مشكلة بالباترول ..!!

[أبوأحمد98]

السلام عليكم ورحمة الله وبركاته

ياجماعة معي باترول 98 بخاخ ...طلع به صوووت مادري من وين هالصووت اذا زدة السرعه زاد الصوت ..!!اذاريحت الموتر وعطيته نمره راح الصوت بعدين يرجع تدريجيا ..!! هل احد من الاخوان صارات له نفس المشكله ..؟؟

وهل الباترول 98 يجي جنزير للمكينه او سير قالي واحد يمكن منه ..!!الموتر ماشي 300000ماعمري غيرته ... :rolleyes:

وفيه صوت ثاني .. :( اذا اكلت مطب يطلع صوووت من وراء عند الدفرنس مادري من وين بالضبط ..؟؟

فالي يعرررف حل للمشلكة يعلمنى وجزاه الله خير .. :) او يعرررف ورشة يدلنى ومشكور ;)

[أبوأحمد98]

:rolleyes:

[البرحه]

اسلام عليكم

والله ودي اخدمك بس مالي خبره !!

بس ربع الباترول واجد واكيد احد بيعطيك العلم


وشكرا

[أبوأحمد98]

شكرا .. :(

[Kuwait]

الاخ الغالي ابو احمد تحيه طيبه وبعد :

سؤال :

الموتو توك مجفد مكينته ؟ ؟ ؟

تعرف صوت الصبابات ؟ ؟ ؟

. . .

اما الصوت اللي يطلع عند المطب انصحك :

تبدل الربلات كامله للموتر

من الخلف عند التواير في شغله تسمى (( بوبرنقات ))

بدلهم .

اذا كنت من هواة البر وراعي طير انصحك بالتضبيب الكامل للموتر

. . .

وانشالله بنلقى لك الحل

لك مني كل المحبه والتقدير

[أبوأحمد98]

هلا أخوووي kuwati

مجفد مكينته ...؟؟مافهمت اخوووي وش تقصد ..؟؟

صوت الصبابات ..؟؟يليت توضح وشي الصبابات ..؟؟

والله انك صاز ابشوف الربلات ..

التوضيب ..!!توضيب المكينه ..!! لا ان شاء الله ماتاصل هالمواصيل ..
ومشكور

[رايح جاي]

انا عندي باترول 95 شريته من قريب قير تماتيك نظيف بالحيل لكن ملاحظ فيه ضعف العزم وانه يطامر اذا اخذ مطب مهما كان حجم المطب وود الدركسون يفلت من يدي الى درجة مزعجة بالمره وكشفت على المساعدات واليايات قالوا اليايات جديدة .
ارجو ان نفيد ونستفيد

[Kuwait]

":)

...

مجفد = يعني المكينه طقت وسويتها

. . .

مو توضيب اقصد تضبيب للبدي كامل للموتر كله تضبيب

التضبيب = تبديل جميع براغي الموتر وتبديل الربلات كامل

. . .

تقبل مني كل المحبه والتقدير

[النفود الشرقي]

ما شاء الله عليك يا كويتي

والله أنك خبير بالباترول والله يزود من خبرتك وتنتفع بها وتنفعنا أن شاء الله

[Kuwait]

الغالي رايح جاي اهلا ومرحبا بك واسمحلي على الرد المتأخر :)

من ناحية ضعف العزم ياخوك السفاري زين وممتاز لكن تماتيك ماش مايسرك مامن عزم بالمره

لكن اذا كان طايح عزمه حده انا اتوقع انها عيارات للمكينه .

. . .

وانشالله نكون قد اصبنا وعزيز وغالي

. . .

اخوي الغالي مستر بن ياهلا ومرحبا طال عمرك

ان بغيت الصدق مامن خبره مدوج اخوك ":)

لكن تعلمنا من كثر مانصلح بهالمواتر

وانا ياخوك ماركبت غير الباترول والجمس الجديد وغيره الجذب خيبه ماركبت

ويمكن هالشيء خللاني اتعلم بهالمواتر

. . .

اخوي الغالي الله يعطيك العافيه على هالكلام الحلو

لكم مني كل محبه وتقديير

. . .

[أبوأحمد98]

هلا والله أخوي كويتي ..

لا والله الحمد المكينه سليمه والحمد لله ...وبالنسبه لتربيط ما عمري ربطة الموتر للاسف ..!!

ابشرك الصوووت الي وراء زينته وانحلت المشكله ..لكن الصوت الي بالمكينه مادري وش دواه ..؟؟

[ابونهار]

احسن تربيط الصراحه في الكويت
فيه واحد اسمه ابو حمزه سوري الصراحه انا جربته من ناحيت التربيط او الترهيم عز الله انه شغله حلو وا يجيك الموتر وكاله
وا لسوري شغال في الكويت بس الحين عنده اجازه مهو موجود انا بغيت اودي سيارتي بس كلمته وقال ابي اسافر بعد شهر جبها لي

وذا تبي رقمه عطني خبر

[الذيب الشهب]

()()()()()()()()()()()()()()

[أبوأحمد98]

الله يجزاك خير اخوي ابونهار ..بس الكويت بعديه بالحيل ..!!

الذيب الاشهب ..؟؟ وش دعوووى ..!!

[رايح جاي]

مشكروين على التجاوب ولكن حسافه
وش ورطنا بالباتروول عزا الله انه خسارة على راعيه ، والله اول مره اجربه كان معي لاند كروزر واشتريت باتروول من قرادة الحظ من قريب وبدأت مشاوير تعارف وصداقة مع الورش من اليوم الثاني للشراء والى اعداد هذا الموضوع .
الله يخارجنا منه على خير .

[Kuwait]

":)

ياهلا ابو احمد الله يعينك وانشالله يصلح الموتر

. . .

نهار كلامك كل صح كراج السوري احسن كراج للتربيط بالخليج

. . .

رايح جاي

الله يسامحك ":) اذا تكلمت على السفاري كأنك متكلم عني

ياخوك ماعلى الباترول شيء ملك والله

. . .


تقبلوا تحيات اخوكم كويت

[محب الشمال]

الباترول سياره ممتازه ماشاء الله تبارك الله عليه
على الاقل للحين تصنع في اليابان ماهو زي الاندكروزر يتصنع في استراليا

[صالح المطيري]

معروف عن النيسان الهرقلة والقرقعة مع المطبات ويحتاج للتربيط بشكل دائم ، مع صديق لي نيسان سفاري ربع 91 بصراحة السيارة اكل عليها الزمن وشرب بالمقارنة مع الربع تويوتا موديلات 85 و 86 مع فارق الموديل ، بس انا اشوف فيه تغير بالنسيان في الموديلات الجديدة ويقولون الباترول الجديد اكثر تماسك من الباترول القديم سيئ السمعة .