أهمال الطرق وتاثيرها على السيارات (دعوه للنقاش)

[غالي]

السلام عليكم ورحمة الله وبركاته


أخواني فيه مشكله ليست بجديده وإنما من قديم الزمان وهي تخص الطرق وتأثيرها على السياره


كم من شخص دخل حاره فيها منازل تبنى والشارع كله ماء وجبس !!!


ويحتقرها ويقلل من المشكله الا إذا خلها يوم او يومين بدون مايغسله وأكتشف ان الجبس نشف على بدي السياره وصعوبة إزالتها ، قام يصفق كف بكف ويشتم ويدعي على راعي المبنى او العمال !


وكذلك لاننسى كل يوم والثاني بكفرات العالم مسامير من المباني الجديده وانت الله يخلف تروح وترقع عند هالبناشر :mad:


وكم من شخص في خط سفر او دائري او حاره كذلك يمشي إلا فجأه امامه الطريق يتزفلت (ويقولون له رح من هنا مكان توهم مخلصين من زفلته) او طريق كامل توهم منتهين من الزفلته ويشيلون عفشهم واطراف الطريق ((((قااار)))


يمشي المسيكين ويروح لمشواره ويخلص مقاضيه وان رجع للبيت لقى سيارته من تحت والبدي كله قااار !!!!!!!!


ثم بهالمشكلتين ابلش رح للورش ومحلات التلميع وكلن يقولك سعر من راسه على حسب سيارتك



السؤال يا أخوان من المسئول عن هذولا ؟


وإلا هالمشكله مثل خواتها التي لاتوجد جهه مسئوله لرفع شكوى عليهم :mad:



أبي رأيكم يااخوان بمشاكل الزفلته والمباني الجديده وعل توافقوني الرأي ان الكل يشتكي منها

والي عنده حل لإزالة المذكورين يضعه هنا ليستفيد الجميع


وكذلك اذا عندك قصه حاصله لك بسبب هذا الأهمال عطناها



تحيتي لكم جميعا :good:

[ابو العز بلس]

وعليكم السلام ورحمة الله وبركاته
موضوع جميل وفعلا مشكلة نواجها من زمان
بس انا ابطلع لموضوع مشابه نوعا ما وهي الحفر اللي تجي في السفلت وغيرها وبعض الايام يحطون على الحفرة مثلا زبالة الله يكرمكم من شدة هبوطها في الارض بالنسبة لمثل كذا اتصل على طوارئ الرياض وبالكثير اسبوع والمشكلة منتهية وانا بنفسي اكلمهم ما اقولكم احد قالي يعني فيه تعاون جميل واكثر من مرة تصير
والله يحفظنا
واللحين جانا شيء اشين من الزفلت والمسامير والا وهو ساهر " الله ينتقم منهم"

[رسمال]

والله موضوع حلو وجديد ومهم الله يعطيك العافي
اكثر شيء يزعجني هو ترك المخلفات المعدنية الصغيرة مثل المسامير والبراغي وزوائد الحديد وقطع الاسياخ التي غالبا م تلحق الضرر بإطارات بالسيارة .... والغريب البنشرجية او نقول كثير منهم يسحب المسمار او البرغي من الكفر ويرمية امام المحل وكأنه صياد سمك

والشيء الثاني المطبات والحفر وخاصة اذا جاء المطر وغطتها المياة وما تتذكر مكان الحفرة !!!!!

ومن الاشياء المزعجة بالطرق السريعة ( وهذي تذكرني بقصة الراعي الكذاب وهي معروفة ولكن الضرر هنا على السائق ) وتتمثل بقيام صيانة الطرق بوضع لوحات تحذير شديد اللهجة ويخوف ولمسافة طويلة واذا وصلت تكتشف انه تم الانتهاء من الصيانة منذ اشهر ولم تزال هذة اللوحات والتحذيرات ...
واكتفي بهذا القدر والا هناك الكثير والله المستعان

[قناص*07]

والله ما في امل نتطور
اجل كيف ياكل المقاول الفلاني وكيف يبي يشرب سعادة القسم وكيف يبي يسكن الرئيس وكيف يبي يسدد اقساطه المراقب الـ.........
الا ان الكهرب تحفر اليوم ويدقنو بعد اسبوع
الهاتف بعدهم بإسبوع ويدفن بعد شهر
والمياه بعدهم
ولا يهون الصرف والمرور والبلديه وغيرها..... الخ الخ (لان كل يوم واحد طالع بكمبريشن وحافر ولا تدري هو تبع اي جهه)هههههههه
واسفلتنا رايح فيها كانه ردميه من كثر الحفر والرقع و المطاب والبطناج

شوف الامارات وهي دويله مقارنتا بالسعوديه بس كل شيء مؤسس له وله مجاري وحقول يمشي بها وغرق تفتيش تحت الارض.

[عميد سامودة]

مادام النقاش لا يودي ولا يجيب وش الفائده ؟؟؟؟؟

[3bdelm7sn]

الحفر ااااااه يا الحفر والمطبات الجديدة اللي سبحان الله يضبطون لونه مع لون الزفلت ما شاء الله عليهم شاطرين فيها الالوان يضبطه صح كان ما فيه شي وتجي انت على النية وتاكله ويالله رح عدل جنط عندي 3 جنوط معفطة بسبة هالحفر والمطبات اللي ما تشوفها حسبي الله عليهم

[غالي]

الله يحييكم كلن بأسمه منورين الله يحفظكم

وعاد الحفر والمطانيج في الشوارع حدث ولا حرج حتى نظام اي بي اس يخرب مع المطناج وعساه يمسك فرامل

ولو تكلمت عن الرياض وشمال الرياض الي كان ينضرب فيه المثل !! تعالوا شوفوه الان اردى من المتوقع :(

شاكر لكم اخواني

[التل الصامت]

يرفع - يرفع -يرفع للاهمية

[التل الصامت]

والموضوع في غاية الاهمية الله يوفقك يا اخوي صاحب الموضوع وبيض الله وجهك وما قصرت وجاء في وقته

[غالي]

يرفع - يرفع -يرفع للاهمية

رفع الله قدرك عند ربك وخلقه

منور اخوي الله يحفظك :good:

[مجالس الرجال]

والله انك صادق صار لي فترة ادور ارض واحيانا اذا طلعت من الحي اللي ادور به اروح للبنشر اطلع لي مسمار
والسبب العمال يشتغلون بالخشب و التسمير بالشارع والبلدية تفرج عليهم

[مفخرة فورد]

وعليكم السلام ورحمة الله وبركاته
فعلاً المشكلة ماهي جديدة , قديمة ومترسخة في واقعنا والمشكلة الأكبر ان مافيه أحد يدوّر ورا حلها
أنا من رأيي خاصة عن مشكلة المطبات والتشققات اللي بالشوارع هو بسبب اهمال في الرقابة من الجهات المسئولية سواء الامانة أو المواصلات ,, تلقى مثلاً مشروع صرف صحي أجلّكم الله يعاد شق الشارع ثلاث وأربع وخمس مرات وفي كل مرة حفر وزفلته لحد مايصير الشارع مثل الصحراوي بس عليه قار ؟؟؟ تموجات ونقر الله يستر منها تعدم السيارة مع طول الفترة وبعضها يسبب الحوادث لاسمح الله
أنا اشوف حلها في الرقابة والمحاسبة من قبل الجهات المسئولة , اذا لقيت الشركة المنفذة رقابة وحزم راح تشوف الشغل ماشي صح والشوارع صح !
نسأل الله التوفيق لنا ولكم

[((ابوملاك))]

القار

موتري جهة وحده كله قار والجنوط كله قار وماا يروح

[ابويعقوب1]

اااخ من الحفر في جده قسم بالله ان اننا اكثر ناس مستهلكين مساعدات ومقصات واذرعه في العالم بسبب الحفر
يارجال كل ما تروح مكان الا وفيه حفره اخص من اللي قبلها لكن الشكوى لله

[ملك الفكتوريا]

والله مشكله عويصه كل يوم تربيط والا الشاهي الصبحيه ينكب عليك هنا اتنرفز ويرتفع الضغط

وتراها تسبب حوادث كم واحد يبغى يتفادى الحفره ويلف دربق باللي جنبه

والكفرات تنتهي بسرعه


والاخ ابو يعقوب عليكم مدينه ترفع الضغط مااروح جده الا وارجع لازم تغيير مساعدات














لكن فيه مشكله وهي زوائد الارصفه اللي مالها داعي مثل مخرج 9 سابقا وفي بعض الشوارع

[عاشق الماركيز]

السلام عليكم ورحمة الله وبركاته
اي والله وانا اخوك الحين الواحد صار يخاف يشتري سياره جديده والسبه الشوارع وياليتها بالحواري وبس الحين طلعو على الدائري وخربوه حسبي الله عليهم وسياراتنا كل سنه وانت مسويلها تربيط والادهى والامر اذا كانو حافرين الشارع ولانبهو الناس بلوحات انا بغيت اشمع بصبه بسبتهم على الدائري الشمالي وانا توني شاري السياراه بس ربك ستر وماكان وراي احد وحذفت طيب لو كان زحمه وانا على سرعتي من المسئول لها الدرجه استهتار حسبي الله عليهم

[ملقاط بن جمر]

كله يهون عند المقاول الحرامي .. اللي يخلص من زفلتة الشارع وبعد شهر هاتك ياحفر
والسبب عدم الجودة ومطابقة الشروط في العمل ..

حسبي الله على من كان همه المال دون النظر في جودة ما وكل إليه من عمل ..

[ساحووق]

لايوجد عندنا بشوارعنا حفر بل يوجد قلباااااااااااااااان ....."""""""

[البرتقالي]

هذي سياسة استنزاف اقتصادية مرسومة
على قولة رئيس مدري منهو من 20 سنة خطط علمية مدروسة ;)
ولو مافيه بطانيج ومطبات ماغيرت مساعدات ويايات وجلد وركب و و و

الا وش رايك اني مرة من المرات تعطلت بزحمه تقريبا ساعة
وبالاخير طلعت المشكلة سيارة محملة سطول بويه ومنقلبه
مشيت ماصدقت افتك من الزحمه يوم وصلت الدوام
لقيت رفارف الموتر كنها قوس قزح
ضحكت وانا ميت قهر وعلى ماقالوا شر البلية ما يضحك