باث فايندر؟؟؟؟!!!!!

[Abo Nader]

السلام عليكم ورحمة الله وبركاته

بسم الله الرحمن الرحيم


حيا الله الشبااب جمعا


كل سيارة و له عيب وتزداد العيوب كل ما عرضت السيترة للكرف


و كل الشباب هنا راعين بران و جلد بهالجواد و هنا يبين المواتر


أنا معي باث فايندر 2005 الحين ما شي 20000 ما شفت منه إلا كل خير يطربك بالبر و بالخط


لكن عابه أمرين

الأول والمعروف وهو أنه ياياته رخوه وحلها سهل

بس الثانية الي جننتن الرجة الي بالجهه الخلفية


لا أكلت مطب و لا بالبر دايم تطلع


دخلتة للوكالة و لانفع الي عندة حل ينقذنا الله لا يهينكم :)

[البرحه]

السلام عليكم

كيف حالك يا بعدي

بس ودي اشارك معك مادام انك جبت طاري الباث...... على قولتك كرف وما كرف

انا اعرف واحد قريب لي معه 2001 عمره في الثلاثين وطلعاته خفيفه وعاااقل والميه والعشرين ما يتعداها ابددددد

ومع ذلك فالموتر فيه نفس العيوب !!!!!!!!!!!!!!!!!!!!

بس كل السيارات تنكرف وتنجلد ولا يطلع فيها عيوب مثل هالموتر !!!

انا شخصيا موتري هايلوكس وجالد امه جلد موب طبيعي ! ولا شي يقول لا ما اروح كلش قدام ولا قاد قال اح !!
<<(( قولوا ما شاء الله لا اطلع والقى المكينه في الارض ))

والباترول اللاند كرزر كلها تنكرف ولا يطلع فيها عيوب مثله !!

لا والي يقهرك وانت اكبر دليل انت انه وهو جدييييد يبدا يقرقع ؟؟

ياخي اخذ لي سفاري اقدم منه بسنه اصرف من اني اشريه جديد وارط به ..

على العموم الله يعينك عليه والاختلاف وارد

وشكرا لك

[Abo Nader]

السلام عليكم


يا أخوي أنا من قبل و أنا ما أشتري هالموتر و عارف كل عيوبه منها هذي المشكلة

ودي أقولك أني موتري جايه كرف مب صاحي و أنا سلمك الله حق خطوط دائما 200-180 الحمد لله ما قا شي و بالبر و النفود ممتازبس كفراتة شد البلد القاسيات لكن الحمد الله


و ترا هذي مشكلة مب عويصة إن شاء الله يعني لهب مكينة ولا قير :)

و جزاك الله خير


و الي عنده حل يفيدنا

[salehhd]

السلام عليكم

انا معي باث 2004 ونفس المشاكل موجوده عندي

لاكن مطنشها لان الموتر في البر يبيض الوجه وما ابي اغيره

[ولد الشايب]

أبو نادر اقرأ هذا الموضوع بالرابط

http://www.mekshat.com/vb/showthread.php?t=32348

[ذيب المطلاع]

السلام عليكم .....
الموتر طيب بالحل لكن عيبة ان رخو (يعني القديم أزين )
عندي موديل 2003 وعانيت من مشاكل عده منها
- عدم التبات على الطريق.
-طبلون السرعة مظرووووب (زايد 30كم).
-النزول عند التحميل بشكل غير طبيعي .
-ادخال الاتربة والغربار من الباب الخلفي.
-يقولون والعهدة على الراوي ان البخاخ في موديل 2003 حساس ويخرب وانا ولله الحمد لم اعاني من هذة المشكلة مع اني مشية 35000 في خمسة شهور.
وفي ختام هذه المشاركة اقول ان القديم (90موديل)استخدمته سته سنوات افضل 100 مره من الجديد وانا ادور واحد موديل 90 الى 95