ما الأفضل الهلي الدفرنسين والا الدفرنس

[صفــــارة]

السلام عليكم ورحمة الله وبركاته ابشري هايلكس بس وش رايكم اخذ دفرنسن والا دفرنس

ايهن اطـــــــــــــــــــــــــــــــــــــــــلق؟

[داب الرمث]

السلام عليكم ورحمة الله وبركاته ................... على حسب احتياجك انت راعي بران ولا راعي ديرة مكاشيتك طويلة تحب السيارة الرفيعة او لا ...... علمنا وش تحب من السيارات ...... وش تبي في السيارة نفسها ....... وارد عليك طال عمرك وش تبي بس امر. :D


http://www.mekshat.com/pix/upload/images9/mk13060_777.gif

[البرحه]

ههههه يا حبني لك مير !!

وش رايك هذا دفرنس واحد وهذا دفرنسين !! وش بيطلع الاطلق ؟ اكيد الدفرنسين

بس هذا يعتمد على احتياجك انت وش تبي به ؟؟ يعني طلعات خفيفه وعلى الرصيف وفي الثمامه !!

والا طلعات طويله مكاشيت صح وربع خالي ونصف خالي خخخخخخ

اهم اؤل ايه نوع استخدامك للموتر ؟؟؟

والا تدري خذ دفرنسين وما جاك علي !!
v
v
v
v
v

[صفــــارة]

مشكور اخوي داب الرمث واخوي البرحه..
واحتياجي طال عمرك للصيد والمكاشيت بس ياخي على ما سمعت إن الدفرنس خفيفيه وبالخط ازين لأنها مهيب رفيعه
والصرفيه أقـــــــــــــــــــل من الدفرنسين .
وعندي سؤال هل الدفرنسين اكثر صرفيه وهل هي به مشاكل مثل الدفرنس يطيح ومن ناحية الممشيى ايهن ازيــــــــــــن
وعند البيع سعرهن سوا ولا يختلف وعلى العموم مثل ما قلت لك . وبعدين انت مجرب الدفرنسين وإن كان عندك خبرة عن الدفرنسين
فلا تخلي شي إلا اكتبة الله لا يهينك .



والســــــــــــــــــــلام . . .

[أسد الهيجا]

السلام عليكم
أخوي صفارة طول الله عمرك أنا من رأيي أنك تاخذ ونيت اسيزو ابو دفرنسين مايصرف بنزين وعلى فكره في منه ديزل والوانيت الديزل يوم تسوقه ماتحس فيه فرق عن البنزين وهو أفضل من الهايلكس أبو دفرنسين لأن الهايلكس يجيك مرتفع واذا لفيت بقوه تنقلب بعيد الشر عنك ولا تطمر مطب وانت طايح على ظهرك الله لايقوله ان شالله( على فكره المعلومات هذي منقوله من العضو اسيزو 4*4 طول الله عمره وجربتها وطلعت صحيحه100%)
واذا كان مش ولابد يعني ماتبا الا التويوتا خذ ابو دفرنس لان له سوق أما ابو دفرنسين الهايلكس فمستخدميه يعدون على الاصابع
وأنا ارى انك تاخذ لك شاص افضل لك من ابودفرنسين
ولاتنسى وصيتي انا واخوك اسيزو 4*4 عليك بالونيت السيزو ابو دفرنسين وخذ ديزل افضل واريح واقوى واوفر وجميع المتطلبات اللي تبغاها تجدها فيه سواء قوه سواء راحه ..................الخ
والسلام خير ختام

[شاص]

دفرنسين وبس !
للديرة وإلا للبر
وركب فرار يطلع مثل الدفرنس بالسواقة والصرفية

[صفــــارة]

بس يا أسدالهيجا عند البيع يطيح السعر والا لا والشي الثاني اللي مضيق صدري بالسوزو إن سعره بثمانين ألف وداخليه عادي جدا
وسؤال هل هو عملي
والسلا م خير ختام..

[داب الرمث]

خذ هلي دفرنسين بنزين جديدة ...... وادعيلي .......

[البرحه]

السلام عليكم

اخوي صفاره الدفرنسين مريييح ولا يهمك احد انا راكب فيه وراكب في باث فيندر ولانكروزر 97 والله العظيم انه اريح واحد فيهم

وللمعلوميه كفراتي بلون ومركب فرارات ... وبالنسبه للصرف فيه فرق بس موب ذاك الفرق الدفرنس تعبيه ب 45 - 50 ويمشيك 500

والدفرنسين تعبيه ب 60 - 65 ويمشيك 570 يعني الفرق ما يغري !!

ونصيحه اذا ركبت له بلون وفرارات وتنجيده متينه والله ان يطلع اريح من الدفرنس واسالني انا !! عندنا دفرنس 99 ودفرنسين 2001

والله ان حقي اريح !! صدق انه مع الكفرات الكبار قل فزته شوي بس في النفود اظمنه لك ما يقول لا ابد ابد وللعلم تراني جر به باث

2003 كفرات وكله في وسط النفود !!

ومعليش يا اخوي اسد الهيجا ! تراني سقت الزوزو صدق انه اقوى من الديزل الهايلكس لكن البنزين يخسسسسي موب اقوى


واما مع اللفات تجي تمشي 80 وتلف بتنقلب اجل بتلعب اونو ؟؟ وعلى فكره كل الوانيتات تنقلب اذا لفيت مسرع ! وانا الف لف به لفلفه

والحمد لله رويسي وعلى فكره تراني رافعه زود عن الوكاله !!


فيعني نصيحه اذا تبي بنزين خذ هايلوووووووووكس وبس دفرنس او دفرنسين ... وان كانك تبي ديزل نتفاهم ذيك الساعه ...



وارجو ان ماحد ياخذ في خاطره ........ وشكرا

[أسد الهيجا]

السلام عليكم
ياخوي البرحه أحترم رأيك وأقدره ولكن تقول أن كل الونيتات تنقلب لكن هذا غير صحيح أنا الى فتره قريبه كنت افحط بالهايلكس ابو دفرنس على 140 لكن الهايلكس ابو دفرنسين ماتقدر تسحب جلنط عى60 على العموم مهوب هذا موضوعنا .
موضوعنا ياطويل العمر ان الرجال يبا ونيت قوي وأنا اشوف ان السيزو ديزل افضل له من الهايلكس ابو دفرنسين واذا كان لازم ونيت تايوتا ياخذ ابو دفرنس ازين له مليون مره من ابو دفرنسين لأني كلها مجربها وعزمها واحد 2700 واذا غرزت تغريزه شينه خل ابو دفرنسين ودبله يطلعك والله مايطلعك وايضاً الهايلكس ابو دفرنس تقدر تلف به في الطعوس لكن هذاك(ابو دفرنسين ) ان لفيت به في طعس قول على دنيتك السلام على العموم وجهة نظري ان التويوتا تلعب على عقول المسلمين مغير رافعه الهايلكس ابو دفرنسين وعزمه وعزم الهايلكس ابو دفرنس واحد. وأنا ماقلت في التويوتا شي أصلاً الهايلكس ماخلق الاللكرف والمكده ولاأحد ينكر ذلك لكن انا قلت انه ياخذ السيزو ابو دفرنسين ديزل أزين له من الهايلكس أبودفرنسين وازين وأوفر ير له وان كان على ايهما اقوى فهما متساويان على شانك لكن اسال اي واحد خبير في السيارات ويفهم فيها ايهما اقوى محرك ومكينة وعزم ولاتسى انه السيزو ديزل توربو.
واذا كان الأخ صفارة راعي كشتات وطلعات على قولته فأنا اقول له ان الهايلوكس ابودفرنس يؤدي نتائج مثل الهايلكس ابو دفرنسين واحسن بعد واعيد واقول ياأخ صفارة خذ تويوتا شاص ازين لك مليون مرة من الهايلوكس ابو دفرنسين
والسلام خير ختام ارجو ان لايزعل احد

[صفــــارة]

مشكور اخوي على الرد وهكذا الأخوان يتبادلون الخبرات والفوائد وجزاك الله خير

[بو خليفه]

الأفضل دفرنسين و يكون ديزل لقلة الاستهلاك و تحمل الحرارة و مدى أطول في العمل

[داب الرمث]

السلام عليكم ورحمة الله وبركاته .................... اخوي معليش بس واضح انك ماكد ركبت دفرنسين من كلامك............... صراحة الهاي الدفرنسين اشهر عالميا من السوزو مهما كان........................... الدبل حقها قوي جدا جدا واذا ماقدر يسحب الشي حفر في مكانه ولا يضعف ولا ينقص سحبة.............. ودبلها عصا مهوب زرار كل شوي يطلب كتاوت مثل السوزو ........ ومقصات الهاي متينة مرة عكس السوزو تقهر.......................... ولا تطلب صيانة غير الشحم والزيت ...... ويتحمل الجور عكس السيزو يبي واحد يرفق عليه ولا تنفخت بساتم مكينته .............. واخيرا ما كد شفت مستكشفين بالبرامج الوثائقية معتمدين على السيزو في قلب افريقيا .... معليش يا اسد الهيجاء انا احب النقاش معك :D


وهذي صورة سيارات اجانب يبحثون عن ديناصورات متحجرة في وسط افريقيا شف وش الونيت الي معهم ياشيخ انها احسن ونيت دبل تم صنعه حتى الان ومعليش الصورة رديئة مره


http://www.mekshat.com/pix/upload/images9/mk13060_9999.gif

[البرحه]

السلام عليكم

معليش يا اسد الهيجا مالك لوا ابد

حلوه ذي دفرنس احسن من دفرنسين في البر !!! ويين

وانت لو رجعت فوق فانا قايل لك ان السوزو الديزل يمكن اقوى من الهلي الديزل لاني جربتهم كلهم

لكن البنزين معليييييش

واخوي داب الرمث ما قصر وعطاك العلم الوافي <<خشمك ياداب الرمث

وبعدين لا تقولي مكينه وسي سي وتيبسي ... ايها اقوى مكينه الهايلكس والا الباث فيندر ؟؟

انا اقولك الحين انا جار باث في وسط النفوووود وراعيه موب غشيم واعرفه زين !!

واصلا ما دام معك دفرنسين فباذن الله منتب مغرز تغريز اقشر

وانا ترى كلامي موب تعصب ابد .. عن تجربه! انا سقت الزوز في النفود والصدق ....الله يخلي التايوتا

وبعدين من قايل لك انك اذا لفيت بالدفقرنسين في النفود (( قول على دنيتك السلام )) مالك لوا !!

واما سحبه الجلنط <<< والله تخوف لياك راعي تفحيط بس ؟؟ ... فخذلك كامري

معليش يااسد الهيجا المساله وجهة نظر وانا هرجي موب يقولون انا مجرررب

ارجو انك تقبل نقاشي معك <وعلى قولته انا احب النقاش معك

ولياك تاخذ في خاطرك بس !!


وشكرا

[صفــــارة]

مشكور اخوي بو خليفة
وما قصرت على المشاركة


والف شكر لأخوي داب الرمث
وماقصرت على الصورة الجميله وخذا مهيب صورة وانت الصادق شعار لتيوتا
والله لايحرمنا من ابداعاتك ومشاركاتك


مشكور اخوي البرحه
والله يعطيك الف عااافيه على هالحماس
والنـــشاط وهذا من طيبك ولا يهنون باقي الشباب



والموضوع ماشاء الله فيه حماس وحيوية وياليت الأخوان اللي يقرون الموضوع لا يحرموننا من آراءهم
ومشاركاتهم ... والشباب ماشاء الله ما قصرو بالردود... :no2:
وسلامتكم... :D :D

[salehhd]

السلام عليكم
اذا راعي بر خذلك دفرنشين وانت مطمن

بالنسبة للسعر وقت البيع اعتقد ان الفرنش مرغوب اكثر وراح ميسك سعرة

اما بالنسبة للاخ الي يقول ارح من الباث فاسمحلي اختلف معاك

[البرحه]

أنا سعيد بأنضمامي الى هذا المنتدى الرائع واتمنى ان أفيد واستفيد من الاعضاء الكرام
أنا يااخوان عمري 15 سنه
:eek:

الا يا اسد الهيجا تعرف تسوق يومك تسب في موتر ما قد ركبته :confused:


:no2: :j :rolleyes: :cool: :no: :ee: