استشاره يا رجال بخصوص التانكي

[0أبومحمد0]

انا لقيت تانكي ماء للجيب اللي يجي واقف 95لتر
من عند خزان الوطني
مصنوع من البولي اثلين مع ضمان سنتين انه ما يتغير طعم الماء
السعر بـــ 250ريال

وش رايكم فيه وهل فيه احد جربه

[سراب الوقت]

ان شاء الله يفيدونك الشباب

[اسير الغضا]

مع ولد عمي وحيد ويمدحه

يوم ركبه على الفورتشنر لاحظ ان البزبوز جاي من يمين واذا ركب اللي انسد وحل المشكله بكوع من محلات السباكه((للفائده

[التميمي محمد]

التانكي والله انا رحت و شفته في محلهم الي عند نادي الرياض

بس حصلته ب200 ريال بس موب ب250

طبعن 95 لتر

و التانكي صراحه احسه ازين من تانكي الوادي

تدري ليش

لاني شلت تتانكي الوادي خفيف تحسه موب تكانه

انا تانكي الوطني ثقيل و تحسه مليان يعني الماده حقته قويه و صبها تحسه قوي موب زي تانكي الوادي


تحسه مصبوب صب اي كلام

يعني الكلام في القالب الي في المصنع نفسه

يختلف عن القالب حق تانكي الوادي

و بعدين تانكي الوطني 3 طبقات

زبدة الكلام انا مقتنع في تانكي الوطني

و احس انه اقوا و افضل من تانكي الوادي

و ياخي سعره والله سعر جركل 200 ريال

والله موب شي مقارنه بسعر تانكي االوادي 425 ريال

يعني اقل من نصف القيمه

و انا انشاء الله قريب راح انزل تقرير مفصل عن التانكي و جميع تفاصيله و انواعه و اسعاره

راح انزل تقرير متعوب عليه انشاء الله

مو بس في مكشات

انشاء الله في مكشات و في كثير من المنتديات الشقيقه

[0أبومحمد0]

الله يعطيكم العافية

لاكن يا محمد انا دقيت على المصنع وقالي كان فيه تخفيض والحين سعره 250ريال
وإن شاء اني بركبه إذا صلح المقاس

[سعد الحفر]

ياليت صوره للتانكي ممكن

[ع ع]

السلام عليكم
اخواني ممكن صوره لتانكي اذاا امكن
او مكان المصنع لاهنتواااا
تحياااتي للجميع

[ابو الكيف]

والله انا توني اخذ تانكي منهم اللي يجي منسدح وراكب تمام بالتاهو وهذي صورته

http://www.nationalpoly.com/arabic/images/zprod4.jpg

طبعا فيه فتحتين للحنفيات يمين ويسار واللي طالع بالطرف يسار هذا فتحت التعبئه ويعطونك غطاء مركبين فيه بلف سياره علشان التهوئه. السعر 250 ريال مع ضمان سنه, السعه 115 لتر. فرق بين خزان الوادي وبين هذا من ناحية السعر والكميه لكن يفرق الضمان من صالح خزان الوادي.

[0أبومحمد0]

موقع المصنع حي لبن مقابل نادي الرياض وهذا رقمه 920026660

[abumohammad99]

ما تحسون ان الضمان قليل بس سنه؟؟

وثانيا الواقف يجي فيه قاطع او لا؟؟

لكن السعر جيد مقارنة بمثيله..

[ms662]

سلام عليكم
لكن يااخوان هل تتوقعون انه يتحمل بنزين بدل المويه لاني ناوي اخذه واخليه بنزين بس ماادري من ناحية الريحة وهل بينتفخ بسبب غازات البنزين......؟؟؟؟؟؟

[0أبومحمد0]

ابشركم يا شباب شريت التانكي الواقف 95 لتر بـ190ريال وضمان سنتين من مصنع الوطني
والتانكي يوجد به قواطع

[abumohammad99]

الله يطعمك من خيره ويكفيك شره..

ودي اطلبك طلب بس اخاف اكلف عليك..

وهو انك تشوف لي كم عرضه بالضبط كم سانتي..؟؟ الله لا يهينك..

وهل الضمان يشمل الطعم والريحه.؟

ووين موقعهم الله لا يهينك وهل له فروع..

ابلشتك بس اعذرنا وانا اخوك..

[0أبومحمد0]

الله يجزاك خير يا ابو محمد
وانا بعطيك المقاسات بالتفصيل
الارتفاع 50,5 سانتي
الطول من الرفرف إلي الرفرف 108سانتي
العرض 28سانتي السعة 95لتر
والضمان ضد الكسر وتغير طعم الماء لمدة سنتين
السعر انا اخذته بـ190ريال من عند الفرع اللي في حي لبن
وهذا رقم الموحد920026660 اسأله عن اقرب فرع للمنطقة اللي انت ساكن فيها
وخذ راحتك بالأسئله ولا تنساني من دعائك

[abumohammad99]

بيض الله وجهك

وجزاك الله خير..

لكن بالنسبة للطول انا عندي اقصى شي 100 سم..

وش السواة ضنك القا عندهم؟؟ او احجامهم وحده.؟

[fof6666]

يا خوان انا مجرب التانكي وهذي تجربتي

التانكي مايصلح للي سيارته دايم بالشمس لأنه يطلع طعم قوي من الحرارة
لكن ضمانه ممتاز أي مشكلة يبدلونه لك بواحد جديد

وهذي الصور والمواصفات




http://www13.0zz0.com/2010/01/19/08/888982158.jpg



http://www5.0zz0.com/2010/01/19/08/519941640.jpg

[ابوصالح77]

الله يجزاك خير يا ابو محمد
وانا بعطيك المقاسات بالتفصيل
الارتفاع 50,5 سانتي
الطول من الرفرف إلي الرفرف 108سانتي
العرض 28سانتي السعة 95لتر
والضمان ضد الكسر وتغير طعم الماء لمدة سنتين
السعر انا اخذته بـ190ريال من عند الفرع اللي في حي لبن
وهذا رقم الموحد920026660 اسأله عن اقرب فرع للمنطقة اللي انت ساكن فيها
وخذ راحتك بالأسئله ولا تنساني من دعائك

الله يطرح فيه البركة
ما شاء الله زين ما شريت
والوطني جودة وسعر منافس
وللأسف مركب ألمنيوم قيمة 4 الله يخلف
وكان قبل بـ 300 على كلام الربع
تقبل مروري

[قراند ماركيز]

الله لايهينكم
هل يركب على الهايلوكس أولا
والله يـــــجــزاكـــــــم ألـــــــف خير

[abumohammad99]

للأسف زهمت عليهم ورد علي فرع غرناطه

وسألته عن ال 95 لتر وقالي طوله مثل ما قلت متر و10 سم .. وهذا ما يركب عندي..
وقلت ما توفرون بطول متر قال لا..
الغريبه قالي سعره بـ 250 ريال

قلت 190 وخل عنا الحتسي يوم انخبص قال يمكن هذا المصنع قلت يصير خير..

[شيخ الرعوجي]

خذ العلم اللي يجمد على الشارب ان شاء الله انا مركبه على الباترول لي حوالي ستة أشهر وماشاء الله تبارك الله وبعدين ميزته انه طبقتين من الطبقة الثقيلة جدا وجربته في الصيف والشتاء ما شاء الله
توكل على الله ولايهمك غيره لان باقي التوانك غالية وقيمتها مبالغ فيها مافيها اي ميزة زود
تمنياتي للجميع بالتوفيق من الله

[0أبومحمد0]

يا ابومحمد
عندي لك حل تانكي الوادي طواله 93والارتفاع 52والعرض 39 والحجم 145لتر
والسعر 475 ريال او حوله
والله ييسر لك امرك