المساعد الشخصي الرقمي

مشاهدة النسخة كاملة : الفتك ومشكلة الكـــارونه !!


الفهد11
04/09/2010, 04:15 AM
السلام عليكم ورحمة الله وبركاته

حيا الله الجميع كلن بأسمه

انا عندي مشكلة طلعة فجئه بموتري الفتك موديل 2004
كنت جااي من القصيم وفجأه طلع صوت تحت ونه قويه طبعاً اول ماسمعته قلت هذي الكارونه اكيد
او عمود الدبل مع العلم اني مركب فرارات يعني العمود مفصول قلت اجل انه وكاد كارونه
وفعلاً وديته لمكانيكي اعرفه وقالي هذي الكارونه وان الدفرنس فيه فضاوه ومدري وش جلس يشرح لي

الوكاد قلت طيب الكارونه جديده بكم قال تشليح ب 4500 وجديده ب 7000 :mad:
امر تقفل معي قالي بحاول اشوف لك زيوت الدفرنسات واشيك عليه وازين الفضاوه الرجال سعى بالتصليح ولكن لاتصليح :D يعني ماراح صوت الونه
فماادري ياخوان وياهل العلم وش الحل هل من حل ؟؟ هل فيه احد له علم بهالعله اللي علتن

اللي عنده علم لايبخل علينا والله يجزاكم خير ويعتق رقابكم من النار بهالعشر الفضيله ..
سحابة قبله
04/09/2010, 04:21 AM
عند الصمعاني ببريده مغرينه لفتك 2002 قبل كم شهر

ب 1200 او ب 1500 تقريبا مع التركيب
الفهد11
04/09/2010, 04:54 AM
الصمعاني معروف مايحتاج
لكن عندك له رقم وانا اخوك ياليت تفيدنا الله يجزاك خير
فايق ورايق
04/09/2010, 05:06 AM
احسب بس حنا يارعين الشروكيات نشتكي من الدفرنسات

اخوي الله ييسر امرك
أبوياسر1
04/09/2010, 05:16 AM
والله يالغالي أنا معي فتك 2004..
وصارتلي نفس المشكلة بالضبط..بسبب أن الدفرنس الخلفي داخله ماء ( طابن بشعيب :d )
وقالولي نفس كلامك أن الكارونة لازم تغير..
ورحت عند واحد سعودي..وقالي جب ترس البنيون والطارة (تروس الكارونة)
واروح للوكالة واقيامهن حول قيمة الكارونة تشليح..
وامشي والله واخليهم، وقالي ابورعد (المكنيكي) خلن ابجرب افكلك الدفرنس كامل واوزن التروس..
ووالله وزينه وغير الزيت..وخف الصوت عن أول واااجد :) ومع الوقت يبدا يخف..
وما كلفت علي ولا 400
AL-ashhab
04/09/2010, 05:17 AM
اخوي الفهد11
السلام عليكم ورحمة الله وبركاته ...
انصحك ان تغير جرم كامل دفرنس شد بلد
لان تركيب الكارونه مايضبط
مع العلم ان الدفرنس كامل عليه ضمان وحول القيمه
هذا الكلام من واقع تجربه .
الفهد11
04/09/2010, 05:40 AM
والله يالغالي أنا معي فتك 2004..
وصارتلي نفس المشكلة بالضبط..بسبب أن الدفرنس الخلفي داخله ماء ( طابن بشعيب :d )
وقالولي نفس كلامك أن الكارونة لازم تغير..
ورحت عند واحد سعودي..وقالي جب ترس البنيون والطارة (تروس الكارونة)
واروح للوكالة واقيامهن حول قيمة الكارونة تشليح..
وامشي والله واخليهم، وقالي ابورعد (المكنيكي) خلن ابجرب افكلك الدفرنس كامل واوزن التروس..
ووالله وزينه وغير الزيت..وخف الصوت عن أول واااجد :) ومع الوقت يبدا يخف..
وما كلفت علي ولا 400



هلاا بك ابو ياسر
طيب يوم وزن لك التروس وغير الزيوت راح الصوت مرره ولا خف عن اول ؟
وياليت تفيدنا يابعدي عن هذا ابو رعد وينه فيه بالقصيم ولا بالرياض معك له رقم ولا شي ؟
الفهد11
04/09/2010, 05:42 AM
اخوي الفهد11
السلام عليكم ورحمة الله وبركاته ...
انصحك ان تغير جرم كامل دفرنس شد بلد
لان تركيب الكارونه مايضبط
مع العلم ان الدفرنس كامل عليه ضمان وحول القيمه
هذا الكلام من واقع تجربه .


ماقصرت يابعد روحي بس ماش تسايده قيمتوه من حين الموتر ذابحن بالخرابات جت ذي عاد وكملت
الفهد11
04/09/2010, 05:45 AM
احسب بس حنا يارعين الشروكيات نشتكي من الدفرنسات

اخوي الله ييسر امرك


امين ومن يقول وانا اخوك
الباترول مصيبه قطع غياره ابن اللذينا
hgrkhw
04/09/2010, 05:59 AM
الله ييسرلك امرك
الفهد11
04/09/2010, 06:56 PM
امين وياك يابعدي
ALBDRANE
04/09/2010, 07:09 PM
بتلقى الدفرنس كامل بحدود 6000 بالتشليح والله أعلم
ابن عكاش
04/09/2010, 07:17 PM
الله يسر امرك بس غريبه الباترول ماشاء الله اقوى مافيه القير والفرسات والدليل شف المرهات على الباترول
مقلع الرمث
04/09/2010, 07:20 PM
ياخي الدفرنس لا طق بوزه بالقصيم ب 2000 ريال فقط

رح للصمعاني وركب لك واحد وتيسر امورك انشاء الله

ولا رح لتشليح العثمان ببريده برضوا ونصحوح وسعره ممتاز وينجزك

اما 4500 ريال !!!!!
أبوياسر1
04/09/2010, 07:23 PM
هلاا بك ابو ياسر
طيب يوم وزن لك التروس وغير الزيوت راح الصوت مرره ولا خف عن اول ؟
وياليت تفيدنا يابعدي عن هذا ابو رعد وينه فيه بالقصيم ولا بالرياض معك له رقم ولا شي ؟




والله يالغالي بالنسبة لجيبي..
من عقب الوزن خف الصوت وفرقته عن أول..
وأبو رعد هذا بالصناعيه القديمة بالرياض..
رجال نصوح وشغل ذمه..لنا سنين نتعامل معه
والرقم عالخاص..

موفق يالغالي ,,
طعيميس
04/09/2010, 07:33 PM
الله ييسر لك امرك
شاص99
04/09/2010, 07:37 PM
غيره بسرعه
ولاتشد عليه بالمشي تراه انا رقيت بالشاص نفود اقشر وهي مهب خوش ونا اكمله وتنكسر الكارونه فوق النفود وافصلالعمود وبالصندوق وشغل الدبل وامش
م م ع 686
04/09/2010, 07:49 PM
اذا هو قير عادي ركب دفرنس كامل 3000 بدون رجيع

واذا هو قير اتوماتيك موجود بعد 3000 نفس السعر

اذا انت تبيه راسلني على الخاص

ارسلك رقم الرجال
الفهد11
10/09/2010, 11:31 PM
اخوي الفهد11
السلام عليكم ورحمة الله وبركاته ...
انصحك ان تغير جرم كامل دفرنس شد بلد
لان تركيب الكارونه مايضبط
مع العلم ان الدفرنس كامل عليه ضمان وحول القيمه
هذا الكلام من واقع تجربه .


الله يطول بعمرك يالغالي ماقصرت الله والعالم انه لابد تغيير الدفرنس حتى المكانيكي قالي نفس الكلام .
راعي النياسين
11/09/2010, 12:05 AM
يااخي والله غريبه

الباترول افضل مافيه دفرنساته والدبل

اخوي مثل ماقالو الشباب رح للصمعاني يمدحونه في هالشغلات وان شاء الله تنحل مشكلتك

وعلمنى وش يصير معك علشات تعم الفائده

بالتوفيق