شغال غير وقت البر يمكن بعد
طبعا موقع الطفاايه ابغاه فاضي لاني احتاجه والعذر والسموح لاني طولت عليكم ..!!
لكن افضل وررشه تسوي هذا كله والا لا ...؟؟؟
ويعطيكم العاافيه

[كشتة خميس]

لكن انت يالغالي ماحددت وين مكانك؟
اذا انك تبي في القصيم أنصحك تروح لمجمع العثيم في الصناعية اللي شمال شرق اشارة مجمع المحاكم ببريدة
هناك يركب البطارية الاضافية وغيرها من اللي انت ذكرت والرجال نصوح بالشور السنع
الوصف:
لما تصير مجمع المحاكم بيمناك تتعداها وانت متجه شرق بتلاقي مطاعم بيت الشواية على اليمين - خذ أول دوران u ثم ادخل اول شارع يمين ( بعد أي سي ديلكو ) وروح على طول لنهاية الشارع
بتلقى ورشتين تقابلك بالوجه بينهم محل بطاريات شف العثيم هو المحل اللي باليسار
محل فيه شاب سعودي مع عماله . لكن شغل مسكت وتمام واسعار معقولة.
والمحل معروف للكثيرين وتزدحم عنده سيارات الشباب
ورب البيت اني جيت له من خارج بريدة .. اذا رحت له بإذن الله بتدعيلي
^
موفق بحول الله

[اسير الغضا]

اول شي حدد مكانك علشان نحاول نفيدك اذا انت بالقصيم
لاتعدى العثيم

[هلي 1999]

يعطيكم العاااافيه
انا موقعي بالرياااااااض وبعدين بيض الله وجهك بوخالدين على الوصف اللي بالقصيم عشان يمكن واحد هنا بالقصيم تنفعه الحين نبي في كل اجزاء المملكه ودنا لكن الله يعين

[اسير الغضا]

عندك ورشة الصبي على الرابط
http://www.mekshat.com/vb/showthread.php?t=322195

واظن ان ورشة المواهب والدفع الرباعي يجهزن بعد

[ابوصالح77]

السلام عليكم ورحمة الله وبركاته

وعليكم السلام ورحمة الله وبركاته

انا لي نيه ابى اركب بطاريه اضافيه لكن كل ماادور هنا القى واحد يقول سوافي وواحد يقول اربعه ضرب اربعه وواحد ............ الخ

كل واحد يمدح المحل اللي راح له

انا ودي اللي عنده خبره يقول لنا محلات الترهيم وينهي وبالوصف المظبوط عشان نستفيد
يعني انا ابي اركب بالسياره بطاريه اضافيه

سهلة الله يسهل دربك

عندي مواقع بالسياره تصلح افياش وين احصل الافياش هاذي وابغى افضل محول كهرباء
من ناحية الزوايد اللي ابى اركبها باذن الله

بالنسبة لأفضل محول من وجهة نظري مع إني ما ركبته تلقاه على هالرابط في الرد رقم 8
http://www.mekshat.com/vb/showthread.php?t=215799


كشاف خلفي وجهاز كنود فقط لاغير ووالكشاف ماهو شغال غير وقت البر يمكن بعد
طبعا موقع الطفاايه ابغاه فاضي لاني احتاجه والعذر والسموح لاني طولت عليكم ..!!
لكن افضل وررشه تسوي هذا كله والا لا ...؟؟؟
ويعطيكم العاافيه

ما دامك في الرياض عندك
ورشة سوافي (علم على رأسه نار)
ورشة الصبي وهذا رابط
http://www.mekshat.com/vb/showthread.php?t=322195
ورشة الدفع الرباعي وهالروابط بتفيدك :

http://www.mekshat.com/vb/showthread.php?t=225095

http://www.mekshat.com/vb/showthread.php?t=87913

http://www.mekshat.com/vb/showthread.php?t=114649&page=2

http://www.mekshat.com/vb/showthread.php?p=2960838

وكانك معك جيب وتبي تشتغل بيدك ، هذا رابط لكفية تركيبها ، وإي سؤال مستعد

http://www.mekshat.com/vb/showthread.php?t=326608

بالتوفيق

[محيسن1]

من واقع تجربه
موترين لي مركب عند سوافي
وماشاء الله تبارك الله
شغل عدل
ولكن غويلي شوي

[-الساري-]

الله يعطيكم العافيه

[ابو العز بلس]

وعليكم السلام ورحمة الله وبركاته

عندك مخرج 15 اطلع يمين وخل وجهك غرب وخلك على الخدمة ومع اول اشارة ادخل يمين بتجيك مغسلة سيارات وغيار زيت على اليمين بعد 200م تقريبا الورشة بينهم داخله شوي يضبط لك اي شيء كهرب تبيه افياش بطارية اضافية انوار تمديد للايكوم ماطور هواء

[حطاب الرويضه]

سوافي الصراحه انهم ابدااااااااااااااع ومكانهم في الرياض صناعية الفوزان لكن اسعارهم غاليه شوي

[آل طامي]

السلام عليكم
كل عام وانت بخير
انصحك بورشة سوافي من واقع تجربه مركب بطارية اضافية على اف جي 2009 والحمدلله كل شي تمام لا عطل ولا حسيت بتغير من ناحية الكهرباء والله يوفقك

[مقلع الرمث]

العثيم واحد من الشباب اشتغل عنده واخذ قحشه فلوس واخرتها السياره تمشي وتطفى

ووداه لسوافي على مااعتقد وضبط الموتر له

[ابوصالح77]

العثيم واحد من الشباب اشتغل عنده واخذ قحشه فلوس واخرتها السياره تمشي وتطفى

ووداه لسوافي على مااعتقد وضبط الموتر له

أكثر الربع يركبون عنده ، ومنهم راعي تشاليح

على العموم الأسلاك اللي تحطها الورشات ليست ذات جودة عالية
وأشير على من أراد أن يركب بطارية إضافية في ورشة أن يأتي بالأسلاك
علماً أن متر بعض الأسلاك العلية الجودة يتراوح بين 3 ـ 7 ريال
بالتوفيق

[zizo006]

مرحبا
كل عام ونتم بخير

انا اعرف كهربائي بالمنطقة الشرقية مدينة الخبر
بس يشتغل عن البيت حقه بس مظون شغله مثل شقل الوكاله 100%
على الشرط
اسم الشخص : بوسعود

رقم جواله 0554410825

ولكم التوفيق

[شقران نجد]

السلام عليكم
كل عام وانت بخير
انصحك بورشة سوافي من واقع تجربه مركب بطارية اضافية على اف جي 2009 والحمدلله كل شي تمام لا عطل ولا حسيت بتغير من ناحية الكهرباء والله يوفقك



حياك الله اخي الغالي وبعد أذن صاحب الموضوع ....

كم كلف تركيب البطاريه على الأف جي وهل هي 80 امبير وكم فيش وكم لمبه ؟؟

معليش اخوي تحملني لأنه لي نيه ومعي نفس موترك حالياً

[a3oog]

سلام عليكم ورحمه الله وبركاته:
اهل الفزعه انا عندى جيب شيروكي موديل 2001 وودي اركب بطارية اضافية مع تسليك افيش ولمبات اضافية ايضآ


وش رااايكم وين اروووح اركب
تكفووووووووووووووووووووووووووووووووووووووووووون

[المهاجر انا]

هذا رقم واحد بالراياض يشتغل بيده في بيته 0507492549 ابوسعد وشكرا

[السلمان2010]

وعندك الصانع سعودي ويشتغل بيده في شرق الرياض هذا جواله 0505417145

[السلمان2010]

وعندك الصانع سعودي ويشتغل بيده في شرق الرياض هذا جواله 0505417145