مشروع تجديد جمس 85 رفرف قطع 10 دفرنسين تكفون الفزعة

[وضاح الرياض]

السلام عليكم ورحمة الله وبركاتة
قدر الله علي وشريت جمس موديل 85 رفرف قطع 10 دفرنسين ويبغى اصلاحات كثير
وبديت في التربيط واسفل السيارة عند ورشة السفريات بن مرضاح بس غالي
بعد كذا يبغى ميكانيكا وكهربا وتكييف وتنجيد كامل وبوية لازم حرق
وابغى من الاخوان ينصحوني بورش للمكنيكا والكهرباء والتكييف والتنجيد والبوية
تكون بالرياض واسعارهم حلوة
لان بن مرضاح طلب 10000 على البوية بس اما التربيط اسفل السيارة فقط طلب 1000 ريال شغل يد بس غير القطع وانا افكر ادور ورشة غير السفريات لانهم غالين مرررررررررة
فياليت اهل الخبرة يفزعون لنا بورش في الرياض
ولكم الدعاء

http://www10.0zz0.com/2010/09/03/17/970244418.jpg

سيارتي نفس شكل اللي في الصورة بالضبط بس مو مرفع زي هذا وجنوطة شد بلد

[ولد وايل]

الله يعينك

في ورشة اسمها الحارثي بصناعية الشفاء ما اعرف وصفها

يمدحونها

او خذ لك بويه من الغامدي بالصناعيه القديمه وشف لك ورشه ترشها لك

[وضاح الرياض]

مشكور اخوي ولد وايل على سرعة الرد وبيض الله وجهك وننتظر باقي الشباب

[وضاح الرياض]

http://www10.0zz0.com/2010/09/03/17/970244418.jpg

سيارتي نفس شكل اللي في الصورة بالضبط بس مو مرفع زي هذا وجنوطة شد بلد

[ألنشمي]

10000 عشرة الاف ريال على البويه؟ والله واجد
3000 ثلاث الاف ممكن اذا كان حرق هذي حقها.

1000 ريال على التربيط قليله بالحيل, مر على النويصر عندك فهد مايقصر بالتربيط وتدبيل المساعدات.

واكيد بيدلك على ورشات رش وميكانيكا يبيضون الوجه

[وضاح الرياض]

مشكور اخوي النشمي وننتظر خبراء الجمس

[ابو نايف 111]

السلام عليكم
الله يهنيك في موترك
انا اشور عليك انك تسال حقين الجموس وهو
نادي عشاق وملاك الجمس الحوض
ابحث في قوقل

[الشهابة]

ما شاء الله مبروك .. و الله يعطيك من خيره و يكفيك شره ..

و بصراحه اقول لك الله يعينك .. مشاريع التجديد متعبه و يبي لها صبر و طول بال و دراهم ..

بس في النهايه النتيجه حلوه و تنسى تعبك بعد النتيجه النهائيه خصوصاً إذا كنت ناوي ترجعه شد بلد اصلي ..

عليك بالسؤال و التروي و الانتظار و مقارنه الاسعار .. و نصيحه صور مراحل التجديد قبل و بعد و خلها عندك تكون ذكرى حلوه ..

بالتوفيق .. و الله يعينك و يسهل امرك ..

[بو نوره]

الله يعينك على الخسائر :eek::(
ولكن ممكن ينفعك هالرابط :
http://www.t63ys.com/vb/t118185.html

[وضاح الرياض]

مشكور اخوي ابو نايف

مشكور اخوي الشهابة وانا ماني مستعجل ننتظر خبراء الجمس

هلا اخوي بو نورة واللي بالرابط هو اللي ابغا اسويه بسيارتي

[حبو 1]

بالتوفيق كلمني وان شاء الله ادلك

بعد اذن المشرفين

0555118966

[وضاح الرياض]

سوف اقوم بالاتصال عليك اخوي حبو 1

[وضاح الرياض]

للررررررررررررررفع

[جديعان]

للررررررفع

[زمزم 100]

بالنسبة للتكييف لا تتعدى مركز البلبيسي لتكييف السيارات
- شارع العويضة -الصناعية القديمة 17 .

[صمت المشاعر99]

ماشاءلله
الله يعطيك خيره ويكفيك شره
والله يوفقك

[A7MAD-STYLE]

السلام عليكم ..

ماشاء الله تبارك الله ، الله يعطيك من خيره ويكفيك شره


أذكر فيه زميل لي قديم قابلته قبل فتره وكان معه كرسيدا قديمه مرشوشه ماشاء الله رش تقول وكاله
وسالته وين رش سيارته بويه ، وأذكر انه يقول رشها عند ورشة الشباب بالصناعية القديمة

تقريبا موقعها على شارع الجمعية بعد تقاطع شارع الـ 24 .. وكذا مرة أمر من عندهم والورشة مليانه ماشاء الله سيارات ومزحومين بس ماعندي خلفية عن أسعارهم وأقترح لو قدرت تمر عليهم وتشوف على الطبيعة شغلهم على السيارات اللي واقفه عندهم ومنها تسعر بكم يرشون السيارة



بالنسبة للكهرباء والتكييف فيه كهربائي حضرمي شايب قديييم وخبرة سنين طويله وأمين ونصوح في الصناعية القديمه أسمه العم سالم ( أبوأحمد )

وصف الورشة : وانت على طريق الخرج نازل من الكبري اللي من جهة غبيرا وخنشليله بعد ماتتعدى اشارة قزاز السالم ( اللي فيها كاميرات ساهر ) خلك مع الطريق لين يجيك بنك الراجحي وكذلك صرافة الراجحي على يدك اليمين ، ادخل يمين بعد الصرافة والورشة بتكون تقريبا ثاني أو ثالث ورشة على يدك اليسار اسمها ( ورشة عمر العوبثاني ) أو ورشة المدينة سابقا .. وإسال عن العم سالم إذا موجود أو لا ( شايب شعره ولحيته بيضاء و يلبس نظارات ) ونصيحه لا تقابل الا هو أو فيه واحد يماني عنده اسمه أبوعدنان برضو كهربائي وغيرهم لا

بس ما أدري عن العم سالم هو للحين يشتغل بيده ولا صار مشرف على العمال اللي عنده لكبر سنه الله يحسن خاتمتنا جميعا



كذلك بالنسبه للميكانيكا فيه ورشة فيها شايب حضرمي إسمه صالح بن سلمه برضه انسان خبره وقديم في السيارات الكوابرس والأمريكي كنت أودي الكابرس حقي لشغل الميكانيكا والتصفيه قبل لا أبيعه عنده
ورشته في الشارع ( الحارة ) اللي خلف مطعم المكلا اللي على شارع الجمعيه بالصناعية القديمه
وصفها كالتالي

وانت على شارع الجمعية باتجاه شارع الـ 24 وقبل ما توصل محلات قطع الغيار الصافي و باقادر والسبيعي اللي على شارع الجمعية على يدك اليسار ومطعم المكلا راح يكون على اليمين ، ادخل يمين قبل المطعم وامش لين يجيك حرف تي رح يسار وامش شوي بتجيك ورشته على يدك اليسار ما أذكر وش اسم ورشته بالضبط لأني من زمان عنهم وهل باقي موجودين ولا عزلوا .. لا كن ما يمنع انك لو وصلت هناك تسأل عن اسمه ( العم صالح بن سلمه ) شايب قصير أسمراني مائل للسواد وتراه حار شوي انتبه


أتمنى اني أفدتك وتقبل مروري

[حسين2002]

شباب الموضوع له 4 سنين