هل يخرب الدبل إذا ما شغلته ؟؟؟

[روح المغامرة]

السلام عليكم ورحمة الله وبركاته

يا إخوان تقبل الله طاعتكم

سيارتي 2009 اكسبديشن بدبل ومن يوم ما شريته ما عمري شغلت الدبل

قال لي خوي إن بهذه الطريقة الدبل بيخرب لازم تشغله ولو كان على السفلت تمشي فيه شوي

شوركم هذا الكام صحيح ؟؟

[فهد 333]

عليكم السلام ورحمة الله وبركااته
تقبل الله من الجميع
أجل اذا لم تشغل الدبل ليش شاري الدبل
هههههههههههه مداعبه
بالنسبه لسؤالك ماأتوقع يخرب ولا شي لكن لازم تجربه حتى لو بالشهرين مره بااقرب برحه
شكرا لك

[روح المغامرة]

حياك الله أخوي فهد

شريته دبل لأنه في بعض من المرات في يكون هناك طلعات للبر وما يدري الواحد متى يحتاجه

وفقك الله على ردك وجمعك بمن تحب في الفردوس الأعلى

[كم كيلو باقي]

مايخرب بمعنى كلمة يخرب .. لكن يجيم الدبل

بالنسبة لي لازم كل 10 الاف كيلو .. أشغل الدبل الخفيف لمسافة كيلو تقريبا ( وحاول ماتلف وانت شابكه .. لأنه اللفات تضر الدبل )
والثقيل امشي فيه 10 امتار تقريبا


ولازم طبعا تراعي الطريقة السليمة في تشغيله بحيث تكون السيارة واقفة تماما والقير في الإن .. لأن دبل الأمريكي حساس شوي

[غالي]

والله كتالوج السيارات يوصي تشغيله والمشي عليه من 3 الى 5 كيلو تقريبا على حسب ذاكرتي

لان الزيت لازم يتحرك

والله اعلم

[بعيد الارماس]

لا مايخرب ولا شي بس جربه كانك ماجربته

[روح المغامرة]

كم كيلو باقي (http://mekshat.com/vb/member.php?u=170120)

غالي

بعيد الأرماس


أسأل الله في هذه الساعة المباركة أن يغفر لكم ذنوبكم ويرزقكم من واسع فضله

ويجعل الجنة مثوانا ومثواكم

[AL-ashhab]

من الافضل انك تستعمله
لو شوي احسن من انه يخرب في مكان حرج

[أبو الذيابه]

لا بد من تشغيله من فترة لأخرى فقط لتحريك السوائل داخله

[سلكي نت]

حاول تشغله وتجربة من فترة الى اخرى
حتى لا تتيبس الصوف بسبب تجمع الزيوت والشحوم في الاسفل
ولا تلف الكفرات خلها مستقيمة لانه يؤثر على العكوس الامامية كما قيل لنا
وجربة بالبر وابعد عن الاسفلت إلا اذا كان دفع رباعي مستمر
لان بعض السيارات يختلف تلامس الكفر من جهه الى اخرى
لذلك ترى بعض الكفرات تعلم في الاسفلت (اثار سوداء)والاخرى بدون علامات
والله اعلم

[السلمان2010]

والله حد علمي انك لازم تجربه من وقت لوقت ولاكن مايخرب بمعنى كله يخرب
ولكن خوفا من خراب الجلد ومن ثم تهريب زيوت
- ومن باب الجاهزيه يجب ان تكون مجربه عشان اذا جيت تستخدمه تكون عارف موترك
ومستوى قدراته

[صامولي]

ما يخررررررررررررب

[almertah]

بالنسبه للدبل على حد علمي مايخرب بس لازم تختبر جاهزيته كما قالو الاخوان بحيث انك تعرف انه شغال اذا احتجته

[ابونبيل]

الي اعرفه ان لازم كل 3 شهور تشغله

عشان الزيت يتحرك

والحركات ما تجيم

والحين طلع سهيل والبراد جاء

فحان وقت الدبل ^_^

[mohannadAs]

انا اخوي شرى باجيرو و ما شاء الله نظيف و راعيه يقول ما عمره حتى شغل الدبل ....
و جا خويي و قال بجرب الدبل و شبكه و الدبل علق عليه و مب راضي يرجع عن الدبل الخفيف
لذلك اخوي انصحك تجربه و تشغله كل فترة و الافضل ترجع لدليل المالك و تشوف توصية المصنع .....
عسى الله يعطيك خيره

[روح المغامرة]

جميع من من شرفني برده
جزاكم الله خير كلًا باسمه
أسأل الله العلي الكريم أن يغفر لنا ولكم الذنب ويرفع قدرنا وقدركم ويزيدكم من واسع فضله