استبيان ,العموم يدخل ويشارك

[صقارمكشات]

ايها الاخوه الصقارين اريد رأيكم جميعا في هذا الاستبيان وكل يبدي رايه في هذا الموضوع

(لست انا صاحب الموضوع)

اذا لقيت طير بسبوقه بالشتاء لا يوجد فيه حجل ولا يوجد فيه شريحه واعلنت في جميع المرابط التي في منطقتي واخبرت جميع الصقارين الذين اعرفهم بذلك ثم قيظت الطير وعندما دخل الصفري جاني رجل يقول الطير طيري قلت وينك من الشتاء الماضي وانا اشيد بالطير وصرفت عليه من الشتاء الى وقت الربطه ثم قيضته قال انا دورت الطير وما لقيته (بكل برود) فلمن يكون الطير؟؟؟؟؟
ارجو ابداء ارائكم في ذلك

ٌٌٌ

[سندباد البري]

اخوي الحق انه يدفع فلوس الربطه وياخذ حلاله
وانت راع الأوله كسبت طيب ومعروف
وسلامتك وتعيش

[ابوفهيدالسهلي]

اخوى انعطيته الطير فهو طيب منك وان خذيت حق الربطه فهو حقك وانخذيت الطير فيها نشدة الشرع يعنى الشيخ

[عاشق حرير]

بقولك نفس ماقال أخوي سندباد البري
انتا ماقصرت وماخليت اعلنت عن الطير
بس الان اذا كان صح راع الطير
يدفع فلوس الربطه وياخذ حلاله وانتا بيض الله وجهك
ومااااااااااااااااقصرت

[شنقاري]

السلام عليكم ورحمة الله وبركاته

الطير يرجع لصاحبه وانت الله يجزاك خير

ويدفع لك حق الربطه مثل مااقالو الاخوان

[خيال الهيلا]

الطير وأنا خوك لراعيه
بس تأكد انه راعي الطيرفعلن
واجب انه يعطيك حق المربط
الله لايحطك في محلله

[ابوناصر السهلي]

عطوك العلم

[الرااسي]

ماقصروا الاخوان افادووك

[سلطان 1]

شف وانا خوك كانه طيره صحيح وعطااااااك علااااماااات في الطير والا جااب شهود انه طيره 0

فلك قضاابه الطير اللي متعااارف عليها بين الصقااقير ويعطيك بعد حق المقيض 0
وسلااامتك هذا اللي في عرف الصقااقير والله اعلم 0

[أخو عيد]

افادوك الأخوان

[الشيب الذيب]

مقصرو اخواني افادوك

[عبدالله 3]

لكي لايدخل شي في الذمه اسال شيخ وبيوافيك بالعلم الاكيد

[الشقاوي22]

شف وانا خوك كانه طيره صحيح وعطااااااك علااااماااات في الطير والا جااب شهود انه طيره 0

فلك قضاابه الطير اللي متعااارف عليها بين الصقااقير ويعطيك بعد حق المقيض 0 .
وسلااامتك هذا اللي في عرف الصقااقير والله اعلم 0

هذا الرئي السليم والمتداول بين الصقاقير. مشكوووراخي سلطان

[ابوأفياء]

المعروف بين الصقاقير يعطيك حق المربط وقضابه معرفوه بين الصقاقير

[nasser-51]

مثل ماقال أخوي الشقاوي22 هذا الكلام صحيح
والصقاقير بينهم أسلوم ومعاريف ........
وسلامت الجميع...........

[طيرالحمــــاد]

شف وانا خوك كانه طيره صحيح وعطااااااك علااااماااات في الطير والا جااب شهود انه طيره 0



فلك قضاابه الطير اللي متعااارف عليها بين الصقااقير ويعطيك بعد حق المقيض 0

وسلااامتك هذا اللي في عرف الصقااقير والله اعلم 0



هذا العرف اللي متعارف عليه قبل ماتقنص بالطير وتهده

وان طلع الطير من الربطه ودعيته وهديته وقنص الطير فهناك كلام ثاني

[التعـ King ـديل]

شف وانا خوك كانه طيره صحيح وعطااااااك علااااماااات في الطير والا جااب شهود انه طيره 0

فلك قضاابه الطير اللي متعااارف عليها بين الصقااقير ويعطيك بعد حق المقيض 0
وسلااامتك هذا اللي في عرف الصقااقير والله اعلم 0


اوافقه الرأي

[راع الطيب]

انا مع كلام اخوي سلطان
على اللي متعارفينه الصقاقير
ويعطى طراحته و قيمة الربطه

[قرناس شاهين]

ياخوي الطير لك لانك دللت عليه اكثر من 3 ايام فصار حلال عليك

ومن المعروف من بينا حنا يالصقاقير انه يدفع ثمن الربطه

[راعي غضبان]

بقولك نفس ماقال أخوي سندباد البري

انتا ماقصرت وماخليت اعلنت عن الطير
بس الان اذا كان صح راع الطير
يدفع فلوس الربطه وياخذ حلاله وانتا بيض الله وجهك

ومااااااااااااااااقصرت
هذا الصحيح ماقصروا الشباب وعلمك غانم والله يبيض وجهك والرجال يدفعلك الي تعبته عليه وياخذ طيره والف شكر لك والله يكثر من امثالك

[فهد الدقباسي]

الطير ان قعد عندك عشر ايام يكون شرعا لك الا اذا فيه علامات معروفه من راعيه فهذا يحقله ياخذا ولاكن لازم يدفع ذمن الربطه

[ركن برزان]

والله يا الغالي انا اقول تاكد انه صاحب الطير اول شي

وثاني شي اذ طلع هو صاحب الطير عطه طيره ولا ترد نفسك على الفلووووس حتى لو هو مدها لك

واكسب العلم الغانم بين ربعك وصقاقير ديرتكم وخلك مضرب مثل لطيب

والفلوس تروح والموقف الطيب مايروح ... يعلم الله اني حسدك على الموقف الي انت فيه تمنيت اني مكانك

والمهم بيض الله وجه يا الغالي وكثر الله من امثالك وايش ماسويت من الي اشارو فيه اخواني الي اسبقوني كله

جايــــــــــــــــز


وهذا رايي الشخصي انا والله يوفقك

[مهاوش]

السلام وعليكم ورحمة الله وبركاتة


أذا كان الطير طيره ثبت سوى شهود ولا بيانه لطير بقانون الصقاقير المعترف يعطيك طراحت الطير ومقيض الطير وأنت طيب منك أذا ما أخذت طراحتك أما المقيض ملزوم يدفع لك وكاش وأذا لم يدفع المقيض ماياخذ الطير ويحسب عليه من اليوم حساب علف الطير لانه عرف انه عندك الطير ولم يأخذه وانت تعلف الطير كل يوم بفلوس سوى حمامه ولا فريه ولا لحم صافي الي الاخر

وآسف علا الاطاله

[النتاوي]

لو وضعت تصويت كان افضل مع فتح النجال للتعليق

[النتاوي]

الطير ان قعد عندك عشر ايام يكون شرعا لك الا اذا فيه علامات معروفه من راعيه فهذا يحقله ياخذا ولاكن لازم يدفع ذمن الربطه

الدليل ؟؟؟؟؟؟؟؟؟؟؟؟؟؟؟؟؟؟

[skeet]

اعوذ بالله من الناس الي تفتي من غير علم يا اخي اتقي الله شنو عشر ايام يصبح شرعن لك اسرعكم للفتوى اسرعكم الى النار والعياذ بالله

[صقرالعارض]

السلام عليكم والله ماقصروا الاخوان ولكن عتبي على الاخوان الي افتوى للرجال بجواز اخذا الطير ياخي خلك بمكان صاحب الطير الضايع هل ترضى انه يروح طيرك اكيد ماترضى وخصوصا اذا كان الطير غالي عندك فانا اقول للي لقاء الطير يتاكد اولا من راعي الطير انه فعلا طيره ثانيا على صاحب الطير ان يعطي الطراحه والمقيض للي طرح الطير وقيضه لان هذا حقه وتعبه واذا تنازل عنهن كلهن فهذا كرما منه والرجال تتنازل عن رقاب وليس عن كومة ريش والعلم الغانم مايضيع بين الرجال هذا رايي واسف على الاطاله عليكم .

[صقارمكشات]

skeet (http://www.mekshat.com/vb/member.php?u=133203) http://www.mekshat.com/vb/images/statusicon/user_offline.gif
مكشاتي برونزي
اخي العزيز
ارجوا ان يكون التعليق على موضوعي لا على الردود دع الخلق للخالق وكل يعبر عن راية
الشخصي اقيل فائق احترامي
ركن برزان الطيب انتم اهله


اخواني الاعزاء انا لا اتكلم عن الفلوس متى يكون الطير الضايع لك عرفا

[صقارمكشات]

السلام عليكم والله ماقصروا الاخوان ولكن عتبي على الاخوان الي افتوى للرجال بجواز اخذا الطير ياخي خلك بمكان صاحب الطير الضايع هل ترضى انه يروح طيرك اكيد ماترضى وخصوصا اذا كان الطير غالي عندك فانا اقول للي لقاء الطير يتاكد اولا من راعي الطير انه فعلا طيره ثانيا على صاحب الطير ان يعطي الطراحه والمقيض للي طرح الطير وقيضه لان هذا حقه وتعبه واذا تنازل عنهن كلهن فهذا كرما منه والرجال تتنازل عن رقاب وليس عن كومة ريش والعلم الغانم مايضيع بين الرجال هذا رايي واسف على الاطاله عليكم .

كلامك انت والاخوان يسطر بحروف من ذهب ولكن متى يكون الطير الضايع لك

[رياض 11]

شف اذا الطير عندك من الشتاء حتي اليوم والطير قد صك موسه وانت منوه عليه من يوم قضبته
ماله حق في الطير واذا الريش مابعد اكتمل يدفع لك اقضابه ويدفع حق المقيض وهذا عرف

[ملاعب السباع]

حد ان الطير ماقرنس فهوا لراعيه في المغدا
اما أذا قرنس ونقلته ودهلته وأستهد بعدها وتعلم على يدك مره ثانيه بشرط انك مثل ماقلت
اعلنت وخبرت عنه وقرنس عندك فهو طيرك ولو فيه مية علامه هاذى الي أعرفه ( والله اعلم )


واذا شفته لحز ويحب الدراهم على المبدا عطه حل ثاني ( اذا انت حبيت الطير وتبى تخلص نفسه منه وتقنعه خلك أطيب منه)


ثمن الطير وأخصم حق القرنسه وعطه الفرق


واذا علمته بكل الحلول وصنقر وقال لا طيري عطه
وانت أطيب بفعلك ( الفعل دايم مايزول )

والله ييسر أمرك

[ديوان العرب]

السلام عليكم اخوي استبيان في ايش هاذي يعرفها الرجال الي براسه عقل الطير يرجع لصاحبه لو بعد عشر سنين وجابلك شهود حقه وياخذه شرعا انعطاك شي من الشرهات فهاذ طيب منه وحق ربط
ة الطير يدفعها صاحب ونت ونا خوك مالك حق تتشره وتقول هاذ طيري لي سنه ونا اعلفه ولا انا قاضبه هاذي عيب ويتناقصونك الرجال والرجال بياخذ طيره انلقاه عند احد طرق مافيها كلام

[صقارمكشات]

ديوان العرب س متى يكون الطير الضايع للي لقاه اريد الاجابة على السؤال
2- اذا كان على ما قلت الطير يرجع له لو بعد 10 سنين العقل يقول اذا لقيت طير ضايع اتركه تكد علية سنين ويجي راعية على البارد المبرد وياخذة وذا قلت لة ادفع حق المقيض 10 سنين حسب كلامك بيقول الطير ما يسوى نصفها ما دافع وابي طيري وش تقول (وان كان الرجال شرواك ما عليه بس ان كان الرجال ما يستاهل محشوم انت ومن يسمع وقال طيري وابية والفلوس الواجد هذي ماني دافعها) وشكرا لابداء رايك

[ديوان العرب]

صقار مكشات افرض انك مكان راعي الطير وشاريه غالي وش بتسوي هل بتسكت وتقول مالي حق بطير ولا بتاخذ طيرك ؟

[عبدالمحسن]

قل لا إله الإ الله


انا اللي بجاوبك وبكرم شاربك


بس قبلها رد علي..

انت يوم عينت الطير العام ونبهت عليه ، هل الرجال هذا جاه الخبر !!؟ والا ماجاه الخبر أنك تنبه على الطير الضايع ؟ وهل تعرفه معرفه شخصيه ؟



بعد ماتجاوبني ابعلمك وش تسوي

[صقارمكشات]

صقار مكشات افرض انك مكان راعي الطير وشاريه غالي وش بتسوي هل بتسكت وتقول مالي حق بطير ولا بتاخذ طيرك ؟
يا غالي الموضوع استبيان ونبي مجرد رايك ياما لقينا طيور ضايعة ووصينا لاهلها وجو خذها وكلوا واجبهم اخذنا منهم المعرفة والطيب والخوة وقلنا بارك الله بها الطير اللي لقيناه عرفنا على الرجال الطيبين ولكن الموضوع استبيان وانا بديته باذا لقيت طير........

[ديوان العرب]

يا غالي الموضوع استبيان ونبي مجرد رايك ياما لقينا طيور ضايعة ووصينا لاهلها وجو خذها وكلوا واجبهم اخذنا منهم المعرفة والطيب والخوة وقلنا بارك الله بها الطير اللي لقيناه عرفنا على الرجال الطيبين ولكن الموضوع استبيان وانا بديته باذا لقيت طير........هاذ الكلام وهاذ سلوم العرب وتحر بالعلم الغانم

[مهاوش]

كلامك انت والاخوان يسطر بحروف من ذهب ولكن متى يكون الطير الضايع لك


الطير الضايع أذا لم يأتي راعي أو صاحب الطير فهو لك أما أذا أتى راعي الطير لو بعد عشر سنوات أو مية سنه يأخذه بدليل وشروط ويلتزم بدفع المقيض لانه حلال مسلم أحد الاصدقاء مثل سالفتك بظبط شود بطير وأعلن عنه لم يأتيه أحد الا بعد اربع سنوات جاه راعي الطير وثبت أنه طيره وأتى بدليل وشهود أنه طيره فقاله أدفع مقيض أربع سنوات وأخذ طيرك بس بعد الحلف علا القرآن وحلف ودفع أربع سنوات المقيض وأخذ طيره لنه حلاله يعني الطير يرد أذا آتى راعي لو بعد حين يرد ولاكن لايمنع ان تقنص فيه بعد طواف سنه عن علانك لطير ولم يأتيك احد عليه تقدرتبيع بس تكون تتكفل أذا أتى راعي الطير ترد فلوس الرجال الذي شرى منك الطير وتكون معلمة بسالفة كلها لتكون انت وهو علا بينه


وادعو الله لي ولكم بلخير

[skeet]

skeet (http://www.mekshat.com/vb/member.php?u=133203) http://www.mekshat.com/vb/images/statusicon/user_offline.gif
مكشاتي برونزي
اخي العزيز
ارجوا ان يكون التعليق على موضوعي لا على الردود دع الخلق للخالق وكل يعبر عن راية
الشخصي اقيل فائق احترامي
ركن برزان الطيب انتم اهله


اخواني الاعزاء انا لا اتكلم عن الفلوس متى يكون الطير الضايع لك عرفا


اخوي الردود الموجوده من ضمن موضوعك والكلام الي الي موجود منت مجبور ترد عليه لان بالاساس الكلام موجه لك الكلام للي يفتون بغير علم والركاده زينه وانا اخوك

[صقارمكشات]

الى:sskeet مع التحية

انا اقصد وانا اخوك اذا اصبح هناك تعليق على الردود رايح نخرج عن الموضوع
واكيد انه فيه ناس آرائهم غير مقنعة لديك او غير مقنعة لدي انا ولكن قد تكون مقنعه لشخص اخر نحن هنا نسمع الاراء وكل واحد رايه معجبه ونحن نحترم رايه ولكن لا احد يستطيع فرض رايه على الناس كائنا من يكن ....... شكرا على ابداء رايك الذي ربما يكون لدي من افضل الاراء . ويخالفني آخر , تقبل تحياتي
اخوك ابو عبدالله

[عبدالمحسن]

صقار !!


اشوفك رديت على اللي عقبي وسفهت ردي في موضوعك!!


عسى عيونك مافيها رمد !؟

[صقارمكشات]

الاخ عبد المحسن سلامة عيونك ان شاء الله لو قريت ردي على الي بعدك هو لب موضوعك تحياتي لك

[ابوالفضل]

أسأل شيخ يفتيك

[نعمان2000]

اخوي اخذ الكلام الصحيح والله لونه بعد عشر اسنين الطير لراعيه ولاهو ملزوم بدفع شي الحلال حلال ولاتجبره بدفع شي وتقي الله في نفسك هذي باللوه والله يعين المبتلي وردو الامانات لاهلها

[نعمان2000]

اخوي العزيز حنا صقاقير ومرت علينا هالسوالف ياما قعدت اطيور عندنا علا سنه وسنتين وثلاث وذا عرفت جاراعيها وخذها بدون اي مقابل بالعكس نفرحله انا استغرب من بعض الردود وماقول الا لاحول ولا قوت الابالله جان احد عاجز عن علف الطير المفقود يتركه ويجيه ولد حلال محد مجبور علا علف طير غيره صج اخر زمن

[النشمي505]

ودي اضيف على اخواني ولا قصور فيهم اذا هو طيره صحيح بيعرف لون السبوق وشكلها عشان تقطع عليه اذا هو طيره او لاء والباقي عطوك علمه الذيابه