نصيحه: اسلوب جديد من شريطية السيارات للغش والتدليس وبخس السيارة قيمتها

[الدبل الرابع]

امس كنت مع واحد من الزملاء عارض سيارته بالمعارض المهم لاحظنا انا وصاحبي انهم متفقين في اسلوب جديد للغش والتدليس وبخس السلعه
الطريقه تكمن في التالي:

يجيك الشريطي ويوقف عندك ويحاول فيك تبيعه السياره يسألك السياره مسيومه تقول له مثلا بخمسين الف ريال يقول لك الشريطي تبيعني بواحد وخمسين الف ريال طبعا تقول لا لان سيارتك تسوى ستين الف ريال يزودك هو يقول تبيع باثنين وخمسين الف ريال تراي صامل وماني عارف من الكلام هذا هو يحاول فيك فجأه يطلع لك خويه خوي الغش والتدليس وبخس الناس اشياءهم يقول سيمة السيارة يالطيب تقول له الرجال هذا يسومها باثنين وخمسين الف يجي هو يقول تبيعني بخمسين الف في موقف يمثل موقف خسة ودناءة ومحاولة استخفاف غبيه.
انا لاحظت الموقف هذا اكثر من مره يمكن ثلاث مرات المره الاخيره ماصبرت طردت الاثنين مع بعضهم وكرشتهم قدام الله وخلقه وفضحتهم على رؤوس الاشهاد وبينت للناس الموجودين حركتهم الله لايجزاهم خير

كتبت هذا الموقف لانبهكم من اساليبهم ومواقفهم الخسيسة والدنيئة ومن اراد ان يفضح اساليبهم فليفعل وليضيف مالديه فو الله انهم اشر من وطىء الحصى اذا كانو يسترزقون بمثل هذه الطريقة او ماشابهه من افعال لا تمثل اخلاق المسلم ولاتمت لاخلاق الرجال بصله فحسبي الله ونعم الوكيل فيهم.

[غالي]

يارجال حسبي الله عليهم ويمحيهم عن وجه الارض

يكفي ياخوي انهم وصلوا للانترنت وبزارينهم ويخربون بيعات العالم ويحطمون بسيارات الناس

ثم يجيك يعرض سياره للبيع ويرفعها فوق سعر السوق

يارجال خلها على ربك

حتى الاجانب يسبون فيهم لين جوا يبيعون سياراتهم

مدري كيف يهنالهم بال وهم يعرفون كل يوم مرتين وثلاث يندعي عليهم

صدق (عبدالدرهم وعبد الريال)

الله لايبلانا يارب

[المصمم76]

الله يجزاك خير على التنبيه

حتى غير السعوديين صاروا شريطية

حسبنا الله ونعم الوكيل

[kahleel]

اي والله حسبي الله عليهم

انا وعمي ريحين انبيع موتره ما جاب الا 13000 ريال طفش عمي وبعنها اتصلنا على عمي الاصغر قلنا له تعال خذنا وجه قال عمي راعي الموتر احق عمي الاصغر رح سوم الموتر جلسنا في السيارة ورح عمي يسوم الموتر تخيلو كم قاله 18000 ريال ما ينزل ولا ريال فرق خمسة الاف وهو يحلف لنا انها ماتسو 13000 الف

ولا في حركة جديدة يقول انا مو من هديره ويبخس السيارة ويقول انا بستخدمه ليه الكذب يقول بتاجر ويفك عمره

[صامولي]

الله يجزاك خير على هذا الموضوع
وبصراحة الشريطية ناس ما تخاف الله
كان عندي واحد في الدوام يشتغل في المساء في معارض جدة
المهم انا ما عرفت انه شريطي الا من خلال العمل
كان اذا اشترى واحد من الزملاء شيء (كمبيوتر - جوال-سيارة)بخسه وطلع عيوبه وما يسوى ومن ذا الكلام
بدل ما يقول عليك بالبركة،ولا يعطيك خيره ويكفيك شره حتى لو بالمجاملة
المهم نصحته وقلت له اسلوب الشريطية هذا ما يجوز شرعا
ولكن للأسف هو مستمر بهذا الشكل في جميع امور حياته
ما نقول الا الله يهديهم

[سرطوقا]

في البدايه احب اشكرك على الموضوع القيم


وجزاك الله خير على مافعلته

بس الواحد دون نفسه ويعرف للشريطيه مثلك وشرواك وانا اخوك ولايهينون اهل مكشات

يعني اذا دريت انه شريطي قله توكل على الله ولا تخاصمه لانك لو بتخاصمه طبعا هو عارف الوضع وبيعاند وماهو مخلي شيء الا مسويه


الواحد ينتبه ويتحرى انا اخذت دروس من هالمعارض وهالسيارات حتى شاب راسي

انا سبحان الله اشتري سياره لازم اخسر فيها وانا ماني شريطي بس ابي استخدم


لكن ماقول الا الحمدلله على كل حاال



وفق الله الجميع لكل خير


عيدكم مبارك قبل الزحمه

[سرطوقا]

في البدايه احب اشكرك على الموضوع القيم


وجزاك الله خير على مافعلته

بس الواحد دون نفسه ويعرف للشريطيه مثلك وشرواك وانا اخوك ولايهينون اهل مكشات

يعني اذا دريت انه شريطي قله توكل على الله ولا تخاصمه لانك لو بتخاصمه طبعا هو عارف الوضع وبيعاند وماهو مخلي شيء الا مسويه


الواحد ينتبه ويتحرى انا اخذت دروس من هالمعارض وهالسيارات حتى شاب راسي

انا سبحان الله اشتري سياره لازم اخسر فيها وانا ماني شريطي بس ابي استخدم


لكن ماقول الا الحمدلله على كل حاال



وفق الله الجميع لكل خير


عيدكم مبارك قبل الزحمه

[بروق ساق]

ما أقول إلا حسبنا الله ونعم الوكيل يا أخي الشريطية إذا جيت تبيع موترك قبل يسوم يقول أيههه موترك بالع من الشر ولا يسوى شئ بعدين موديله قديم ولا أحد يلطبه
أما موتره هو والله لو كل مكان يهرب زيت وسمكره يقول جديد ويجيب أكثر من موترك النظيف

مشكور أخي الكريم على الموضوع

[الدوسري دت كم]

لافيه طريقه يسوونه تدخل السوق بتبيع موترك مثلا وقف السوم على 55 الف مثلا يجي يقول كم انسام الموتر؟
تقوله انسام 55 الف وهذارقم الرجال الي سامه . طبعاهويعرف الي في السياره هوشريطي ولا لا
يحي يقولك تبيعني 56 تقوله نرجي من الله الزود,
يقولك شكل الموترنضيف (يمدح السياره عشان تتمسك ماتبيعه ) ترا انا ابي الموتراستعمله . تقوله لاوالله نرجي من الله الزود يقولك تبيع . يقول تبيع 58 . تطمع انت لانه مدح السياره . يقولك تبيع ب 60 . تطمع تقول لاوالله نرجي من الله الزود , يروح من عندك ويعلم ربعه الشريطيه اني سمت الموتر الفلاني 60 . يمرواحدمنهم كم انسام الموتر تقوله وانت فرحان انسام 60 الف طبعا انت تبي زود . يروح ويخليك بسرعه (تحطيم ) .
يجي خويه الثاني كم انسام المبروك تقوله انسام 60 يقولك ياشيخ ليش مابعت سومه طيبه مره (تبداتحسف )
يجي خويه الثالث كم انسام الزين تقوله انسام 60 يقولك صحيح كان بعته السوق ميت مره شف قدام زي موتربالضبط ماوصل 54 (يكذب اصلا مافيه زي موترك ) لاكن تحطيم ...
يبد العامل النفسي يشتغل . واذا مرعليك واحديبغا يشتري صدق (ماهوب شريطي) . يقول كم انسام الموتر ؟ تقوله سامه واحد 60 الف . انت صادق بس الموتراصلا يالله يجيب 58 خلاص اكثرمن كذامايتعدا .
وانت تبي ازود من 60 . طبيعي يروح ويخليك . لأنه غالي .. تقعد تدورالاول الي سامه 60 . واذا غابت الشمس باقي 5 دقايق يذن المغرب وانت واصل حدك من الطفش . يجي اخينا بالله (هاه كم وصل السوم تقوله وانت فرحان انه جا والله ماتعدا 60 ) انت صادق طبعا. يبدا يقلب الموترمن جديد اذن المغرب خلص الوقت يجي يقول تبيعني 53 . (ليش انت سايمه 60 ) يقول والله فيه موتر زيه يحد 53 بتبيعني شريت ...
مشكله والله اذا عييت . موترك انعرف في السوق يعني بكرا لوتجي عارفين الناس ان الموترهذا غالي مره ..
وذا بعت غبينه مابعده غبينه ...
طيب وش الحل ...
1- لاتصيرطماع اعرف حدود موترك وش يجيب .
2- اذاعطاك احد سومه زينه خلك شجاع واطلب منه العربون ولازم يكون العربون مبلغ محترم
3- اذاكان موترك نضيف ماعندك مشكله
4- اذاكان موترك فيه شي (يعني خراب سمكره رش بويه انت ابخص في موترك لازم تبين تقول الموتر فيه كذاكذا) وهذا هدي ابوفاطمه عليه الصلاة والسلام . وسبب مجلبة البركه للبايع والشاري .
والله اعلم واحكم ,,,

[الشبل العجمي]

يالله حسن الخاتمة

والله مستهينين في الشريطية والله مو عيب حراااااااااااااااااااااااااااااااااااااااااااااااا ااام

اكل حرام لعنهم الرسول يخوي والله اني سرت اخاف اشتري سيارة من السوق

ما اشترية الا من رجال معروف ولا قريبي .



أشكرك على موضوعك المميز

أخوكـ/الشبل العجمي

[wafi4sa]

الشريطية وما ادراك ما الشريطية
إلا من رحم الله منهم
لكن الحل من واقع خبرة
لا تبيع سيارتة ولا تعرضها بالسوق من اول يوم او اوليلة
فر بالمعارض وشف اللي مثل سيارتك بكم عارضينها
انت طبعا حدها بأقل قليل من المعروض
وسجل بورقة صغير السيارات وقيمها
حتى تقول له شف بالمعرض الفلاني مثل سيارتي بكم
او شف اللي اقل من سيارتي بكم بالمعرض الفالني حتى تكون صاحب حجة قوية
هذة طريقتي من زمان
بعدما شف الغبينة منهم لعدة مراااات
وانا اخوكم العجلة ما فيةبركة لا بالبيع ولا الشراء

[ن م ر]

لا هنت اخوي على النصيحة القيّمة

بس كلش ولا طريقة يسوم في الشارع ويوديك لمعرض ثم يقلب عليك هو وربعه ويطلّع آلاف العيوب في موترك وهو نظيف وجديد

وما تزال أساليبهم في تجدد وتطور

وهذا لا يجعلنا نعمم على الجميع أكيد فيه شريطيه يخافون الله

[مداحش]

اللهم إنا نعوذ بك من الجشع والطمع والمال الحرام وسوء الخاتمة

[العود21]

يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد

[سراب الوقت]

الله يكفينا شرهم

[ابوناصر426]

الشريطية انذال وحرامية، ان بغيت تكرم الشريطي اتفل بوجهه

[مدور الخيرة]

مافيه أحلى من البيع على المعارف والأصدقاء

توصيهم يذكرون سيارتك لشخص يبي يشتري السيارة ويجيب لك الله الرزق

المعارض أكثر الأماكن غش وتدليس وغلاء أسعار في البيع , وبخس للسلعة وقت الشراء

[التعـ King ـديل]

الله يهديهم ويصلحهم ولا يفكنا من شرهم

[التعـ King ـديل]

يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد

تقدر تثبت كلامك يعني كل الناس غلط وانت الصح؟

[-الساري-]

الله يجزاك خير على هذا الموضوع
وبصراحة الشريطية ناس ما تخاف الله


وحسبي الله ونعم الوكيل فيهم

[rpk]

يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد
سراحه مدري وش ارد عليك لاكن راح احسن الظن وراح اقول لك انت ان شاء الله طيب وتخاف الله وتحسب ان الناس كلهم زيك

[العود21]

تقدر تثبت كلامك يعني كل الناس غلط وانت الصح؟
اقدر اثبت
رح لم اي معرض معروف طبعا واجلس معهم اسبوع وشف بيعهم ومشتراهم 0 ولا تروح لم الشوارع وتقول ذولا اشريطية 0
الصراحة انا نفسي ما اشري من اللي بالشوارع يدورون لانهم غير معروفين او مطرودين من الشريطية وراعين المعارض 0
بس طبعا فيه معارض مشبوهة ومعروفه من يوم تدخل عليهم وانت عارفهم
اصابع يديك ماهي وحدة
الشريطية تجار ماهم بحاجة للغش والخداع اما صعاليك السوق فاحذرهم وانا معكم

[adil33]

من كرهي للشريطية صرت السياره الي ابي ابيعها اهديها بعد ما اضبطها واضمن باذن الله انها تمشي قدام ثلاث سنوات واجري على الله

[علياص]

الشريطية انذال وحرامية، ان بغيت تكرم الشريطي اتفل بوجهه
:good2::good2::good2::good2::good2::good2::good2:: good2::D

[roorane]

الله لا يبلانا
ويفكنا من شرهم ان شاء الله

[بروق ساق]

يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد
شف يا أخي يمكن اللي يخاف الله أثنين ثلاثه أم الباقي والعياذ بالله حرااااامييييه
شف أغلب المعارض عندنا حراميه نمره واستماره
أعرف أن كلامي جارح لكن التجربه تقول ذلك
وأنت إن شاء الله عضو صالح في المجتمع تقبل تحياتي

[أبو باسل 1402]

الله يجزاك خير على التنبيه

[AMERALNET]

يالله عليهم حسبي الله عليهم يالربع
المشكله الان المعراض كلها يمانيه وسودانيه

[الدبل الرابع]

يارجال حسبي الله عليهم ويمحيهم عن وجه الارض

يكفي ياخوي انهم وصلوا للانترنت وبزارينهم ويخربون بيعات العالم ويحطمون بسيارات الناس

ثم يجيك يعرض سياره للبيع ويرفعها فوق سعر السوق

يارجال خلها على ربك

حتى الاجانب يسبون فيهم لين جوا يبيعون سياراتهم

مدري كيف يهنالهم بال وهم يعرفون كل يوم مرتين وثلاث يندعي عليهم

صدق (عبدالدرهم وعبد الريال)

الله لايبلانا يارب


الله يعين عليهم ياغالي والله يكفيناهم بما يشاء انه هو السميع العليم
واتفق معك بخصوص بزارينهم انهم وصلو للانترنت وتخريبهم للبيعات.
ياخي والله لو تشوف الشريطي وبجاحته وقوي وجهه بعدما كرشته تقول هذا مافي وجهه دم
ويعيد السؤال كم وصل الموتر . . .

اشكرك اخي غالي على المداخله

[ساقان]

الشريطية وما ادراك ما الشريطية
إلا من رحم الله منهم
لكن الحل من واقع خبرة
لا تبيع سيارتة ولا تعرضها بالسوق من اول يوم او اوليلة
فر بالمعارض وشف اللي مثل سيارتك بكم عارضينها
انت طبعا حدها بأقل قليل من المعروض
وسجل بورقة صغير السيارات وقيمها
حتى تقول له شف بالمعرض الفلاني مثل سيارتي بكم
او شف اللي اقل من سيارتي بكم بالمعرض الفالني حتى تكون صاحب حجة قوية
هذة طريقتي من زمان
بعدما شف الغبينة منهم لعدة مراااات
وانا اخوكم العجلة ما فيةبركة لا بالبيع ولا الشراء

:good2::good2::good2:

[ابو نايف التميمي]

والله انهم غشاشين ومنافقين ويبيعون بالحلف الكاذب

انتبهو منهم

[الدبل الرابع]

الله يجزاك خير على التنبيه



حتى غير السعوديين صاروا شريطية



حسبنا الله ونعم الوكيل


والخير موصول اليك اخي المصمم والله يكفينا شرهم وللاسف حتى شيخ المعارض مادري ليش سموه شيخ معارض وهو ماله هم الا دفع الرسوم قبل مايتدخل في اي موضوع بين الشريطي والزبون؟

[ابن هادي502]

حسبي الله عليهم عز الله ان فيهم خساسة غير طبيعية

[الصياد99]

جزاك الله خير وما قصرت مشكوووووووووووووووور

[قراند ماركيز]

الله يجزاكم خير

[**nawaf**]

جزاكم الله خير والله مافي أحد يسلم من شريطية المعارض

[الدبل الرابع]

اي والله حسبي الله عليهم

انا وعمي ريحين انبيع موتره ما جاب الا 13000 ريال طفش عمي وبعنها اتصلنا على عمي الاصغر قلنا له تعال خذنا وجه قال عمي راعي الموتر احق عمي الاصغر رح سوم الموتر جلسنا في السيارة ورح عمي يسوم الموتر تخيلو كم قاله 18000 ريال ما ينزل ولا ريال فرق خمسة الاف وهو يحلف لنا انها ماتسو 13000 الف

ولا في حركة جديدة يقول انا مو من هديره ويبخس السيارة ويقول انا بستخدمه ليه الكذب يقول بتاجر ويفك عمره

حياك الله ياخليل والله يكفينا شرهم بما يشاء وماهو غريب عليهم فاساليبهم اصبحت مكشوفة وظاهرة والله يفضحهم ولايبارك في مال كسبوه بالغش والتدليس

[عاشق حرير]

أخوي أشكرك على الموضوع
والله يكفينا شرهم
وكل عام والجميع بصحه وعافيه

[العابر2222]

يا اخوان تبون الصراحة حنا الي خليناهم يسوون كذا

نفرر في السوق فرة فرتين ونطفش ونقول يا ولد خلني ابيع بس شكل سيارتي هذا حدها

وبعض المرات مضطر على البيعه ... واغلب الي يدخلون مضطرين على البيع


نصيحة اذا بتبيع وقف سيارتك في معرض وقل سعيكم الف ريال وخلها واقفه وحدها بالسعر المناسب ... وانت كل عصر خلك في المعرض .... والله يا اخوان تنباع بالسعر الي في بالك

انا سياراتي الي ابيعها يا تحت مقرفون او اوقفها في معرض لو استاجر سيارة واريح راسي من كم سيم ما تسوى او تسوى .... ولا يرفع ضغطك الى كلمة (ولا بعت )

[الدبل الرابع]

الله يجزاك خير على هذا الموضوع

وبصراحة الشريطية ناس ما تخاف الله
كان عندي واحد في الدوام يشتغل في المساء في معارض جدة
المهم انا ما عرفت انه شريطي الا من خلال العمل
كان اذا اشترى واحد من الزملاء شيء (كمبيوتر - جوال-سيارة)بخسه وطلع عيوبه وما يسوى ومن ذا الكلام
بدل ما يقول عليك بالبركة،ولا يعطيك خيره ويكفيك شره حتى لو بالمجاملة
المهم نصحته وقلت له اسلوب الشريطية هذا ما يجوز شرعا
ولكن للأسف هو مستمر بهذا الشكل في جميع امور حياته

ما نقول الا الله يهديهم



حياك الله ياصامولي
وانتبه لايحوشك هالشريطي اللي معاك في العمل تراهم يصطادون على حين غرة ولايدخل معك في سوم سلعه الا اذا شاف احد يسومها اما بهدف التخريب والمزايدة لغرض في نفسه والانسحاب وزي ماقلت اما الله يهديم ولا يفكنا من شرهم وبخسهم لسلع الناس.

[moafaq999]

الله المستعان
انا من فتره بعت موتر اخوي من نوع كامري 2003 ماشية 260000 الف تقريباً بمبلغ 27 الف
وبعد فترة رحت للمعارض وبالصدفه حصلت موتر اخوي الكامري واقف في احدى المعارض عليه السوم 33 الف استغربت ورحت اتاكد انه نفس الموتر او لا وتاكدت انه نفس الموتر ولقيت شي مااقول الا حسبي الله عليه وعلى امثالة (( مرجع عداد الموتر الى 120000 الف كيلو ممشاه )) وملمعه حتى يغرر بالناس
ورحت الى شيخ المعارض واشتكيت على المعرض وطلبوا مني الاثبات وسويت ذيب وطلبت منهم ورقة الفحص الدوري حقت الموتر الى مكتوب فيها عداد الممشى الحقيقي ولكن ادعوا بانها مفقوده وغير موجودة ومن بعد ذلك طلبت من شيخ المعارض ان يتابع الموضوع وحطيت ذلك في ذمته .

[ابواتليم]

جزاك الله خير وماقصرت شكرا على التنبيه

[صاحب الذئب]

جزاك الله خيرا
كلام دررررررررررررررررر والله العظيم
كل اللي يدخل فيها حراج سواء سيارت او غيرها تعال شوف الحلفان وغيره تصدق وانته متاكد انه كذب

[عبدالله المطيري]

أولا نشكر أخونا العزيز على طرح الموضوع


ثانياً ياخوان لايجوز التعميم على الشريطية بأنهم نصابين او كذابين
فيهم ناس حقانيين ويعطون السيارة حقها ويخافون الله
وبالعكس ترا مايسوم ولايشتري في السوق الا الشريطية
بس يمكن الانسان حاط براسه مبلغ معين سيارته ماتستحق ذلك فكل من سام بأقل من السعر
اللي هو حاطه بنفسه قال هذا بخس سلعتي (في الاخير سيارتك عندك وفلوسهم معهم مااحد بغاصب احد)
هذا بالنسبة للشراء

اما سياراتهم المعروضة لديهم غالية للاسباب
اولا الشريطيه يعرفون الموتر الزين ويعطونه حقه لو كان غالي ولذلك لايبيعون الا بسعر غالي



اما للغشاشين من الشريطيه موجودين وبكثره
منهم من يرجع عداد السيارة
ومنهم من يقولك السيارة نظيفه وهو مع جنبها
ومنهم من يشتري منك بسعر واذا طلعك برا السوق قال نزلي والسيارة فيها وفيها




*** انا ماقهروني الشريطية ولكن قبل شهرين تقريبا طلعت لمعارض النسيم ابي اشتري سيارة لاحد
اخواني المهم لقيت واحد بين عليه انه ملتزم سيارته تسام 28500 ريال يحلف بأمه وابوه انها وكالة وسبب البيع يبي
يتزوج والمهم قلت السيارة فيها شئ قال على بالطلاق من رقبتها ان مافيها لاسمكرة ولاشئ وانا اجي من الصمان عشان ابيعها وانا مدرس هناك قلت انا زميلك هنا بالرياض والصمان ديرة اهلي والمهم قال مديرنا فلان بن فلان والديرة اهلها كذا المراد من هذا الكلام كله اني وثقت بالرجال خصوصا انه ملتزم ومدرس ويحلف ويطلق زوجته اللي مابعد اخذها

اشتريت الموتر وعطيته فلوسه وراح بعدها بشوي جاني واحد من العيال وقال ليش مافحصة الموتر قلت ليه وش فيه
قال فيه بابين مسمكره ورفرف جنب كامل يعني

علمته بالسالفه وهو شريطي قال والله مالومك


الدنيا ذي كثير الغشاشين شريطيه وناس من برا السوق فيها والمفروض الواحد ماياثق بأحد

بس مثل مافيه غشاشين فيه ناس واضحين وصريحين

دمتم بود

[rpk]

ياخي عندنا في السعوديه فيه الناس عندها عقده وهي المطوع يعني كل من حط لحيه مطوع والله شئ غريب لا والي اردا من كذا اذا قالك فلان مطوع وهو لو تشوف وجه ودر الله يكفينا الشر يا ناس انتبهوا ترى ما كل من حط لحيه مطوع او يخاف الله بعضهم يحطها عرف يعني عيب يحلقها وهو عادي وبعضهم يحطها برواز عشان يغش الناس في اشياء كثير واهداف عديده شئ انا صار معي في الدوام وهو اني لي عوارض وليس لحيه كامله وصليت بهم مرتين او ثلاث صاروا ما ينادوني الا المطوع لا والمضحك انه جاني واحد يستفتيني ومن عقبها كرهت اني اصلي بهم في الدوام اسف على الاطاله ولكن لمجرد التنويه على كلمه مطوع ومعنها

[الدبل الرابع]

في البدايه احب اشكرك على الموضوع القيم


وجزاك الله خير على مافعلته

بس الواحد دون نفسه ويعرف للشريطيه مثلك وشرواك وانا اخوك ولايهينون اهل مكشات

يعني اذا دريت انه شريطي قله توكل على الله ولا تخاصمه لانك لو بتخاصمه طبعا هو عارف الوضع وبيعاند وماهو مخلي شيء الا مسويه


الواحد ينتبه ويتحرى انا اخذت دروس من هالمعارض وهالسيارات حتى شاب راسي

انا سبحان الله اشتري سياره لازم اخسر فيها وانا ماني شريطي بس ابي استخدم


لكن ماقول الا الحمدلله على كل حاال



وفق الله الجميع لكل خير


عيدكم مبارك قبل الزحمه

حياك الله ياسرطوقا والشكر موصول اليك اخي الكريم وكل عام وانت بخير.

اتفق معاك والله يكفينا شرهم ويجب ان لانصبح صيدا سهلا لهم بل يجب علينا فضحهم وتوبيخهم امام الناس حتى لايستمرئون افعالهم المخالفة للدين بالغش والتدليس واكل اموال الناس بالباطل.
واخيرا يجب ان نستخدم ابسط الحقوق وهو فضحهم وشكاواهم لشيخ المعارض عند وجود عش وتدليس منهم وقد كان هذا الموضوع فاتحت خير حيث ابدى لي البعض هنا مواقف حصلت لهم عند شراء وبيع سيارات لهم وكانو مغشوشين ولجوء لشيخ المعارض فانصفهم.

وفق الله الجميع لما يحب ويرضى.

[البرتقالي]

شيخ الصناعية شيخ المعارض شيخ البعارين شيخ اللي مابعد تمشيخوا
الله يكفينا شر الشريطية وحراميه العقار وجهين لعملة وحده

[العاذر]

لا هنت اخوي على النصيحة القيّمة

[فصوولي]

خخخخخخخخخخخخخ


أنا ما يذبحني إلا اذا قال لي تراني بستعمل منيب شريطي ؟؟

وانا وش دخلني فيك ! ! ! أن بغيت شب فيها

[مسيرs]

جزاك الله خير على غيرتك ونصيحتك
والله وضعنا مزري فالغش هنا وهناك وفي كل زاوية حتى وجد بالادوية وقطع السيارات الحساسة وبوسوق الحضار وبالاجهزة الكهربائية شيء محزن والله نغش انفسنا وأبناء جلدتنا عسى ربي يردنا له رد جميلا.. لاراقبة دينية تمنعنا من الغش ولارقابة ذات الاختصاص ابو ريالين عزانا بشكل رهيب السلع الردية تتهافت علينا من كل حدب وصوب
أهي غفلة منا أورغبة ؟؟

[الربذي]

والله انهم غشاشين ومنافقين ويبيعون بالحلف الكاذب

انتبهو منهم
وانا على ذلك من الشاهدين سيارتك نظيفه يقولك بيعت مثلها بكذا وكذا وهو صادق بس سيارتك نسوى اكثر ب6او7الاف
قد صارت معي كم مره وبعت بخسارة عن السوق واحد اشترى سيارتي ب15.500 ويوم جيت بعد خمس سنين الا تسام ب25الف ؟؟؟؟ يحلف ان سعرها مايتعدى 16 الف ومبيوعه خويتها ب16 الف خويتها مقلوبه وسيارتي نظيفة


واسلوبهم يوهمك انه ماهو شريطي ويقعد يشتم فيهم وانهم نصابين يجاري الشعب لانه عارف ان الشريطية نصابين وبالاخير يطلع شريطي صارت معي ثلاث مرات

لا ويسوم بسعر ويوم جرب السيارة وهو ينزل 1500 ريال الا الوقت قدراح والمغرب ماذان والسوق قفل وانا قفلت بعد

[ولد ضبيب]

عليهم من الله مايستحقون

[الربذي]

خخخخخخخخخخخخخ


أنا ما يذبحني إلا اذا قال لي تراني بستعمل منيب شريطي ؟؟

وانا وش دخلني فيك ! ! ! أن بغيت شب فيها
ياكثرها معهم صدقت فعلا ياما سمعناهاهههههههههه

[عبدالله الضويان]

لافيه طريقه يسوونه تدخل السوق بتبيع موترك مثلا وقف السوم على 55 الف مثلا يجي يقول كم انسام الموتر؟
تقوله انسام 55 الف وهذارقم الرجال الي سامه . طبعاهويعرف الي في السياره هوشريطي ولا لا
يحي يقولك تبيعني 56 تقوله نرجي من الله الزود,
يقولك شكل الموترنضيف (يمدح السياره عشان تتمسك ماتبيعه ) ترا انا ابي الموتراستعمله . تقوله لاوالله نرجي من الله الزود يقولك تبيع . يقول تبيع 58 . تطمع انت لانه مدح السياره . يقولك تبيع ب 60 . تطمع تقول لاوالله نرجي من الله الزود , يروح من عندك ويعلم ربعه الشريطيه اني سمت الموتر الفلاني 60 . يمرواحدمنهم كم انسام الموتر تقوله وانت فرحان انسام 60 الف طبعا انت تبي زود . يروح ويخليك بسرعه (تحطيم ) .
يجي خويه الثاني كم انسام المبروك تقوله انسام 60 يقولك ياشيخ ليش مابعت سومه طيبه مره (تبداتحسف )
يجي خويه الثالث كم انسام الزين تقوله انسام 60 يقولك صحيح كان بعته السوق ميت مره شف قدام زي موتربالضبط ماوصل 54 (يكذب اصلا مافيه زي موترك ) لاكن تحطيم ...
يبد العامل النفسي يشتغل . واذا مرعليك واحديبغا يشتري صدق (ماهوب شريطي) . يقول كم انسام الموتر ؟ تقوله سامه واحد 60 الف . انت صادق بس الموتراصلا يالله يجيب 58 خلاص اكثرمن كذامايتعدا .
وانت تبي ازود من 60 . طبيعي يروح ويخليك . لأنه غالي .. تقعد تدورالاول الي سامه 60 . واذا غابت الشمس باقي 5 دقايق يذن المغرب وانت واصل حدك من الطفش . يجي اخينا بالله (هاه كم وصل السوم تقوله وانت فرحان انه جا والله ماتعدا 60 ) انت صادق طبعا. يبدا يقلب الموترمن جديد اذن المغرب خلص الوقت يجي يقول تبيعني 53 . (ليش انت سايمه 60 ) يقول والله فيه موتر زيه يحد 53 بتبيعني شريت ...
مشكله والله اذا عييت . موترك انعرف في السوق يعني بكرا لوتجي عارفين الناس ان الموترهذا غالي مره ..
وذا بعت غبينه مابعده غبينه ...
طيب وش الحل ...
1- لاتصيرطماع اعرف حدود موترك وش يجيب .
2- اذاعطاك احد سومه زينه خلك شجاع واطلب منه العربون ولازم يكون العربون مبلغ محترم
3- اذاكان موترك نضيف ماعندك مشكله
4- اذاكان موترك فيه شي (يعني خراب سمكره رش بويه انت ابخص في موترك لازم تبين تقول الموتر فيه كذاكذا) وهذا هدي ابوفاطمه عليه الصلاة والسلام . وسبب مجلبة البركه للبايع والشاري .
والله اعلم واحكم ,,,

هذا الكلام الصحيح وهذا اللي صاير من الشريطيه
بس مو شرط انه يعلم الشريطيه الباقين عن السوم هو اهم شي يجيك في البدايه ويسوم اكثر من قيمته عشان يعلقك وكذا طريقتهم

[السد الغزير]

سود الله وجيههم . حتى بزرانهم كاثرين وجوالتهم ماتفصل من المراسلات .. ودايم يتكالمون عنه جاك واحد دبشة مع الموتر الفلاني ..

[دل البحار]

الله يصيبهم معروف انو الشريطي السياره الي قيمتها 50 الف يبي يشريها بمبلغ من 30 اللا 35 الاف حد اقصى ويبيعها بمكسب فوق النص من كلام اغلب اصحاب المعارض الي اعرفهم وأمون عليهم انو الشريطي لو ما يربح اقل شي فوق ربع السياره وأكثر ما يشري سياره واغلبهم يسألك كم انسامت لانهم كلهم نفس الموال وبرضه صارو الاجانب شريطيه وعليهم غباء في السومات سبحان الله ويتشرطون بعد انتا فيه فحص فيه تجدي كفرات بعدين انا يشتري ولو تبي تشوف العجب روح لمنتدى النحاسه حراج السيارات السياره الي ب100الف يدفع لك 40 الى55 الف ملقمه ابوه خلك داهيه ، لا وبعضهم ياخذ بزارينه وعياله في السياره ريحة السياره منهم ويروح تحت المكرفون لانهم عارفين ان فيه ناس غشم بالشراء يشري خبط لزق من تحت المكرفون ولمن يشوفون البزارين قالو هذا ماهو شريطي ولا يجيك بعضهم يحط لك بين المراتب جزم الله يكرمكم وكعوب حريم من القمامه وبعض قراطيس ويقلك انا بياع للسياره عندي امور ماليه ولا انا ما عاد ابي السياره ببيع بالي يجي وأنت واقف خشلك واحد مسوي فيها رب اسره ثاني وبداء يرفع في السعر الا وشوي يجيك واحد مطفي النور ويمسك الرجال ويشد صاحب السياره وذاك يتظيلم كأنه في هم من مطالبات ماليه عليه المهم افلام لحووج يسوونها وأغلبهم ابو يمنه يا شيخ والله اني اكره سالفتهم وعععع

[000sss000]

الشريطبة مالقو من يردههم ولا كان ماهم كذا
بس انتم لاتعطونهم فوق حقهم
ولا تخلونهم على كيفهم
ولا تخلونهم يستفزونكم ياحبهم للاستفزاز واللي مايعرفلهم لايدخل الحراج
انتبه ترسل ولدك يبيع السياره وهو مايدري عن شي صدقني يرجع لك بلا سياره وبيبيعها بسعر ماعمره احد باع به
يبيعونه غصب ويلعبون عليه يوقعونه على اوراق

[اسرار البحر]

وانتبهوا من اصحاب البعثات اللي يقولك عندي بعثه بعد اسبوع وحاجز طبعاً يبي يبيع سياره واحد لعب عليه امس واخذها برخيص تجي تزور المعارض بعد اسبوعين الا وبعثه جديده في سياره ثانيه وحجز جديد انتبهوا من اصحاب البعثات طبعا ان كان في النسيم عنده بعثه للشفاء اوبعثه لمعارض القصيم واغلبهم ترى شباب مهندمين تعلموا الصنعه ويعملون مع الشريطيه اما الشريطيه فاشكالهم معروفه وغترهم وهندامهم وسبحتهم ونظراتهم ارجوا الفائدة للجميع 0

[أبوعبدالمحسن.]

تحصل اكثرهم اقارب ذا وعياله وعيال عمه واخوانه ،،،، الخ
لكن ما نقول الا حسبنا الله على كل غشاش ومن يبخس سلع الناس

[الدبل الرابع]

ما أقول إلا حسبنا الله ونعم الوكيل يا أخي الشريطية إذا جيت تبيع موترك قبل يسوم يقول أيههه موترك بالع من الشر ولا يسوى شئ بعدين موديله قديم ولا أحد يلطبه
أما موتره هو والله لو كل مكان يهرب زيت وسمكره يقول جديد ويجيب أكثر من موترك النظيف

مشكور أخي الكريم على الموضوع

بروق ساق شكرا على الاضافة

الله يكفينا شرهم بما يشاء ويسلط عليهم منهو اذهن منهم وواواجب علينا اننا ننبه اللي حوالينا حتى لايقعو في افخاخهم واساليبهم التي ولله الحمد اصبحت مكشوفة وظاهرة للعيان.

[ابو ضافى]

أولا.. السلام عليكم ورحمة الله وبركاته
وكل عام وأنتم بخير
وثانيا.. الشكر موصول إلى صاحب المشاركة وكذالك إلى منتدى مكشات على حرية التعبير
وثالثا... الموضوع بالنسبة لي على الوتر الحساس جاء في وقته
أنا بعد كم يوم إن شاء الله راح أبيع سيارت أخوي هوندا كورد 2008 وتقريبا طول الوقت واقفة لانه ليس في حاجتهاااا وقد أشترى السيارة كاش ب 81 ألف وخاف أوديهااا للمعارض تجيب قيمة تعبانه ... مع العلم أنهااا ماشاء الله ليس مصدمه أو فيهاااا عيب لكان لوضروف ماديه أضطر أنهاااا تنباع
............
أما موقفي مع الشرطيه أشتريت جيب
جي أكس 2007 ب 125 ألف وقل من سنه وديته للمعارض وكانت القيمة كصاعقه 100 ألف وبعد يقولي تربح تربح قيمة ولاأحلى
وجالس يعيب في السيارة فيها وفيهاااا
(ما أقول لا غير حسبي الله ونعم الوكيل ) ولكن لحسن الحظ لم أبيع السيارة وذهبت بها إلى مدينة ثانيه وكانت القيمة من 100 ألف ألى 125 ألف يعني جاب رأس ماله ولله الحمد والمنة

[راعي المقانيص]

اخي الكريم اقدم لك شكري وتقديري على طرحك المميز والحساس

اول شي الله لايرحم الشريطيه واسئل الله تعالى بان يبيدهم ويورينا فيهم عجائب قدرته وان يجعلهم لايجدون قوت يومهم الا من خافه و رحم

وعندي بعض التعليقات على بعض الردود


يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد

اخي الفاضل العود

اتمنى من الله تعالى بان يكون كلامك صحيح مع العلم بانه لايصدقه عاقل فلو كان كلامك صحيح وباع الشريطي بذمه وضمير ولا بخس السياره ولا طلع فيها عذاريب الدنيا والاخره والمصيبه ان الشريطيه سبحان الله عندهم علم الغيب في بعض الامور ( المساعد يبي ينفقع - السست باقي لها ست شهور وتتكسر - طرمبة المويه فيها شيطان ......... الخ )

كان سكرتوا معارضكم ولا لقيتو رزقكم ولا دفعتوا ايجار معارضكم لانه مو معقول يبي يشتري السيارة بقيمتها الحقيقية بالسوق ويدور من وراها مكسب الف والا خمسمية ريال لان هبشتهم لازم تصير دسمه مو اقل من خمسة الاف ريال هذا على اقل تقدير ويقاله خسران بعد

حتى عيالهم الله لايربحهم لا في الدنيا ولا الاخره مبزره ويتلقون الركب تلقاهم مثل القرود على الشارع العام يتلقفون العالم من اول مايقبل على المعارض ولا يدرون هو يبي المعارض والا لا .


يالله عليهم حسبي الله عليهم يالربع
المشكله الان المعراض كلها يمانيه وسودانيه

وبالنسبه ياغالي لليمانيه والسودانيه ماعلمهم الا اخوان البهايم الله يكرمكم الشريطيه ربعنا واضف عندك الجنسيه المصريه ويجيك يكلمك بنفس اسلوب الشريطيه واول مايبدا يقول ( ترا الموتر خربان تربان )

ومن القصص المضحكه كنت في عام 1421 في الامارات ونزلت المعارض ادور لي جيب ويشهد الله اني ابي استخدم مابي اتكسب من وراه والا ابي ابيعه هنا

المهم والقا شاص موديل 2000 قلت خل اشوف كم يسوا واسلم على الرجال واقول مسيوم ياغالي ؟ ؟ ؟

والله ثم والله ثم والله او ماقلت مسيوم ياغالي قال انت سعودي ؟ ؟ ؟

قلت نعم سعودي ! ! !

قال الجيب ماهو للبيع ! ! !

وبعد الشيل والحط انا وياه قلت مابي الموتر ولا ني شاري لكن ابي افهم ليش سويت معي كذا انا غلطان عليك بشي والا ماخذ علينا مأخذ طبعا باسلوب طيب بعيد عن العنجهيه

تبسم وقال ياخي ربعكم هنا ذبحونا والله لعبوا بسوقنا لعب وطيروه وكلوا حقنا لكن الدوله ان شاء الله تبي تشوف حل معهم

يشهد الله من بعد كلمته اني طلعت من المعارض ولا شريت سياره خفت اشتري ويدعي علي ويحسبني من الشريطيه ربعنا .

[الدبل الرابع]

لافيه طريقه يسوونه تدخل السوق بتبيع موترك مثلا وقف السوم على 55 الف مثلا يجي يقول كم انسام الموتر؟
تقوله انسام 55 الف وهذارقم الرجال الي سامه . طبعاهويعرف الي في السياره هوشريطي ولا لا
يحي يقولك تبيعني 56 تقوله نرجي من الله الزود,
يقولك شكل الموترنضيف (يمدح السياره عشان تتمسك ماتبيعه ) ترا انا ابي الموتراستعمله . تقوله لاوالله نرجي من الله الزود يقولك تبيع . يقول تبيع 58 . تطمع انت لانه مدح السياره . يقولك تبيع ب 60 . تطمع تقول لاوالله نرجي من الله الزود , يروح من عندك ويعلم ربعه الشريطيه اني سمت الموتر الفلاني 60 . يمرواحدمنهم كم انسام الموتر تقوله وانت فرحان انسام 60 الف طبعا انت تبي زود . يروح ويخليك بسرعه (تحطيم ) .
يجي خويه الثاني كم انسام المبروك تقوله انسام 60 يقولك ياشيخ ليش مابعت سومه طيبه مره (تبداتحسف )
يجي خويه الثالث كم انسام الزين تقوله انسام 60 يقولك صحيح كان بعته السوق ميت مره شف قدام زي موتربالضبط ماوصل 54 (يكذب اصلا مافيه زي موترك ) لاكن تحطيم ...
يبد العامل النفسي يشتغل . واذا مرعليك واحديبغا يشتري صدق (ماهوب شريطي) . يقول كم انسام الموتر ؟ تقوله سامه واحد 60 الف . انت صادق بس الموتراصلا يالله يجيب 58 خلاص اكثرمن كذامايتعدا .
وانت تبي ازود من 60 . طبيعي يروح ويخليك . لأنه غالي .. تقعد تدورالاول الي سامه 60 . واذا غابت الشمس باقي 5 دقايق يذن المغرب وانت واصل حدك من الطفش . يجي اخينا بالله (هاه كم وصل السوم تقوله وانت فرحان انه جا والله ماتعدا 60 ) انت صادق طبعا. يبدا يقلب الموترمن جديد اذن المغرب خلص الوقت يجي يقول تبيعني 53 . (ليش انت سايمه 60 ) يقول والله فيه موتر زيه يحد 53 بتبيعني شريت ...
مشكله والله اذا عييت . موترك انعرف في السوق يعني بكرا لوتجي عارفين الناس ان الموترهذا غالي مره ..
وذا بعت غبينه مابعده غبينه ...
طيب وش الحل ...
1- لاتصيرطماع اعرف حدود موترك وش يجيب .
2- اذاعطاك احد سومه زينه خلك شجاع واطلب منه العربون ولازم يكون العربون مبلغ محترم
3- اذاكان موترك نضيف ماعندك مشكله
4- اذاكان موترك فيه شي (يعني خراب سمكره رش بويه انت ابخص في موترك لازم تبين تقول الموتر فيه كذاكذا) وهذا هدي ابوفاطمه عليه الصلاة والسلام . وسبب مجلبة البركه للبايع والشاري .
والله اعلم واحكم ,,,

اشكرك على المداخله والنصائح القيمة يادوسري كم ومثل ماتفضلت اخذ الحيطه والحذر من الشريطية مهمة ايضا الاستشاره مهمة وضرورية ففي حال عدم معرفتك باوضاع سوق السيارات ومايجري فيها من تدليس.
اذا اكل احدنا مثل ماوكل الثور الابيض يجب عليه ان يلجأ للاساليب القانونية كاللجوء لشيخ المعارض ومن بعد ذلك الشرطة او وحدة المرور الموجوده في المعارض وهذا حسب كلام صاحب معرض فيه الخير

[لاح البرق]

انا صارت لي كثير بسوق جده و اشتريت باثفندر 2005 قبل سنتين اشتريته ويوم اخذت اسبوعين دخلت السوق و كسروا قيمته 35 الف ويقول عندي وعند فلان مثله وشارينه بكذا و تحس الغشامه فيك من قيمة مشتراه علما انه كان اخو الجديد ومخزن عند رجل ثقه من معارفنا و ماجاه سمكره ابدا و بالاخير وقفته عند راعي معرض و بعته بمكسب طيب الحمدلله و الأدهى من ذلك أن اكثرهم اجانب ويسومون ويجون وراهم الغشمان اللي بيشترون و يحسبون سومته هي الصح و يمشي عليها و مايشتري شي و اللي ياكلها البائع واخيرا الفورد ماجاب قيمته و كسروه بقيمه خايسه و بالاخير عرضته و بعته ...
وغيره الكثيييييييييير لكن الله يعين

[الدبل الرابع]

يالله حسن الخاتمة

والله مستهينين في الشريطية والله مو عيب حراااااااااااااااااااااااااااااااااااااااااااااااا ااام

اكل حرام لعنهم الرسول يخوي والله اني سرت اخاف اشتري سيارة من السوق

ما اشترية الا من رجال معروف ولا قريبي .



أشكرك على موضوعك المميز

أخوكـ/الشبل العجمي

حياك الله يالشبل العجمي وشكرا على الاضافة والله يجنبنا الشريطية اللي يدلسون ويغشون وياكلون اموال الناس بالباطل.

[أبوالمثنى]

أنا قد صار لي موقف قبل تقريبا سبع شهور..

واحد هنا في المنتدى حاط موضوع يبي يوكن 2005 وكان موجود معي وبأسم الوالد وكاله واحب ابيعه ..

المهم صاحب الموضع ما جازله اللون ويجيك واحد ثاني يقول انا شراي ..

المهم تواعدنا في مكان وشاف الموتر وجاز له قلت له سمه قال 53 الف وتراه راح موسم السفر وسعر الموتر أقل من كذا ومن هالحتسي ..

أنا حبيب وعلى وجهي وافقت وعطاني عربون قلت واعدنا المعارض العصر (كان يوم جمعه) رفض قال لا المغرب العصر مشغول قلت له خلاص ان شاء الله...

المهم وانا قاعد اتغدى الظهر قلت ياولد وش يدريك يمكنه لاعبن علي ...

واروح لمعارض النسيم العصر اول ما دخلت انسام مني تقريبا 55 الف استغربت قلت يمكن شريطي ويبي يوهقني..

والله والسومات ترتفع وصل الموتر 61500 تخيلوا فرق 8500 ريال ...

الرجال معطيني عربون ..

قلت يا ولد مالك الا تدق على شيخ دقيت على واحد طالب علم قال هذا باخس حقك وفعلك صواب رجع له عربونه..

المهم قلت للي سايم الموتر 61500 بعتك اركب ..

وانا احاول اطلع من المعارض الا يجيني الشايب ابو الي معطيني العربون (جاي مع ولده يوم يشوف الموتر) ..

قال انت بايعني قلت انت باخسني وتبي تلعب علي ...

المهم صارت مشكله وتجمعوا الناس وقام يتلفظ علي وعلى ابوي برضه (الوالد كلمه بالتلفون وقال له انت تلعب علينا)

وانكم منتب رجال ومدري ايش وسود الله وجيهكم وغيره من الالفاظ القذره...

ويفتح الدرج يبي ياخذ الاستماره طبعا من فضل الله انها كانت مع الي يبي يشتري الموتر يطالعها..

قلت له خذ عربونك رفض ومدري ايش قلت له كيفك ومشيت ..

يوم طلعت على الشارع العام صار لاحقني وقال عطني عربوني ...

عطيته عربونه وتفل بوجهي والله يا اخوان اني ماسك عمري ومسكوني الي معي لأنزل واصطره طراق بس المشكله شايب ولا انا ما احترمته احترمت الشي الي على وجهه..

الحمد لله الرجال فحص الموتر وشراه ولافيه اي عيوب لكن ذاك ارسل لي رسال يسب ويدعي علي ودعوته ان شاء الله مردوده عليه ..

اسف على الاطاله...

[الهاتف]

صح لسانك اخوي الدوسري دت كم

[dr.tooth]

والله يا شباب قبل فترة من الزمن ما اخفيكم كنت غشيم وعلى قولتهم بكرتونه
وحبيت اغير الموتر وتوكلنا على الله

ودخلت المعارض وبسم الله اشوف ذاك الموتر اللي دخل مزاجي
موديل 2007 وما مشى اكثر من 5 الاف كيلو فقط خمسة الااف

الا ويجيني الهندي واقلب السيارة عدل
وما شاء الله ريحت الوكالة فيها كم مطلوب صديق
85 الف
جلست احوس واحسبها وتسمرت عندها
الا ويقنصني ذاك الاعور الشايب ويجيني من صوبه
كيف حالك يا ولدي وانا شفتك قبل كدا ومن ذا الكلام وانت ساكن فين ووالدك من هوا
كان واضح انه يجاريني في الكلام ويحاول يقرب اكثر المعلومات ومن هنا وهنا وذاك الكلام المعسول

ها يا ولدي ان شاء الله عجبك الموتر
اي والله يا عم انه داخل مزاجي والممشى ما شاء الله قليل
قال ايه هذه سيارة ولد المعرض
وعشان المعرفة ووالدك الطيب احسبها على 80 وانا اجبر صاحبنا على السعر ما يردني
والله فاجئني قلت يا ولد والله موتر صيده والسعر اكرمونا فيه بعد مافي احلى من كدا
قلت طيب ابي اجرب قال لازم تدفع عربون اذا انك صامل والعربون ما يرجع
قلت طيب ما يهمك بس ابي اكشف عليه في الوكالة
قال مالك ومال الوكالة خلك هنا الورش مليانة
الوكالة يبيلها مشوار ومافي احد فاضي يطلع معك
((هنا انا هونت شوي وقلت اصبر يا ولد))
قلت ها 70 الف اشتريه من غير فحص واليوم(مسوي كاش انا بوجهي ) (لان الصراحة الممشى وشكل السيارة ووقفتها ورزتها وكل الامور فيها زينة واغرتني)
(حتى ريحة الوكالة فيها وشغلتها في المعرض فزة ما شاء الله )
قام قلي اصبر اشاور ويدق جوال ويشقل اسبيكر ويطلع
(ان الهاتف المطلوب مغلق حاليا).... قال هذا صاحب المعرض
ويدق رقم تاني ويطلع ابو فلان
(اخبارك طيب اقولك ترى جانا ولد فلان ويبي الموتر ب 70 ايش رايك نبيعه باين ولد حلال)
( لا يا رجال اندفع 78 الف ولا باعه لا تحرجني وتخليني اتصل في صاحب الحلال وازعجه في سفره انا قلت لك 85 من اول)
ويطل فيني الاعور وقال سمعت بنفسك
قلت اجل طيب خلني اشاور والله يا شباب جلست اقلب الموتر ساعتين
الا واجي واستخير واستشير الشباب

قلت بما انها امريكي خلني اخذ رقم الشاصيه واشوف التقرير
وانقز له الصبح واقابله في المعرض غريبة يقول هوا زميل صاحب المعرض فقط وماله بالبيع والشرا
المهم ما علينا ويوم شافني قال ها فلوسك جاهزة قلت ايه بس خلنا ناخد رقم الشاصيه
الا يا شباب وجهه انقلب وحتى العورة اللي فيه قلبت الله يجيرنا
قال للهندي خذ وده يشوف وهو نافر مني
قلت معليه حق الكبير وجب احترامه
واخذ الرقم واجي ادخله على الكارفكس
الا والمفاجئة اصلا رقم الشاصيه لسيارة نفس النوع ولكن 6 ستة سلندر واللي شفتها 8 سلندر
والممشى متعديها بكثييييررررر
لاعبين في العدادات ومغيرين المكينة والداخلية قالبينها فول اوبشن حسبي الله عليهم وفيه حول العشرين ملاحظة السيئة والسيارة ما زالت في امريكا


قلت افا هذا وهو يحلف لي السيارة وكالة شد بلد وجايبها راعي المعرض لولده خصوصي
والولد دايم يسافر عشان كدا الممشى قليل
كذب في كذب
لا ويقول اصبر خليني ادق على الولد ويشغل سبيكر
((ان الهاتف المطلوب مغلق حاليا ))

اقدم حركة عاد هذه ما عدت عليا
والحمد لله انو ربي فكني منها من الغش اللي فيها
لان سمعت انه بعد فترة شراها واحد وما كملت معه الا وجاها التماس كهرباء وانحرقت السيارة الله يجيرنا واياكم

والحكاوي مثلها كثير
والضحايا ايضا كثير
واولاد الحلال ايضا كثير

والحمد لله على كل حال

[نديم القهوة]

حسبنا الله ونعم الوكيل الله لا يكثرهم ..
هم بزدياد ولو تنور الناس وتركدو وتركو العجلة واستشارو لما رأيت إلا القليل منهم !
المشكلة هم من يتحكم بأسعار السوق وأغلب من يسوم الموتر عند دخوله للمعارض هم !
كثرت حيلهم حتى وصلت الإنترنت وطرق كثيرها يتلونون بها تنطلي على (الحبيب) !
لا يكشفهم إلا من عرف السوق وأهله
الصدق بالبيع والشراء قليل إن لم يكن غير موجود ..
ونصيحة لمن أراد الشراء التريث لما لا يقل عن شهر حتى يتفحض السوق وأسعاره وقيمة السيارة التي يبحث عنها ويشاور ..
لا بد من حل وتنظيم للسوق من قبل الدولة فجميع البضائع من مؤكلات وغيرها تتبع للمراقبة من قبل الجهة المسؤلة عنها ما عدا السيارات حيص بيص لاحسيب ولا رقيب !

موضوع من اروع المواضيع
والكل بحاجته


أسئل الله العلي العظيم رب العرش العظيم أن يظهر كذبهم على وجوههم ويفضحهم ..

[الدبل الرابع]

الشريطية وما ادراك ما الشريطية

إلا من رحم الله منهم
لكن الحل من واقع خبرة
لا تبيع سيارتة ولا تعرضها بالسوق من اول يوم او اوليلة
فر بالمعارض وشف اللي مثل سيارتك بكم عارضينها
انت طبعا حدها بأقل قليل من المعروض
وسجل بورقة صغير السيارات وقيمها
حتى تقول له شف بالمعرض الفلاني مثل سيارتي بكم
او شف اللي اقل من سيارتي بكم بالمعرض الفالني حتى تكون صاحب حجة قوية
هذة طريقتي من زمان
بعدما شف الغبينة منهم لعدة مراااات

وانا اخوكم العجلة ما فيةبركة لا بالبيع ولا الشراء


شكرا عالاضافة يا wafi4sa وزيي ماتفضلت العجله ماهي زينه في حالة بيع او شراء سيارة لابد من التريث ودراسة السوق واقصد بدراسة السوق المرور عالمعارض والتشييك على السيارات المماثله حتى يتفادي الواحد التلاعب به من قبل حرامية ولصوص السيارات.

[عبادي 2011]

وانت صادق ... مره ابي ابيع سيارتي المهم اول يوم جابت سومه زوينه و مابعت ثاني يوم هو نفسه طيح تقريبا 4000 من السيارة و انقهرت منه و مابعت السيارة لكن اشتراها واحد زيه و شكله و نوعه لكن سبحان الله جت على راسهم بعد اربع او خمس شهور حصلت السيارة في نفس المعرض ومو راضيه تجيب راس المال قلت خله حققكم وماجاكم لان الثاني قال انا ابيها ولد عمي و ما ادري ايش و خذ من الكلام الطيب لكن المفاجاءة بعد الشهور هذي لسه السيارة بسمي و على طول قلتله بكرة اجي و لقاك ناقلها الرجال خاف لان الشريطي ماينقل السيارة علشان التأمين و الفحص و المكاتبه مايبي يدفع فلوس ... ثاني يوم جيته و قال ابشرك نقلتها قلت اشوا لان ناوي من عندك الى الشرطة على طول ...


الشريطية عالم عجيب .. يجيك ويتمسكن ابي اشتريها لي او لخوي او لود عمي و انا استعمل يا اخوك انا غشيم بالسيارات و يبدأ يسأل اسئلة غشيم و تصدق انه غشيم طبع اذا اعجب بسعر سيارتك وعارف انه اذا اشتراها راح يربح مربح طيب لكن لو كان السعر سعرها الحقيقي ما تلقى احد منهم يوطوط عندك كلها دور المرابح على ظهور المساكين ...

[مجرم الددسن]

اللهم إنا نعوذ بك من الجشع والطمع والمال الحرام وسوء الخاتمة

[سراي-01]

الله لا يوفق الشريطيه اللي ما يخافون الله,,,,,اميييين:mad:

[nice1guy]

السلام عليكم ...
الله ينتقم من الشريطية .. اللي لا عندهم لا ذمة .. ولا ضمير ..!
وانتبهوا يا اخوان منهم تراهم في كل مكان
مرة نازل المعارض .. مع خويي يدور له سيارة .. الكلام هذا زمان ..
سيارتي هايلكس غمارة 92 قيمتها كان تقريبا توصل 17 او 18 الف .. واول ما وقفت السيارة ..
جاء واحد يقول لي السيارة للبيع ..
قلت ما فيه شي مو للبيع .. سوم ..
قال اشوفها بـ 8000 ريال شوف الوقاحة .. الى وين وصلت .. وهو يدري ان سعرها اكثر من كذا..
قلت له انقلع احسن ..
ويقول لي ليه زعلت ..
قلت له وخر عن السيارة وفارق عن وجهي
لانه بصراحة قهرني .. لاني ما توقعت السعراللي قاله ابد .. قال لي خويي نمشي احسن .. ومشينا عنه.
وبعد كم شهر .. بعتها .. بـ 16,700 ريال.
حسبي الله ونعم الوكيل

تحياتي للجميع

[النبع الصافي]

لا والغبنة لا جاك أجنبي شريطي
يقولي
والله حظك زين مررررة كيف طحت على سيارتي تشتريها مني ههههه
وحطيت فيها أكثر من عشرة آلاف بسنة وحدة
حسبنا الله ونعم الوكيل

[ابونبيل]

خذها مني حكمه

((اذا دخلت السوق >المعارض< اعتبر كل الي حولك كذابين ولا صدقني تنغش))

[الدبل الرابع]

لا هنت اخوي على النصيحة القيّمة

بس كلش ولا طريقة يسوم في الشارع ويوديك لمعرض ثم يقلب عليك هو وربعه ويطلّع آلاف العيوب في موترك وهو نظيف وجديد

وما تزال أساليبهم في تجدد وتطور

وهذا لا يجعلنا نعمم على الجميع أكيد فيه شريطيه يخافون الله

شكرا يانمر وكلنا مكمل لبعضنا البعض .. الدين النصيحة
نعم اساليبهم في تطور وتجدد وهذا لايجعلنا نستكين لهم بل انه محفز لنا حتى نفضحهم
على رؤوس الاشهاد.
اتمنى ان لانترك لاشباه الرجال فرصة للنيل منا بطريقة او اخرى فهم اغبياء مستدلخون
وطرقهم اصبحت واضحة للعيان.

[بريده كلي]

هاذا بالسعوديه وشلون بمصر....................:f

[بريده كلي]

هاذا بالسعوديه وشلون بمصر.......

[جبل ادقس]

الشريطي لو يحلف بالله العلى العظيم وعياله بعد ما اصدقه


تصدقون بالله انهم يحطون قشر موز بالماكينه اللى ترج او غير متزنه اوعلى وجه تبويش واتحداك تعرف وقت الفحص انها على وجه تبويش او مبوشه اصلاً إلا بعد تغيير الزيت والسيفون والله ماتشووف عينك غير الدخان من الخلف .


صلحوها مع الوالد الله يحفظه وهو كبير بالسن وعلى نياته اذا حلفتله بالله خلاص يصدقك
واخذها درس والله لو تجيب له شريطي بعد اللى صار غير يتفل بوجهه من كثر ماهو حاقد عليهم .


(( الله لا يوفق اى شريطي يبخس سلع الناس ويترزق الله بالتدليس والكذب ))

[camping expert]

مسماهم الحقيقي حراااااااامية


انا مرة بعت سيارتي بس حديتها وقلت بالمبلغ الفلاني وغيرة يفتح الله ,,, حاولوا يمين شمال يتكلمون مع حيطة خخخخخخخخخخخخخخخ شوي شروها وباعوها بعد اسبع بمكسب 3000 ريال والله يرزق راعيها


تحياتي لصاحب الطرح

[الدبل الرابع]

اللهم إنا نعوذ بك من الجشع والطمع والمال الحرام وسوء الخاتمة

اللهم امين شكرا يامداحش

[الدبل الرابع]

مكرررررررر فيما يبدو هناك مشكله في الموقع

[الدبل الرابع]

مكررررررررررررر

[الدبل الرابع]

مكرررررررررر

[الدبل الرابع]

يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد

اهلا بك العود
وكما تفضلت لا يجب التعميم ولكن وش بقى ماخلوه فسمعة المعارض بسبب الشريطية اصبحت في الوحل بسبب تصرفات رعناء من فئة لاتخاف الله.
ياخ العود الشمس لاتغطى بغربال فافعال هؤلاء وروائحهم فاحت وافعالهم بانت بدناءتهم وخستهم وسوء طويتهم.
اتمنى ان تكون ممن يسعى للخير ويحب الخير لعل الصورة تتغير للافضل بوجود امثالك ان كنت كما قلت.

[الدبل الرابع]

الله يكفينا شرهم



اللهم امين

[حسن موترز]

الله يعين ايش نسوي

[الربذي]

وعليكم السلام

زميلي طلعه واحد على انه يشتري سيارته ب98 الف يوم جربها مالقى فيها اي عيب وقال له موترك طيب ونظيف انا ابيك تنزل لي قال خويي ليه لقيت فيها عيب قلا بالعكس بس غالي قال خويي انت الي فرقت السومه وطالع من السوق انك تبي تشتري بسومتك
المهم عيا الا ينزل له
ويوم رجع الشريطي للمعرض ومشى صاحبي الا ويقابله شريطي اخر قاله سيم علمه بالسالفه واذا تبي تشتري عطني 500 فعلا عطاه وركب معه فحص الموتر قال ابيك تنزل لي رفضت قلت ترا 500 معي وماراح ترجع لك قال حقك حقك ويقول اجي ابي امشي واهون قلت كم تبي انزل لك قال ابيه ب95الف بعته عليه
يقول المفروض اخذت عليه 1000 اذا فوق 70 لان 500 ماهمت الشريطي يلعب بذيله مثل مصري

[الربذي]

اقتباس:
المشاركة الأصلية كتبت بواسطة العود21 http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=5189693#post5189693)
يااخواني انا موظف وشريطي سيارات
والله ان اغلب الشريطية هم ناس يخافون الله والاساليب التي ذكرت هي في الاغلب مو من الشريطية وانما ناس تسمع باساليب الشريطية ويحاولون يبدعون بالتفنن بالغش والعياذ بالله منه فهؤلآء دخلا وليسوا من اهل السوق 0 وانا وغيري ما سلمنا منهم
فاغلب اهل السوق هم من الناس الصالحين الذين لا يرضون ان يطعموا اولادهم من الحرام
والله على ما اقول شهيد
من عود21



ياناس 98 بالمية من الشريطيه بل اكثر عيشتهم الغش والتدليس
وفيهم من يخاف الله بس اذا غشه احد بع هو يغش يقولي ماودنا نخسر هو الي غشني ويرا انه اذا غشه احد هو بدوره يغش الذنب ذنب الاول وهذا خطاء فادح
انا ثلاث مرات انغش بالبيع من الشريطيه على نياتي وهم يحفرون ويدفنون انا اشوف وجيههم مغبره شاهت تلك الوجوه.

[هوايتي مكشات]

ياجماعه ترى ماهو كل اللي قلتو في الشريطيه تلقا ناس كذا وتلقا ناس غير يخافون الله
يسمعون ويطبقون غلط الحين حتى الاجانب شريطيه

[saad aloyaydi]

الله يكفنا شرهم
والله يعطيك العافيه على الموضوع

[الوسام 40]

انا اذا شفته شريطي وعرفت انه شريطي قلت له مانيب بايع ... ولو السيارة سيمت ب 40 الف اقوله السيارة ابي فيها 80 الف خله يذلف ... والله بعضهم وليس كلهم يبخس السلعه ويعيب فيها قدام الناس ...

[تاهو2007]

الله يكفينا شرهم ،،أعمتهم الدنيا