للنيسانيين ومجربين الفتك فقط

[التعـ King ـديل]

السلام عليكم ورحمه الله وبركاته

بصراحه احترت ابي فتك تماتيك واحب العادي ابي اللي جرب يقولي وش افضل قير للفتك

طبعا الكلام على موديلات 2002 الى 2009

الرجاء ثم الرجاء ثم الرجاء من جميع الزوار التصويت

[مجدولينا]

انا معاي الللي قبل الفتك فل تماتيك -- راحه ماشاءا لله

لكن في الاداء حتى على الازفلت يجيب الهم والغم

[عميد سامودة]

ان كنت من اهل البر والطعوس عليك بالعايدي

[التعـ King ـديل]

اخوي مجدولينا

انا بقولك استخدامي انا راعي سفر واجد ومشاويري دايما وسط الرياض وبالزحمات

ياليت تعطيني عيوب التماتيك

[التعـ King ـديل]

عميد انا راعي بر بس مب مقانيص وطرد طيور

يعني راعي مزاج وتمشيه

[طحنون]

خذ تماتيك ولن تندم والتماتيك انشط من العادي في اموركثيره
حتى في القومات انشط وزود على كذا اوفربنزين ومريح

[التعـ King ـديل]

خذ تماتيك ولن تندم والتماتيك انشط من العادي في اموركثيره
حتى في القومات انشط وزود على كذا اوفربنزين ومريح

ياليت تعطيني مميزات له

[ALBDRANE]

حياك الله يا راعي النياسين

سوف أدلي بدلوي باعتباري أحد المجربين الحاليين

للبر والمطامر والتطعيس والضلعان خذ عادي

للخطوط والمدن والسفر توب ترونك

والفرق ونا أخوك أن السيارة الفخمة ما يلبقلها قير عادي لان الراحة مرتبطة بالتماتيك
صعبة سيارة رزه وفخامة وتقعد تلاحق هالقير والناس اليوم على قولتهم في عصر السرعة يعني ممكن تسوق وتشرب شاهي ولا عصير ولا سندويش ومنتب فاضي للقير تلاحقه ....... ولا جنبك أنسان تحبه ولا تبي تشتت تفكيرة بالتعشيقات ومثلك عارف الامور .... طبعاً حنا في رمضان ولا كان أواصل في شرح المميزات لك تحياتي بروح أنوم

[طفران بس بطران]

افضلك تربو للمدينة وللبر

[wafian]

تم التصويت

[راعي 97]

والله انصحك بالتبترنك او التماتيك ممتاز للديره والبر والطعوس
مميزاته
1-اقل صرفيه بنزين من العادي لأنه اطول نمره فيصبح مرتاح في الخطوط
2-سهل ومريح في استخدامه في البر والديره وزحمات الديره
3-تقدر تحوله عادي في البر وتوماتيك في الديره
وانا اايد العادي والعادي لصرت راعي بر ومقناص وسحب وقوه تحمل في البر خذلك عادي واذا عكس خذلك التماتيك
وهذ الي عندي واذا بغيت اي شيء حنا حاضري بالخدمه
واعتزر من قصور
تقبل مروري

[حبل الوريد]

العادي اطول عمري

[ابوو زيد]

هلا اخوي كنق

انا ارشح لك التماتيك مع انه عندي عادي

والله انه شغله القير العادي

والله اني مرات اتحسف اني اخذت عادي يجي لك اوقات تكره

انا انصحك بالقير التماتيك ومشاء الله الفتك بالتماتيك سم وخاصه 1 2

ويكفيك تريحه بالخط عكس العادي الي من تمشي وهو كله شاد على rpm

[مدمن فتك]

والله انصحك بالتبترنك او التماتيك ممتاز للديره والبر والطعوس
مميزاته
1-اقل صرفيه بنزين من العادي لأنه اطول نمره فيصبح مرتاح في الخطوط
2-سهل ومريح في استخدامه في البر والديره وزحمات الديره
3-تقدر تحوله عادي في البر وتوماتيك في الديره
وانا اايد العادي والعادي لصرت راعي بر ومقناص وسحب وقوه تحمل في البر خذلك عادي واذا عكس خذلك التماتيك
وهذ الي عندي واذا بغيت اي شيء حنا حاضري بالخدمه
واعتزر من قصور
تقبل مروري
ماعقب هالكلام شي:good2::good2:

[راعي الطلعات]

القير العادي مافيها كلام واقل اعطال :good2:

[التعـ King ـديل]

القير العادي مافيها كلام واقل اعطال :good2:

وش اعطال التماتيك

[سفاري959]

القير العادي لك وللزمن يعني عملي بس في المقابل بيتعبك خاصه في زحمات الرياض التماتيك مريح وميزته بالفتك انه قوي ماتحس انه تماتيك ومع ذلك اقول العادي اقو عيوب التماتيك قبل رمضان خرب على واحد من الشباب تعطل وهو في الخط مع انه توه مغير زيته والموتر ماشي 170 الف بس وعندنا واحد ماشي فوق 200 الف ولا غيرنا زيت القير وماشي ولله الحمد بس انا اشوف ومن كلامك ان التماتيك هو المناسب لك وعند البيع ارغب اتمنى اكون افدتك تحياتي لك وللجميع

[مقلع الرمث]

اعطال قير الفتك التمايتك بسيطه جدا

وانا عن نفسي اقتنيت 4 فتكات

وكلها قير تماتيك ولم يتعطل علي ابدا

ميزته مريح وانا افضله بالبر والديره والقنص قل ليش ؟

لاني مو معقول اكون ماسك الشوزن وقاعد اعشق انا فاضي اقعد اعشق واسوق وارمي ؟

التماتيك تخليه بالدي ولا بالعادي رقم 3 بالبر وترتاح

وقت التطعيس الموتر يعطيك يعني احطه على العادي ب رقم 2 مافيه مكان ماينطه

وميزته مريح الموتر مره وبالطريق تمشي بسرعه عاليه وتلاحظ ان ال rpm مريح جدا

وهذا يقلل استهلاك الوقوود

طبعا اكثر ربعي معهم فتكات قير تماتيك وهم راعين قنص ولم يشتكو ابد من القير

واعرف واحد فقط معه قير عادي لانه راعي تطعيس ولاحظ فيه فرق بين راعي تطعيس وراعي قنص

ابعطيك المشاكل اللي ممكن تواجهك 1 %

1- عيار الزيت ولا تقدر تعايره الا عن طريق وكاله ولا عن طريق ورشه
وهذي سمعت عن حلها انك تقوم بعيار الزيت عن طريق عيار زيت المكينه

2- فيه كتاوت بعلبه الفيوز خاص بالقير وهو بعض الاحيان تصير من مشكله عدم التعشيق

والسياره تبتل بنمره فقط ويتم تغييره او استبداله مع اللي جنبه ويضبط الموتر

3- وهذي هي المشكله التي تقصم الظهر ولها حل بأذن الله

زيت الفتك القير التماتيك يمر من داخل الاديتر حق المويه ومن داخله فيه تكون هناك عمليه التبريد

لكن مع الوقت ومرور الزمن المواصير الخاصه بالزيت داخل الاديتر هذي تتلف من حراره او اهمال

ويختلط الزيت مع الماء وبعدين سلملي على القيررر ودورلك قير من التشليح اذا اختلط

وحلها يكون بطريقه بسيطه

انك تغير المبرد الى مبرد خارجي خارج الاديتر وهذا تكلفته تقريبا ب 600 ريال مع التركيب

وكذا تنتهي مشاكل القير فقط

اما عن عمر القير الفتك فهو اطول قير يدوم

[التعـ King ـديل]

يسلم لي راسك اخوي مقلع

[طلآل]

السلام عليكم ,,

ياهلا اخوي كنق انا استعمل قير عادي من 5 4 سنين تقريبا الموتر نشيط وانشط من التماتيك لان عند اخوي تماتيك فمجرب الاثنين لكن مهو معناته التماتيك ماهو نشيط لا نشيط لكن مهو انشط من العادي

مميزات العادي انك تنسى شي اسمه زيت قير نهائي الا اذا صار فيه تهريب

عيوب العادي هو الار بي ام فقط وبالنسبه للزحمه الي يتعود على العادي مهو مسبب له مشاكل انا بطريق دوامي يحوشني يمكن 8 كيلوا الموتر مايتعدى 3 كل شي شوي ثاني ثالث ومع ذلك متعود ولا اتعبني


التماتيك مريح الار بي ام ويصلح لك دامك منت راعي طرد طيور ولا راعي بر بحت ليا صارت تمشي وكذا فهو المناسب لك

عيوب التماتيك هو زيت القير لازم تكون مهتم فيه كل 40 الف تبدله وطريقه التبريد مثل ماتفضل احد الاخوان

كنا قانصين على تماتيك وعادي التماتيك ضرب له مطب وانكسر التبريد داخل الرديتر وسبب مشاكل للموتر مع اننا صلحناه ونظفناه وكلف على راعيه الله يعوضه تقريب 15 الف ريال تصليح وكاله

[الخوي الوفي]

اخوي كنق ..

شف الواحد وش هواه ...
يعني انا لاصرت اسوق موتر توماتيك تقل سواق ماعرف اسوق ولا ارتاح فيه ..

ومشكلة العادي انه الموتر بتله شاد والrpm مرتفع بتله ..

لكن ان بغيت تفتك من هالمشكلة طق لك موتر فيه دفلوك لأن الدفلوك يريح النمر بالفتك ...

طبعا موب شرط ان القير عادي انشط من التماتيك .. الكلام ذا خاص بالفتك التوماتيك اقوا من العادي ...
اي موتر ثاني اكيد العادي اقوا من التوماتيك ماعدا حبيب الكل vtc

[التعـ King ـديل]

انا اعشق القير العادي

بس من سقت البرادو تماتيك وانا خلاص حسيت نفسي شايب

وناوي على فتك بس خايف من التماتيك لاني ماجربته ابد

على فكره اللي بالتوقيع تماتيك :)

[عبدالرحمن1980]

وانا اخوك اذا كنت تبي شي لازم تفرط بشي يعني انت راعي مدينه خذ تماتيك راعي بر خذ عادي وانا انصحك لوضعك هذا خذ عادي وانت مرتاح العادي فيه ثلاث ميزات عن التماتيك
1-قوه العزم
2-عمر العادي اطول من التماتيك
3-اذا فضت الباطاريه تنتع السياره<<<<<<<<<<<<تفكيره:d
والتماتيك افضل في الراحه وتطمن اذا كنت راعي بر ماتهمك الراحه
هذا ماعندي واي شي انا حاضر

[سامي900]

التماتيك افضل واريح بس مشكله وحده فيه إنه يحكمك ماتحكمه النفود خاصه

[ملتهي]

تماتيك عن تجربه

اريح والفتك ماشاء الله نشيط

وسلامك

[adil33]

الفرق بين القير العادي والقير الاوتو عشر سنوات بالعمر الافتراضي

[راعي الطلعات]

وش اعطال التماتيك

التماتيك يالغالي يبيله كل 50 الف او 40الف تغير الزيت هذا شي ماهيب مشكله فيه بس لو اهملته الله اعلم وش يصير

واحد من الربع ساحبيه من الدهناء تعطل عليه القير والسبب التطعيس

وطبعاً احداث نادره يعني 5% لا يؤثر على سمعت السياره

[أبووليد..]

بالنسبه لي مااستمتع بالقياده إلا بالقير العادي خاصه بالنفود ..

[الادعج]

اخوي مجدولينا

انا بقولك استخدامي انا راعي سفر واجد ومشاويري دايما وسط الرياض وبالزحمات

ياليت تعطيني عيوب التماتيك


عميد انا راعي بر بس مب مقانيص وطرد طيور

يعني راعي مزاج وتمشيه

خذ تماتيك وانت مغمض يالابناخي

[الادعج]

مشاركه مكرره

[ولد الغلباء]

العادي افضل بالبر بلا شك
والتماتيك مريح بالدير وماعليه بالبر بس عيبه ثقيل شوي
ونصيحتي اذا كنت راعي بر ومطاعس لاتعدى العادي واذا كنت راعي كشتات وتمشي خذ تماتيكم اريح لك
وبالنسبة لزحمات العدي ماينفع وهالكلام عن تجربة ومبروك مقدماااااااااااااااااا

[ابن عكاش]

كيف الحال يا كنك التعديل
من خلال كلامك ارش التماتيك لسببين
الأول تبي الراحه وفي المدينه
الثاني لأنك بترتاح في البحث عن تماتيك 90%من الفتك تماتيك
وانا عن نفسي عايدي ولا اشاور
ومبروك مقدماً

[راعي الفتك 9]

وانا اخوك اذا كنت تبي شي لازم تفرط بشي يعني انت راعي مدينه خذ تماتيك راعي بر خذ عادي وانا انصحك لوضعك هذا خذ عادي وانت مرتاح العادي فيه ثلاث ميزات عن التماتيك
1-قوه العزم
2-عمر العادي اطول من التماتيك
3-اذا فضت الباطاريه تنتع السياره<<<<<<<<<<<<تفكيره:d
والتماتيك افضل في الراحه وتطمن اذا كنت راعي بر ماتهمك الراحه
هذا ماعندي واي شي انا حاضر
كلام في الصميم شكرراا لك

[المميـز]

:

اخوي ...

القير العادي ماياخذه إلا اللي يعشقــــــــــــــــــــــــــه بس :)

حتى لو كان يتعبك ويغثك بالديره تبي تشتررررررررريه

وان كانك من النوع اللي ياخذ القير علشانه اقوى ومن هالكلام ... انا ما انصحك الا انك تشتري القير اللي تراح له بس

واخبر ورشة الصمعاني ببريده يقول ياكثر اللي يجوننا يقلبون القير من تماتيك إلى عادي للباترول <<< هذا كلام المهندس السوداني الله يوفقه وييسر له اموره



/

واللي جربوا التماتيك يمدحونه بنشاطه

وعليك بالاستخراه والله يكتب لك اللي فيه الخير


:

[راعي الفتك1]

اكيد تماتيك العادي راح وقته ونا اخوك..

[راعي النياسين]

العايدي في الفتك قوي ومييز

لكن تراه شااد ومزعج في الخط

هذا عيب العايدي فقط

اما الباقي فخذ ولد نشاااط ومراقا وقلة اعطال


نجي للتماتيك مريح جدا وتغييراته قمة السلاسه ونشيط بـ1و2و3 انشط من العايدي

عيوب الى يومك هذا مالاحظة اي عيب في قير موتري اللهم لك الحمد قمة الراحه ونشيط بالحيل

علما بأن موتري موديل 2006 سوبر سفاري تماتيك وكان معي 2008 سفاري 2 تماتيك

وكلها ممتازه

بالنسبه لموتري ماشي 113 الف ومابعد غيرت زيت القير وبغيره عما قريب ان شاء الله

اتمنى اني قدرت افيدك ولو بشي قليل واذا بغيت اي استفسار انا حاضر واذا ودك تجرب التماتيك لايردك الا لسانك وانا اخوك لاتستحي :)

[الفريد21]

خذ تماتيك ولن تندم والتماتيك انشط من العادي في اموركثيره
حتى في القومات انشط وزود على كذا اوفربنزين ومريح


السلام عليكم

كلامك 100×100 سجل واحد مؤيد ومجرب فتك 2005

[برايدوي عنيد]

هلابك اخووي التعـ King ـديل ...

بالنسبه لوضعك الحالي حيث انك راعي ديره وبر خفايف يعني منتب راعي قنص ومطامر .

فالقير التماتيك لايعلى عليه من حيث الراحه ,

اما القير العادي زين اذا كنت تهواه انت اولا الشي الثاني العايدي اصمل من التماتيك .

عيوب العايدي ...
شفت سوبر 2003 عايدي عمود السرعه تسمع له صوت وانت واقف يقولون بسبب ان المكينه اقوى من القير .....
وكذلك واحد من الربع 2002 مسافر عليه لمكه وبدا مايمشي الا على اللرابع خامس مايعشق .

اما التماتيك اتكلم عن 2002-2004 عيوبه انه كثير يخبط بسبب المبرد وانه يتسكر طبعا للي يعلكون الموتر تطعيس ومريت راعي ورشه قيور يقول كثير جانا موتر وعليه مبرد اضافي ومخبط بعد ... يعني توفيق من الله عزوجل

طبعا على ماعرف ان تلافوا العطل هذا بسبب المبرد من موديلات 2005 وطالع

اما للبر ممتاز القير التماتيك بشرط انك تعرف له وتعرف متى ترده نمره لانه يبي له وقت قليل 3 ثواني او ثانيتن ويرد من نفسه طبعا اذا حطيته عادي ورديته انت من نفسك

هذا رائي وماعرف وتقبل مروري ......

[عطيب المضارب]

انصح أي واحد بيشتري فتك ياخذ توماتيك

واللي يقلبون القير التوماتيك للعادي !!!!! هذولا راعين مقاوم وتعديل وفلاتر وهيدرزات وبرمجة وخلافه

اما شخص بيستخدم سيارة شخصية وبيشتري فتك بحوالي 100 الف ريال أو أكثر

ماله داعي يتوهق وياخذ عادي وبعد مدة بيتعب ويمل وبيدور زبون وبيردد ياليل مااطولك

خلونا واقعيين العادي له ناسه والتوماتيك له الناس كلهم

وكل واحد ينام على الجنب اللي يريحه

تحياتي

[بن شمروخ]

والله انصحك بالتبترنك >>>>

من واقع تجربة لقريب لي جدا جدا ...

أيام المراهقة كان معه فتك 2002 رفارف سود عايدي ...

ولما توضف وصارت مشاويره داخل الديرة اشترى له فتك 2005 التبترنك عودي

ماشاء الله في الرملة اشهد انه الفتك موتر مع اني من عشاق اللاند

وهذا هو جنبي يقول لا ياخذ الا التبترنك ...

[التعـ King ـديل]

الله يعطيكم الف عافيه كلن بااسمه

راعي النياسين متى الوعد اجرب موترك << ماينعطى وجه :)

[أبو محمد2010]

على كلامك لا تعدا القير التماتيك من واقع تجربة...

[مجنون باترول4800]

بالنسبة لي من 2002 الى 2004 العادي
لكن من خمسة وطالع الصرحة العادي متعب جدا الان النمرة قصير

[ABO-AL-LAITH]

تم التصويت

[4*4]

قير توماتيك
راحت حياتنا وحنا قير عادي ,, نظرية القير العادي اقوى انقرضت خلاص
القير العادي قدر الغثى وبس

[راعي الركيات]

اشتر راحتك ولا تهوجس بالقير العايدي

زحمات الرياض وقير عايدي الله لايبلانا تقول تمارين لياقه :d

[راعي النياسين]

الله يعطيكم الف عافيه كلن بااسمه

راعي النياسين متى الوعد اجرب موترك << ماينعطى وجه :)

لك رساله على الخاص :d

[التعـ King ـديل]

لك رساله على الخاص :d

رديت عليك :)

[عاشق البترول]

مسيك بالخير يا الحبيب
انا جربت التماتيك وحاليا عندي فاكه وكاله على يدي مريح جدا جدا جدا وبالبر من ابدع مايكون
بالمطامر والتطعيس وضغط المكينه نااااااااازل حيل ينفع لك بالسفريات والخطوط
يعني بالجير التماتيك لو تكون سرعتك على 160 كيلو متر ضغط المكينه يكون على 3 وشخطتين تقريبا


اما القير العادي ونيس وانشط بس يتعبك ومايصلح لسفريات ابد ابد لنا على سرعه 120 كيلو متر بالساعه ضغط المكينه يكون 3 او 3 وشخطين والعادي متعب بالديره وبالزحمه

وبالاخير شف الي يناسبك واخذه

(((للعلم عندي تماتيك فاكه وكاله على يدي وكل شي سويت مقناص ومكاشيت وسحب طراد وجت سكي )))

وكلامي من واقع تجربه بين فتك 2007 تماتيك وفتك 2008 قير عادي

اتمنى كلامي مايزعج احد :)

وتقبلو تحياتي لكل مدراء ومشرفين واعضاء وزوار منتديات مكشات العريقه:)

[الهشمي]

انا اقول الي عنده عذر طبي ياخذ التماتيك
واذا انت في صحتك خذ العادي

[سوبر مكشات]

جرب الاثنين

خذ عادي شهرين ثم تماتيك شهرين

واحكم بنفسك
الله يخلي المستعمل

[مدمن فتك]

خلاصة التجربه :
جربت فتك قير عادي 2008
والان معي تتربونك 2009
وتبي رايي التتربونك افضل وبمراحل لانه يجمع بين التوماتيك والعادي يعني اذا بغيت عادي حطه على وضعية العادي وطرب نفسك وبعدين اللي يقولك ان الموتر التماتيك ثقيل بصراحه ماجربه او ان العادي انشط من التماتيك لو تبي تجربهم مانت محصل فرق
بالنسبه للعيوب :
التماتيك كامل والكامل وجهه والعادي حنته قويه

[ابوفاضل2]

عليك بالتماتيك
كل ماجيت ورشه عندهم فتك مخبط ولاه قير عادي
القير العادي معروف يشحط المكينه يعني عمرها نصف عمر التبترونك
تحياااااااااااااااااااااااااااااتي

[المساجدي]

هلابك اخوي
انا جربت العادي 2002 وجربت التماتيك 2005
مافيه مقارنه التماتيك افضل بكثير وانعم
والعادي فيه عذروب الحنه لان دفرنشه اكبر من التماتيك يعني تمشي 140 كنك تمشي 180
في حاله اذا ودك تركب بوالين انصحك بالعادي لان التماتيك الجنط 17 وبالون يصير ثقيل جدا
واى استفسار حنا حاضرين

[طعيميس]

ياعم حنا في عام 2010 يعني لاشوفك ماخذ عادي

[مخاوي البر9]

[QUOTE=عطيب المضارب;5178373]
انصح أي واحد بيشتري فتك ياخذ توماتيك










واللي يقلبون القير التوماتيك للعادي !!!!! هذولا راعين مقاوم وتعديل وفلاتر وهيدرزات وبرمجة وخلافه


اما شخص بيستخدم سيارة شخصية وبيشتري فتك بحوالي 100 الف ريال أو أكثر


ماله داعي يتوهق وياخذ عادي وبعد مدة بيتعب ويمل وبيدور زبون وبيردد ياليل مااطولك


خلونا واقعيين العادي له ناسه والتوماتيك له الناس كلهم


وكل واحد ينام على الجنب اللي يريحه



تحياتي



هذا الكلام الصحيح :good2:

[ابا الفجر]

التماتيك ازين

[شاص]

بعد إذن أخوي كنق التعديل .. وبحكم تجربة الشباب .. من ناحية الحرارة هل هناك فرق بين التماتيك والعادي لأني سمعت أن التماتيك حرارته تكون أعلى خاصة بالبر ؟؟

[قناص خلاوي]

باختصار التماتيك مامثله ببر وديرة من تجربة

[عاشق السيل]

التصويت للتماتيك طبعا لأنه أريح وخاصة بالرياض ولأنه أقل صرفية بنزين ونشاطه لا بأس ،،

أما العادي إذا أنت راعي مقاومات فهو الأفضل بدون منازع ،،

[سديرآوي]

والله واحد من الربع كان معه فتك4800 موديل 2002 ,,
كان قيره ( عادي + توماتيك ) ,,
وخرباته قشرا ومتعبه بالحيل وماكمل سنة إلا وباعه وشرا له فتك عادي ,,
وكان فيه خراب وشكله عيب مصنعي بالجيب 2002 و 2003 ,,
لانه حتى واحد ثاني من الاقارب معه نفس الموديل ونفس الخراب صار له ,,
وصلحه بـ5000 ريال وخرب مرة ثانيه ,,

لكن كانك تبي شي لك وللزمن ,,
انا جربت الفتك القديم العادي الحمد لله ماخرب علي أبدا ,,
والعادي معروف بقلة الخرابات والتحمل لكنه يتعبك شوي بالتعشيق ,,

والافضل انك تستخير وتجرب كلا النوعين والي يناسب استخداماتك خذه ,,
والله يوفقك يالحبيب ,,

[باث فايندر 04]

بعد إذن أخوي كنق التعديل .. وبحكم تجربة الشباب .. من ناحية الحرارة هل هناك فرق بين التماتيك والعادي لأني سمعت أن التماتيك حرارته تكون أعلى خاصة بالبر ؟؟


أرجو من أخوي كنق التعديل السؤال عن هذه النقطة لأني سمعت من أكثر من 5 ملاك للفتك التوبترونك وأكدوا صحة كلام أخوي شاص وخاصة في النفود ..........

[راعي طويلات]

بحكم تجربتي للفتك بجميع موديلاته قير عادي أو تبترونك
ميزة القير العادي النشاط وخصوصا بالنفود لأن كارونته محشوره و اكبر واقوى من التبترونك علشان كذا قوة القص كبيرة فيه أيضا في السحب والطرد والمقانيص وبكل نمره تبيه يجيك مايقول لا
وعيبه صرفية البنزين وخصوصا على الخطوط لان مكينته شاده وصوتها مزعج >>كنها بحضنك وضغطه مرتفع بزياده أيضا فرامله احيانا ماتوقفه الا بالنمره ونفسه قصير بالنمر بالإضافة انه في البيع غير مرغوب يعني مايجيك الا الهاوي وسعره أقل من التبترونك
أما القير تبترونك(تماتيك_عادي) أهم ميزة فيه الراحة وفيه حقه من النشاط يمكن بعضها أنشط من القير العادي خصوصا بالديرة وأقل صرفية من العادي وبالذات على الخطوط لان ضغطه مريح وهو مطلوب عند البيع وبيمشيك لاي درب تبيه سواء في ديرة والا بر
وأنا من الناس الي تهوى القير العادي في الجيوب ولاقبلته تماتيك الا في الفتك لأنه كفو ويقوم مقام العادي في سيارات ثانية اذا ماهو افضل منها لانه 5 تعشقيات تماتيك و5 تعشيقات عادي
وحرارتها وحده سواء قير عادي او تبترونك الموتر ناجح ومثبت وجوده وتبقى مسالة ذوق في اختيار القير المناسب
نصيحتي لك خذ تبترونك بما انك ذكرت ان طبيعة استخدامك داخل الديرة أو خطوط ومطاليعك للبر خفيفة

[سوبر152]

التماتيك يسوقك
أما العايدي أنت تسوقه

[كراع الذيب]

بسم الله الرحمن الرحيم



انا اطلعت على جميع الردود في الموضوع


وانا مريت في مرحلتك اللي ينصحني من التماتيك واللي ينصحني من العايدي وكذلك اللي ينصحني من الباترول نفسه

بحكم انه كان عند اخوي فتك 2005 وكاله ماشي 67000 كم قير تربو ترونيك سفاري 1


وعند عمي 2005 وكاله ماني متاكد من ممشاه القير تماتيك سفاري 2


وكلها خبطت قيورها الثنين وكلفت 12000 الف للواحد عشان الكلتشات



وبنسبه للعايدي " عطاي الله " الكلتشات ماتكلفك 400 ريال

وحي على الفلاح


* ملاحظه *

اذا خذيت تماتيك

شلون بترقص الموتر في حاله الغراز

وشلون بتنع الموتر اذا كان مافيه بطاريه

وشلون بتسحب المواتر المغرزه " ولا اي واحد مغرز بتصدد منه "

والشيء الثاني

نصيحه خذيتها من عمي

قال " الحين انت شباب وتبي تماتيك شلون بتحس بطعم السواقه "


حنا الحين نشوف شيبان راكبين شاصات .. " اكيد قير عايدي "

وزي اللوز لا تعب ولا هم يحزنون

والتعب فيك فيك

اقل شيء اتعب بسواقه الموتر ولا اتعب " من ورشه الى ورشه "


هذا .. واسمحلي على القصور واي خدمه انا جاهز

اخوك / كراع الذيب

[صامولي]

القير العايدي وريح راسك
تبغى طعوس ينفع تبغى جبال ينفع تبغى وحل وطين وأنتم بكرامه ينفع
ويبيض وجهك

صامولي

[يريور عيمان]

انا ما ادري ليش الناس تقول ان القير العادي بيتعبك في الزحمة
يعني اذا انت في عز شبابك و ما تقدر تدوس كلج و تبدل النمر بايدك و 1 2 مرارا و تكرارا فسلم على شبابكم لانك شيبت و انت ما تدري
اذا انت في عز شبابك ما تقدر عيل اذا شيبت و دخلت الخمسين - الله يطول بعمرك - شو بتسوى ساعتها

ترا العادي لها ميزتها و الاوتو لها ميزتها

[راعي عدوان]

عـــــــــــــــــــــــــــــــادي لك وللزمن
الاول ماخلا للتالي شي

[العاطل عن الأمل]

حياك الله يا راعي النياسين



سوف أدلي بدلوي باعتباري أحد المجربين الحاليين


للبر والمطامر والتطعيس والضلعان خذ عادي


للخطوط والمدن والسفر توب ترونك


والفرق ونا أخوك أن السيارة الفخمة ما يلبقلها قير عادي لان الراحة مرتبطة بالتماتيك

صعبة سيارة رزه وفخامة وتقعد تلاحق هالقير والناس اليوم على قولتهم في عصر السرعة يعني ممكن تسوق وتشرب شاهي ولا عصير ولا سندويش ومنتب فاضي للقير تلاحقه ....... ولا جنبك أنسان تحبه ولا تبي تشتت تفكيرة بالتعشيقات ومثلك عارف الامور .... طبعاً حنا في رمضان ولا كان أواصل في شرح المميزات لك تحياتي بروح أنوم




ههههههههههههههههههههههههههه اعجبني التعليق من جد

اما تلاحق القير هههههههههههههههههههههه

الله يوسع صدرك ياخوك

وتقبل مروري

[كسول]

مرحباً بك أخي وحياك الله


والله انا شريت باترول 2002 اول يوم نزل بالسوق وجلس معي7 سنوات


وبعدمامشى فوق 300 الف نويت ابيعه وبعته وشريت 2003 وحتى الان معي


وأفيدك أني راعي بر صيد ونفد وكيافه ولم يعكر مزاجي بشي والله الحمد


انت تريد انت تذهب للبر وتجلس ولاتريد ان تعمل مثل بعض الشباب يطعس ويذبح الموتر


طعس بعقل بدون ان تحرق سيارك وانا اطعس واصعد وانزل مثلي مثل غيري (راعين القير العادي)


وللمعلومية لقد ذهبت بسيارتي لجميع انحاء المملكة وكان مريح وممتازجداً والله الحمد


وعند البيع او مايشوفون القير اذا عااااادي مشى


الفائدة او الزبدة


اشوف القير التوماتيك أفضل من العادي


وشكراً لك وللاخوة جميعاً


محبك


ابومحمد

[الطالبي007]

أولا في الفتك خاااصة ماشي فرق بالقوة بين العادي والتماتيك وان كان هنالك فرق نسبي فهو موجود حتى بين الفتكات التماتيك بعضهن ما بعض..
والقير يعتمد على استخدامك وعادتك...يعني اذا انت راعي بر ولك خبرة فالعادي فخلك على العادي واما اذا كنت راعي خطوط فما أظن ان العادي بيخدمك بشي ..
وانا عن نفسي من بديت اسوق وانا اسوق قير عادي ولا بغيره..والسموحة منك

[ابن عكاش]

انا ما كرهني في الفتك إلا التماتيك كنت ادور في المعارض كل ماطليت في الموتر إليه تماتيك
انا اشوف العايدي ارغب في البيع لأنه قليل

[باث فايندر 04]

أرجو من أهل التوبترونيك يفيدونا عن الحرارة في (النفود ـ طلوع الزديه ـ طلوع الهدا في الطائف)

مهم جداً جداً جداً نعرف .......

[ابو ماجد vtc]

السلام عليكم
كل عام وانتم بخير بالنسبه لي انا افضل القير العادي ويا حبذا الاستاندرد انا معي قير تروب تونك من اربع سنوات ولا اجد فيه اي مشاكل سفر وبر واحسن شي بس انا نفسيا احب القير العادي لاني افضل سيارة البر وليس سيارة المدينه مع العلم ان التوماتيك اريح بكثير حتى في البر واخوي باث فايندر 04 انا قبل اسبوع طلعت من ابها الين الطائف ومحمل عليه العفش والعائله وتانكي الماء فل 100 لتر ولا واجهت اي مشاكل ولله الحمد وكذلك مع نزلت وطلعت مع الهدا ومرتاح ولا في حراره ابدا والموتر 2004م .

[خالد777]

تماتيك ولن تندم بإذن الله

[الهاتف]

اخوي راعي الطلعات والله كلامك في محله
والقير التماتيك كأنك ساحب معك تريله ثقل وقلة عزم

[مرووووق]

معي فتك 2008 قير تبترونك عادي تماتيك 100%

[ابوخلف الحربي]

انا معي جكسار2007وبدلت مع واحد من الشباب يومين معه فتك2009عزالله انه موتر خفيف وفزته تكفيك
بس نصيحه التومتيك مع الوقت ماينفع واقول دامك ماخذ اتمتيك خذلك سياره صغيره اصرفلك الجيوب عادي وبسس

[الفااهم]

ياغالي الفتك 2005الى2009والله سيارة حلوه وهو واقف بس لا تروح عليه وخذ العيوب الي فيه
1- اذا صرت تمشي بالازفلت 170 الظغط يكون قريب من الخط الاحمر يعني الامكينه جايبه الي في بطنها كله وهذا في الفتك العادي.
2- الدبل الخفيف اذا غرزت وعشقته يكون ضعيف جدا لابد من انك تعطيه الدبل الثقيل لجل يمشي.
3- اذا دخلت البر تسمع اصوات الهوبات وطقطقتهن كانك تسحب شبك .
4- قطع الغيار غاليه جدا وربما ما تجدها

[مرووووق]

ياغالي الفتك 2005الى2009والله سيارة حلوه وهو واقف بس لا تروح عليه وخذ العيوب الي فيه
1- اذا صرت تمشي بالازفلت 170 الظغط يكون قريب من الخط الاحمر يعني الامكينه جايبه الي في بطنها كله وهذا في الفتك العادي.
2- الدبل الخفيف اذا غرزت وعشقته يكون ضعيف جدا لابد من انك تعطيه الدبل الثقيل لجل يمشي.
3- اذا دخلت البر تسمع اصوات الهوبات وطقطقتهن كانك تسحب شبك .
4- قطع الغيار غاليه جدا وربما ما تجدها


اسمك الفاهم غرييييبه

[العاذر]

ان كنت من اهل البر والطعوس عليك بالعايدي

[يريور عيمان]

ياغالي الفتك 2005الى2009والله سيارة حلوه وهو واقف بس لا تروح عليه وخذ العيوب الي فيه
1- اذا صرت تمشي بالازفلت 170 الظغط يكون قريب من الخط الاحمر يعني الامكينه جايبه الي في بطنها كله وهذا في الفتك العادي.
2- الدبل الخفيف اذا غرزت وعشقته يكون ضعيف جدا لابد من انك تعطيه الدبل الثقيل لجل يمشي.
3- اذا دخلت البر تسمع اصوات الهوبات وطقطقتهن كانك تسحب شبك .
4- قطع الغيار غاليه جدا وربما ما تجدها

ياريت لو تراجع معلوماتك بخصوص الدبل الخفيف
و ان تتكلم عن تجربة فقط

[فهد33]

ياغالي الفتك 2005الى2009والله سيارة حلوه وهو واقف بس لا تروح عليه وخذ العيوب الي فيه
1- اذا صرت تمشي بالازفلت 170 الظغط يكون قريب من الخط الاحمر يعني الامكينه جايبه الي في بطنها كله وهذا في الفتك العادي.
2- الدبل الخفيف اذا غرزت وعشقته يكون ضعيف جدا لابد من انك تعطيه الدبل الثقيل لجل يمشي.
3- اذا دخلت البر تسمع اصوات الهوبات وطقطقتهن كانك تسحب شبك .
4- قطع الغيار غاليه جدا وربما ما تجدها
أظن الباترول كله من 97 ونازل بس أما من 98 وطالع الظاهر إن اللي كان يصلحهن مات وهذا عامل عنده مابعد ضبط الشغلة :d:d:d

[عبدالهادي قطر]

اعطال قير الفتك التمايتك بسيطه جدا

وانا عن نفسي اقتنيت 4 فتكات

وكلها قير تماتيك ولم يتعطل علي ابدا

ميزته مريح وانا افضله بالبر والديره والقنص قل ليش ؟

لاني مو معقول اكون ماسك الشوزن وقاعد اعشق انا فاضي اقعد اعشق واسوق وارمي ؟

التماتيك تخليه بالدي ولا بالعادي رقم 3 بالبر وترتاح

وقت التطعيس الموتر يعطيك يعني احطه على العادي ب رقم 2 مافيه مكان ماينطه

وميزته مريح الموتر مره وبالطريق تمشي بسرعه عاليه وتلاحظ ان ال rpm مريح جدا

وهذا يقلل استهلاك الوقوود

طبعا اكثر ربعي معهم فتكات قير تماتيك وهم راعين قنص ولم يشتكو ابد من القير

واعرف واحد فقط معه قير عادي لانه راعي تطعيس ولاحظ فيه فرق بين راعي تطعيس وراعي قنص

ابعطيك المشاكل اللي ممكن تواجهك 1 %

1- عيار الزيت ولا تقدر تعايره الا عن طريق وكاله ولا عن طريق ورشه
وهذي سمعت عن حلها انك تقوم بعيار الزيت عن طريق عيار زيت المكينه

2- فيه كتاوت بعلبه الفيوز خاص بالقير وهو بعض الاحيان تصير من مشكله عدم التعشيق

والسياره تبتل بنمره فقط ويتم تغييره او استبداله مع اللي جنبه ويضبط الموتر

3- وهذي هي المشكله التي تقصم الظهر ولها حل بأذن الله

زيت الفتك القير التماتيك يمر من داخل الاديتر حق المويه ومن داخله فيه تكون هناك عمليه التبريد

لكن مع الوقت ومرور الزمن المواصير الخاصه بالزيت داخل الاديتر هذي تتلف من حراره او اهمال

ويختلط الزيت مع الماء وبعدين سلملي على القيررر ودورلك قير من التشليح اذا اختلط

وحلها يكون بطريقه بسيطه

انك تغير المبرد الى مبرد خارجي خارج الاديتر وهذا تكلفته تقريبا ب 600 ريال مع التركيب

وكذا تنتهي مشاكل القير فقط

اما عن عمر القير الفتك فهو اطول قير يدوم

جزاك الله خير معلومات مفيدة

[GS5]

وعليكم السلام ورحمة الله و بركاته

قير عادي و دفرنسات تماتيك

[فاقد حبيبة]

ترب تونك تماتيك وريح مزاجك ويعجبك

[B.M.Q]

والله وانا اخوك انا معي باترول تومتيك 2008 وماشاء الله عليه لاجاء وقت الربيع وطلعات البر ركبت الهدرز والفلتر طبعا ماشاء الله يعطيك عزم اكثر وواضح وعقبها اطلع للبر لو بغيت الربع الخالي اما القير عادي صراحة ممل مع الوقت وهذا راي مع احترامي للاخرين

[أبوياسر1]

كان معي فتك 2004 والصراحه أني أعر عالجيب بالبر وبالخط..ومع ذلك ما يقول لا :)

وأدخل هالموضوع غديه يفيدك يالغالي..
http://mekshat.com/vb/showthread.php?t=208082

[سيف الظفير]

اعوذ بالله من كلمة انا

لكن كان معي شاص وبعدها فتك والحين جيب جديد علاق قير عادي


كلها تجيب لك الهم بالرياض والزحمة لكن تطرب الخاطر با الشتاء والمقانيص والرملة

[حاب الربع]

السلام عليكم
نصيحه مجرب ابعد عن العادي
ازعاج بالخط (ونه وحنه)
اي استفسار انا حضر (ياليت ع الخاص)

[sfari]

القير العادي اقل عطال

ورائيي انة هو الافضل

[بدراني511]

القير العادي مافيها كلام واقل اعطال :good2:
:good2::good2: اضم صوتي معك

[ذباح الروم]

مثل ماقالو الاخوان باالديره والسفر التوماتيك اطلق ولاكن البر والتطعيس وتسحب سياره شيء القير العادي اطلق وانا افضل العاادي لانه قوي الوتوماتيك مايجي ربعه قوي حيل وانت ورايك
تقبل مروري

[زوم]

تم التصويت

[عود رمثه]

فتك وش خليت خذ تماتيك سلمك الله وش لك بغرابيل العادي الا كانك راعي مراقى الله يعينك على العادي

[ابن سيف 18]

اخوي مجدولينا

انا بقولك استخدامي انا راعي سفر واجد ومشاويري دايما وسط الرياض وبالزحمات

ياليت تعطيني عيوب التماتيك



اجل يا خوي بناءا على كلامك خذا عايدي

لانه والله سيارتك ربع (بما انه اونس اوذف موتر قير عايدي )
اقلبه قير تماتيك
الزحمات تكرهك بالسيارة

وانا عن نفسي اباخذ عادي
بما اني مانيب من اهل الرياض

لكن اذا بتاخذ مسنعمل خذا تماتيك
ولا خذ واوحد ما مشى واجد
لا العادي مشاكله واجد

[باث فايندر 04]

أرجو من أهل التوبترونيك يفيدونا عن الحرارة في (النفود ـ طلوع الزديه ـ طلوع الهدا في الطائف)





مهم جداً جداً جداً نعرف .......


يا أهل التوبترونيك أنتم تمدحونه ونتصحون به وكلنا نعرف أنه أريح وأهدى وما مثله
لكن ما علمتونا عن الحرارة ؟؟؟؟ أنا ما عندي مانع أعشق وأتعب مع العادي لكن يرتاح
راسي من الحرارة والقلق .. يمكن 5 ملاك للتوبترونيك يقولون يحتر وش تقولون أنتم .

[سابربن فلاح]

شريت قبل يومين سفاري رقم واحد موديل 2009
قير عادي لاني احب اطلع البر ولي اشغال فيه
بالنسبة لحنة المكينة اشوف الوضع عادي لكني ما تعديت 120 كم
المشكلة الي لاحظتها في الباترول الفتك هي قرقعه باب السايق عندما نزلت البر !!!
والمهم هو الكفرات " اذا كانت السيارة واقفة ولفيت الطارة وتبي تمشي تلقى الموتر ما يجاوب معك ويبدا يهز شوي هل هذا بسبب لفت الطارة بقوة .
هل هذا عيب مصنعي او هذا طبع الفتك ؟
انا اشوف القير العادي اضمن من التماتيك وبالنسبة للخط خذلك فورد او كامري او مكسيما اذا معك شوية فلوس
الجيب خله للبر .وبالتوفيق

[سيف العاطفي]

سلام عليكم
اخوي الكنق الأخوان ماقصرو
ولكن انى بعلمك بما اني مجرب الاسود اللي بتوقيع تماتيك تربتونيك-ميزاته=خفيف -عزمه قوي-ريح بالخط-فنفود مايصف وياه الشاص انا مجرب -واسحب عليه والله مايهمه
عيبه واحد بس ونادر تحصل(القير يعلق مثل بثالث مايبدل بس يمشي)
وحله بسيط هو(تعشق الموتر بارك وطفيه وتشغله وتمشي)واذا مانفع تبدل كتاوت القير ب 10 دنانير مايعادل 110ريال بس شغلة كتاوت-ونصيحتي خذ تماتيك والله راحه راحه بمعنى الكلمه
وسلامتك

[الجو ربيع]

معي فتك 2005 قير تبترونك عادي تماتيك 100%

[ابو عبدالإله]

القير العادي

[مكشات واحد]

اذ انت رعب بران وعر عليك العايدي
واذ تمشي تماتيك
التماتيك فيه مشكله داماً نا يضرب الإدتر حق المبرد
او اذ عود يضرب سلك الضفيره ما يروح قدام يروح ورا فقط
العايدي فيه عيب وحد صوة الكارونه

[Abdullah242]

السلام عليكم
انا معي فتك 2008 سفاري 2 اتوماتيك توب ترونيك .. بصراحه رااائع وممتاز جدا واحسن من القير العادي وانا راعي برر ومكاشيت وايضا مشواويري في الديره كثير بصراحه الاتوماتيك مريح جدا ولا يستهلك بنزين كثير وانشط من القير العادي .. عشان كذا انصحك تاخذ فتك قير اتوماتيك والله يوفقك ويكتب لك الخير يارب العالمين

[الخالدي..]

والله يا اخوي كنق التعديل

اعرف لك ناس واجد معهم عادي وباعوها وخذو تماتيك

منهم ناس راعين طير وهدد ومافيه احد بحاجة النشاط والعزم كثرهم وهذا هم بيعو مواترهم وخذو تمامتيك

[ابو سلطان س]

سيارات الدفع الرباعي استخدامها متعب في البلد انصحك تبتعد عنها.

[محسن اليامي]

انا راعي سفر واجد ومشاويري دايما وسط الرياض وبالزحمات


عليك بالتماااااتيك

[خالد بن عبدالمحسن]

إوتومتك تيب ترووووونك ,,,
و انت مغمض ياخوك ,,,

رااااااحة ما بعدها أسالني مجرب الفرق بين العايدي و الأوتو متك ,,,

ذبببببببببحني القير العادي ,,,

و الأوتو متك يعييييييييييييش معك ,,,

اذا جنبته ثنتين : ((السحب = الجر + التعنيزة على القير ))

والله يوفقك

[كديان]

عليك بالتماتيك
اهم شي لا تهين القير بالنفود
خصوصا اذا كانت الكفرات مليانة هواء و تبيه يرقا نفود رفيع بالغصب
بهذه الحالة يحتمي القير و تندمر و تحرق و تضعف كلتشات القير
و يندمر في حالة كان الدبل على الخفيف + كفرات مليانة هواء = بالاخص بالارض الهيار سواء رملة منبسطة او
رباضة او نفود عالي
عليك بتليين الكفر + عطي الله الدبل الثقيل

رابط للفائدة
معك Vtc ؟؟ تفضل باالدخول موضوع يهمك !! (http://www.mekshat.com/vb/showthread.php?t=155215)

المواتر توافيق بعد الله

[ابو الجموس]

العادي للفتك حق بر وتطعيس لاكن انا اايد القير العادي فيه كما ان عمي عنده واحد موديل 2009 ماشاالله قوه وشكل قوي وايضا بالطعوووس حلو انا احب العادي لانه اقل اعطال

[شاص2010]

قير عايدي وبسسسسسسس

[مدمن فتك]

معي تبترتونيك والله مايرده بفضل الله شي لانفود ولاغيره

[Spank]

مع اني مب من اصحاب الفتكات


لكن ربعي الي يطلعون معاي الرملة وعندهم فتكات يستخدمون غير التبترونك/اوتوماتيك و مرتاحين بهالاختيار

[مانسيتك]

انصحك بالتروبنك

[عبسي4800]

انا من خلال تجربتي خذ لك تماتيك تبترونيك

وماراح تندم

بس اهم شي اذا غرز الموتر لاتحاول انك تطلعه الى بالدبل الثقيل

ومسايس

وغير كذا ملك التماتيك ولايهمك انا طامرت فيه وماخليت طعس ومسايف وتمشي وشعبان ماشالله

من واقع تجربه لا تاخذ الى تماتيك

[ابو سعود4500]

انا اللي عندي تربوتونيك وماقصرت على الموتر مابقى محل ماوصلت له ولا شفت منه شين ياربي لك الحمد

[ابو نايف00]

الفتك .التوماتيك ( ممتاز = بالمدينة / السفر / والطرد )
سئ بالطعس والرمل لاسباب
عموما لمى تحولة للعادي .( لا تستطيع ان تمشي بالثاني على طول . لانة يبدا من 1 ثم يعشق 2 ويحن حتى تغير انت ل3
لمى تعشق الدبل وتحولة للعادي ماراح تتحكم ( اذا جيت تردة لنمرة 2 احيانا ما يقبل زي العادي لان القير لا يقبل النمرة نظرا لسرعة )
لمى تعشق الدبل الثقيل ( وتبغى تمشي ماراح يمشي بالثالث او الر4 يبداء من 1 ويحن الموتر عليك ( علما انك حاط القير على 4 )).
اما العادي :
ممتع بالبر والطرد ونشيط نظرا لتحكمك بالقير .

لكن بالمدينه والزحمة والسفر متعب جدا

لكن كلا ينام على الجنب اللي يريحة .




اما الحرارة بالتوماتيك . الربع .


وشكرا ونأسف على الاطالة GL-V ) 2007

[درعان الغربيه]

تبي الصراحه مافيه مثل العايدي تحس ان معك موتر
وانا معي عايدي
تحياتي وتصويتي العايدي لا لا لا تماتيك

[ابوالشيهانه.]

الهم والغم بالفتك وعيوبه كثيره

[سعد الاحمد]

تم التصويت لصالح التماتيك من خلال تجربتي له .. كان معي واحد 2002 فتك قير توماتيك توب ترونك ..

ما شاء الله تبارك الله .. ما يرده شي .. قطعت به الدهنا من عند الرفيعه الى محطة ام رقيبة .. حوالي 130 كيلومتر تقريباً .. ويطامر مطامر تقول غزال ملحوق .. ما شاء الله ..

[ذيب العيص]

بصراحه التيبترونك قير جبار ومافي افضل منه...لكن لما تهدي تبي تقف تسمع طقه في القير مالها حل ..

[ا ل ب ا ر ق]

تمتيكككككككككككككككككككككككككككككككككككككككككككككك ككككككككككككككك
وارتح

[ssياسرss]

قير عادي يالذيب اما ان انك راعي ديره فخذ تماتيك

[الفصول الاربع]

اول شيء ماقصرو الشباب اللي ردو قبلي وان شاء الله فادوك

انا صوت لك بالتوماتيك اول شيء شفت لك رد انك راعي ديره وتمشيء فالتماتيك افضل لك

انا ياطويل العمر والسلامه شريت قبل سنه فتك قير عادي واحد من ربعي طللع معي بنفس اليوم فتك قير تماتيك

لا اخفيك انا مثلك راعي مكاشيت وطللعات خفيفه وقتي اغلبه بالديره وياكثر ماتحسفت اني ماخذ عايدي متعب صراحه

وخويي اللي شرى تماتيك الغالب طللعاته معي وما اشوف فرق مره الا بالنفود والتماتيك بعد بالنفود مهوب سهل

فنصيحه خذ تماتيك

وبالتوفيق للجميع

.

[مدور شاص]

تماتيك و عايدي انا عندياحين

[عود رمثه]

اضم صوتي لاخي العزيز

المشاركة الأصلية كتبت بواسطة راعي 97 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=5172429#post5172429)
والله انصحك بالتبترنك او التماتيك ممتاز للديره والبر والطعوس
مميزاته
1-اقل صرفيه بنزين من العادي لأنه اطول نمره فيصبح مرتاح في الخطوط
2-سهل ومريح في استخدامه في البر والديره وزحمات الديره
3-تقدر تحوله عادي في البر وتوماتيك في الديره
وانا اايد العادي والعادي لصرت راعي بر ومقناص وسحب وقوه تحمل في البر خذلك عادي واذا عكس خذلك التماتيك
وهذ الي عندي واذا بغيت اي شيء حنا حاضري بالخدمه
واعتزر من قصور
تقبل مروري

[الليث الذهبي]

ياخي ان كانك راعي بر خذ عادي مامثل الكلتش فالبر اما انك والله راعي تمشي تما تيك ولا تاخذ الا وانت مقتنع
تراي قبلك توهقت اخذت باثفندر تماتيك وانا ممشيا بالبراكثر من الديره ترا فيه فرق بالكلتش فالبر كبير

[نصب بريده]

السلام عليكم...
انصحك تاخذ توب ترونك (قيرعادي,تماتيك)
مميزاته
1-سهل ومريح في استخدامه في البر والديره و الزحمه
واذا أنت يعني مهب راعي قنص ومطامر
خذلك توماتيك والله ترتاح

[«نجم الخير»]

للنيسانيين ومجربين الفتك فقط

السؤال لمجربين الفتك ؟ معقوله كل اللي ردو مجربين الفتك مو اول استطلاع ادخله
واحصل فيه اعضاء -عضو يرد مايعرف عن الموضوع شي بس تشتيت لصاحب الموضوع

منهو اللي يقول ان التمتيك ماينفع للبر او النفود ياترى راكب فتك هو من قبل

[الصحافة 15]

جربت العادي والتماتيك في الفتك ما مثل التماتيك

[أبو مسفر]

انا كان معي سفاري فتك 2005 عايدي تماتيك والله ما شاء الله ولا احسن منه
وجربناه في رحلة وكان معنا تويوتا 2006 جي اكس آر قير عايدي والله السفاري طلع بكل سهولة ما تقول الا قعس أما الجكس صراحة يوم تمثنى وهو ياقف ويرجع وياخذ عزم وطلع في الثانية

[مهنا-715]

اخوي الله يرزقك الموتر الزين
من واقع تجربة التماتيك ماعليه كلام من ناحية القوة والراحة وحنة المكينة وصرف البنزين
بس انه حساس وصيانته غالية
القير العادي اكثر صرف بنزين نسبياً والمكينة فيها حنه ماهي مرتاحه مثل التماتيك يصلح لحقين المراقى واهل الطيور

[طيرشلوى 2]

فتك والله الي ما شريت موتر

[عبودي سدير]

تم التصويت قير اوتوماتيك افضل

الا اذا انت شبه يومي ب البر

[فليت بن قنه]

والله انه منوتي الفتك بس الشكوا ما لي قدره في قيمته

[ماجلان الاجفر]

السلام عليكم انا استعملت 5جيوب باترول ولاندمت

[فليت بن قنه]

بس كيف صرف البنزين يامجلان الاجفر

[ماجلان الاجفر]

اماالبنزين مشكلة لكن قلبت المحرك العام ديزل

[بلاتين]

تم التصويت للقير العادي

انا افضل القير العادي ومجرب فتك 2009 حلو بس عيبه يحن يعني عداد الضغط يمشي مع عداد السرعه مثال 140 تلقى عداد الضغط على نفس ميلة الـ 140 يعني فوق 3 RPM اذا كنت بالرياض خذ تماتيك اصرف لك في الزحمه

[بوحازم الشنفري]

عندي مقترح ربما يكون مفيد:

خذ لك تماتيك موديل نظيف فتك، ولو بقى لك كم ألف ضيف عليه ربع نيسان موديل 97 وانت نازل جير عادي، الفتك خليه حق مدينة ومشاوير وطلعات البر الخفيفة، والربع خليه سيارة التسلية وقطعها أتوقع تكون متوفرة بكثرة ورخيصة حتى لو تشتريها من الوكالة.

طبعا نيسان موديل 89-97 لا تتوقع يجيك واحد نظيف، فخذ واحد تكون أموره الأساسية صاحية مثل جسم السيارة يكون نظيف والمكينة وبعض الأمور المهمة والعب فيه بالتعديل على نار هادية، والتعديل هنا ما أقصد ترهيم على حساب برودة المحرك وتحمله في البر.

انا معي سيدان انفينيتي M45 حق مشاوير ومدينة طبعا تماتيك، وباترول اشتريتها بحوالي 16 ألف ريال سعودي وعدلتها بكم ألف ولازلت أعدل عليها، وهي سيارة البر وسيارة آخر الليل والمشاوير القصيرة، وأيضا سيارة بديلة لما سيارتك الرئيسية تروح للصيانة الدورية.

وهنا صفحة الباترول 97 وفيها نصايح لو حاب تعمل بالفكرة المقترحة لبعض الأمور الأساسية:

http://mekshat.com/vb/showthread.php?t=432081

واستخير :)

[راعي الفتك 9]

تم التصويت للقير العادي

انا افضل القير العادي ومجرب فتك 2009 حلو بس عيبه يحن يعني عداد الضغط يمشي مع عداد السرعه مثال 140 تلقى عداد الضغط على نفس ميلة الـ 140 يعني فوق 3 RPM اذا كنت بالرياض خذ تماتيك اصرف لك في الزحمه

نفس الكلام :good2:

[Vortech]

مالك حاجه في التماتيك...

القير العادي وبس... صحيح التماتيك أريح... لكن اذا انت تبغي الراحه وش تبغي في الفتك...؟ خذ لك كآبرس أريح مليون مره...

أما اذاتبغي الأداء والسكبه والونآسه خذ قير عآدي وان شاء الله ما تتحسف.... غير ان صيآنته ما تكلف أبد وخرابات قليله...

[خيال الكودا]

إذا أنت راعي قنص وبر خذلك عادي وبالتوفيق إنشـــــاء الله

[عبسي4800]

والله انصحك بالتبترنك او التماتيك ممتاز للديره والبر والطعوس
مميزاته
1-اقل صرفيه بنزين من العادي لأنه اطول نمره فيصبح مرتاح في الخطوط
2-سهل ومريح في استخدامه في البر والديره وزحمات الديره
3-تقدر تحوله عادي في البر وتوماتيك في الديره

[الطرس ممدوح]

تم التصويت

[راكان الصعيري]

انا معاي تماتيك تربونيت
لاكن انا افضل العايدي كان عندي عادي ونعدمم وراح تشليح ودقت تماتيك هو يريحك بزحمه بس لازم تنتبهله وتشيك علا القير كل 50 الف بلوكاله وهو مو حق جلد وبر حق تمشيه بلبر
اما لبغيت الفله والبر والقنص وقل الخربات ولا عليك من الجروف والحبوس اطمرها بسرعتك. العدي وبس. ولي عنده عايدي يكلمني فتك.

[التعـ King ـديل]

ابشركم شريت عادي ,,, راكان امر وش بغيت بالعايدي

[بوحازم الشنفري]

ابشركم شريت عادي ,,, راكان امر وش بغيت بالعايدي



مبروك والله يعطيك خيرها ويكفيك شرها :good2:

[قدها ونص]

شوف التماتيك والعايدي ماحطو الا على شان المستهلك < يسئل نفسه انا وش يناسبني

1- اذا انت حق طلعات بشكل اسبوعي وصحاري مايبلها كلام عايدي ولا تشاور
2- اما اذا مدن ومره بشهر ولا كل موسم اتصيد - تماتيك ولا تشاور
وكلن عقله براسه ويعرف خلاصه ..

تقبل مروري

[راكب البترول]

احسن من العايدي مافيييييييييييييييييييييه

ابدا

قوه اداء صبر

[sharpvtc]

والله انصحك بالتبترنك او التماتيك ممتاز للديره والبر والطعوس

[ibrahim_isz]

والله انصحك بالتبترنك او التماتيك ممتاز للديره والبر والطعوس
مميزاته
1-اقل صرفيه بنزين من العادي لأنه اطول نمره فيصبح مرتاح في الخطوط
2-سهل ومريح في استخدامه في البر والديره وزحمات الديره
3-تقدر تحوله عادي في البر وتوماتيك في الديره

انا من رأى (عبسي)

[S U L I M A N]

[
بالنسب للفتك التماتيك اثبت وجودة

[S U L I M A N]

التماتيك اثبت وجوده مع هالمكينة الصاحية

[Abo_Faisal_506]

صدقت يــ راعي 97

[سوبر152]

القير العادي مافيها كلام اقل اعطال :good2:

[مكشات واحد]

كله عسل عايدي تماتيك بس الله يرخصه ويكون ذهبي او لولوي

[مغرم بالفتك]

ارغب لناس التبترونك اقترح عليك تاخذ تبترونك

[تميم2222]

سلاام عليكم .. اخوي ... بختصااار خذ القير توب ترونك .. واترك عنك هيااط قوله عادي ... انا من سنه 98 ومعي النيسان .. وكل 4 سنوات اجدد السياره .. والان معي الجديد منه2011 .. بصراحه من اراد ان يستمتع بالقياده يجرب الجديد باترول وللمعلومه انا راعي طير ... بختصار من جرب الجديد منه بنظام التوب ترونك عاااف السيارت الاخرى

[alkongrs]

والله مدري وش اقولكم صراحه حنا شعب كلن يمدحه بقله خخخخخخخخ

مثال / اي شخص منا يحب قير عادي او تماتيك الي هووو اروح باخذ يا عادي من المعارض ولا لقيت لقيت تماتيك اخذته ارتحت فيه ولو نجي للعكس تلقى بعضهم يذم العادي ويتحسف

انا شخص احب العادي وشريت سياره تماتيك انا مجرب العادي والتماتيك العادي ويت القير لاتغيره اما التماتيك كل 50 الف غير زيته ولا كلهن نفس بعض ونفس الاداء لا نلعب على انفسنااا

ربما كلامي لا يعجبكم او لم تفهمو قصدي حاولت اني افهكم خخخخخخخخخ وش رايكم اصلح مدرس ذذذذذذذذذذذذ

[وسيع البال]

أنا مثلك
في الشتاء كل شهر أطلع مرتين طلعات سنعه الصمان ,الدهناء
اما في الصيف كل شهر مره ولا ابعد
وراعي سفر مكه,المدينه الشرقيه,...الخ
وابي أشخص عليه
فاللي مثلنا لا يعدل عن التوماتيك التوب ترونك
وانا ابحث عن توماتيك حاليا الله يوفقنا وياك للموتر النضيف

[ابو شكاع]

عادة تلاقي الموتر يجوب المدن 90 بالمية من وقته
والباقي فقط للبر
ف وش لك بالعادي
هذاك اول يوم الناس تخاف من مشاكل العادي اول ماطلع
الحين التماتيك مافيه مثله

[فتك 32]

اذا كنت راعي مطامر وتطعيس خذ عادي
وذا كنت راعي تمشيه وراكد خذ تماتيك وانا انصحك بالتمتيك لأن العادي يهيض الواحد
بعدين خذ الي مكينته 4800 اقوى
وشكرااااا

[AASEM]

الفتك الفرق بين العادي والتماتك ان دفرنس التماتك اكبر بس العادي اكيد اقوى واقوى النياسين الي وكالته تماتك مقلوب عادي وعذروني على التقصير

[yasser1389]

بلا عايدي بلا خرابيط هههههههه

[صاحب نوماس]

اذا منت براعي نفود ومقانيص نفوووود قوية مثل الرملة عليك بالتوبترونك واذا انت راعي بر وراعي مقانيص وطلعات واجد عليك بكحيلان العايدي واخوك مجربة ماخليت بة ديرة قير عايدي قتك

[Vتكان]

انا موتري عايدي
وعندي ان العايدي افضل
اول شي انه انشط ويكد ويتحمل السحب و النتل
التوماتيك يبيله متابعه الزيت و تغيير السيفون بين كل فتره وفتره العايدي كانك موسوس عايره بالسنه مره
بعدين العايدي تحس انك تسوق الموتر التوماتيك تحس ان الموتر يسوقك

[التعـ King ـديل]

انا موتري عايدي
وعندي ان العايدي افضل
اول شي انه انشط ويكد ويتحمل السحب و النتل
التوماتيك يبيله متابعه الزيت و تغيير السيفون بين كل فتره وفتره العايدي كانك موسوس عايره بالسنه مره
بعدين العايدي تحس انك تسوق الموتر التوماتيك تحس ان الموتر يسوقك

هههههههههههههههههههههههه اعجبتني الموتر يسوقك :D

[تميم2222]

....ياخي الاوتوماتيك يعطي النمره كاااااامله بالنفوذ حتى بفزه الموتر اقوى .... اما العايدي وقت ضغط الكلتش وتغيره يطيح فيها عزم السياره .. حتى بالطرد تحول لعايدي يطررب وبيني وبينك اللي ساكن بالرياض وياخذ عادي هذا داعيه عليه امه ....وش جاب الثرا لثريا ... لاني جربت العايدي والاتوماتيك ...هذي وجه نظري

[هولوكس2005]

السلام عليكم ورحمته وبركاته

انا من ضمن الي جربو الفتك القير عادي الي يهواء القير عادي فهو غايه ممتاز من حيث الاستخدام ويتحمل الجور والمكده
عيبوبه اغلب الباترول يقرن بالنمره الرابعه إذا جر بسرعه
يصرف بانزين بالمقارنه بالقير التاتيك ومن ناحيه عامه صرفيته معقوله بالمقارنه بالفكسار والجي اكس
بالخط الكمبرشر شاد يعني لاصرت تمشي 200 الظغط حول الاحمر بالعربي النمره ال4 و ال5 حول بعض بس يجيب طبلونه على طول بالعربي تكسير خشوم

التماتيك قير جبار

اقل صرفيه يفرق تقريبا حول 10 ريال بالسفر
اريح بالمدن قومتة سريعه بس لا وصل ال170 ودعستله بطيئ يجيب طبلونه مو مثل القير العادي

البانزين مايفرق بالفتك من 95 او 91 حول بعض بس تروح القلقه لاصرت جالده بنفود

[عاشق الجموس19]

القير العايدي قلت مشاكل تحكم اكثر بالموتر عزم اقوى في البر والاسفلت وبعد استخدام السياره لفتر بتلقي رجلك اتعودت على الكلشت وتغير النمر لا شعوريا وترى العايدي مطلوب اكثر في البيع والشراء

[abohmad]

ناس ترغب القير العايدى وفية ناس ترغب التماتيك كلن ورغبتة اما انا افضل العايدى لانى فى البر اتحكم فى القيادة

[صدى الاطلال]

ارشح العايدي في سيارات الدبل - السيارات الكبيرة
اما السيارات الصغيرة فخذ اوتو