falcon 1
04/09/2010, 12:48 AM
بسم الله الرحمن الرحيم ..السلام عليكم ورحمة الله وبركاته ..مساكم الله بالخير جميعا ..كيف حالكم يالنشاما ان شاء الله طيبين ومرتاحين وبصحه وسلامه
انا عندي واحد من الربع توه ينقل طير واول طير له يعني جديد على الصقاره ..وكان يدق علي يقول يا جراح الطير فيه جساس.. قالولي بالمستشفه. قلت يا خوك انا كان عندي طير فيه 40 بالميه جساس وقدامي على وكره وعادي. لا تخاف ان شاء الله بسيطه . انا شنو لاحظت ..لاحظت انه كل ما شك ان الطير مريض على طول للمستشفى ويفحص الطير بكل طريقة . فقلتله يا خوك حرام انك تروح للمستشفى على طول وتدفع فلوس والطير ما فيه شي ..قالي شلون فقلتله :
اول شي لابد ان يكون عندك علف نظيف للطير بمعنى خالي من الامراض ..كثير من الناس يعلفون طيورهم حمام. لكن لا تنسى ان الحمام احد اكثر مصادر نقل الامراض الى الصقور اذا لم تحافظ عليها بشكل جيد . فيجب عليك ان تتاكد من خلوها من الامراض ..لازم تحافظ على تغذيتها بشكل مرتب ونظيف ..لازم تتاكد ان مكان الحمام نظيف حتى لا يتجمع الوسخ (اكرمتم يالربع) حتي لا يكون عندك باكتريا فالمكان . وهذا الكلام فعلا ..صارت مع كثير من الناس . وما يهتمون.. وآخرتها ..الكل يظهر بالطير.
لكن كيف تعرف اذا طيرك مريض قبل لا تاخذه للبيطري او المستشقى :
1- بعض الناس توزن طيورها كل يوم وتسجل بدفتر صغير ..وهذي جدا فكرة طيبة لان بعض المرات تلقى مثلا: طيرك اليوم وزنه 850 ج ..وتعلفه... بكرة لا جيت توزن طيرك تلقا وزنه نازل الى 810 او 820 ج. قتقول لنفسك ها ؟ شلون مرة وحده نزل كذا ؟ هنا عندك سبب لتاخذ طيرك الى المستشفى حتى تفحصه بدقه.
2- لاحظ عين الطير..اذا الطير مفرع على الوكر تشوف عينه شكله تعبان ..اذا تمر جمبه او احد مر جمبه ما يهتم كثير ولا يتلفت. تلقا الطير قاعد بشكل كسيل, نافش ريشه عينه مفتوحه لكن يبين فيه الكسل والتعب . هنا تقول والله شكله تعبان وعندك سبب حتى تاخذه الى المستشفى.
3- علف الطير : الطير عند وقت العلف ما برغب العلف ويمسكه شوي ويهده كانه يلعب بالعلف .. ايضا هذا سبب اخر انك تاخذ طيرك الى المستشفى
4- مرش الطير ( تكرمون يالربع) تلاحظ مرش (تكرمون ) الطير لونه غير وليس لونه الطبيعي ..وممكن تلاحظ دم بالمرش ايضا عند بعض الامراض . فهنا تقدر تاخذ طيرك للمستشفى حتى يفحصونه.
اكبر خطا يفعلونه بعض الصقارين انه يقول والله هالمرض شكله دود ويعطي الطير حبوب للدود او العلاج للدود لكن الطير فعلا فيه جساس. فلا تعطي طيرك الدواء قبل الفحص لانه سوء استعمال الادويه تؤدي الى تعب وخلل في صحة الطير.
فاخي العزيز حافظ على علف الطير ونظافته ولاحظ تصرفات طيرك و حركته وشكله ..لانه اذا لم تلاحظ هذا الشيء في وقته الحالي ...ستلاحظ انه طيرك بعد كم يوم بيتعب حيل وعلاج المرض سيكون اصعب ومقاومة الطير للمرض اصعب..فلا تستعجل ..وبنفس الوقت لا تتاخر.
ارجو اني افدتكم يا اخواني ..والله يحفظ سلامتكم وسلامة طيوركم والسلام عليكم ورحمة الله وبركاته
اخوكم فالكن 1
انا عندي واحد من الربع توه ينقل طير واول طير له يعني جديد على الصقاره ..وكان يدق علي يقول يا جراح الطير فيه جساس.. قالولي بالمستشفه. قلت يا خوك انا كان عندي طير فيه 40 بالميه جساس وقدامي على وكره وعادي. لا تخاف ان شاء الله بسيطه . انا شنو لاحظت ..لاحظت انه كل ما شك ان الطير مريض على طول للمستشفى ويفحص الطير بكل طريقة . فقلتله يا خوك حرام انك تروح للمستشفى على طول وتدفع فلوس والطير ما فيه شي ..قالي شلون فقلتله :
اول شي لابد ان يكون عندك علف نظيف للطير بمعنى خالي من الامراض ..كثير من الناس يعلفون طيورهم حمام. لكن لا تنسى ان الحمام احد اكثر مصادر نقل الامراض الى الصقور اذا لم تحافظ عليها بشكل جيد . فيجب عليك ان تتاكد من خلوها من الامراض ..لازم تحافظ على تغذيتها بشكل مرتب ونظيف ..لازم تتاكد ان مكان الحمام نظيف حتى لا يتجمع الوسخ (اكرمتم يالربع) حتي لا يكون عندك باكتريا فالمكان . وهذا الكلام فعلا ..صارت مع كثير من الناس . وما يهتمون.. وآخرتها ..الكل يظهر بالطير.
لكن كيف تعرف اذا طيرك مريض قبل لا تاخذه للبيطري او المستشقى :
1- بعض الناس توزن طيورها كل يوم وتسجل بدفتر صغير ..وهذي جدا فكرة طيبة لان بعض المرات تلقى مثلا: طيرك اليوم وزنه 850 ج ..وتعلفه... بكرة لا جيت توزن طيرك تلقا وزنه نازل الى 810 او 820 ج. قتقول لنفسك ها ؟ شلون مرة وحده نزل كذا ؟ هنا عندك سبب لتاخذ طيرك الى المستشفى حتى تفحصه بدقه.
2- لاحظ عين الطير..اذا الطير مفرع على الوكر تشوف عينه شكله تعبان ..اذا تمر جمبه او احد مر جمبه ما يهتم كثير ولا يتلفت. تلقا الطير قاعد بشكل كسيل, نافش ريشه عينه مفتوحه لكن يبين فيه الكسل والتعب . هنا تقول والله شكله تعبان وعندك سبب حتى تاخذه الى المستشفى.
3- علف الطير : الطير عند وقت العلف ما برغب العلف ويمسكه شوي ويهده كانه يلعب بالعلف .. ايضا هذا سبب اخر انك تاخذ طيرك الى المستشفى
4- مرش الطير ( تكرمون يالربع) تلاحظ مرش (تكرمون ) الطير لونه غير وليس لونه الطبيعي ..وممكن تلاحظ دم بالمرش ايضا عند بعض الامراض . فهنا تقدر تاخذ طيرك للمستشفى حتى يفحصونه.
اكبر خطا يفعلونه بعض الصقارين انه يقول والله هالمرض شكله دود ويعطي الطير حبوب للدود او العلاج للدود لكن الطير فعلا فيه جساس. فلا تعطي طيرك الدواء قبل الفحص لانه سوء استعمال الادويه تؤدي الى تعب وخلل في صحة الطير.
فاخي العزيز حافظ على علف الطير ونظافته ولاحظ تصرفات طيرك و حركته وشكله ..لانه اذا لم تلاحظ هذا الشيء في وقته الحالي ...ستلاحظ انه طيرك بعد كم يوم بيتعب حيل وعلاج المرض سيكون اصعب ومقاومة الطير للمرض اصعب..فلا تستعجل ..وبنفس الوقت لا تتاخر.
ارجو اني افدتكم يا اخواني ..والله يحفظ سلامتكم وسلامة طيوركم والسلام عليكم ورحمة الله وبركاته
اخوكم فالكن 1