ياشباب احد جرب بطاريتين ( اجابيات + و سلبيات - ) ؟

[اليكي]

ممكن احد يفيدنا عن تركيب البطاريتين بالسيارة وهل فيه محل متخصص تشيرون علينا ؟؟

انا سمعت عن محل عروق الشمال بالقصيم ليت احد يفيدنا اذا احد مجرب عندهم ..
اسعارهم
شغلهم
اي شي

ليت تفيدوننا خصوصا اذا احد جرب بطاريتين على المفخرة يتكرم علينا ويعطينا اراءة ..

وشكرا

[اسير الغضا]

اخوي اذا انت من القصيم
عندك كهربائي العثيم بصناعية الرواف ((تراي مااعرفه اسمع به


والبطاريه اهم فياده به انك اذا طفيت السياره تستخدم البطاريه بدون خوف ان السياره ماتشتغل وتشغل عليه كل شي براسك


تحياتي

[ابوصالح77]

هلا بك أخوي
تركيب بطارية إضافية مفيد جداً للمكشاتيه
ولا يوجد سلبيات إذا كان الشغل مضبوط ، وركبت دقمة جمس دون غيرها .
ويوجد عدة محلات في بريدة :
1- كهربائي العثيم - صناعية الرواف (متخصص)
2- 4x4 - حي الضاحي (متخصص ترهيمات وتزويد)
3- عروق الشمال
4- العتيق - صناعية الرواف
وأنصحك تمر هذه المحلات وتشوف شغلهم .
وإذا بغيت تشتغل بيدك هاالرابط بيفيدك :
http://www.mekshat.com/vb/showthread.php?t=326608
بالتوفيق

[اسير الغضا]

اظن وانا اخوك ان الدينموا يصير نص عمر

يعني اذا كان عمره سنه يصير ستة

اذكر اني قريت هالمعلومه بس ماتأكدت من صحته

[خالد ...]

اذا كنت في القصيم عندك (( العثيــم ))

واذا كنت في الرياض عندك ( ابو سليمـــــان ) ما شاء الله شغله مضبوط و نصوح

والحقيقة بعد ما ركبتها حسيت براحه كبيرة في شحن الاجهزة وفي الاضاءة ترتااااااح

[مبتكر]

اظن وانا اخوك ان الدينموا يصير نص عمر

يعني اذا كان عمره سنه يصير ستة

اذكر اني قريت هالمعلومه بس ماتأكدت من صحته

هذه المعلومه غير صحيحه

[ابو العز بلس]

اذا انت في الرياض ابدلك على ورشة صراحة شغلهم شيء يجمد على الشارب
تخيل مركب بطاريتين وعندك زر داخل السيارة بحيث اذا فرغت البطارية الاساسية تضغط الزر تبدا تشرك من البطارية الفرعية بدون اسلاك اشتراك وهالخرابيط بس ضغطة زر والسيارة تشتغل ان شاء الله

[AL-ashhab]

يفيدونك الشباب ونستفيد

[مجالس الرجال]

ما شفت منها اي سلبيه وبالنسبة للدينمو نسمع ناس تقول انه يقلل عمره لانه مخصص لواحدة
طبعا اتكلم عن تجربة سنه لاني مايصمل معي موتر

[هارون97]

اذا كنت في القصيم عندك (( العثيــم )) أنا مركب عندة للمفخرة وشغل ممتاز الرجال فاهم مرة للشغل وكذلك ارخص الموجودين في السوق القصيم المحل في صناعية الرواف

[رواق]

يا اخوان في الرياض لايقل السعر عن ١٢٠٠ ريال تركيب البطارية الإضافية مع التمديد وتركيب أفياش للمحول بعد تثبيته وتمديد الايكوم والقاعدة حقة الاريل

هل السعر هذا معقول ؟

وكيف الأسعار في القصيم ؟

[أبو_خالد]

بالرياض عندك محل الرماية اللي على طريق الملك فهد
يركبون لك بطارية و قاعدة وجميع ما يلزم بــ900ريال


الكلام ذا تقريبا قبل أسبوعين

[عروق الشمال.]

استاذي الكريم .. نتشرف بزيارتك لهذا الرابط ..


http://www.3arog.com/vb/showthread.php?t=16

[اسير الغضا]

طيب من يفيدنا عن اسعار العثيم

[باترول 4500]

طيب من يفيدنا عن اسعار العثيم


تركيب بطارية فقط بـ 350 ريال أما إذا بغيت توصل كم لمبه وتركب افياش اتوقع ما يتعدى 500 ريال

[أبو_خالد]

تركيب بطارية فقط بـ 350 ريال أما إذا بغيت توصل كم لمبه وتركب افياش اتوقع ما يتعدى 500 ريال


350 ريال مع القاعدة أخوي بترول ؟؟
وياليت توصفه لي أنا بأجي القصيم بعد العيد إن شاءالله

[باترول 4500]

350 ريال مع القاعدة أخوي بترول ؟؟
وياليت توصفه لي أنا بأجي القصيم بعد العيد إن شاءالله
ايه مع القاعدة

الوصف :
صناعية الرواف تقريبا شرق بريده امسك الدائري الشرقي حق بريده وجهك شمال يجيك كوبري التشليح استمر ثم يجيك مخرج كوبري الهديه خذ نفس المخرج تجيك اشارة الكوبري رح يسار من تحت الكوبري غرب يجيك دوار عند محطه النغيمشي خذ يمين و ادخل مع نفس الشارع تجيك اول اشارة طول ثم تجيك صناعية الرواف يمين ثم يجيك اول محل كبير على اليمين حق مركز خدمه اي سي ديلكو لف بعده مباشره يمين يصير وجهك شمال استمر مع نفس الخط حتى ينتهي الخط اجباري يسار ، اول ما تلف يسار هو اول محل يمين عنده جيوب باترول

إذا الوصف مب واضح علمن اوصف لك مع طريق ثاني

حياك الله واي خدمة تبيه من القصيم حنا حاضرين

[sa-z71]

ركبنا على باترول شاص بطاريه مع القاعده مع المنظم
وتمديد كيبل للصندوق فقط
بـ1000 ريال

ملاحظه :
أخوي لا تنسى المنظم لأن فيه بعض الورش يركب لك بدونه
وهو مهم جداً
فايدته إذا شغلت الموتر الدينمو يشحن الثنتين وإذا طفيت تكون كل وحده لحالها

[ابوصالح77]

أخوي
العثيم يتفاوت سعره على حسب التجهيزات يبدأ من 250 شغل يد مع بعض التجهزات لمبة كبوت وفيش من دون الدقمة والبطارية والمحول طبعاً
والدقمة عند العبيدان بـ 120 والبطارية على حسب مزاجك من 180 وطالع .
بالتوفيق

[ابو باسل]

البطارية الإضافية ضرورية للمكشاتية حتى لا تتعطل في البر

اما تأثيرها على الدينمو فمن الأفضل اذا جت المشيه انك تشغل السيارة ربع ساعة قبل المشية بدون ان تشغل الأنوار حتى الدينمو يعبئ البطارية بدون أن يتأثر الدينمو

ومن ناحية تركيب البطارية الإضافية اذا انت راعي فك وربط فما اسهل منها وممكن تستعين بمواضيع الأخوان في المنتدى

[الباترول دمي]

اخوي 350 ريال بالبطارية ولا شغل اليد

[اسير الغضا]

تركيب البطاريه بالصور موضوع للاخ المترو

http://www.mekshat.com/vb/showthread.php?t=37714

[باترول 4500]

اخوي 350 ريال بالبطارية ولا شغل اليد

شغل يد

وإذا عندك إستفسار إتصل على العثيم : 0554889118