تشغيل السياره كل يوم بدون ما أمشي فيها

[غالي]

السلام عليكم ورحمة الله


أخواني سؤال للي عنده علم أكيد


لو شغلت سيارتي كل يوم لين تحمى تصير الحراره طبيعيه ثم طفيتها وخليتها ساعتين تقريبا تزود او تنقص


السؤال هنا هل يأثر على السياره كهربائياً او ميكانيكياً ؟


يعني هل لازم امشي فيها؟


وشاكر لكم


وشاكر لكم

[عميد سامودة]

ماله داعي تشغلها يوميا لو هي واقفه تشغلها كل اسبوع علشان البطاريه ...

ولو شغلتها عشر دقايق وطفيت مابه باس ولا ضرر كأنك رايح عليها البقاله وجاي

# كيف تقصد ضرر ميكانيكيا او كهربائيا ؟؟؟ من ايش بالزبط

[سوبر مكشات]

كنك صحيت من النوم الين تنشط ثم رجعت تنام<<<<<<اتحداك تنام

ان كان ودك تحافظ عالسياره خلها لمشاوير البقاله


ويفيدونك الاعضاء

[AL-ashhab]

اذا كنت تبي تخزن السياره
احسن شي كل اسبوع او اسبوعين تاخذ بها مشوار قريب
عشان ما تضرها الوقفه
وسلامتك

[غالي]

شاكر لكم اخواني على المرور والافاده

لكن السياره شبه يومي استخدمها

لكن اطلع مثلا زي هالوقت افتح الابواب علشان تطلع الحراره من داخل السياره واشغلها لين تحمى وطفيها وبرمضان مااطلع فيها الا بليل

اما باقي الاشهر اطلع فيها عصر او مغرب مثل كذا

فهمت من الاخوان الان مافيه ان شاء الله ضرر ؟

واقصد ميكانيكيا ((البلوف هل مايوصلها الزيت بالشكل المطلوب لازم امشي ؟)) لان الزيت بيرتفع لكن مو بالشكل الي اذا مشيت بالسياره ثم لين طفيتها بيرجع ينزل . صحيح هالكلام؟

وكهربائياً معروف ان السياره مع المشي الدينمو يعبي البطاريه ولين صارت واقفه السياره اول ماتشغلها معروف ان البطاريه الحالها هي الي بتعطي السياره كهرباء بدون مايشحنها الدينمو

هل على البطاريه ضرر عند التشغيل والتطفئه؟

وعلى فكره كثير من الناس نصحوني اولع الانوار حتى لو كانت كشافات وبعز النهار لين مسكت خط سفر طويل

لأن الدينمو يشحن البطاريه بشكل كبير لذلك لازم تولع انوار على الاقل لكي يسحب كهرباء ويريح البطاريه ويطيل عمرها

لنفرض مثال (الاب توب) اكثر العالم تخرب بطارية الاب توب بسبب انهم يشبكونه على الكهرباء والبطاريه فل مع الوقت تخرب ، لو يشيلون الكهرباء اول ماتشحن البطاريه كان طال عمرها اكثر .

والسياره طبعا ماتقدر تفصل الدينمو :) لذلك لازم تستهلك كهرباء مثل الانوار علشان ترتاح البطاريه تصير عملية (( كسب/طرد))

هل هالكلام صحيح ؟


صححولي اذا كان كلامي خطأ منكم نستفيد ونفيد

وشكرا لكم

[VIP-503]

شاكر لكم اخواني على المرور والافاده

لكن السياره شبه يومي استخدمها

لكن اطلع مثلا زي هالوقت افتح الابواب علشان تطلع الحراره من داخل السياره واشغلها لين تحمى وطفيها وبرمضان مااطلع فيها الا بليل
مافيها شي يالغالي
اما باقي الاشهر اطلع فيها عصر او مغرب مثل كذا

فهمت من الاخوان الان مافيه ان شاء الله ضرر ؟

واقصد ميكانيكيا ((البلوف هل مايوصلها الزيت بالشكل المطلوب لازم امشي ؟)) لان الزيت بيرتفع لكن مو بالشكل الي اذا مشيت بالسياره ثم لين طفيتها بيرجع ينزل . صحيح هالكلام؟
الزيت ياصل للبلوف من اول نقره وذالك بسبب طرنبه الزيت ولايهمك الي قول الزيت مايجي البلوف لين تمشي السياره هذا كلام غير صحيح
وكهربائياً معروف ان السياره مع المشي الدينمو يعبي البطاريه ولين صارت واقفه السياره اول ماتشغلها معروف ان البطاريه الحالها هي الي بتعطي السياره كهرباء بدون مايشحنها الدينمو
الدينمو يعبي البطاريه لين تجي فل بعدين تفصل عنها الكهرب بسبب الكتاوت حقت الدينمو وتصير السياره كل شي شغال على الدينمو حتى الانوار وكل شي الحين شغل سيارتك وافصل اصبع الموجب تبقى السياره شغال مافيها ايات مشاكل وذالك بسبب الدينمو يقوم بمهمت الكهرب والبطاريه مهمتها اداره المحرك وبس

هل على البطاريه ضرر عند التشغيل والتطفئه؟
ابد البطاريه لها عمر افتراضي والحين اكثر بطاريتنا اغلبها سنه والممتازه تاخذ ثلاث سنوات سنتين ولا يضر البطاريه
وعلى فكره كثير من الناس نصحوني اولع الانوار حتى لو كانت كشافات وبعز النهار لين مسكت خط سفر طويل

لأن الدينمو يشحن البطاريه بشكل كبير لذلك لازم تولع انوار على الاقل لكي يسحب كهرباء ويريح البطاريه ويطيل عمرها
يالغالي مالها دخل تولع الانوار البطاريه يفصل عنها الدينمو بعد ماتصير فل بسبب الكتاوت حقت الدينمو لو مافيه كتاوت كان الحين اكثر البطاريت متعطله بسبب الشحن الزايد ولا يهمك كلام الناس اخذ من واقع تجربه ومعلومات اكيده باذن الله
لنفرض مثال (الاب توب) اكثر العالم تخرب بطارية الاب توب بسبب انهم يشبكونه على الكهرباء والبطاريه فل مع الوقت تخرب ، لو يشيلون الكهرباء اول ماتشحن البطاريه كان طال عمرها اكثر .
بطاريه الاب توب كلبوها صيني وصناعه خايسه
والسياره طبعا ماتقدر تفصل الدينمو :) لذلك لازم تستهلك كهرباء مثل الانوار علشان ترتاح البطاريه تصير عملية (( كسب/طرد))
فيه فصل وانت ما تعلم وهي الكتاوت الي بالدينمو خاصه السيارات الامريكيه ولا الخارجيه مثل الددسن تلقاها على الرفرف من داخل هذي الكتاوت حقت الشحن
هل هالكلام صحيح ؟
والله يعني مبالغ فيه والي قالك احسه موسوس كلبو همه البطاريه هههه

صححولي اذا كان كلامي خطأ منكم نستفيد ونفيد

وشكرا لكم
لك احترامي وتقديري

[VIP-503]

نسيت اقولك انه التشغيل الواجد والسياره واقفه يسبب تجمع للكربون وهو ماهو زين للسياره وهو يتجمع الكربون بالكنداسه وتكتم بعدين يصير مشكله مكينه بعدين فكيتو الكنداسه بعدين ارتحتو المكينه يعني التشغيل المفرط على السياره ماله داعي خساره بنزين و تقلل من عمر المكينه و تاكل عليك حاجات استهلاكيه مثل السيور وغيرها فنصيحه فتح البيبان ونفخها ان كانك فاضي واما بس تبيها تبرد حطها بالبايكه وشكرا مجرد راي اخوي الكريم

[ابوصالح77]

هلا أخوي
اللي فهمته منك إنك تستخدم الموتر يومياً ، فما يحتاج تشغل وتطفي وتتعب روحك .
أما إذا بغيت توقفها لفترة طويلة إسبوع أو أكثر أفصل إصبع البطارية واحد فقط
وإذا بغيت تخزن( في إعتقادي ) تغير الزيت ، وتطلع عليها مشور شهرياً إذا قدرت
لأن كثرة الوقوف تضر الماكينة
أما توليع النور بالنهار عشان الدينو والبطارية مالها داعي لأن فيه كتاوت يفصل ويشبك
وبعدين يأخي تروع اللي مقابلك يحسب فيه تحديد سرعة .
تقبل مروري
بالتوفيق

[غالي]

اخوي في اي بي 503 ماقصرت كفيت ووفيت الله يحفظك

شكرا جزيلا

اخوي ابو صالح ماقصرت بيض الله وجهك شكرا لك