ممكن مساعده ابغى سياره

[صقرالسليمي]

السلام عليكم ورحمة الله وبركاته
ابغى اشاوركم الله يجزاكم خير انا ابغى اشتري فورد
وش رايكم وش احسن نوع وتنصحوني فيه اولا لان فيه ناس تقول عطاله واجد بس انا اعجبني
ووين المعارض الرخيصه ووش احسن موديل لاني بشري مستعمل

وشكر انتظر منكم

[صقرالسليمي]

ولا رد لاحول ولاقوه الابالله

[أبي ددسن]

أنا مجرب الكراون فكتوريا بالاصح الفرد مهب موتر نصحية مني لك لا تقربك أشتر يباني مستعمل نظيف
أبرك لك أخرتها قبل فتره على التنده

[صقرالسليمي]

شكرا لك ع الرد بس مافهمت منك قصدك فور يباني

[الضيم]

انا جربت فورد اكسبلوور وبعد شهر يكمل معاي اربع سنوات موديل 2006

لم اواجه منه اية مشكله ,, فعلاً عملي ومتعدد الاستخدامات (( سفر . بر . وديره ))

اضف الا ذلك سعره مقنع ومناسب سواءا كاش او تقسيط ,, وعليه عروض الان ,,

ومامثل الوكاله شي ,,

[الشميسه]

الياباني مامثله لكن ان كانكـ صامل من 2004 وفوق

[صقرالسليمي]

ماقصرتم جزاكم الله خير

[داود الحمد]

اخوي انا استعملت ماركيز وفكتوريا من موديل 99 إلى موديل 2005 عز الله انها سيارات مريحه وحلوه جدا وقطع غيارها بالبقاله تحصلها ورخيصه كمان
وانا الان قاعد ابحث عن ماركيز او فكتوريا اذا تخبر لي اكون لك من الشاكرين

[فهد 333]

بالنسبه لي أنا أستخدمت 99 فاكتوريا أمريكي لكن انا مشتريه نظيف بالحيل
وكمل معي 3 سنوات ماعمره حتى بنشر معي ولا خليت ديره مارحت لها حتى جيزان مريت عليها
وممتاز لكن بشرط يكون نظيف
ونصيحه اذا تبي مستعمل وبيغيت تشتري من الصالاات أمريكي أنتبه لايكون مستخدم عندهم لموزين أو بوليس
والله يوفقك

[bejad]

الســـــــــــــلام عليكم :
حقيقة انصحك إذا انت من الناس اللي تحافظ على السيارة لا تشتري إلا فورد ومثل ماقال الاخ
من موديل 2004 أو 2003 وفوق وأفضل شي صراحة 2007 كراون فكتوريا وخصوصاً
إذا كان درجة أولى علشان ما تمل لسافرت من صوت الهواء الخارجي وكذلك مواصفات حلوة جداً
آنا استخدمت الفورد من موديل 96 كان أول واحد وبعدة ماعاد استعملت إلا فورد .
وبعدين اللي يقول لك فيه مشاكل غلطان بالعكس أقل مشاكل بالسيارات الفورد اضف على ذلك
سعرة وتوفر قطع غياره وسعرها جداً معقول

[صقرالسليمي]

بيض الله وجيهكم ع الردود وجزيتم خير

[تناساني]

نصيحتي لك
اشتر فورد كراون فكتوريا
ويكون سعودي.. انحش عن المستورد
السعودي يدل عليه انه يكون له مكيف خلفي.. والتكايه الي بين المراتب كامل.

فورد فكتوريا.. افضل من قراند ماركيز
لان الفكتوريا مافيه كهرباء كثير مثل الماركيز.
واعتبره مثل الددسن ماله مشاكل ولا أعطال
بس مثل ما قلت لك خذ سعودي وانحش عن المستورد لو بريال.

[مداحش]

طيب ووين نحصل النظيف ؟؟؟؟ الصالات نااار والمعارض شختك بختك

[vtc2004]

المركيز والكراون فكتوريا
مثل بعض الفروقات الاصطبات والتخشيبه الداخليه
فقط

[تناساني]

شوف موقع اسمه: مستعمل
وبتحصل سيارات فورد كثير أكثرها مع اصحابها مو شريطيه او معارض.

وسيارات الصالات كلها أمريكية مستورده (لا يغرك مضهرها ولعمتها ) كم شهر و تصير عميل مميز للصناعية :(

[الكاشتn97]

نصيحة كراون فكتوريا وبس يالطيب