اغــبــى سمـــكــة

[النوخذه]

ياجماعه الخير ابيكم تصوتون لأغبى سمكه
وأذكىسمكه



في الخيج العربي.......

[ki ng marlin]

هلا النوخذه مافيه شي اسمه اذكى سمكه واغبى سمكه .

فيه شي اسمه سمكه جيعانه ولا شبعانه بس علشان نجاري الموضوع

أغبى سمكه المنشوسه أذكى سمكه الدلفين

[SRDAL]

السلام عليكم ورحمة الله وبركاته

حياك الله اخوي النوخذه .

اعتقد ان اغبى سمكه هي سمكه السبيطي طباعاً الكلام على الغوص والسبب ان هذي السمكه الوحيده الي لما

تلحقها تحت الماي ماتوقف تحط رجلها ولما توقف انت يلغواص تجيك حتى لو كنت ضاربها واخطيت الرميه صدقني

راح ترجعلك مر ثانيه .

اما اذكى سمكه هي سمكة الكنعد وخلنا نوضح اكثر مانبي نقول اذكى واغبى خلنا نقول حذره ومو حذره .

وانا لما قلت الكنعد هي الأحذر اسئل اهل لفاح الكنعد الي على طول السنه يلفحونله مثل الصيادين الهنود .

تحياتي لك .

srdal

[ابو مشك]

بحسب خبرتي البسيطه فعلاً الكنعد هو احذر سمكه بس بالنسبه للذكاء فهو الدلفين اذكى سمكه ومايختلف فيه اثنين اما على قولتك اغبى سمكه من وجهة نظري اشوف انه الشعرم هو سيد الغباء في السمك في الشوارات تحصله عالق ومن الخارج عالق فيها مو من داخل الغبه وفي الجلب يطفشك الوحده منه تنشب معك مره واثنين وثلاث في الجلب ولا تمل يمكن عشانها عارفه اني في النهايه برجعها للبحر .

[gulfhunter]

السلام عليكم ورحمة الله وبركاته

حياك الله اخوي النوخذه ...... وشكراًَ لطرحك مثل هذا الموضوع..... .

أنا اوفق اخوي ابونواف (سردال) ان الحذر افضل من الذكاء او الغباء..........

أنا أتفق ايضاً مع الشباب ان الكنعد هو الحذر ............... ومن بعده يجي باقي السمك ......... ايضاً الشعري بالغوص يقولون حذر جداً ماأدري اخوي ابونواف صح هل الكلام او عندك شي ثاني......... اما بالحداق فهو غير حذر ......

[النوخذة الأحسائي]

الله أعلم

لكن أظن الغباء زايد في الزمرور والله انه غثييييييييييييييييث في الدمام كل شي يضرب عليه

[النوخذة]

مافيه شي اسمه اذكى سمكه واغبى سمكه .

فيه شي اسمه سمكه جيعانه ولا شبعانه


انا رأيي من رأي اخوي ki ng marlin

[قناص المغرب]

هلا النوخذه مافيه شي اسمه اذكى سمكه واغبى سمكه .

فيه شي اسمه سمكه جيعانه ولا شبعانه بس علشان نجاري الموضوع

أغبى سمكه المنشوسه أذكى سمكه الدلفين


وهذه صورة لاغبى سمكة هـــــاهـــــاهــــــا
حبيت اضحك معاكم شوية








http://www.mekshat.com/pix/upload/images9/mk15353_1aquila.jpg

[ki ng marlin]

هههههههههههههههههههههه

يعطيك العافية بس هالسمكة قرش يعني ماهو غبي وبس مخ مافيه كمان

تسلم النوخذه على الدعم

[SRDAL]

السلام عليكم ورحمة الله وبركاته

حياك الله اخوي بوعبدالله .

والله الي انا اشوف ان الشعري حذر حتى في الحداق والدليل ان بعض المرات لما تشوفه يضرب على الخيط كأنه

سمكه صغيره ولما تعطيه ليان ولازم تطوله الركه علشان يضرب ولما تضرب عليه تشوفه كبير .

وفي بعض الأحيان شيل ماتشيل .

تحياتي لك .

srdal

[حداق الـجعيمة]

هلا قواكم الله شباب
طبعاً معروف أن أذكى سمكه هي الدلفين بس ماليها في الحداق .... بس من ناحية الحداق يعني في أكل الطعم في سمكه حذره مثل الصبيطي و في سمكه جزامه مثل الجم و الزمرور وأما من ناحية السمكه المصيوده الهامور ذكي لان اذا حس بالميدار مسكه يرخي الخيط ويروح اللحف و الصبيطي أحياناً يصير اغبى سمكه و اذكى سمكه لان الأنثى لما تضرب تجي لك على السيف يعني تطلع لحالها و أما اذكر الله يعينك مشكله اذا في بيبات في الماي راح يقص لك الخيط حتى لو كان خيطك 80 و اذا كان في مكان حجر و الماي طفيحه و طفر فوق الماي يمكن 99% يقص الخيط 1 مايقص اذا كان من رزقك ....وأما الكنعد ما أقدر أحكم لان ماعمري صدت ولا عمري شفت واحد صاد كنعده قدامي بس أنتون أهل الخبره وما أقدر أقول ذكي ولا غبي بس لازم يجيك ذكي ويجيك غبي.... تبغو الصدق شباب أذكى سمكه و أشهد ليها القد (دويلمي) لان تحط ليه سيم يقص لك الخيط إلي قبل السيم وهاذي صارت ليي أكثر من 100 مره في الطراد وعلى السيف (وطبعاً السمك مثل بني أدم يعني في الذكي و في الغبي ) بس الجم دائماً غبي بس هم قوي .....وأنا أوافق Sardl صح كلامك على الشعري أحياناً لو تحط 10 ميادير تصيد 10 شعريات و أحياناً مايضرب شئي أبداً ولا زم تعمل ليه ترديعة طويله حق يضرب ....يالله شباب الله يعطيكم العافيه

[الخيول2002]

والله انا اشووف ان اغبى واغث سمكه هي الزمرور وحسب ماسمعت عن اذكاهم الكنعد

تحياتي للجميع

[حاقد على لخمه]

والله اغبى سمكه هو الهامور والدليل (يوم تغاوص وتروح اتصيده يتم واقف يطالعك)

واذكى سمكه( الصبيطى والدليل انه ما ينصاد بسهوله)

[كبير النواخذه]

انا الي امخليني اعتقد ان السبيطي (اذكى) اسمكه هو انه يشقح الغزل (يقفز فوق الشبك)
يعني لو كان حذر وبس ماكان قرب الغزل

اما الهامور بصراحه انه من شكله غبي
صحيح انه يشرد اذا شافك اتغاوص --بس تراه مايشرد الا بعد اربع ثواني --يمكن الحبيب يفكرك بتصوره

[وعر]

السلا عليكم
انا من رايي ان اغبى سمكتين هم الحاقول والسلس ( إذا كنت تدخن جرب احذف فلتر الزجاره بعد ماتدخنها في البحر وشوف الهوشه بين الحواقيل)

اما بالنسبه لاذكى سمكه فهي السبيطي والدليل طرق صيدها مثلا إذا كنت تبغي تصيدها بغزل لازم تنصب غزلين بشكل متوازي ويكون بينهم مترين تقريبا لانه ينط من فوق الغزل الاول ويتوهق في الغزل الثاني واذا كنت بتصيده بخيه لازم تدفن الخيط لانه ينتبه للخيط
واذا كنت تبي تصيده بخيط لازم مايشوف الميدار لأنه ماراح ياكل الييمه إذا انتبه للميدار

وتقبلو تحياتي

[عاشـق القمري]

مشكوور اخووي ع المووضوع

وشكر خاااص لقنااص المغرب على الصوورة..

[الصياد المهير]

ما في شيء غبي

[روح الهنا]

http://www.mekshat.com/pix/upload/images9/mk15353_1aquila.jpg


تخيل يمر من فوقك ومعاه ابو الشباب :confused: :confused: :j

[روح الهنا]

كل شي جايز ههههههههههه

[شعور]

اعتقد ان اكثر الاسماك حذرا هي الكنعد وبعدها الفارس والبهار

[ابو شيخة]

يمكن العكس هو الصحيح

[شلال البحر]

بسم الله الرحمن الرحيم

اخي العزيز
السلام عليكم ورحمة الله وبركاته
انا اتفق مع الاخوان في اغبى سمك واذكاها بس عندي معلومة عن السبيطي يعتبر ذكي اذا كان بالسنارة او خيط اليد الجلب حيث انه اذا ضرب عليك وفلت يقوم بتعكير الصيد عليك بمعني يصير حاقد عليك ويشرد السمك ولا يخليك تتهنى بالصيد واذا شاف الميدار يقوم بضرب الطعم بذيلة حتى ينتفه ومن بعدها يقوم باكله وان حدث معي هذا منذ زمن ولم استطع اصيد اي شيء واقول ان اغبي سمك هي الضلعه والهامور لانهم يضرب على اي شيء اي الطعم وان اذكر انني صدة ضلعه على مصارين دجاج واحد الشباب صاد هامور على قطعة قماش حمراء ,,,,,,,,,, وتقبل تحياتي
اخوك شلال البحر

[عجيب]

اغبى سمكة او السمكة غير الحذرة هى الكات فش الشم يضرب على أي طعم لدرجة انه مره ضرب معاي على البلد (( الثقاله )) اما بخصوص الهامور وكثير من الناس تعتقد انه غبي مره قال لي واحد من الشباب الغواصين ان الهامور اذا شافك اختبأ في الجحر وقعد يطل عليك ويرجع تقول ادمي سبحان الله اما السبيطي فيقول انه يلحقه ويجده في خلفه .
واعتقد ان الدويلمي من الاسماك الذكية بحيث انه يلوع كبدك وهو يسحب في الخيط واذا سحبت تركه لدرجة انه اذا شبك بالميدار بإمكانه انه يلحق الخيط ويقصه .

[سيلر]

انا اتوقع ان اغبا سمكه الهامور واذكا سمكه السبيطي في الخليج