تجربتي مع الباترول 97 شد بلد ومعدل

[التعـ King ـديل]

السلام عليكم ورحمه الله وبركاته

كثير منا يسمع عن الباترول 97 وكثير منا امتلك هذه السياره لكن هل الكثير منا تكلم عن تجربه هذه السياره المثيره ؟؟ الاجابه لا

انا بتكلم من تجربه لي طبعا هالمره بتكلم عن الباترول 97 والمرات الجايه بتكلم عن موديلات اخرى للباترول السياره اللي اعشقها

بتكلم اول شي عن باترول 1997 شد بلد مكينه كلبليتر السياره حلوة وخفيفه نفس صحيح كانت تشرب بنزين يعني كان التانكي يالله يمشي

معي تقريبا 300 - 350 كيلو لكن الحمدلله وجدت الحل وصار يمشي معي مابين 450 - 480 كيلو مع المكيف والمشي بالنهار

الحل بالصرفيه تركب ديلكو وكويل حق 4500 وتركب فرار برازيلي اسود من السليماني طبعا انا كنت مركبها على جنوط مشكله ولها موضوع

منفرد لحالها فيه عده انواع للجنوط ولكن كان الكفر المفضل لدي هو الماكسس 900 البالون كما يحب تسميته البعض طبعا انا طولت بالشرح

عن السياره ومواصفاتها وتعديلاتها نجي الان للاستخدام بصراحه كانت من اروع السيارات اللتي اقتنيتها من ناحيه المركب والسفر والبر

في نفود بالامارات جنب مطار السلامات قريب من اماره العين هذي النفود ممتعه بالقياده وتحتاج الى سواق ماهر وللعلم في هذا الموقع مااذكر

شفت شاص او لاند كروزر يتمشى غالبيه الشاصات موقفه تتفرج على ابداع السفاريات في هذه المنطقه وكان احلا يوم لي وانا هناك كنت افرفر

على الباترول وبكل شموخ مافشلني مع العلم اني طلعت لاند جكس هدد كما يحب البعض تسميته مو فخر او احتقار للسياره بس المنطقه مايمشي

فيها الا الباترول بشهاده اهل العين .. نرجع لمحور حديثنا طبعا الباترول كان محبب لي لدرجه العشق والجنون كنت من حبي له مااحب اوقفه

عند البيت دايم طالع افرفر ولا اسافر عليه اشتريته ماشي 80 الف وبعته بعد سنه ماشي 195 الف وسبب بيعته عين صابتني فيه وكرهته

مع العلم اني مااشتكيت منه ابد بس جتني فتره اذا ركبته ضاق صدري وتنكدت مع ان الموتر رزه واللي يذكر توقيعي الاول بيذكر صورته

الخلاصه ان هالموتر وشهادتي فيه مجروحه ماعمره فشلني لا في بر ولا في خط

طبعا لمن كان عندي هالباترول كنت استخدمه استخدام شخصي وكان عندي باترولين غيره كلهم 97 بس الفرق في الممشى

الاثنين الثانيه كانو ماشين اكثر من 500 الف يعني لو بلعب فيهم مامن خساره وكان البدي لك عليه رشات وسمكره

المهم الاول : قلت بجرب عليه مكينه فكسار 8 سلندر موديل 2000 طبعا اللي خلاني اجرب هو اني لقيتها على باترول مصدوم

اشتريتها منه رخيصه وضبطتها بالامارات المكان المفضل عندي بالترهيم والتعديل واستخدمته شهرين ونص كنت اسافر عليه

وكان موتر طياره يعني امشي على خط الشرقيه 220 بالراحه بس كنت اعاني من المكيف والراديتر لانها مركبه توليف واتعبتني

لمن كمل الموتر معي ثلاث شهور بعته على واحد من الحفر وكان خاطب الموتر خطبه ويعرف قصته ويعرف تكاليفه علي والرجال ماقصر

ربحني فيه فوق استخدامي له .. والموتر مع الرجال لحد الان ويروح ويجي عليه

الموتر الثاني : هو اللي تخسرت فيه ودفعت فيه مبالغ بس طلع بعدها موتر واللي يعرفني ويعرف هالموتر يوم كان معي يعرف وش اقصد

الموتر ذا ركبت عليه مكينه فتك عاد تعالو شوفو 280 حصان 4800 على بدي 97 مخفف وش بيصير بيطلع صاروخ

المهم هالموتر استخدمته ثلاث شهور ومره من المرات كنت مسافر عليه للشرقيه وكان يماشيني على الخط ولد خالتي معه لكزس 430

المهم كان اذا استوى الخط دعست على الباترول وخليت ولد خالتي يسولف مع اللوحه اللي ورا واحيانا مع الاستبنه لدرجه اننا من الدعسه

وصلنا للشقه بالخبر في ساعتين وربع وصلنا وولد خالتي معصب موتره ب 250 الف ماقدر يجيب كسره باترول على قولته طبعا هالموتر

كان انظف من اللي مركب عليه مكينه فكسار وكلفني تركيب في الامارات 35 الف ريال للمكينه والتعديل اللي عليها والحمدلله ايضا بعته بمربح

على اماراتي شافه معي بالامارات مره يوم كنت مسافر

خلاصه القول ان الباترول 97 من امتع الباترولات اللي سقتها

وانتظروني في موديلات اخرى

88 - 91 - 92 - 95 - 98 - 99 - 2002 - 2005

لكل موديل موضوع خاص فيه

[ابونبيل]

ماشاء الله

انا اشهد ان ذاك الموتر حق بران كان مع واحد من الربع يتمشى

لاكن مشكلته يتعبك بالخرابات طبعا لانه قديم وليت الجديد مثل القديم

مشكور ع الموضوع اترقب الجديد

[عالي الكيف]

ماشاء الله تبارك الله

الله يبارك لك في مالك وحلالك

[عالي الكيف]

راح استشيرك في موضوع على الخاص

اذا مافي مانع رد علي

[لبيه يمنادي]

مافيه حيله البترول97 انا عندي 2 واحد مركب عليه مكينة 8 سلندر تيوتا والله ياجماعه 235 بالراحه يعني طياره والثاني 96 عليه مكينة 4500 انجكتر بعد مافيه حيله بس مو مثل الثمانيه .


صراحه الموتر مافيه حيله ومن اعزالسيارات عندي ولايمكن افرط فيهن .
كذالك عندي 98 مركب عليه مكينة v8 ثمانية سلندر ياجمعه حلو وممشاه حلو بس مو شكل 97 ال 97 اخف .
بس 98 اهدا علي الشارع مايدخل هوا مثل 97 يعني لو تمشي 200 ماتسمع صوت .


انا اوقع لل 97 100 %

[hadaj]

خلوني اسجّ عن موضوعه احسن لي ولاّ الغلا والله ان يبطي وهو غالـي
*
*
*
عندي واحد 97 سلق ولاغيرت فيه شي واعزه اكثر من عيالي

[ابو عود]

ما ادري وش الحكمه من الموضوع

معليش على الرد

[التعـ King ـديل]

راح استشيرك في موضوع على الخاص

اذا مافي مانع رد علي

حاضرين .. تحت الامر

[التعـ King ـديل]

مافيه حيله البترول97 انا عندي 2 واحد مركب عليه مكينة 8 سلندر تيوتا والله ياجماعه 235 بالراحه يعني طياره والثاني 96 عليه مكينة 4500 انجكتر بعد مافيه حيله بس مو مثل الثمانيه .


صراحه الموتر مافيه حيله ومن اعزالسيارات عندي ولايمكن افرط فيهن .
كذالك عندي 98 مركب عليه مكينة v8 ثمانية سلندر ياجمعه حلو وممشاه حلو بس مو شكل 97 ال 97 اخف .
بس 98 اهدا علي الشارع مايدخل هوا مثل 97 يعني لو تمشي 200 ماتسمع صوت .


انا اوقع لل 97 100 %


هلا بولد الامارات وشيخها

الغالي جرب الفتك على بدي ال97 شغل كراج سهم العين وتعرف انه صاروخ يمشي على الارض كان يمشي معي 275 واذا طقه الهواء ينزل 230

[التعـ King ـديل]

خلوني اسجّ عن موضوعه احسن لي ولاّ الغلا والله ان يبطي وهو غالـي
*
*
*
عندي واحد 97 سلق ولاغيرت فيه شي واعزه اكثر من عيالي


ماتنلام والله

[التعـ King ـديل]

ما ادري وش الحكمه من الموضوع

معليش على الرد

الحكمه على حسب فهمك للموضوع .. وترا عادي مايخالف تقرا ولا ترد

[ابوصالح77]

هلا بك أخوي ملك التعديل
يا أخي حرام عليك تقلب المواجع علينا
آآآآآآآآآآآآآآآآآآآآآآآآآآآآآآآآآآآآآخ يالسبع الله يطرح فيه البركة
موتر لا يعلى عليه إذا حصلت نضيف
تقبل مروري
بالتوفيق

[لبيه يمنادي]

هلا بولد الامارات وشيخها

الغالي جرب الفتك على بدي ال97 شغل كراج سهم العين وتعرف انه صاروخ يمشي على الارض كان يمشي معي 275 واذا طقه الهواء ينزل 230



مرحبا مليون والله ياخوي وتسلم علي المداخله والله كلامك في محله بس مشكلة مكينة الفتك كثرة الاعطال .... راعيها مايفارق الكراج ... مكينة الفتك 100% اذا انته قريبا الكراج او حول البلاد .. والله العظيم اعرف واحد من الشباب ركبها وكلفته فوق 35000 درهم .. ماكملت شهرين الا قد نزلها من كثرة الاعطال والمشاكل ..



تدري اني مركب مكينة v8 تيوتا من اربع سنوات ماخليت فيها ديرة من الامارات لين سلطنة عمان .. السعودية ..الربع الخالي .. الاردن ..سوريا .. تركيا .. يعني ماخلت ديرة والحمد لله ماقد ادخلت الكراج الا لتغيير الزيت او التشييك فقط ....

نصيحتي بدي 97 ومكينة v8 تيوتا ورووح ...

[عبدالرحمن1980]

يابعدي شريت سياره ولا

[سرطوقا]

موووفق اخووي

[صامولي]

انا صراحة سقت باترول 97 وكنت اعاني من عدم الرساوة والخشونه مقارنة بالتريل بليزر سيارتي المفضلة
هذا رايي بصراحة في السيارة
أما من ناحية العزم فما يحتاج فيه قوة ما شاء الله تبارك الله
مع العلم اني سقت سيارة العمل يعني الصيانة مهمله لكن مع ذلك فيه قوة جبارة
تحياتي لك

[التعـ King ـديل]

يابعدي شريت سياره ولا

لا توني بس ان شاء الله قريب

[التعـ King ـديل]

يابعدي شريت سياره ولا

لا توني بس ان شاء الله قريب

[مجالس الرجال]

ماشاء الله
وشهادة لمحركات تويوتا بالجودة من منصفين في موضوعك

[جيبي جايزلي]

الله يستر عليكم اللي يقول امشي 220 واللي 270 يا جماعه ترفقوتراكم غالين و الفخر للي صنع السياره

[قايد تميم 1]

آآآآآآآآآآآآآهـ كان عندنا باترول 97 بس بخاخ 4500 شد بلد والله ياناس انه ينزل تحت الـ200 مع خط مستوي وبالنفوود يازين صوت السفاري خاصه 97 وتحت اذا عطيته اول يشخف شخـف ماتسمع الا وحيييييييييييف الموتر يازينهن بس
ترا لوتدقق ماتلقى مثل السفاريات القديمه في البران ابد ابد الاغلب سفاري

[قدر مكتوب]

انا شفت باترول مع واحد مركب v8 مكينه كابرس 2008 , بصراحة الموتر لايعلى عليه هدووووء , وقوه ونشاط , صرف بانزين رهيب والمكينه المنيوم بارده لو تمشى بلا مرواح ماتحتر ومع المكيف بعد وكل شي شغال

[المماتوس]

يالربع أبيض نظيف خليجي عليه مكينة 2001
آخذه ب33 الف
والله أضني خبيت عنده
أخذته إلا شوي
الشوووور ياأخوان ,,,,,,,,,,

[أبوصقر]

ماشاء الله تبارك الله..الله يوفقك..هاذي المواتر الي تبري العله..أما بالنسبة لي..هالشايب الي معي..على شد بلاده..والحمد لله..ماشيه أموره إلا أن الخرابات متعبتني شوي.. بس الصراحة صحيح أنه يخرب حزات بس السفاري وكلمة حق::..
لانخيته صار في الأرض بلوة..!!؟؟
مايوقف دونه شيء..

[VIP-503]

مشاء الله ومشكور على الموضوع

[ابوعقل]

كنق التعديل

ماشاء الله عليك

والله شوي الا اسكر الاب توب

واروح ادور واحد 97

الله يبارك لك بمواترك اللي عندك

ويعوضك ان شاء الله باللي احسن منهن

[بعيد الارماس]

والله سيئ الابعد الحدود

[عاشق الفكسار]

اطرربنا باالصور لاهنت

[التعـ King ـديل]

اطرربنا باالصور لاهنت

عندي موضوع فيه صور جنوط وكفرات فيه صور المواتر

[التعـ King ـديل]

والله سيئ الابعد الحدود


عطنا وش شفت منه

[التعـ King ـديل]

الله يستر عليكم اللي يقول امشي 220 واللي 270 يا جماعه ترفقوتراكم غالين و الفخر للي صنع السياره

هم صنعو وانا عدلت هل افتخر ولا لا؟

[التعـ King ـديل]

يالربع أبيض نظيف خليجي عليه مكينة 2001
آخذه ب33 الف
والله أضني خبيت عنده
أخذته إلا شوي
الشوووور ياأخوان ,,,,,,,,,,


عطني علومه على الخاص وابشر بالرد اللي يبرد خاطرك

[ابن عكاش]

لي رجعه لموضوعك ياكنك

[خالد العمراني]

ياخوك السبعه والله انه كنق
وماشاء الله لهالحين ماسك سعره

قبل سنه بحايل لقيت واحد ماشي 18بس
ريحة الوكاله باقيه فيه
يقول وصل سومه 58

انا كان معي سبعه سوبر سفاري بخاخ اللي بالتوقيع
موتر يطرب وين مابغيته تلقاه
ان بغيت بعيد ديار واللا بران

اشكرك كنق على الموضوع

[الدبل الثقيل]

جزاك الله خير موضوع شيق
قد كان معي ربع بخاخ ٩٦ جيب روعه منظر وخفه في الرمل ورساوه في الخط قد ظرب عليه كفر امامي وانا مشي ١٤٠ ماشاء الله ولا كآنه جيب.. عيوبه في نظري شرب البنزين .. اصوات تنسيم الهوا .. القربعه..
لكن عموما جيب ماانساه ومتندم على بيعته لكن الحمد لله على كل حال ... اتمنى لو يعيدون صناعة شكله مع مكينه مميزه وبدي مايقربع..

آيضا من وجهة نظري ان ربع النيسان ٩٧ وتحت افضل جيب لاهل الصيد والطرد خصوصا الساحل واي مكان سهل او رملي لآنه راسي..

[الكدن1]

الباترول السبعاوي يجرح ويداوي

[الباترول دمي]

اخوي انا قد جربت الربع والصالون موديلاتها 89 و 90 و 92 و93 الصراحة موتر بمعنى الكلمة بس المواتر هذى عزلها ضعيف جدا وقرقعة غير طبعية تربط ولا ماتربط ماينفع معها
لكنها تعزيك في بساطتها وخفة نفسها
ومشكور على الموضوع الي هيجنى

[ولد وايل..]

أول شي...

اخوي بالله إرفق على عمرك...

ترى السره ما فيها شطارة أكثر ما تسويه دعس الأبنص ..

والله وانا اخوك خذها من أخ أكثر من 180 على السفاري وحتى الاند (الجيوب بشكل عام) وخاصة القدام...

ما تسوى لو ضرب كفر ولا وطيت قطعه حديد ولا عين قط منعكف..
.
.
.
والسفااري عزااااااااه يا السفاري... والله ما يعرفه الا اللي جرب...!

ولا يقدره ويعرف كلامك الا من جلس ورى الطارة ورسم رسمه الفنااان ..

سفاري 94 قير اوتو (الجنوط بيضاء) هع

وكرف كرف ما يكرفه موتر ولما وصل ممشاه فوق 500 غيرنا القير لعادي (طنخة فقط ولا القير الأول سليم ماشاء الله تبارك الله) وغيرت الشبك وفتحت له لمبات الرفرف وغطست الجنوط <<اووول ما طلعت موضه التغطيس...

والله يا حس السفاري وهو يحن والله ما يوصف طرررررررررررب....

عزاااه...


ياليتك ذكرت التعديل بشكل اوضح وادق والمشاكل اللي واجهتك ع شان يكون الموضوع أكثر فائدة.....


تحياتي..

[الباترول دمي]

ولد وايل
كيف شفت الأوتماتيك عملي
اصراحة ودي اجرب الأوتوماتيك
كانك بتبيع القير انا شراي

[هويدي]

الباترول من 97 وتحت هو الباترول ولا ننسى عزه ايام 91

خصوصاً الخليجي اللي لونه احمر وذهبي ابودعامه بيضا

يوم طلع 92 ابوجنوط نيكل سحب البساط من تحته

واكثر ما ابدعوا في 94 ابو اسطبات رصيف سفاري فل كامل

واحلا موديل بنظري غطى عليهن الـ 95 ابوجناح لاجاك ذهبي

وعلى طاري الترهيم سقت موتر واحد من العيال سفاري صالون 91 مكينه لكزس 400 ماشاء الله طياره وخشت مزاجي الفكره ابدورلي نظيف واسقطله مكينه إن شاء الله

[كودو]

أول شي...

اخوي بالله إرفق على عمرك...

ترى السره ما فيها شطارة أكثر ما تسويه دعس الأبنص ..

والله وانا اخوك خذها من أخ أكثر من 180 على السفاري وحتى الاند (الجيوب بشكل عام) وخاصة القدام...

ما تسوى لو ضرب كفر ولا وطيت قطعه حديد ولا عين قط منعكف..


تحياتي..

جزاك الله خير اي سياره رفيعه نسبه الانقلاب فيها كبير جدا حفظ الله الجميع

[ولد وايل..]

ولد وايل
كيف شفت الأوتماتيك عملي
اصراحة ودي اجرب الأوتوماتيك
كانك بتبيع القير انا شراي




والله لو هو عندي كان يجيك فدوة والله ...

بس الله المستعان...إبن آدم ما يعمّر...!!

كان الموتر يحتاج وزن كلتش بسبب تغيير الكلتش (بعد مده من الإستخدام..)

وركبه زيدي قذر وأعجبة الموتر وقال شراي شراي << ولا هنا رغبة بالبيع أبد...

الكلام هذا في صناعية الخليج بالخبر.... طلع الموتر من الصناعية ولا وصل لكبري تقاطع الجزائر مع طريق الظهران الا وهو يطلبك عمره صدم بصبات الكوبري وعقبها راح تشليح .! :(

[التاكسي]

لا تقلبون المواجع علي
انا كان معي سبعه سوبر سفاري بخاخ ذهبي :good2:
كفرات بالون وهدرز ما شاء الله عليه نضيف وكاله بدي ومحركات جايبه بنفسي من الامارات كان مع سواق
لا شفت فيه لا فرقعه ولا تفكك ولاشي اكثر من اربع سنوات معي ما خليت مكان ما رحت عليه مشى معي 150000ما فيه شعيب ولا طعس ما مر عليه

بس مثل ما قال الكنق العين ما تخلي شي كل ما رحت مكان لقيت ورقه عليه السياره للبيع
واخرتها طلعت مع شباب الله يسامحهم كل شوي جاني واحد يسوم وانا اقول السياره مو للبيع

وفي اليوم الثاني رجعت وشغله اموش شوي الا مكانه
اوديه الرشه الا يقولة المكينه قامت
جيت اوضبه قالو ما ينفع التوضيب فيه السلندر انشق الراس انكسر حتي العمود انعفط
عين قويه ههههه

غيرت المكينه بمكينه 4500 حقت جيب ال2003 قالب ما مشي بخاخ وصار العزم الله لا يوريك قوووه

بس العين قويه كل شوي صار يخرب فيه شي

اخر شي بعته عن طريق موقع مكشات وقلت للي شراه ترا الموتر فيه عين ابراء لذمه

حتي نبهته ان فيه مويه تنقط من طبت المكينه ابراء للذمه ونزل تحت السياره في الحفره وشاف المويه

الله يرزق الي شراااه ويوسع له

علي فكره بعد ما بعته صرت اتواصل مع الي شراه
يقول ما شاء الله عليه وقفته يومين ورحت ابصلح المويه الي تنقط يوم نزلت تحت السياره عن الورشه
الا ما فيه مويه تنقط واستخدم الموتر ولا في الا العافيه

[ب ر ق]

السلام عليكم ورحمه الله وبركاته



كثير منا يسمع عن الباترول 97 وكثير منا امتلك هذه السياره لكن هل الكثير منا تكلم عن تجربه هذه السياره المثيره ؟؟ الاجابه لا


انا بتكلم من تجربه لي طبعا هالمره بتكلم عن الباترول 97 والمرات الجايه بتكلم عن موديلات اخرى للباترول السياره اللي اعشقها


بتكلم اول شي عن باترول 1997 شد بلد مكينه كلبليتر السياره حلوة وخفيفه نفس صحيح كانت تشرب بنزين يعني كان التانكي يالله يمشي


معي تقريبا 300 - 350 كيلو لكن الحمدلله وجدت الحل وصار يمشي معي مابين 450 - 480 كيلو مع المكيف والمشي بالنهار


الحل بالصرفيه تركب ديلكو وكويل حق 4500 وتركب فرار برازيلي اسود من السليماني طبعا انا كنت مركبها على جنوط مشكله ولها موضوع


منفرد لحالها فيه عده انواع للجنوط ولكن كان الكفر المفضل لدي هو الماكسس 900 البالون كما يحب تسميته البعض طبعا انا طولت بالشرح


عن السياره ومواصفاتها وتعديلاتها نجي الان للاستخدام بصراحه كانت من اروع السيارات اللتي اقتنيتها من ناحيه المركب والسفر والبر


في نفود بالامارات جنب مطار السلامات قريب من اماره العين هذي النفود ممتعه بالقياده وتحتاج الى سواق ماهر وللعلم في هذا الموقع مااذكر


شفت شاص او لاند كروزر يتمشى غالبيه الشاصات موقفه تتفرج على ابداع السفاريات في هذه المنطقه وكان احلا يوم لي وانا هناك كنت افرفر


على الباترول وبكل شموخ مافشلني مع العلم اني طلعت لاند جكس هدد كما يحب البعض تسميته مو فخر او احتقار للسياره بس المنطقه مايمشي


فيها الا الباترول بشهاده اهل العين .. نرجع لمحور حديثنا طبعا الباترول كان محبب لي لدرجه العشق والجنون كنت من حبي له مااحب اوقفه


عند البيت دايم طالع افرفر ولا اسافر عليه اشتريته ماشي 80 الف وبعته بعد سنه ماشي 195 الف وسبب بيعته عين صابتني فيه وكرهته


مع العلم اني مااشتكيت منه ابد بس جتني فتره اذا ركبته ضاق صدري وتنكدت مع ان الموتر رزه واللي يذكر توقيعي الاول بيذكر صورته


الخلاصه ان هالموتر وشهادتي فيه مجروحه ماعمره فشلني لا في بر ولا في خط


طبعا لمن كان عندي هالباترول كنت استخدمه استخدام شخصي وكان عندي باترولين غيره كلهم 97 بس الفرق في الممشى


الاثنين الثانيه كانو ماشين اكثر من 500 الف يعني لو بلعب فيهم مامن خساره وكان البدي لك عليه رشات وسمكره


المهم الاول : قلت بجرب عليه مكينه فكسار 8 سلندر موديل 2000 طبعا اللي خلاني اجرب هو اني لقيتها على باترول مصدوم


اشتريتها منه رخيصه وضبطتها بالامارات المكان المفضل عندي بالترهيم والتعديل واستخدمته شهرين ونص كنت اسافر عليه


وكان موتر طياره يعني امشي على خط الشرقيه 220 بالراحه بس كنت اعاني من المكيف والراديتر لانها مركبه توليف واتعبتني


لمن كمل الموتر معي ثلاث شهور بعته على واحد من الحفر وكان خاطب الموتر خطبه ويعرف قصته ويعرف تكاليفه علي والرجال ماقصر


ربحني فيه فوق استخدامي له .. والموتر مع الرجال لحد الان ويروح ويجي عليه


الموتر الثاني : هو اللي تخسرت فيه ودفعت فيه مبالغ بس طلع بعدها موتر واللي يعرفني ويعرف هالموتر يوم كان معي يعرف وش اقصد


الموتر ذا ركبت عليه مكينه فتك عاد تعالو شوفو 280 حصان 4800 على بدي 97 مخفف وش بيصير بيطلع صاروخ


المهم هالموتر استخدمته ثلاث شهور ومره من المرات كنت مسافر عليه للشرقيه وكان يماشيني على الخط ولد خالتي معه لكزس 430


المهم كان اذا استوى الخط دعست على الباترول وخليت ولد خالتي يسولف مع اللوحه اللي ورا واحيانا مع الاستبنه لدرجه اننا من الدعسه


وصلنا للشقه بالخبر في ساعتين وربع وصلنا وولد خالتي معصب موتره ب 250 الف ماقدر يجيب كسره باترول على قولته طبعا هالموتر


كان انظف من اللي مركب عليه مكينه فكسار وكلفني تركيب في الامارات 35 الف ريال للمكينه والتعديل اللي عليها والحمدلله ايضا بعته بمربح


على اماراتي شافه معي بالامارات مره يوم كنت مسافر


خلاصه القول ان الباترول 97 من امتع الباترولات اللي سقتها


وانتظروني في موديلات اخرى


88 - 91 - 92 - 95 - 98 - 99 - 2002 - 2005


لكل موديل موضوع خاص فيه

تررررررررااك قلبت الموواااااااااااااااااااااااااااااجع:good2::good2: :good2::good2::good2::good2::good2::good2::good2: كان معي واحد ....بس ماودي اكمل

[المعلم تو]

الله عليك الباترول ال97 عشقي وعشق الألوف من محبي ومرتادي الرمال .............. الله هيضتنا والله إني أحب هالسيارة حب غير طبيعي

[بواسامه]

سبق جربته 97 سنه ونصف بلا ترهيم
خوش موتر وخفيف نفس وظل
عيبه صرفيته للبنزين شوي عاليه

[ضرماوي88]

ملك التعديل صباحك ورد
وتقبل الله منا ومنك صالح الاعمال وجميع المسلمين
ماتخبر واحد مثل الي كان معك ولك جزيل الشكر

[ماتت الفرحه]

الله يستر عليكـ >>من السرعه اخوووووي

<<بسألكـ اخوي عن تخفيف الصرفيه >> بصرااحه يشرب شرب اليهود <هههههع!


ديلكو وكويل >>


حق 4500

( بخاخ ولا كلبليتر ) > ولا وش الطريقه <<والبنزين 91 ولا 95 >>انتظر ردكـ

[ماتت الفرحه]

وينكـ يالتعديل <<

[التعـ King ـديل]

الله يستر عليكـ >>من السرعه اخوووووي

<<بسألكـ اخوي عن تخفيف الصرفيه >> بصرااحه يشرب شرب اليهود <هههههع!


ديلكو وكويل >>


حق 4500

( بخاخ ولا كلبليتر ) > ولا وش الطريقه <<والبنزين 91 ولا 95 >>انتظر ردكـ

الديلكو حق 4500 للكلبليتر والبنزين 95

وفرارات قدام وكويل الكتروني

[التعـ King ـديل]

وينكـ يالتعديل <<

اي خدمه تحت امرك بالخاص

[الشبل العجمي]

اخوي انا عندي 3 نياسين

1-97سوبر سفاري أبيض مشاء الله عليه مايشكي من شي ماشي حول 260000 مو حق بر .
2-90 سلوقي باب واحد مشااااااااااااااااااااء الله وردة وكاااالة شريتة قبل 4 شهور ماشي 32الف .
3- 93 هاذاك ((((((((((مفجور)))))))))) حق بر وبحر هع طرد ومقناص.


ووحد من العيال عنده نيسان عليه مكينة كورفت مشاء الله علية طيارة
تقبل مروري

أخوكـ/الشبل العجمي

[ذيب الزور]

جبتها على الجرح يا كنق

الا بسالكم مكينة تويوتا 8 سلندر كم تكلف ؟؟؟

والديلكو والكويل حق اي موديل يا ملك ؟؟

[ابن عكاش]

كان معي 97م جي ال
إيجابياته:
1-خفيف نفس ووذف
2-قير ودفرسات ممتازه
3-شكل كلاسيكي له نظره خاصة
4-بعد تركيب الياي الإسترالي ومساعدات الشاص والهلل طلع موتر بر من الدرجه الأولى
سلبياته:
1-تتنسيم الهواء والعزل سيئ
2-تانكي البزيم صغير وحلها تركيب الإسترالي
3-عزمه ضعيف
4-مشاكل الكلبليتر المزعجه خاصة في الشاء
مايصلح للإستخدام اليومي ولا للسفر بالعائلة
اما صرفية البنزين اشوف انها معقوله بالنسبة لتانكيه الصغير يمشيني في الرياض 450كيلو وفي البر350كيلو تقريبا
طبعاً اللي كان معي نظيف جداً شريته من واحد مايعرف البر ويستخدمه استخدام صغيره
ماكان ودي ابيعه بس نشبولي الناس فيه وحصل لي حادث فيه والحمدلله على سلامة الأرواح
وودك بواحد نظيف تجهزه للبر وتخليه في المضلة بس إذا ذكرت الكلبليتر يطيب خاطري

[ابو شهد99]

السلام عليكم

أخوي ملك التعديل

97 باترول نيسان

قمة الروعة والجمال والقوة والثبات

موتر سفر + موتر بر + موتر مغامرات

ويشغلونك الشباب تبيع تبيع لالالالالا

مشكور على الموضوع

[التعـ King ـديل]

اخوي انا عندي 3 نياسين

1-97سوبر سفاري أبيض مشاء الله عليه مايشكي من شي ماشي حول 260000 مو حق بر .
2-90 سلوقي باب واحد مشااااااااااااااااااااء الله وردة وكاااالة شريتة قبل 4 شهور ماشي 32الف .
3- 93 هاذاك ((((((((((مفجور)))))))))) حق بر وبحر هع طرد ومقناص.


ووحد من العيال عنده نيسان عليه مكينة كورفت مشاء الله علية طيارة
تقبل مروري

أخوكـ/الشبل العجمي

ماشاء الله تبارك الله

[التعـ King ـديل]

جبتها على الجرح يا كنق

الا بسالكم مكينة تويوتا 8 سلندر كم تكلف ؟؟؟

والديلكو والكويل حق اي موديل يا ملك ؟؟

المكينه تكلف مابين 14000 الى 18000 درهم اماراتي حسب الكراج اللي يشتغلها لك

وعندنا بالسعوديه تطق ال 20

الديلكو والكويل بالكثير 1000 ريال مع شغل اليد وقطع غيار تشليح موديل 2001 وفوق

[التعـ King ـديل]

كان معي 97م جي ال
إيجابياته:
1-خفيف نفس ووذف
2-قير ودفرسات ممتازه
3-شكل كلاسيكي له نظره خاصة
4-بعد تركيب الياي الإسترالي ومساعدات الشاص والهلل طلع موتر بر من الدرجه الأولى
سلبياته:
1-تتنسيم الهواء والعزل سيئ
2-تانكي البزيم صغير وحلها تركيب الإسترالي
3-عزمه ضعيف
4-مشاكل الكلبليتر المزعجه خاصة في الشاء
مايصلح للإستخدام اليومي ولا للسفر بالعائلة
اما صرفية البنزين اشوف انها معقوله بالنسبة لتانكيه الصغير يمشيني في الرياض 450كيلو وفي البر350كيلو تقريبا
طبعاً اللي كان معي نظيف جداً شريته من واحد مايعرف البر ويستخدمه استخدام صغيره
ماكان ودي ابيعه بس نشبولي الناس فيه وحصل لي حادث فيه والحمدلله على سلامة الأرواح
وودك بواحد نظيف تجهزه للبر وتخليه في المضلة بس إذا ذكرت الكلبليتر يطيب خاطري


انا معك بكلامك الا كلمه مايصلح للاستخدام اليومي انا كنت اداوم عليه واسافر عليه واغزي به اي مكان براسك ماعمره اشتكى من شي

الحمدلله على السلامه وبالحديد ولا بالعبيد

[التعـ King ـديل]

السلام عليكم

أخوي ملك التعديل

97 باترول نيسان

قمة الروعة والجمال والقوة والثبات

موتر سفر + موتر بر + موتر مغامرات

ويشغلونك الشباب تبيع تبيع لالالالالا

مشكور على الموضوع

هههههههههههههههههه ماخلاني ابيع مواتر الا هالسالفه كل من شافه وقفني وقال للبيع لين كرهت موتري وبعته

[ق ح ط]

السلام عليكم اخوي كنق التعديل لو ماعليك امر ابي استفسر عن الجيب انا معي جيب باترول ربع 98 كلبليتر

وودي اركبله ديلكو وكويل 4500 بس ينفع اركبها ولا لا وابي استعلم عن سعرها وبكم يركبونها ومن وين اشتريها

[راعي السلقه]

الله يهديك كاتب الموضوع بتوجع قلبونا ؟؟

كان معي واحد من زمان وبعته الله يخلف علي ..ماش القلب يحن على الاول

يازينه ويازين سواقته .. كنك تسوق سيكل لكن راح وراحت ايامه

يمشي فوق السيوف كنه مصنوع خصيصا لجل يتمشى بينهن .. اييييه الله يخلف علي قولوا امين

[رساويxp]

والله الموتر حلو

لاكن سعره غالي


واكثرهن يصرفنــ


.!

[خالد777]

يا أخوي لا تجدد جروحنا

[د/فهد]

الحمد لله أنا معي واحد وزي العسل قلو ما شاء الله :D
بس فيه واحد من اشباب معه موتر 92خليجي مكينة بخاخ شد بلد ماشاء الله
الموتر رزه وفيه مواصفات خاصة :good:
وعلى قولت الشباب كل ما قابله احد قال للبيع ؟
وله معه 3سنوات ولا مشاكل ولا شي ولا يطلع الموتر الا للبر
والصيف واقف الموتر الا طلعات خفيفة
لكن العام بدا الرجال يشكي منه كل ما جا يطلع للبر طلعة له مشكلة وضاق صدره وكل ما جا يبيعه هون الرجال مرتاح للموتر ولا يبي يفرط فيه وانا اقوله الظاهر فيه نفس ؟
لكن الموتر ماشاء الله من اروع ما يكون بالبروالخط نفسه خفيفة:good2:

[عارف الشمري]

[size=5][color=darkred]عندي واحد 97 سلق ولاغيرت فيه شي واعزه اكثر من عيالي

احس انا صعبه شوي..!!!
عيالي يسووان عندي مليون جيب

التعبير خانك والمبالغه الزائده

بالتوفيق

[د/فهد]

الحمد لله أنا معي واحد وزي العسل قلو ما شاء الله :D
بس فيه واحد من اشباب معه موتر 92خليجي مكينة بخاخ شد بلد ماشاء الله
الموتر رزه وفيه مواصفات خاصة :good:
وعلى قولت الشباب كل ما قابله احد قال للبيع ؟
وله معه 3سنوات ولا مشاكل ولا شي ولا يطلع الموتر الا للبر
والصيف واقف الموتر الا طلعات خفيفة
لكن العام بدا الرجال يشكي منه كل ما جا يطلع للبر طلعة له مشكلة وضاق صدره وكل ما جا يبيعه هون الرجال مرتاح للموتر ولا يبي يفرط فيه وانا اقوله الظاهر فيه نفس ؟
لكن الموتر ماشاء الله من اروع ما يكون بالبروالخط نفسه خفيفة:good2:

كنق
ماعطيتنا رايك موتر رفيقي ؟
ودمت بود

[أطلال نجد]

سيارة أنتهى زمانها

[التعـ King ـديل]

كنق
ماعطيتنا رايك موتر رفيقي ؟
ودمت بود

ماينلام خويك وانا اظن فيه نفس لان صار لي نفس الشي لين بعت جيوبي كلها

خله يحرج عليه ويبعده عن عيون الناس قدر المستطاع

[التعـ King ـديل]

سيارة أنتهى زمانها

بالعكس مازال لها عشاق حتى اليوم

بعكس السياره اللي بتوقعيك

[أطلال نجد]

مساكين هؤلاء العشاق
أنا أعتبرهم من عشاق دفع الفواتير الشهرية !

بالنسبة للسيارة اللي بتوقيعي
هذى لها عشاقها ولها ذكرياتها الجميلة
ولكن بعد أن أنتهى عمرها الأفتراضي تخلصت منها ولله الحمد !

تحياتي

[khdt hgl'dvd]

اطلال نجد القديم افضل من الجديد
اما دفع الفواتير ياشيخ لا تقهرني الجديد هو اللي تدفع فواتير ياخوي صيانه للموتر الجديد الفين اقل شي بالوكاله اما القديم جدده وانساااه وان حصلت نضيف دق سلف وانساه اهم شي الزيت انتبهله وسيارات تكد انا معي جيب 85 من خلقت وهو معي ما عمره قالي اح او صيانه ادق سلف يقولي سم
قال فواتير رح شف الوكلات كم تاخذ منك صيانه بس الله المستعان
والجاي العن والعن وتذكر كلامي اكثر الناس الايام وخاصه عندنا بتبوك ياخذ موتر قديم ويجدده ويستخدم اما الجديد بقيمته اتزوج وابني بيت

[هاجر الود]

بصراحة كل السيارات القديمة غير والباترول القديم من 88-97 غير أنا أقول الحقيقة رغم أنف من أنكرها والله صعب يعود هذا الملك مرة أخرى فقد عرفه الجيل السابق بملك الصحراء والله ياأخوان أن السفاري القديم هذا هي السيارة الوحيدة ألي تدخل بها الربع الخالي وأنت مرتاح متخاف أبد حتى ولو كانت السيارة الوحيدة بأذن الواحد الأحد ماتخيب ظنك أبد -عندنا بين الربع عيب ينسحب أو يغرز يطلع نفسه بنفسه بدون مساعدة -الشيخ زايد رحمه الله ماكان يقنص إلا عليه وحتى وقتنا مازلات سيارة المهمات الخاصة والصعبة ولا يقدر أحد يحكم عليه الإ فقط من جربه ياأخوان قوة في الماكينة والقير والدفرنش غير طبيعية شوفوا المرهمات واحكمواوالله أنه يسوى الجيوب الجديدة والقديمة كلها يكفي نظرتك له وهو واقف والله هيبت ملك الله يغفر لمن صنعه أمين واسمحوا لي ياأخوان الي ماجناه وشراه وساقه من أول ماجنا موتر بر أبد وماعرف سر إعجاب الناس له حقيقة أسرت قلوبنا هذه السيارة والله لاشفت النظيف أوقف بس أناظر وأقول ماشاء الله لاقوة الا بالله.

[شقران755]

كان عندي 97 اعزه بالحيل ماشاء الله عليه وبعته الله يهني راعيه ومابعت الا اني بحاجة الفلوس ويوم بعته كنت بالمعرض بالقصيم اصوره وقلت البيتين :::
آه واحسافه على بيعت ربع هويته ==== موديله سبع وتسعين أفضل موديلاته
شوفته تغني عن جميع شبيهاته ==== تنظرت فيه لين نزلت دموع وداعاته

[هاجر الود]

لام الله من لامك هذا كنق الصحراء قول وفعل ياخوي صنع ليدوووم ليدوووم ليدوووم .:good2:

[أطلال نجد]

^
صابون فيري بالليمون هذا ما هوب جيب باترول :D

[أطلال نجد]

سبحان الله وبحمده

[زوم]

ماشاء الله تبارك الله

[HAS5SAN]

والله يستاهل ربع النيسان
واتوقع ان سعره في الامارات مازال عالي مقارنة مع الموديلات المشابهه

[HAS5SAN]

بالغلط ضغطت عادي
وأنا أقصد أنه ممتاز
وللأمانة لم أستخدم
ولكن الناس شهود الله في أرضه

[مواسي الطعوس]

لي معه تجربه سوف اكتبها ان شاء الله قريبا .

[الليث الذهبي]

الصراحه ودي اشتري لي واحد بس غالي وامتخوف من خرابه

[mr.قهد]

ليتنا من حجنا ساالميين!!

[كديان]

اكثر ما شوف بالبر باترول م97 و تحت
حتى بالمدن و القرى و الهجر كذلك
اقل ميزة به تنسى شي اسمه افتح الكبوت

[صقر الري]

الف شكر يا لكنق...

[اكيف شي]

ايوالله ليتنا من جحنا سااالمين
ذكرتنا بشي راااح

[الوزير 111]

اشكرك اخي على الموضوعــــ...
لاحظت انه اغلب الردود مركبين مكينة vxr v8
يعني الـــvxr انشط بس مشكلته انه ثقيل...
هذا رأيي ولك رايك واحترمهــــ...
تحيااااااتي الوزير 111
أبو خالد...

[Hwer]

انا اقول الهدد 97 يطق له باصبع

[برهوش]

صورة الأطخم وربي موتر يبرد القلب




http://img102.herosh.com/2011/04/21/758922675.jpg (http://www.herosh.com)

[التعـ King ـديل]

انا اقول الهدد 97 يطق له باصبع


ياليت تطقطق اصابعك بموضوع لحالك .. وش دخل الهدد بالسالفه الحين؟؟ متاكد انك قريت الموضوع ؟

[رسيس نجد]

زمانها اندثر وولى 0

[كديان]

ههههههههه
الله يرجك يا كنق

[aooa]

والله لي فتره وانا ادور على باترول 97 او 96 ويكون نظيف وغير معدل والى الان ما حصلت ...


اللي يعرف احد عنده ونظيف يا ليت على الخاص ..

[كديان]

والله لي فتره وانا ادور على باترول 97 او 96 ويكون نظيف وغير معدل والى الان ما حصلت ...


اللي يعرف احد عنده ونظيف يا ليت على الخاص ..


كم قروشك ؟ تبي بخاخ او كلبيتر ؟
فل كامل او اس جي ال ؟؟؟

[muktar]

ماشاء الله وتبارك الله

[عطيب الشوق]

يا ملك التعديل والله اني اقرا الموضوع بنهم ششششششديد اسابق عيوني على الحروف واسولف على نفسسسي بغيت اقوم ادق سلفه هههههههه تدري عاد السبعه اللي معي له الحين حول الخمس سنين وقبله واحد اخذ نفس مدته تقريبا وكل من شافني والوالد الله يطول بعمره يقولي يا ابن الحلال انت وش لك وش القديم قلت إلا هذي المواتر تكفىىىىىىىىىىى يا العود لا تقول فيهاا شيء لعنبوا من صممه والله الذي لا إله إلا هو اني مره طبيت فيه رباضه وخويي قالي من البدايه لا تجي هالدرب قلت لا ان شاء الله اني بجيه وسمحان ما يردني بإذن الله لو طلبته المهم مالك بالطويله اول ما دخلت طاحت الكفرات الاربع وعلى طول فضيت القير قلت لخويي دقيقه واجيك قال انا قايل لك انك بتنشبنا الحين ابتلشنا وش يظهرنا قلت له دقيقه بس واجيك وانزل ياطول العمر انقص من هواه اعزك الله والحاضرين .. المهم والله يا ملك انه يناقز من مكانه ويطيح ويقوم والله يا مسلمين اني ادير طارته واذكر الله واهلل واكبر وخويي صصصصصصصصن ولا نفس متعجبببببب من الموقف اششششششششهد انه مووووووتر يطررررربك هيضتني وانا شايب الله يصلحك هههههههه

تحياتي لك
ابوسعد

[التعـ King ـديل]

يا ملك التعديل والله اني اقرا الموضوع بنهم ششششششديد اسابق عيوني على الحروف واسولف على نفسسسي بغيت اقوم ادق سلفه هههههههه تدري عاد السبعه اللي معي له الحين حول الخمس سنين وقبله واحد اخذ نفس مدته تقريبا وكل من شافني والوالد الله يطول بعمره يقولي يا ابن الحلال انت وش لك وش القديم قلت إلا هذي المواتر تكفىىىىىىىىىىى يا العود لا تقول فيهاا شيء لعنبوا من صممه والله الذي لا إله إلا هو اني مره طبيت فيه رباضه وخويي قالي من البدايه لا تجي هالدرب قلت لا ان شاء الله اني بجيه وسمحان ما يردني بإذن الله لو طلبته المهم مالك بالطويله اول ما دخلت طاحت الكفرات الاربع وعلى طول فضيت القير قلت لخويي دقيقه واجيك قال انا قايل لك انك بتنشبنا الحين ابتلشنا وش يظهرنا قلت له دقيقه بس واجيك وانزل ياطول العمر انقص من هواه اعزك الله والحاضرين .. المهم والله يا ملك انه يناقز من مكانه ويطيح ويقوم والله يا مسلمين اني ادير طارته واذكر الله واهلل واكبر وخويي صصصصصصصصن ولا نفس متعجبببببب من الموقف اششششششششهد انه مووووووتر يطررررربك هيضتني وانا شايب الله يصلحك هههههههه

تحياتي لك
ابوسعد

الله يطعمك من خير ويكفيك شره يابو سعد .. انا اتكلم من تجربه مافي مثل الباترول جديد ولا قديم جربت من 89 الى 2005 استخدام شخصي و2010 سفر ولا احلا منه

[zulfi]

الحي يحييك ..ما خبرنا الشاب يعرس على عجوز!!!

[التعـ King ـديل]

الحي يحييك ..ما خبرنا الشاب يعرس على عجوز!!!


بعض العجز عن 1000 بنت في نشاطها ولا تدري هي بنت ولا عجوز

[كبتن]

يـا راكـب ٍ وارد الـنيـســان = سبعة و تسعين ياباني
فرخ السفاري و له ميزان = يرجح على كل ميزاني
وقـته لـيا زانـت الريـضـان = و اليا شعق برق الامزاني
تسمع هديره مع الشكمان = اليا هدر يطرب آذاني :good2:
صح لسان من قال

[ابوسند9]

الله يعطيك العافيه اخوي كنج
بس حبيت
ارد
على اللي يقول زمانها اندثر وولى
حبيت اقول الله يعطيك طولة العمر وجميع الاعضاء ان عيال عيال عيالك راح يلحقون عليها ويمكن يشترونها
يا رجال لنا 25 سنه والناس تقول يتفكك ومن ها الكلام وموديلات 88 الى الان يسافرون عليها وطلعات بر وعسف في عسف وما شيه زي الحلاوه
تحياتي لك ومجرد وجهة نظر

[التعـ King ـديل]

الله يعطيك العافيه اخوي كنج
بس حبيت
ارد
على اللي يقول زمانها اندثر وولى
حبيت اقول الله يعطيك طولة العمر وجميع الاعضاء ان عيال عيال عيالك راح يلحقون عليها ويمكن يشترونها
يا رجال لنا 25 سنه والناس تقول يتفكك ومن ها الكلام وموديلات 88 الى الان يسافرون عليها وطلعات بر وعسف في عسف وما شيه زي الحلاوه
تحياتي لك ومجرد وجهة نظر

لافض فوك .. حتى موديلات ال 83 لحد الان في البر نشوفها

[Abo gssar]

انا اشوف ان اكثر شي يميز موديلات التسعين خصوصا والكثير غفل عنها هو ليونة الموترعن بقية الجيوب والشي الثاني اللي يميز جيوب النيسان عن غيرها واللي اعتبرها سر العشق والتعلق بهذه السيارة الفزة الخطيرة اللي تحصل عليها اذا كنت معشق السيارة ودست على دواسة البنزين بسرعة وصدقوني هذا الاحساس ماتلقاه الا في جيوب نيسان وهي الوحيدة اللي تقدم لك هذا الاحساس بعكس الجيوب الثانية واللي جرب يعي معنى كلامي .

[التعـ King ـديل]

انا اشوف ان اكثر شي يميز موديلات التسعين خصوصا والكثير غفل عنها هو ليونة الموترعن بقية الجيوب والشي الثاني اللي يميز جيوب النيسان عن غيرها واللي اعتبرها سر العشق والتعلق بهذه السيارة الفزة الخطيرة اللي تحصل عليها اذا كنت معشق السيارة ودست على دواسة البنزين بسرعة وصدقوني هذا الاحساس ماتلقاه الا في جيوب نيسان وهي الوحيدة اللي تقدم لك هذا الاحساس بعكس الجيوب الثانية واللي جرب يعي معنى كلامي .


كل يوم يزيد اعجابي بالنيسان .. مع اراء الاعضاء اللي مثلك

[برهوش]

والله العظيم اليوم اخوي يقولي فيه واحد يبي موترك 97 قلتله اذا يبيه 35 الف يجي
ودخلت على الموضوع اليوم وهيضتوني وخليتوني اتمسك فيه الظاهر اني هونت من البيعة

[برهوش]

انا اشوف ان اكثر شي يميز موديلات التسعين خصوصا والكثير غفل عنها هو ليونة الموترعن بقية الجيوب والشي الثاني اللي يميز جيوب النيسان عن غيرها واللي اعتبرها سر العشق والتعلق بهذه السيارة الفزة الخطيرة اللي تحصل عليها اذا كنت معشق السيارة ودست على دواسة البنزين بسرعة وصدقوني هذا الاحساس ماتلقاه الا في جيوب نيسان وهي الوحيدة اللي تقدم لك هذا الاحساس بعكس الجيوب الثانية واللي جرب يعي معنى كلامي .


صدقت والله

[أبو سندس]

97 كنق الصحاري بدووووون منازع

[المماتوس]

اللي يقول زمانه اندثر وولى
تصدق إلا يولي الموديل الجديد والزين هذا بشبابه
خفيف نفس وجبار

[فارس الحربي1]

الله يعطيك ان شاء الله سياره ببالك

[الكدن1]

اشكر صاحب الموضوع
السفاري 97 سيارة ممتعة
واللي يبي يطرب نفسه وعنده دراهم يركب مكينة فتك
واللي يقول يخرب لاتركب كمبيوتر البلد ركب هالتوك حتى تلتغي الحساسات

[اب فجحان]

ملك التعديل الله يمسيك الا الخير ...

صراحة موضوعك شيق مرة وانا من هواة الباترول

ابي استشيرك اناعندي باترول 91 ربع علية مكينة 4500 مفكوكة من 2007

هل مكينة 8 سلندر تايوتا افضل ولا مكينة الكابرس ........

انتظر ردك تحياتي لك .......

[abo tayyar]

تم التصويت ممتاز يالتأكيد .

الموتر ما ملكته لكن مع اخوي فاكه وكاله وما باعه الا قبل سنه ونص تقريبا ما شاء الله عليه قوه بالقير والدفرنسااات كم مدة استعمال 12 سنه وما فك لا مكينه ولا قير ولا دفرنساات انقلب عليه اخوي بردميت الصمان حقت ابراج الكهرب اللي عند شويه كان يطقطق بالقارمن بيحط احداثيت مكاننا وكان يمينه هوية وانقلب عليه طبعا بطن الموتر طاح على الحصى حجمه كبار مرره وما كمل قلبه وحده والحمد لله ما تضرر الا البدي وكفرين وجنطين اما دفرنساات والعكوس والدبل عال العال صلحناه واستعملنها اكثر من سنه وما اشتكى من شي ....

[ملاعب الريح]

مسيك بالخير يا كنق التعديل


ما شاء الله تبارك الله على مواترك


توني ماخذ نيسان قديم عليه مكينة تويوتا 4500 بخاخ الموتر نشيط ما شاء الله تبارك الله

واللي مركبين مكاين فكسار وودهم يجربون ما عندي مانع

ال6 التويوتا أنشط من ال8 بس ال8 أبرد

جربت نيسان عليه فكسار وكانت النياسين اللي عليها مكاين 6 تعطيني فرق شاسع بعدها قررت أركبب مكينة 6 ولا أشاور


وبسألك وش رايك بLS1

تنصح فيها ولا لأ ومع ذكر الأسباب

على فكرة النيسان اللي معي منزل حق لعب وخطوط ودوران (مكيف شغال)


موتر البر والمقناص تويوتا 97

وبجرب النيسان بالبر بالشتا يمكن أهون عن التايوت:)


بإنتظار ردك



ملاعب الريح

[قدر مكتوب]

مسيك بالخير يا كنق التعديل




ما شاء الله تبارك الله على مواترك



توني ماخذ نيسان قديم عليه مكينة تويوتا 4500 بخاخ الموتر نشيط ما شاء الله تبارك الله


واللي مركبين مكاين فكسار وودهم يجربون ما عندي مانع


ال6 التويوتا أنشط من ال8 بس ال8 أبرد


جربت نيسان عليه فكسار وكانت النياسين اللي عليها مكاين 6 تعطيني فرق شاسع بعدها قررت أركبب مكينة 6 ولا أشاور



وبسألك وش رايك بLS1


تنصح فيها ولا لأ ومع ذكر الأسباب


على فكرة النيسان اللي معي منزل حق لعب وخطوط ودوران (مكيف شغال)



موتر البر والمقناص تويوتا 97


وبجرب النيسان بالبر بالشتا يمكن أهون عن التايوت:)



بإنتظار ردك





ملاعب الريح

ls1 + soft camshaft واطرب عمرك فوق 380-400 حصان بس مشكلتها الصبر مو مثل صبر الياباني

[التعـ King ـديل]

مسيك بالخير يا كنق التعديل


ما شاء الله تبارك الله على مواترك


توني ماخذ نيسان قديم عليه مكينة تويوتا 4500 بخاخ الموتر نشيط ما شاء الله تبارك الله

واللي مركبين مكاين فكسار وودهم يجربون ما عندي مانع

ال6 التويوتا أنشط من ال8 بس ال8 أبرد

جربت نيسان عليه فكسار وكانت النياسين اللي عليها مكاين 6 تعطيني فرق شاسع بعدها قررت أركبب مكينة 6 ولا أشاور


وبسألك وش رايك بLS1

تنصح فيها ولا لأ ومع ذكر الأسباب

على فكرة النيسان اللي معي منزل حق لعب وخطوط ودوران (مكيف شغال)


موتر البر والمقناص تويوتا 97

وبجرب النيسان بالبر بالشتا يمكن أهون عن التايوت:)


بإنتظار ردك



ملاعب الريح



مساك الله بالورد واعتذر عن التاخير بالرد .. انت الان اخترت افضل مكاين للتعديل لذلك LS1 مالها اي لزمه بمثل حالتك

لذلك جرب الباترول في البر بدل من التويوتا 97 وراح تلاحظ قوه وصبر مكينه التويوتا على الباترول وراح تلاحظ فرق كبير

بالطرد والقنص لانك ركبت مكينه قويه على دفرنسات افضل من التويوتا 97

[**عاشق الشواهين**]

قديمك نديمك

[المعرقب]

السلام عليكم ورحمة الله وبركاااته
اقسم بالله العضيم اني شاريه بقيمة 60000 ريال وكان ممشاه 38 الف وكان معي ربع تايوتا مديل 2006 بايعه
وشريت النيسان ربع مديل 97 باب واحد سلق وماعمري فكيت كبوته الى الغير زيت وهلحين ماشب معي 198 الف شد بلد لابويه ولامكينه

وسيم مني 51 الف ولابعت ولاى طرالي ابيعه
وهو الي في توقيعي
مشاء الله تبارك الرحمن
وماعمري شبكة الدبل في النفووود
اما بخصوص الراحه لاتنشد

[ولدحمد]

ياحبي له بس :good2:
وياكرهي له وخراباته اذا بداء يقطع ولا طلع به علتن وتصير هينه ولاتلقاه الا باخر الامر.
<< معاني واجد لين عرفه له ..
والله ياجماعه قد جلست ايام الشتاء ماغير اركب من هالكربريترات لين زبط موتري الحمدلله الحين ..
بس يعلك اذا بداء يطلع به تقطيع يا اما من البليتين او البوبينه او كربريتر ..
بس حله مثل ماقالو الاخوان تركب له ديلكو وكويل الكتروني ونم ..
واذا صارت عندك دراهم $ عليك بمكينه التويوتا 6 سلندر عز الله انه عز ..
ومشكله الامريكي المكاين تعلك اذا مااشتغلت صح << مجرب وحامت تسبده ..
عيوبه الداخليه = تنسيم + حراره:f تحت السواق عشان الهدرز << ذابحه :D
بس نهايه الموضوع انه موتر اذا اشتغلت به صح ويطربك بالبر مايوفق مشاء الله ..

[بوحازم الشنفري]

الحي يحييك ..ما خبرنا الشاب يعرس على عجوز!!!

عندي توضيح بسيط:D

أولا الباترول حسب الدراسات الجراحية "ذكر"، في حين أن البقية "إناث"

فلما تذكر الباترول، تقول سيار باترول، وأما البقية تقول سيارة :good2:



انا اشوف ان اكثر شي يميز موديلات التسعين خصوصا والكثير غفل عنها هو ليونة الموترعن بقية الجيوب والشي الثاني اللي يميز جيوب النيسان عن غيرها واللي اعتبرها سر العشق والتعلق بهذه السيارة الفزة الخطيرة اللي تحصل عليها اذا كنت معشق السيارة ودست على دواسة البنزين بسرعة وصدقوني هذا الاحساس ماتلقاه الا في جيوب نيسان وهي الوحيدة اللي تقدم لك هذا الاحساس بعكس الجيوب الثانية واللي جرب يعي معنى كلامي .


مرة تبنشر علي تاير وماني حاس، طلع لأن الدفريشن الخلفي مال باتجاه التاير المبنشر من كذا مش حاس فيه والتاير جالس يتشطر، مجرد حسيت السواقة غريبة شوية :D

يعني لو غاص تاير الثاني تحصله مايل، وهذا يساعده في الرمل والوحل على حد السواء.

وأجمل ما فيه التقفيز واللعب وتحس إنك تسوق كائن حي مش موتر :D يعني مثل الحصان العربي الفحل لما ترفسه يقفز لفوق قبل الإنطلاق، لتقريب الصورة:

http://www.moolf.com/images/stories/Animals/Arabian-horses/Arabian-horses-10.jpg
http://www.pps.net.au/4wdencounter/images/niss_air.jpg

:D


ياحبي له بس :good2:
وياكرهي له وخراباته اذا بداء يقطع ولا طلع به علتن وتصير هينه ولاتلقاه الا باخر الامر.
<< معاني واجد لين عرفه له ..
والله ياجماعه قد جلست ايام الشتاء ماغير اركب من هالكربريترات لين زبط موتري الحمدلله الحين ..
بس يعلك اذا بداء يطلع به تقطيع يا اما من البليتين او البوبينه او كربريتر ..
بس حله مثل ماقالو الاخوان تركب له ديلكو وكويل الكتروني ونم ..
واذا صارت عندك دراهم $ عليك بمكينه التويوتا 6 سلندر عز الله انه عز ..
ومشكله الامريكي المكاين تعلك اذا مااشتغلت صح << مجرب وحامت تسبده ..
عيوبه الداخليه = تنسيم + حراره:f تحت السواق عشان الهدرز << ذابحه :D
بس نهايه الموضوع انه موتر اذا اشتغلت به صح ويطربك بالبر مايوفق مشاء الله ..


خراباته سببها التلبيق، ولما تبدل كل شيء بالمستعمل، في أمور لازم تبدلها بشيء أصلي، ولو من الوكالة وأسعارها رخيصة لأن قطع الباترول بهذا الموديل صارت تتصنع في مصانع نيسان بتايلند، وكثير من القطعة أشتريها من الوكيل.

سيارتي 97 وكانت مبهذلة بشكل لا يتصور من صاحبها السابق، الزين إن جسم السيارة مرتب مافيه تعرجات "ما شاء الله" ولا الربلات ومن داخل مبهذل بها، اشتغلت عليها شوية وجبت نتايج مرضية :) وشخصيا مش مفكر أبيعها بأقل من 60 الف ريال سعودي مع إني شاريها بـ16 الف قبل سنة تقريبا! لأنها السيارة الثانية ومش سيارة الاستعمال اليومي.

زمان قبلما أركب هالموديل خصوصا كنت أتقزز منه على الرغم من شكله اللي كان يعجبني منذ التسعينات، بس كنت أفكر سواقته مملة، وللأمانة ولا يزعلون مني الشباب سواقة الشاص واللاند مملة والتويوتا عموما وبصراحة تقصر العمر وهي خلتني أفكر إن الباترول كذا، ولكن بعدما جربت وحدة نظيفة جدا موديل 89 وكنت باشتريها بحوالي 17 ألف، انصدمت جدا مع إنها أضعف بمراحل من حقتي اللي اشتريتها لاحقا الانجكتر، وفكرة شرائي لها كان سببه أولا لأني نيساني حتى النخاع وأريد سيارة لقضاء حاجتي في الأودية والرصد البيئي كسيارة ثانية إضافة إلى موتري انفينيتي M45 موديل 2007.

يعلم الله إني بعدما اشتريت الباترول اني تدريجيا كرهت سواقة الانفينيتي، ياخي فعلا في فرق بين تسوق موتر وموترة، سيار وسيارة، ذكر وأنثى، لأن الباترول فعلا ذكر!

كانت أول سنة مليئة بالجولات للصناعيات، وكان أسبابها في الغالب بسبب التلبيق، اشتريتها والسيارة فيها هذي البلاوي اللي صلحتها:

- فتحتات المكينة حقت الراديتر مبهذلة.
- الكلتش محروق عن بكرة أبيه.
- الربلات كأن كلب أكلها.
- الداخلية وسخة والتخشيبة حول الجير مكسرة وتدخل حرارة بسيطة.
- الراديتر يسرب.
- المكيف خربان والبرادات والمكيف المركزي الخلفي.
- جزوز مزعج جدا بدون دبات قياس 3 إنش، يعني تمر بآخر الليل برمضان تنوب عن المسحراتي!
- ميزانية المقود مشي حالك.
- التواير بدون ميزانية.
- عجلة مضروبة ومصلحة تلبيق.
- مروحتين مكسيما موصلات بواير واحد بدون فيوز نحيف ويصلح للمبات فقط! وكل مرة تحترق.
- الانجكترات متفحمة ولها عمر طويل ما تبدلت!
- الباب الخلفي للشنطة ما ينفتح إلا من الداخل.
- النوافذ أغلبها ما تنفتح "للحين ما ضبطتها كلها زين"، وكان باب الراكب الزر طالع برا تقول مصارين ضب.
- بطارية مائية مستهلكة تشتغل انت وحظك.
- ضربة بسيطة نسبيا في مؤخرة السيارة خلف التاير الايمن.

وغيرها مما يحضرني، وكملت السالفة وصدمت قلاب "شاحنة حاملة طين" وصلحتها بحوالي 7 آلاف ريال سعودي، منها فصلت راديتر جديد بـ3 عيون مع ماي تويوتا وبدلت شبكتها، والمقدمة تكسرت بشكل عام وبدلت البونيت "الكبوت" والمتجار الأيسر والصدام والشبك والأنوار على اليسار، ونزلت المكينة وصلحت بقيمة زهيدة فتحات المكينة بس تكلفة التنزيل مكلفة بحوالي 1300 ريال سعودي، فصلت وايرات منفصلة وسميكة مع فيوز مستقل للمروحتين للتبريد، ووصلتهم بالبطارية اللي بدلتها بوحدة نظيفة حقت جمس الكترونية 70 أمبير، ومن بعدها المراوح عال العال. للعلم لما كانت تتوقف كل المراوح أروح الصناعية بدون مراوح مسافة 13 كم وأدور على الجراج، والحرارة ما توصل المنتصف! ما شاء الله ^_^

بدلت جميع الأنوار حتى تجي نظيفة أكثر من برا لأن النور الخلفي صار بدل أحمر وردي من كثر انه مستهلك! وصبغتها كانت ممتازة بس كلون ما عجبني وغيرتها للأسود المطفي أول مرة بعدين أسود لامع عشان أجددها بالشرطة.

وبدلت كلتش من الوكالة بحوالي 1050 ريال سعودي وكراسي الكلتش من الوكالة أيضا لأن كراسي الجير كانت مكسرة من أول وأنا أشوف السواقة غريبة والجير مرات ما يركب زين.

بعدين ارتحت شوية من الصناعية، بديت أهذبها:

قمت بتلبيس الأرضية فوق طبقة الوكالة بأرضية حمراء بقيمة 450 ر.س وطربال 180، ونزعت التخشيبة المبهذلة حول الجير عشان يكون القماش مغطي على الجير 100%، وفصلت جلد أحمر للجيرات مع جيوب يغطي أيضا لتصير 3 طبقات وانسى شيء اسمه حرارة بشكل نهائي، وضيف عليها اشتريت صوف أصلي بحوالي 180 ريال أسود وحوطت على الجيرات ويغطي على التلبيسة الجلد الحمرة للجير يبقيها فقط في الأعمدة.

كان هذا بعدما غسلت السيارة بالكامل وعمل بوليش بالمكينة للبودي، وشفت شكل التلبيسة البيج لازال مرقع كما أن البيج القماش شكله تافه، قمت بتلبيس السقف بالجلد الأسود بـ350 ر.س، وغطية المقاعد بقماش خفيف بـ100 ر.س، وتطريز الأبواب بالجلد الأسود والأحمر مرورا بجوانب السيارة في الخلف بـ600 ر.س مع مخمل الأبواب السفلي، وقمت بتديل السماعات الأربعة بسماعات سوني بـ440 ر.س، تصليح الإنارة العلوية وتغطيتها بأغطية الوكالة الأصلية بدلما كأنك في خرابة بنجالية وكانت موجودة بالدرج.

قمت بتبديل المساحات اللي أتوقع ما تبدلت من قرون طبعا بسعر زهيد وتجاري، وقمت بتفصيل وتركيب مكينة بخاخ ماي حق رنج روفر قديم مع تسليكات وبخاخات تجارية على البونيت "الكبوت" وتوصيلها بحوالي 170 ر.س، كنت أريد أصلح المساحة الخلفية وبخاخها بس أجلت الفكرة.

اشتريت كاميرا بلوتوث وشاشتها للرؤية الخلفية وتفصيل زر مستقل بدل تشبيكها بالريوس بـ500 ر.س، وتصليح تسليكات الكشاف الخلفي اللي كان موجود اصلا. تصليح 3 اقفال معطلة في السيارة منها الشنطة وعمل جهاز فتح من بعد بـ350 ر.س. تبديل ربلات النافذة للراكب الأمامي الداخلية من الوكالة بحوالي 90 ر.س، تبديل البوشات في المعاونات الأمامية مع استبدال السيلات حقت الدفريشن الأمامي اللي كانت تسرب آيل الدفريشن منها من الوكالة القطع بحوالي 250 ر.س، وتبديل صحون البريك الأمامية و4 صفايف "سفايف + فحمات البريك" تجارية بحوالي 350 ر.س، تصليح المكيف وتبديل الكمبريسر بمستعمل بحوالي 350 ر.س وكان ثلج لدرجة إن برا كانت الحرارة 35 الظهر وانت ركبك شوية تتكسر من البرودة، ويمكن لأن وضعية الكمبريسر ما تريحه اخترب وبدلته مرة ثانية بحوالي 400 ر.س ونقصت البرودة زيادة عشان يعمر وبرودته زينة لا بارد بارد ولا حار.

مع غسيل السيارة بالديزل طلعت الربلات تتأثر وتتفتت البوشات، فأنصح بتجنب استعمال الديزل ويفضل الزيت العادي وحتى لو جديد زين ترى فرق بسيط "10 ر.س" في التنظيف السفلي، عموما بدلت 8 بوشات لكل السيارة اللي قلبت عصافير من الصرصرة وكان عندي تاير داخل وتاير بارز وطلع المعاون مضروب وبدلته وصلح لي الأمور من تحت زين بحوالي 1250 ر.س، ونبهني على سالفة الديزل في التنظيف ووراني البوشات المفتتة وهو يشتغل أمامي.

ولازلت ما خلصت 100%، كنت أريد أبدل كل الربلات حقت الأبواب والنوافذ بس تكلف حوالي 2100 ر.س.

ووعلى طاري الأنوار وإني بدلت بعضها كان باهت والآخر مشقوق بحوالي 350 ر.س تجارية ضفت لمبات أمامية هالوجينية من شركة BOSCH أفضل 50% زيادة عن التقليدية وعمر أطول ومدى 20+ متر زيادة، وأنا أكره الزينون في سيارات الكرف والإنارة ممتازة بالمقابل، وسعر اللمبتين حوالي 50 ر.س.

الصبغة الأولى المطفي كلفت فقط 500 ر.س، الثانية حوالي 180 ر.س مع السمكرة.

الإطارات يوم خذيت السيارة مستهلكة، وركبت تواير مستعملة بس نظيفة وأكبر شوية، وفكيت المداعس الجانبية حتى يطلع شكلها مرتب أكثر.

إجمالي الخساير مع الحادث تقريبا 13-14 الف ريال سعودي، ولا أملك ولا ذرة نية لبيعها:good2:

قمت بتركيب هيدرز ودبة وسطية "السويدي - الإماراتي" بحوالي 1250 ر.س، مع دبة شاص كاتمة وتفصيل 2.5 انش، الصوت اللي يطلع واضح وجيد ويبرز عند 3 وقبلها ما يهتمون فيه الشرطة ومريت من 4 نقاط تفتيش زي العسل.

ركبت مخفي في الزجاج الأمامي بالكامل 30%، وفي الجامتين الأماميتين 40%، والوسطيتين 60%، والخلفيتين والشنطة 80% عازل حراري تجاري بحوالي 300 ر.س، ويعطي فرق هائل في راحة السياقة وينسيك الشمس.

واشتريت مؤخرا خارطة GARMIN Oregon 550 مستعملة مع خوارط طوبوغرافية + مدنية + طبيعية شبيه بجوجل مابس، وبصراحة زي العسل، وهي تركب وتؤخذ في الترحال على الأقدام.

http://farm7.static.flickr.com/6014/5994847978_fe2f17fb07_b.jpg

لمشاهدة الصور "107 حتى الآن":

$$- نيسان باترول 1997 عبر طبيعة ظفار، لا يفوتكم *_^ (http://mekshat.com/vb/showthread.php?t=432081)

كثرت في الكلام، ولكن لا تلوموني ترى أتكلم عن باترول 97 :good: ولازالت السيارة قيد التعديل والتضبيط.

سيارتي ما شاء الله تعتبر بالنسبة لمعظم النياسين من نفس الموديل اقتصادية، الخزان يمشي 450 كم تقريبا لو نقيسها لين ينظفي، وحوالي 400-420 قبلما أعبيها قريب E، وهذا صعودا بالجبل وتجوالي بالمدينة، أهم شي ما تزيد عن 120 بالسرعة.

[منصورالشمري]

السلام عليكم ورحمه الله وبركاته



كثير منا يسمع عن الباترول 97 وكثير منا امتلك هذه السياره لكن هل الكثير منا تكلم عن تجربه هذه السياره المثيره ؟؟ الاجابه لا


انا بتكلم من تجربه لي طبعا هالمره بتكلم عن الباترول 97 والمرات الجايه بتكلم عن موديلات اخرى للباترول السياره اللي اعشقها


بتكلم اول شي عن باترول 1997 شد بلد مكينه كلبليتر السياره حلوة وخفيفه نفس صحيح كانت تشرب بنزين يعني كان التانكي يالله يمشي


معي تقريبا 300 - 350 كيلو لكن الحمدلله وجدت الحل وصار يمشي معي مابين 450 - 480 كيلو مع المكيف والمشي بالنهار


الحل بالصرفيه تركب ديلكو وكويل حق 4500 وتركب فرار برازيلي اسود من السليماني طبعا انا كنت مركبها على جنوط مشكله ولها موضوع


منفرد لحالها فيه عده انواع للجنوط ولكن كان الكفر المفضل لدي هو الماكسس 900 البالون كما يحب تسميته البعض طبعا انا طولت بالشرح


عن السياره ومواصفاتها وتعديلاتها نجي الان للاستخدام بصراحه كانت من اروع السيارات اللتي اقتنيتها من ناحيه المركب والسفر والبر


في نفود بالامارات جنب مطار السلامات قريب من اماره العين هذي النفود ممتعه بالقياده وتحتاج الى سواق ماهر وللعلم في هذا الموقع مااذكر


شفت شاص او لاند كروزر يتمشى غالبيه الشاصات موقفه تتفرج على ابداع السفاريات في هذه المنطقه وكان احلا يوم لي وانا هناك كنت افرفر


على الباترول وبكل شموخ مافشلني مع العلم اني طلعت لاند جكس هدد كما يحب البعض تسميته مو فخر او احتقار للسياره بس المنطقه مايمشي


فيها الا الباترول بشهاده اهل العين .. نرجع لمحور حديثنا طبعا الباترول كان محبب لي لدرجه العشق والجنون كنت من حبي له مااحب اوقفه


عند البيت دايم طالع افرفر ولا اسافر عليه اشتريته ماشي 80 الف وبعته بعد سنه ماشي 195 الف وسبب بيعته عين صابتني فيه وكرهته


مع العلم اني مااشتكيت منه ابد بس جتني فتره اذا ركبته ضاق صدري وتنكدت مع ان الموتر رزه واللي يذكر توقيعي الاول بيذكر صورته


الخلاصه ان هالموتر وشهادتي فيه مجروحه ماعمره فشلني لا في بر ولا في خط


طبعا لمن كان عندي هالباترول كنت استخدمه استخدام شخصي وكان عندي باترولين غيره كلهم 97 بس الفرق في الممشى


الاثنين الثانيه كانو ماشين اكثر من 500 الف يعني لو بلعب فيهم مامن خساره وكان البدي لك عليه رشات وسمكره


المهم الاول : قلت بجرب عليه مكينه فكسار 8 سلندر موديل 2000 طبعا اللي خلاني اجرب هو اني لقيتها على باترول مصدوم


اشتريتها منه رخيصه وضبطتها بالامارات المكان المفضل عندي بالترهيم والتعديل واستخدمته شهرين ونص كنت اسافر عليه


وكان موتر طياره يعني امشي على خط الشرقيه 220 بالراحه بس كنت اعاني من المكيف والراديتر لانها مركبه توليف واتعبتني


لمن كمل الموتر معي ثلاث شهور بعته على واحد من الحفر وكان خاطب الموتر خطبه ويعرف قصته ويعرف تكاليفه علي والرجال ماقصر


ربحني فيه فوق استخدامي له .. والموتر مع الرجال لحد الان ويروح ويجي عليه


الموتر الثاني : هو اللي تخسرت فيه ودفعت فيه مبالغ بس طلع بعدها موتر واللي يعرفني ويعرف هالموتر يوم كان معي يعرف وش اقصد


الموتر ذا ركبت عليه مكينه فتك عاد تعالو شوفو 280 حصان 4800 على بدي 97 مخفف وش بيصير بيطلع صاروخ


المهم هالموتر استخدمته ثلاث شهور ومره من المرات كنت مسافر عليه للشرقيه وكان يماشيني على الخط ولد خالتي معه لكزس 430


المهم كان اذا استوى الخط دعست على الباترول وخليت ولد خالتي يسولف مع اللوحه اللي ورا واحيانا مع الاستبنه لدرجه اننا من الدعسه


وصلنا للشقه بالخبر في ساعتين وربع وصلنا وولد خالتي معصب موتره ب 250 الف ماقدر يجيب كسره باترول على قولته طبعا هالموتر


كان انظف من اللي مركب عليه مكينه فكسار وكلفني تركيب في الامارات 35 الف ريال للمكينه والتعديل اللي عليها والحمدلله ايضا بعته بمربح


على اماراتي شافه معي بالامارات مره يوم كنت مسافر


خلاصه القول ان الباترول 97 من امتع الباترولات اللي سقتها


وانتظروني في موديلات اخرى


88 - 91 - 92 - 95 - 98 - 99 - 2002 - 2005


لكل موديل موضوع خاص فيه



صدقت بكل كلمة
انا كان معي وجانن واحد ونشب بحلقي وشراه
لم اجد امتع من سواقته وخاصه في النفود

[كسير الحظ]

السلام عليكم




لا هنتم جميع من صاحب الموضوع الى الاخوان الي ردو


عندي سؤال محيرني

ايش معنى الـ97؟

طيب حتى اهل الفكسار يصايحون و يمدحون الـ97

والحين يمدحون الـ2007

هل عشانه اخر موديل بالشكل؟




حسب معلوماتي
ان المكينة بالنيسان ما تغيرت كلها 4200من 97وتحت
والقير نفسه وباقي القطع
وحتى بالفواتير جنب القطعه يكتب لك 97---88 اذا ماني غلطان

يعني فقط ديكور و موديل بالاستمارة




يا اخوان هل فيه شئ فعلاً مختلف والا المسألة فقط نفسية؟
والا المدح طايل الـ97 والي تحته 96 - 95 - 94



الي عنده الاجابه الله لا يهينه يسدحها هنا
لان هالموضوع يتم نقاشه كثير عند الشباب

خاصة اني مالك سابق لباترول 95 ويستاهل المدح الله يبارك لمن شراه




في انتظاركم

[بوحازم الشنفري]

السلام عليكم




لا هنتم جميع من صاحب الموضوع الى الاخوان الي ردو


عندي سؤال محيرني

ايش معنى الـ97؟

طيب حتى اهل الفكسار يصايحون و يمدحون الـ97

والحين يمدحون الـ2007

هل عشانه اخر موديل بالشكل؟




حسب معلوماتي
ان المكينة بالنيسان ما تغيرت كلها 4200من 97وتحت
والقير نفسه وباقي القطع
وحتى بالفواتير جنب القطعه يكتب لك 97---88 اذا ماني غلطان

يعني فقط ديكور و موديل بالاستمارة




يا اخوان هل فيه شئ فعلاً مختلف والا المسألة فقط نفسية؟
والا المدح طايل الـ97 والي تحته 96 - 95 - 94



الي عنده الاجابه الله لا يهينه يسدحها هنا
لان هالموضوع يتم نقاشه كثير عند الشباب

خاصة اني مالك سابق لباترول 95 ويستاهل المدح الله يبارك لمن شراه




في انتظاركم

جيت عالجرح يا بطل، انت لحقت التعديل الأخير الذي لحق الموديل Y60، حيث أن في الوكالة يعرف موديلات 89-94 بـ Y60 - I، وتعرف موديلات 95-97 بـ Y60 - II، وشخصيا ماعندي فكرة لو نزل شيء في 1997 غير عن الباقي، بس اللي أعرفه من 95 صارت أفضل، وهنا الكلام فقط عن الانجكتر حسب علمي لأن الكاربيتر ما حصل فيه تغيرات جوهرية، ولو إن صاحبنا كان من قائدي الكاربيتر.:good2:

ولو حد معه معلومات إضافية يرميها :)

[برهوش]

جيت عالجرح يا بطل، انت لحقت التعديل الأخير الذي لحق الموديل Y60، حيث أن في الوكالة يعرف موديلات 89-94 بـ Y60 - I، وتعرف موديلات 95-97 بـ Y60 - II، وشخصيا ماعندي فكرة لو نزل شيء في 1997 غير عن الباقي، بس اللي أعرفه من 95 صارت أفضل، وهنا الكلام فقط عن الانجكتر حسب علمي لأن الكاربيتر ما حصل فيه تغيرات جوهرية، ولو إن صاحبنا كان من قائدي الكاربيتر.:good2:

ولو حد معه معلومات إضافية يرميها :)

كلامك صحيح
دائما اخر موديل في الشكل ينمدح أكثر من غيره حتى في التايوتا
مثال الكامري 2002 والهايلوكس 2005
انا من وجهة نظري المتواضعة المصنع يحط أمكانياته كلها في الموديل الأخير من ديكورات وتلافي بعض العيوب المصنعية يعني بالعربي سيارة بدون مشاكل مصنعية ..
ودائما أول شكل في الموديل يطوله العيوب المصنعية ويتلافونها في الموديل القادم ..
بعدين صاحب الموضوع مدح ال 97 لانه ما جرب الا هو
في النهاية من حقك تغير لانك تعرف الباترول ومجربه وكل الكلام الى أنقال ينطبق على جميع السيارات..

[بوحازم الشنفري]

كلامك صحيح
دائما اخر موديل في الشكل ينمدح أكثر من غيره حتى في التايوتا
مثال الكامري 2002 والهايلوكس 2005
انا من وجهة نظري المتواضعة المصنع يحط أمكانياته كلها في الموديل الأخير من ديكورات وتلافي بعض العيوب المصنعية يعني بالعربي سيارة بدون مشاكل مصنعية ..
ودائما أول شكل في الموديل يطوله العيوب المصنعية ويتلافونها في الموديل القادم ..
بعدين صاحب الموضوع مدح ال 97 لانه ما جرب الا هو
في النهاية من حقك تغير لانك تعرف الباترول ومجربه وكل الكلام الى أنقال ينطبق على جميع السيارات..

معرفتي بالباترول لازالت حديثة :) ومعي 1997 4 أبواب انجكتر مواصفات كاملة تقريبا "King Road"، وهي أول باترول اشتريه، وإن شاء الله مش الأخير:good2:

لك التحية:good:

[Messerschmitt]

ما لك غنات عن التيوتا يا بعدي

هذا مكاينه تراهم على الباترولات

[r7al sder]

عز الله ان الباترول شيييييخ

[الشبل العجمي]

عز الله انه موتر ما يفشل راعية

[sgl2002]

والله انا ماجربت ٩٧ لكن اعشقه جدا
بس المشكلة ماهنا نظيف

عندي الوالد مايستخدم غير تويوتا فقط

ومره وحده اللي شرا فيها سفاري ٩٢ اس جي ال وقعد معه شهرين وباعه

طبعا الى الان اذا جاء طاري القوة في المكاين والقيور والدفرنسات مايطري غير السفاري
مع ان موتره لاند٩٢ من ١٨ سنة لكن مانسي السفاري لانه بالشهرين ذيك ما خلا جبال ولانفود الا وطبه ولا مغرز الا وسحبه ولاقد فشله


وانا محدثكم انتقلت الى عالم الجيوب بعد ماخلصنا الكلية وتوظفنا بعد استخدام دداسن

شريت الشاص لانه منوتي من زمان مديل ٢٠٠٩
لكن للأسف ماطلع حسب السمعه
ايدك على قلبك خوفك يعلق
ولفته مزعجه خصوصا في المناطق الجبلية
وخفيف من ورا يعني اي طلعه لازم دبل


بعدها بعته ورجعت للنيسان واخذت باترول ٩٨ ربع
صراحه من كثر ماشفت منه ودي الناس كلها تجربه

ياناس امشي ماخاف من شي
ان ظربت النفود يمشي تقول بزفلت
وجهه لايمكن يضرب الارض
تعليق انسى
ربضه يمشيها تقول مطب عند مدرسه
في الخط يبزاك بزايه مثل الرضيع
جبال مايفكر في شي ويمشي مع اي منطقه ومناقزه من فوق الحصى بانسيابيه وخفه بعكس الشاص

والحمد لله عرفت ان لاباترول الا الربع
لكن الفتك والباترولات اللي فيها كهربه واجده صراحه هي االلي مشاكلها واجد
لذلك افضل الربع او الكامل بس يجي استاندر

[بوحازم الشنفري]

والله انا ماجربت ٩٧ لكن اعشقه جدا
بس المشكلة ماهنا نظيف

عندي الوالد مايستخدم غير تويوتا فقط

ومره وحده اللي شرا فيها سفاري ٩٢ اس جي ال وقعد معه شهرين وباعه

طبعا الى الان اذا جاء طاري القوة في المكاين والقيور والدفرنسات مايطري غير السفاري
مع ان موتره لاند٩٢ من ١٨ سنة لكن مانسي السفاري لانه بالشهرين ذيك ما خلا جبال ولانفود الا وطبه ولا مغرز الا وسحبه ولاقد فشله


وانا محدثكم انتقلت الى عالم الجيوب بعد ماخلصنا الكلية وتوظفنا بعد استخدام دداسن

شريت الشاص لانه منوتي من زمان مديل ٢٠٠٩
لكن للأسف ماطلع حسب السمعه
ايدك على قلبك خوفك يعلق
ولفته مزعجه خصوصا في المناطق الجبلية
وخفيف من ورا يعني اي طلعه لازم دبل


بعدها بعته ورجعت للنيسان واخذت باترول ٩٨ ربع
صراحه من كثر ماشفت منه ودي الناس كلها تجربه

ياناس امشي ماخاف من شي
ان ظربت النفود يمشي تقول بزفلت
وجهه لايمكن يضرب الارض
تعليق انسى
ربضه يمشيها تقول مطب عند مدرسه
في الخط يبزاك بزايه مثل الرضيع
جبال مايفكر في شي ويمشي مع اي منطقه ومناقزه من فوق الحصى بانسيابيه وخفه بعكس الشاص

والحمد لله عرفت ان لاباترول الا الربع
لكن الفتك والباترولات اللي فيها كهربه واجده صراحه هي االلي مشاكلها واجد
لذلك افضل الربع او الكامل بس يجي استاندر

بيني وبينك ماراح يفهم كلامك إلا الذي جرب الباترول :)

أولا إنسى فكرة إنك تحصل باترول نظيف لأن في تفكير البعض أن سيارة حقت كرف يعني لازم يهلكها ويبهذلها وما يسرفسها ويبدل كل شي بقطع مستهلكة الخ.

يعني لما تمسك وحدة وتريد فعلا سيارة نظيفة لازم تخليها معك وتربيها على يدك.

حقي اشتريته بحوالي 160 ألف ر.س والذي يعتبر رخيص جدا بعد مساومة نزلتها من 180 ألف، بس فعلا عرفت سبب سعره حيث دفعت عليه تعديلات ما يزيد عن 180 ألف وأنا راضي 100% لأنها تعديلات خلاص ما عاد تفكر فيها مرة ثانية، بدل كل شي نظيف وانسيه، وعلى براد يعني السيارة تمشي معك وتروح ولما تفضى لها صلح ولو ما فضيت تقول لك امش والله معك :)

ومن تجربتي للكربيتر من خلال "ركوب" فقط واستعمالي للانجكتر حسيت حقيقة بفرق كبير في القوة، وبصراحة معظم القوة جت لما بدلت الكلتش بحق الوكالة والحمد لله أموره طيبة ما شاء الله يقرع الجير الثالث وانت على سرعة.

بس كأن معظم الكمبيوترات ملعوبة عندنا في صلالة لأن اللي شفتهن عداد سرعة المكينة rpm يكتم عند 6 وعلى كلام أحد الأخوة من السعودية اللي ركب معي قبل شهر استغرب وقال هي وكالة عند 4 ونص؟

عموما الباترول وجيره وإعداداته 100% معمولة للطرق الوعرة، حتى تحصل إن كل جيراته خفيفة وهذا ينعكس سلبا في الطرق يعني ما يناسب السرعات العالية لو حاب تريح المكينة ولو ما عليها خوف أصلا :good2:

تعديلاتي بسيطة وهي تعديل شافط الهواء Air intake برأس تجاري مع هدرز وسستم الجزوز الكامل، أما الكمبيوتر فما عندي فكرة عنه بس في كثير يمدحون حقتي في العزم واقتصاد البترول مقارنة بغيرها، وأنا أيضا أشوف صرفيتها منطقية يعني خزان يمشيك حوالي 450-500 حتى يبند أو 400-420 كم إلى حرف E مع طلوع ونزول للجبال لأن استخدامي له للجبال، بس الصرفية أكبر بكثير في رمل الشاطي (وهو أثقل من رملة الصحراء بكثير) وللحين ولا مرة أدخل بها في ربع الخالي بس ناوي بالشتاء بإذن الله.

وحقيقة أخاف لا يجي اليوم اللي أروح أسجل الموتر كابني :D وناوي على شراء ربع مستقبلا لو صار عندي فايض فلوس بس من نفس النوعية Y60

http://farm7.static.flickr.com/6180/6157766350_d214e22aab_b.jpg
http://farm7.static.flickr.com/6202/6157769934_46a9afbb84_b.jpg

[راعي الدهنا]

انا ادور واحد حتى شكله يا شيخ جميل ما شاء الله اذا جاك ابيض

[ذيب خزاز]

وانااشهد انك صادق انا معي واحد بس كل شي شد بلد
ظيب لو اركب ديلكو اكتروني زين مدحه لي واحد وابي شوووركم

[بوحازم الشنفري]

وانااشهد انك صادق انا معي واحد بس كل شي شد بلد
ظيب لو اركب ديلكو اكتروني زين مدحه لي واحد وابي شوووركم

افضل بمليون من المائية وانا معي الكتروني بعدما عانيت من المائي:good:

[عاشق هدد 6]

الموتر زين لاكن سعره مبالغ فيه

[خشير الذيب]

كفو والله يعطيك العافيه

[~EmPeRor~]

الباترول اذا مادخلت في 8 سلندر < ماتطلع بالاداء المطلوب

[م م ع 686]

الباترول اذا مادخلت في 8 سلندر < ماتطلع بالاداء المطلوب
بلاك ال8 السلندر

ماوراه الى الخساير تشريه ب4 وتدفع فوقه 15

[sgl2002]

^^^

وهو ب6 سلندر( مكينة الفتك ) هبل في الناس

أجل لو يجي 8 سلندر ... شكلهم بيمنعونه من دخول السعودية

[مطر وسم]

بعد احترام الموضوع وصاحبه

اللي يمشي بسرعة 270 كيلو او 260 او 250 حتى لو 200 مايخاف على نفسه من سلخة كفر او فك مقص او عكس ويروح هوى ؟ شرط يلقطونه بمنقاش

لاحول ولا قوة الى بالله ينطبق عليكم المثل اللي يقول يامن شراله من حلاله عله
ان بعدله بمعنى ثاني واقول يامن جاب الموت لنفسه من حلاله

الله يستر علينا وعليكم

[ابونجم 1]

مرحبا ياشباب
عزالله انك صادق يالكنق النيسان هو موتر البر مع احترامي لرغبات الغير بس والله ياللي جرب النيسان في البر مايطيح من باله
بس ودي اسالك وش الفرارات البرازيليه؟ هل تقصد اقفال الدبل والا غيرها.

[التعـ King ـديل]

مرحبا ياشباب
عزالله انك صادق يالكنق النيسان هو موتر البر مع احترامي لرغبات الغير بس والله ياللي جرب النيسان في البر مايطيح من باله
بس ودي اسالك وش الفرارات البرازيليه؟ هل تقصد اقفال الدبل والا غيرها.

ايه اقفال الدبل البرازيليه السودا :good2:

[PHANTOOM]

اخوي كينق
اسف لأني راح اكتب اسئلتي هنيا لان الرسائل غير مفعلة لدي
اول شي انا ان شاء الله ناوي اشتري مرهم والكل نصحني بالباترول وهو موتر يستاهل ويكفيك ان نظام التعليق فيه ما تغير الى حد قريب وهذا دليل على المهارة في صنعه والشهادة لله ما قد شفت واحد تكى عليه النسيان وهو راقي طعس ولا يطعس .
طبعاً كنت ابي اشتري ربع تايوتا لان سعره مناسب لي بس صراحة خفت لاني ما قد سقته ابد ومعروف ان قلبته سريعة كيف وهو مرهم حتى لو كان معلق تعليق كامل ياي .
سؤالي ما هو الافضل مكينة الـ ls1 و الـ vortec 6.0 .
طبعاً السته ليتر اعلى تورك وهذا اللي احتاجة في المراقى لكن قالوا ان حساسة للحرارة.
ايش احط في اعتباري قبل لا اشتري لاني سمعت ان فيه حساسات لازم اتأكد انها موجودة في الموتر قبل لا اشتريه .

وسلامتك

[بواردي تربة]

كان معي مقفص ربع تويوتا موديل 83 ياهو موتر يطرب ولا يشتكي وبعتة وقلت بجرب النيسان ومعي الحين ربع موديل 91 نظيف بشكل لا يصدق الله يبعد العين عنة ولة معي الحين ثلاث اسابيع وباقي ما كرفناه عشان نعرف علومة ...

[مكشات 2012]

السلام عليكم

سوال : يقولون ان موديل 91 افضل الجيوب لان عصا القير طويله وهو قوي .

هل الكلام ممتاز او لا

[SaMi83]

ياكنق بما انك مشرف بيع وشراء السيارات

تخبر لنا هالموديل

من معارفك وسعره حليو

[PHANTOOM]

ننتظر رد كينق

[مطر وربيع]

عندي ربع باترول احس فيه تقطيع اتوقع من الديلكو
احسن اركب له ديلكو اكتروني ولا القطعه هذه
http://www.jegs.com/images/photos/700/751/751-1762LS.jpg
واسمها PerTronix Ignitor

[القرناس حر]

النيسان وبس 97

[ذعار الغامدي]

مطروربيع: ركب ديلكو وكويل الكتروني وريح نفسك

ومشاء الله الباترول مايعيبه الا صرفية البنزين والباقي عسسل

[دح ديح]

بيض الله وجهك و ما قصرت يا بطل
بموضوعك الاكثر من رائع
و سجلت بالمنتدى للأستفاده من خبراتك و خبرات الاعضاء الباقين
و يشرفني يكون اول رد علي بموضوعك
بغيت ارسلك رساله بس ما سمحلي النظام لازم اتجاوز 50 مشاركه
.................................................. ..........................
ممكن تفيدني بعدت استفسارات بما انك انسان فاهم بالامور ذي و (( قد جربت ))
انا الحين جالس ادورلي على باترول 97 الى 93 و انشاء الله احصل نضيف 4 ابواب مكيفين ثلاجتين
وش تنصحني بمكينه له
1- مكينه لكزس 400 او 430
2- مكينه تويوتا v8
انا ابي الموتر استخدام يومي (( خطوط - كشتات - تطعيس ))
* التطعيس يكفيني لو يرقا الهرم من الوجه << كلن وله طموحه ههههههههه

[محطم عنيد]

لا تسألني عن ال 97

أعشقه بجنوووووووووووووووووووووووون

[التعـ King ـديل]

اخوي كينق
اسف لأني راح اكتب اسئلتي هنيا لان الرسائل غير مفعلة لدي
اول شي انا ان شاء الله ناوي اشتري مرهم والكل نصحني بالباترول وهو موتر يستاهل ويكفيك ان نظام التعليق فيه ما تغير الى حد قريب وهذا دليل على المهارة في صنعه والشهادة لله ما قد شفت واحد تكى عليه النسيان وهو راقي طعس ولا يطعس .
طبعاً كنت ابي اشتري ربع تايوتا لان سعره مناسب لي بس صراحة خفت لاني ما قد سقته ابد ومعروف ان قلبته سريعة كيف وهو مرهم حتى لو كان معلق تعليق كامل ياي .
سؤالي ما هو الافضل مكينة الـ ls1 و الـ vortec 6.0 .
طبعاً السته ليتر اعلى تورك وهذا اللي احتاجة في المراقى لكن قالوا ان حساسة للحرارة.
ايش احط في اعتباري قبل لا اشتري لاني سمعت ان فيه حساسات لازم اتأكد انها موجودة في الموتر قبل لا اشتريه .

وسلامتك



المكاين هذي جباره ولكن تحتاج الى خبير فيها ولا راح تكون صديق حميم للورش :D اذا تبي محركات امريكي ركب مكينه 5.3 حقت اليوكن

[التعـ King ـديل]

كان معي مقفص ربع تويوتا موديل 83 ياهو موتر يطرب ولا يشتكي وبعتة وقلت بجرب النيسان ومعي الحين ربع موديل 91 نظيف بشكل لا يصدق الله يبعد العين عنة ولة معي الحين ثلاث اسابيع وباقي ما كرفناه عشان نعرف علومة ...

راح تجربه ولا تبي غيره الا كان باترول اجدد منها والايام كفيله تثبت كلامي لك :good2:

[التعـ King ـديل]

السلام عليكم

سوال : يقولون ان موديل 91 افضل الجيوب لان عصا القير طويله وهو قوي .

هل الكلام ممتاز او لا

النيسان بشكل عام لا يعلى عليه من ناحيه القير والدفرنسات .. ولكن افضل دفرنسات نزلت 92 وهي اللي استمرت لحد الان

عصى القير مالها علاقه بقوته ولكن سهوله التحكم فيه عند القياده

[التعـ King ـديل]

ياكنق بما انك مشرف بيع وشراء السيارات

تخبر لنا هالموديل

من معارفك وسعره حليو

كان بودي اخدمك ولكن لو حصلت شي نظيف وسعره حليو ابشر اعطيك خبر :good2:

[التعـ King ـديل]

عندي ربع باترول احس فيه تقطيع اتوقع من الديلكو
احسن اركب له ديلكو اكتروني ولا القطعه هذه
http://www.jegs.com/images/photos/700/751/751-1762LS.jpg
واسمها PerTronix Ignitor

الديلكو الالكتروني يصفي المكينه بنسبه 100% وهذي القطعه بنسبه 60 - 70 %

[التعـ King ـديل]

بيض الله وجهك و ما قصرت يا بطل
بموضوعك الاكثر من رائع
و سجلت بالمنتدى للأستفاده من خبراتك و خبرات الاعضاء الباقين
و يشرفني يكون اول رد علي بموضوعك
بغيت ارسلك رساله بس ما سمحلي النظام لازم اتجاوز 50 مشاركه
.................................................. ..........................
ممكن تفيدني بعدت استفسارات بما انك انسان فاهم بالامور ذي و (( قد جربت ))
انا الحين جالس ادورلي على باترول 97 الى 93 و انشاء الله احصل نضيف 4 ابواب مكيفين ثلاجتين
وش تنصحني بمكينه له
1- مكينه لكزس 400 او 430
2- مكينه تويوتا v8
انا ابي الموتر استخدام يومي (( خطوط - كشتات - تطعيس ))
* التطعيس يكفيني لو يرقا الهرم من الوجه << كلن وله طموحه ههههههههه

من الخيارات اللي انت كتبت اقولك فكسار 8سلندر

اما لو خيرتني بقولك فتك ولا 4500 تويوتا

[التعـ King ـديل]

شباب العذر والسموحه لو تأخرت بالرد واي واحد شاف اني تأخرت عليه برد سواء في هذا الموضوع او غيره او عنده اي استفسار ياليت يعطيني خبر او تنبيه بالخاص واللي بقدر عليه ماراح اقصر مع احد

[دح ديح]

ما قصرت يا كنق
بتعبك شوي ممكن
4500 تويوتا تتوقع بتطربني و قليله خرابات (( كيف صرفيه البنزين ))
من ناحيتي ودي بـ ls1 بس متخوف منها كل من سئلته قالي خرابات و بتكلفني 25 الف من الى
الفتك بتكلف فوق 30 الف (( سعرها مرتفع جدا ))
انا ما ابي اطير و اسابق العالم الي ابيه موتر يبيض وجهي بالخط و النفود و الكشتات (( المقناص شي خفيف ))
كم بتكلفني مكينه 4500 تويوتا ؟ و من يضبطها و يشتغلها صح هنا ولا بالامارات ؟
و شكرا و اسف على الازعاج يا كنق

[دح ديح]

للرفع الله يرفع مقداركم

[التعـ King ـديل]

ما قصرت يا كنق
بتعبك شوي ممكن
4500 تويوتا تتوقع بتطربني و قليله خرابات (( كيف صرفيه البنزين ))
من ناحيتي ودي بـ ls1 بس متخوف منها كل من سئلته قالي خرابات و بتكلفني 25 الف من الى
الفتك بتكلف فوق 30 الف (( سعرها مرتفع جدا ))
انا ما ابي اطير و اسابق العالم الي ابيه موتر يبيض وجهي بالخط و النفود و الكشتات (( المقناص شي خفيف ))
كم بتكلفني مكينه 4500 تويوتا ؟ و من يضبطها و يشتغلها صح هنا ولا بالامارات ؟
و شكرا و اسف على الازعاج يا كنق

ال اس ون متعبه وتحتاج الى ميكانيكي خبير لانها تحتاج متابعه

الفتك تكلفك 25 الف راكبه جاهزه سواء هنا ولا بالامارات لان سعر المكينه غالي

4500 تويوتا تكلفك 20 الى 22 حسب موديل المكينه

4500 نيسان تكلفك 13 الى 15 الف

فكسار تكلفك 18 الف

لكزس تكلفك 10 الاف

[محسن اليامي]

موضوع مميز --- الباترول سحرني ياكنك التعديل

1- باترول 2003 فتك

2- باترول 97 سوبر سفاري

3- باترول 98 سوبر سفاري الأن

اشهد انها مواااااااااتر

وفيه مخطط لبطل الدروب

نبي تجربتك في باقي السفاريات لو تفضلت علينا :)

[faf o]

كنق نبي الفروق فالمكاين من 88-97
للصالون و الربع
واذا فيه تغيير فالقيور والدفرنسات او عيوب مصنعيه او مميزات زي المكيف او الثلاجه اضيفت ياليت تذكرها

شاكرين مقدما

[P O W E R]

أحسن مافي الباترول قيره بس طبعاً الكلام ع ال 97 ,, لكن كلامك عن مجاكر الكزس اذا موترك بلد معليش ماتمشي حتى لو انه مخفف ,, لكن فل استروكر يمكن

[التعـ King ـديل]

كنق نبي الفروق فالمكاين من 88-97
للصالون و الربع
واذا فيه تغيير فالقيور والدفرنسات او عيوب مصنعيه او مميزات زي المكيف او الثلاجه اضيفت ياليت تذكرها

شاكرين مقدما



من ناحيه العيوب ماكان فيه عيوب تذكر :good2:

التغيرات اللي صارت

88 تغير الشكل والقير والدفرنس عن 87 وتحت لحد موديل 91

92 تطور الشكل شوي وتغير الدفرنس وهو من افضل الموديلات وتلاقي اهل الترهيم يرهمون غالبا علىى 92 وفوق ونفسه لحد 97 مع بعض التغيرات في الشكل والجنوط

[التعـ King ـديل]

أحسن مافي الباترول قيره بس طبعاً الكلام ع ال 97 ,, لكن كلامك عن مجاكر الكزس اذا موترك بلد معليش ماتمشي حتى لو انه مخفف ,, لكن فل استروكر يمكن


عزيزي ماراح اقول شي كذب وراعي اللكزس حي يرزق وتقدر تسأله

واللي شرا الفتك مني بعد موجود وتقدر تسأله

واتمنى تجرب بدي 97 على مكينه فتك وتعرف كلامي

للعلم كان الموتر يمشي الى 270 وبشهاده الشهود :good2:

[ابوسند9]

هذا المقطع لعيون power
فتك تيربو
http://www.youtube.com/watch?v=8JX-BAxLPjg

[faf o]

من ناحيه العيوب ماكان فيه عيوب تذكر :good2:

التغيرات اللي صارت

88 تغير الشكل والقير والدفرنس عن 87 وتحت لحد موديل 91

92 تطور الشكل شوي وتغير الدفرنس وهو من افضل الموديلات وتلاقي اهل الترهيم يرهمون غالبا علىى 92 وفوق ونفسه لحد 97 مع بعض التغيرات في الشكل والجنوط


:D نسيت اهم شي فالسؤال وهي المكاين يقولون 4500 4200 بخاخ و كلبليتر ووش الافضل وهل فيه المكاين هذي للصالون والربع

[بلاتين]

طيب انا ماجربت المديل 97 وابي اشوف نتايج الاستطلاع ما اقدر الا اذا صوت ياليت لو تكون معروضه بدون ما اصوت او يكون فيه خيار لم اجرب

[التعـ King ـديل]

:D نسيت اهم شي فالسؤال وهي المكاين يقولون 4500 4200 بخاخ و كلبليتر ووش الافضل وهل فيه المكاين هذي للصالون والربع


المكاين 4200 من 88 الى 93 كربريتر ومن 94 الى 97 بخاخ

المكاين 4500 من 98 الى 2001

المكاين 4800 من 2002 الى 2012

[برهوش]

رفععععععععع للعشق
كنت ناوي أبيع بعد هالموضوع هونت تجدد حماسي له

[sgl2002]

بالله ياخوك اذا عندك علم عن المديلات القديمه الباترول ٩٧ وتحت كيف ؟ هي افضل والا المديلات الجديدة لاني جربت ربوع باترول واجد بس كلها من ٩٨ وفوق وصراحه مامثلها والان معي شاص بس مايجي بجنب الباترول بالنفود شيء

لذلك ببيعه وبرجع للباترول بس كيف القديم

[sulaiman.fj40]

جربت 98 ربع قبل 5 سنوات وكان جيد ومتماسك لكن ماهو نصبة ال 97 وقبله/ ثم جربت 96 سوبر سفاري مكينه بخاخ وركبت عليه قير تماتيك وخذ قوه وليونه لكن صوت الهواء من الفتحه يدوخك/الان اشتريت 91 سلقه عادي وبالورشه بركب له مكينه كابريس305 مع قيرها/ بنزل مكينته وقيره ودبله شد بلده واخزنها بالمستودع واجربه بالمكينه والقير الامريكي بدون دبل/ اعتقد بيكون شي خرافي/

[الربذي]

انا جربت 98 وجربت 2001 خرطي ثقيلات مره واخذت 2005 صراحة شي شي وخفه ومع اخوي 91 مسميه الهرش لكن رضيت عنه يوم جربته بعد موديل 99 اخف منه واجد

[بحيران]

موتري موديله 90 هل اقدر اركب له.كويل وديلكو حق 4500

[الأعصـــــار]

من كثر ما أحبيت سواقته شريت نيسان 91 أربع أبواب .

[نعينك]

الله يعطينا واياكم خيرهن ويكفانا شرهن

[صدى الاطلال]

ممكن تجربتك يالذيب ورايك مع ال 99
بانتظارك

[الأعصـــــار]

بالله ياخوك اذا عندك علم عن المديلات القديمه الباترول ٩٧ وتحت كيف ؟ هي افضل والا المديلات الجديدة لاني جربت ربوع باترول واجد بس كلها من ٩٨ وفوق وصراحه مامثلها والان معي شاص بس مايجي بجنب الباترول بالنفود شيء

لذلك ببيعه وبرجع للباترول بس كيف القديم

يبي لك تجرب سواقة أحد النياسين القديمه 97 وتحت راح تحس بفرق
وبمتعة في القيادة .. وسلامتك .

[الأعصـــــار]

جزاك الله خير موضوع شيق
قد كان معي ربع بخاخ ٩٦ جيب روعه منظر وخفه في الرمل ورساوه في الخط قد ظرب عليه كفر امامي وانا مشي ١٤٠ ماشاء الله ولا كآنه جيب.. عيوبه في نظري شرب البنزين .. اصوات تنسيم الهوا .. القربعه..
لكن عموما جيب ماانساه ومتندم على بيعته لكن الحمد لله على كل حال ... اتمنى لو يعيدون صناعة شكله مع مكينه مميزه وبدي مايقربع..

آيضا من وجهة نظري ان ربع النيسان ٩٧ وتحت افضل جيب لاهل الصيد والطرد خصوصا الساحل واي مكان سهل او رملي لآنه راسي..

ياليت والله

[eme]

والله الحمد والمنه
توني شاري واحد 97 صالون
والى الأن روووعه...

[الأعصـــــار]

لله يبارك لك فيه ويعطيك خيره ويكفيك شره

[خوة نشامي]

بارك الله فيكم

[abu-turki2009]

أخوي ملك التعديل
وش الفرق بالباترول من موديل 95-97 غير الدركسون

[باترول للأبد]

^^^^^^^^^^^^^^^^^^

كلها واحد الفرق في الدركسون والخطوط وخامة التنجيده فيها أختلاف أشوي

[كي اي]

ماشاء الله تبارك الله ...

والله افكر لي بواحد عليه مكينة تويوتا كم اقيامهن :)

[lowly]

اقيامهن تفرق من الـ 20 الف الى الـ 50 الف حسب نضافته ونا اخوك

[ara888]

يعطيكم العاافية شباب عالمعلووووومات الرووعة انا الي اركب مكينة ليكززز بس كم اقياااامها. وش اللي لازم لها علشان تترهم ع موتري ٩٠ خليجي وكالة من تحوووويله وووغيرره وايش مشاكلها

[ابوكشتات]

الباترول ماعليه كلام ونجح بالتصميم والشكل والأداء وزينته كلن يعرف يصلحه حتى لو انت بمقطعه واذكر الوالد شرى باترول موديل 93 اربع ابواب شراها بسنة 96 واكتشفنا بالأخير ان الموتر مقلوب على الجنب الأيمن
ومع ذلك الموتر مابه خلاف وبعناه لواحد من الجماعه ونسأله كل فتره اذا صار فيه اجتماع يقول حطه على يمناك
واصوت للباترول ( ممتاز ممتاز ممتاز ) هو افضل دفع رباعي من ناحية الرساوه ونظام التعليق ويكفيك حقين الصيد ماياخذونه الا هو .....

[قناص الدبدبة]

يالربع والله انكم شوقتوني على الـ 97 والله اانه طرب من كلامكم

واللي يخبر لي واحد نظيف ويستاهل الله لايهينكم برساله خاص

[الشقردي 205]

عسى الله يرزقنا بـ واحد اللهم امين ..

[ولد ابانمي]

على طاري البواترل معي الحمد لله باترول ربع موديل 90 عليه لكزس 400
ماخذه جاهز معي من سنه تقريبا والموتر عز الله انه يبيض الوجه لا بنفود ولا بشعبان ولا بخطوط ما اقول الا ماشاء الله وصرفية البنزين حلوه ولله الحمد ماقد طب الصناعيه ولا يدلها يمشي بالخط تقريبا ٢٣٠ بالراحه رحتبه من الرياض للمدينه وينبع ولا شفت منه الا كل خير الي يفكر به يشريه ولا يشاور اهم شي يلقى النظيف وبالتوفييق

[م شعل]

السلام عليكم

موتري باترول 90صالون ومتردد اركب لكزز او فتك

مع العلم اني امشي يوميا 600كيلو

الفزعه بالنصيحة تكفون

[مليار]

والله انه موتر بس وين النظيف اعمارها انتهت للاسف
كان يعيبه شي واحد ضعف العزم خاصه في الصالون وشرب البنزين

ولكن بعد الترهيم ما يحتاج طياره وقوة


الله يوفقكم ويجزاكم خير

[م شعل]

ياكنق التعديل الفزعه

اركب لكزس او فتك

وياليت ترسل رقمك خاص

[abo naser 1]

السلام عليكم

موتري باترول 90صالون ومتردد اركب لكزز او فتك

مع العلم اني امشي يوميا 600كيلو

الفزعه بالنصيحة تكفون

اذا تقدر تفتكة لا تشاور بس الله الله بالنظافة لو ما يجي الا انها بدون بليته ومشاكل الكلتش
وبرضه الكزس اذا منت راعي دبل ونفود حقت خطوط وديرة بس حسوفة 18 فيها

وجهة نظر وانا ما استخدمت لا ذي ولا ذي من عشاق ls.

[الكدن1]

الحكمه على حسب فهمك للموضوع .. وترا عادي مايخالف تقرا ولا ترد
الحقيقة هذا الرد
داويته بردك المتزن
يازين الحلم مع الناس

[بدوي ممطور]

اسمح لي
الي ماجرب الانواع هاذي

[بعيد المساري]

موضوع حلو وشيق تجربتي في نيسان 89 طويل مكينة تويوتا استيشن 6 استروكر قيور ودفرنشات وكاله كمبيوتر ام 600 كلش دبل بليت الموتر يجيب بالراحه 228 استعمال يومي اروح واجي للامارات ماعندي مشكله ولله الحمد ولو ابيه يمشي اكثر ركبت قير ودفرنش فتك لكن ماتتحمل الجور قير ودفرنش من88الى91 ماتعرف عطال لكنها ثقيله في القومه والمشي لكن تتحمل التكسير والمطامر وان شاء الله بنزل تقرير قريب

[التعـ King ـديل]

شباب العذر والسموحه لو تأخرت بالرد واي واحد شاف اني تأخرت عليه برد سواء في هذا الموضوع او غيره او عنده اي استفسار ياليت يعطيني خبر او تنبيه بالخاص واللي بقدر عليه ماراح اقصر مع احد

[مدرس بالغصب]

كيف احسن اداء مكينة 4200

[4200]

من حبي للباترول 97 حتى نكي في مكشاتنا 4200

[انوور2]

ماشالله عليك موضوع ممتع عن السفاري
سجل عندك سفاري 95 اللون ابيض سافرت للدراسة وعشقي بعده

[ريان14]

صلو على النبي
اللهم صلي على محمد

[سحب ممطرة]

شوقتوني له

لي فترة ادور ربع باترول 91 - 97

بس متخوف من الهربدة لاني أقنص بالحرة و أرضها وعرة

جربة ربع التايوتا 96 صحيح قوي بس الراحة صفرررر نص ساعة دوران . وتدور بعدها المخدة :D

وش رايكم ينفع بالوعر الباترول ولا يهربد ؟؟؟؟؟؟؟؟؟؟

[mohmmad200]

ما شاء الله

[فرار]

ليتهم يعيدون تصنيعه بمحرك فتك

[rangejaguar]

ما شاء الله

[االملتاع]

كيف احسن اداء مكينة 4200

نفس السؤال ياليت يفيدوننا الي جربو فقط :(

[ateeq7]

ما شاء الله تبارك الله
عندي نيسان باترول 97 ابيض مع الخطوط الاصليه الاستيكر اقصد من داخل عنابي محرك كربريتر انا المالك الاول من الوكيل جير عادي مكيفين مثل ما يقولون وكالة ما غيرت فيه شي استخدامي الشخصيى ما ارضى حد يسوقة غيري الحين ماشي 215 الف بس و الحمد لله صبغ وكالة محرك وكالة تواير ورنجات وكالة بعد ما اشتريت سيارة ثانية يا دوب اذا مشى في السنه 4000 كم زين ولا ناوي اغير فيه اي شي غير الاطارات
:good2:

[ي ا س رر]

شباب
اليوم شفت باترول صالون ٩٧ ابيض كلبليتر مكينته موظبة
مكيفين الخلفي ما يبرد
مرشوش كامل وفيه سمكرة بالكبوت والباب الخلفي والرفرف الأيسر
ويبي له دسك وصحن كلتش وفرامل ومساعدات ويايات
التأمين والفحص والاستمارة منتهي

كم يسوى ؟؟

[aziz1791]

يالربع عندي باترول 4ابواب 92

الدركسون لاجيت الفه يطلع صوت شاك بالدوده ولاني متاكد لانها تندي بكم اصلاح الدوده وهل توجد نصايح؟

برضو الموتر ذبحتني رجته تزداد من 80-120 مع العلم الجنوط جديده ومرصصه والجلب التحتيه مغيرهن كلهن وقص علي حول 3200 مع العلم لاقومته فيه صوت طقه؟؟؟

ديكورات البيبان يبيلها اصلاح تخبرون لي احد يزبطها يكون بالشرقيه الربع كلهم نصحون بالرياض والقصيم بس ياليت فيه شي قريب حولي

ارجو منكم الافاده يامحبين السفاري

[أبوFيصل]

اقول ماتخبرون هالتك 2000 للبيع

[أبوFيصل]

ماتخبرون هالتك للبيع 2000

[انوور2]

صبحكم الله بالخير ياعشاق الباترول
اشهد ان موتر ينصفط
عندي استفسار يالربع ولاهنتم
عندي باترول 95 وابي اغير لمبات الطبلون الى ليد
انا في الشرقية ونبي اقتراحاتكم ونصايحكم اذا في محل يزينهم لنا

[مقناص الحفر]

تقرير من ذههب

[دواك عندي]

موضوع رائع ومفيد ويستحق الرفع
شكرآ كنق التعديل ولكل الأخوه المتداخلين
بسم الله
.
.
.
.
تمسكو
:D

[ددسن الشرقيه]

موضوع مفيد ورائع

ويالبى 97 موتر

وكما اتمنى ان اسوي مشروع على جيب 97

لكن يسهل الله بالايام الجاايه

[اليوسف2012]

اخوي بعيد المساري والاخوة الكرام
بحكم انك مرهم مكينة استيشن 4500 تويوتا
هل ترهيمها يحتاج قص كراسي البلد
وهل يمكن تركيب مروحة المكينة الميكانيكية والاستغناء عن مراوح الكهرب
وسؤال اخير / من هو احسن واحد يرهمها بالقصيم

وشكرا لكم

[الصافي9]

يقول يجيب 270 بالشارع ....
ابيه للبر وش ابي به للشارع ؟
مشاكل الكهرب .. ترهيم فتك على باترول قديم .. ولا كل واحد يعرف له

[اليوسف2012]

اخوي بعيد المساري والاخوة الكرام
بحكم انك مرهم مكينة استيشن 4500 تويوتا
هل ترهيمها يحتاج قص كراسي البلد
وهل يمكن تركيب مروحة المكينة الميكانيكية والاستغناء عن مراوح الكهرب
وسؤال اخير / من هو احسن واحد يرهمها بالقصيم

وشكرا لكم



افيدونا يالربع

[the sad]

عندي باترول 91 عليه مكينة LS1 صالون للبيع اعرضه هنا ولا مافيه عرض هنا

[abutalal200]

ما شاء الله تبارك الله
الله يبارك لك فيه