قصتي مع الشريطية الذين لا يخافون الله يوم الجمعة 24 رمضان

[راعي المجهم]

السلام عليكم ورحمة الله وبركاته

عندي سيارة هوندا اكورد 2007 ماشية 80 الف كيلة لونها لؤلؤي

السيارة ولله الحمد نظيفة مافيه دقت مسمار

وقفتها في الحراج مكرفون المهم حرجوا عليها وصلت


41 الف ريال صااااااافي قلت زيدوا وببيع محتاج دراهم

قالوا والله مسيكين مامعه شئ ومتسلفها يبي يستخدم

ومدري وشو واناضر فيه الا وهو يموت وجه الزبون

ومسوي ضعيف مابقى الا ويبكي حزني صراحه قلت تدري

نصيبه الله يباركله المهم قالوا اشهد ياحاضر واكتب

ياكاتب لقد باع فلان على فلان ب 41 الف صافي

دخلنا المكتب قالو دلالتنا 1000 ريال !!!!

قلت الدلاله على المسيكين رفيقكم انا لي صافي 41 الف ريال

قالوا لا عليك انت يعني يصفي لك 40 الف انت ماسمعت زين الله يهديك

قلت اسمع انت وياه يا ,,,,,,, ياتكملون البيعة ب 41 الف ريال غصب ماهو طيب

أو تروح عليكم العربون 500 ريال والله خيركم ؟؟؟؟

قالوا اصلاً مافيه نظام يخليك تاخذ العربون !!!!

قلت طيب أوكيه واتصل على 999 الشرطة سلام عليكم ارسلوا لي دورية

على المكان الفلاني في المعارض فيه مشكلة نصب واحتيال

والله ياخوان يوم شافوني دقيت على الشرطة الا واستمارتي والعربون 500 ريال

في مخباتي وحبة على خشمي وتكفا مالها داعي يابو فلان

هههههههههههههههههههه

قلت هالحين صرتوا ريجيل وعرفتم الدرب السمح

المهم رحت للشباب في الأستراحة ويطيح هاك التويس المندي

سحور مع بيبسي ولبن شئ ثاني

بس تبون الصراحة بطني عورني ماهي مسفوطة خخخخخخخ

الشاهد أنتبهوا ترى العربون من حقك اذا هونوا عن البيعة

[راعي الطلعات]

كفو والله عرفت شلون تمسكهم مع ايدهم الي تعورهم

زي هذي الحالات مالك غير الشرطة او شيخ المعارض يحكم بالصدق

وعسى الله يعوضك ويرزقك

[راعي المجهم]

كفو والله عرفت شلون تمسكهم مع ايدهم الي تعورهم

زي هذي الحالات مالك غير الشرطة او شيخ المعارض يحكم بالصدق

وعسى الله يعوضك ويرزقك


لا تخاف اخوى راعى الطلعات اعجبك ولد في مثل هذة الامور
هذولي ماينفع معهم الا العين الحمراء تحياتي

[تناهيت]

كفو .......<زين ما سويت هذولا عصابة وخاصة حقين الحراج
بس معليش ونا اخوووووووووك وش اللي حادك تبيعها مكرفون الموتر... يعتبر جديد اخبرالمكرفون للمواتر الكسر اللي معدومة ومكاينها ضاربه وموديلاتها قديمة


وبالنسبه لشكل الشراي على وصفك له .....<مشكلتنا اننا عاطفيين بزيادة المفروض في الأمور الجدية ما نجعل للعاطفة اي مجال انها تتحكم في تصرفتنا


على العموم شغلك عدل معهم ...........<لا تقولي تكفى انهم اليمانيه الي مالين المعارض هالأيام يلبس شماغ للكتوف وعقال اكبر من راسه بمرتين وزبيريات 4 متر طولها


نصيحه وقف موترك ف يمعرض كويس لو صبر اسبوع بس تبيع مرتاح والشراي مرتاح واللة يبارك لك في حلالك


تحياتي

[KFC]

كان الموتر للبيع للآن فأنا اخبر واحد يدور ويبي يستخدم

الرجاء المراسله على الخاص

[التل الصامت]

ما شاء الله عليك ونعم فيك وهذولا ما ينفع معهم الا العين الحمراء وعداك العيب وزين ما سويت فيهم

[بواسامه]

انت اخذت حق شرعي لك

والله لايحرمك من الأجر جزاء ماسويت فيهم

[عبدالرحمن1980]

اخوي راعي المهاجيم ادخل على الرابطhttp://www.haraj.com.sa/11160471/هوندا_اكورد_2007_تحت_الفل_ذهبي/

[التعـ King ـديل]

انا مااحب ابيع على الشريطيه ابد

لا اشري منهم ولا ابيع عليهم

ياخي ناس ماتخاف الله

[مقلع الرمث]

اجل مشينا لمهم خل نزرفهم على 500 ريال خخخخ

[alwssam6]

الله يرزك البيعه الطيبه

[كن كن]

أبد مزدي لهم والله يعين اللي يطب ولا يدري عن الشريطيه
المشكله انه يفضح عمره تدري انه شريطي يقول أنا بستخدم منيب بايع يكب عمره ههههههه
زين ما سويت فيهم

[محمد بن سعيد]

الشريطية أكثرهم إلا من رحم ربي إذا ما بعته وإلا ما اتفقت معه على سعر قالك طيب خلني بجرب السيارة ويطلعك من السوق ويروح يفرفر بك ألين يدوخ راسك من شارع لشارع ويقول لك هاه يا ابو فلان وش قلت ترى سيارتك ما تسوى ولدى عمي شاري مثلها بنصف السعر طبعاً من المبالغه وآخر شيء يروح يوقف عند محله اللي ركب منه ويقول لك الله يرزقك وضيع عليك كذا زبون لكن حسبنا الله ونعم الوكيل

ما أدري متى يخلون عنهم هالحركات ويحاولون يترزقون الله ويخافون الله في الناس لأنها هي بين أمرين يا بدعي عليه يا بدعي له وكلن وذمته

سامحوني على الإطالة

[ابومازن2]

يستاهلوا والله ..... الله لا يبارك فيهم ( الجشعيين )

[سيف خنذف]

حراميه ومحتالين... لا ويجيك متلطم :) مدري الأخ بيسرق اسطوانة غاز خخخخخخ

[راعي المجهم]

الشريطية أكثرهم إلا من رحم ربي إذا ما بعته وإلا ما اتفقت معه على سعر قالك طيب خلني بجرب السيارة ويطلعك من السوق ويروح يفرفر بك ألين يدوخ راسك من شارع لشارع ويقول لك هاه يا ابو فلان وش قلت ترى سيارتك ما تسوى ولدى عمي شاري مثلها بنصف السعر طبعاً من المبالغه وآخر شيء يروح يوقف عند محله اللي ركب منه ويقول لك الله يرزقك وضيع عليك كذا زبون لكن حسبنا الله ونعم الوكيل

ما أدري متى يخلون عنهم هالحركات ويحاولون يترزقون الله ويخافون الله في الناس لأنها هي بين أمرين يا بدعي عليه يا بدعي له وكلن وذمته

سامحوني على الإطالة

غلطان اخوي المفروض مايركب معك ولا يفتح الباب

الا وهو معطيك العربون

يعني يجيك شريطي او مستخدم مثلاً بكم سيم الموتر

تقول له مثلاً بكذا

يقول شريت

قل له هات عربونك واركب او جرب على كيفك

إذا جرب وفحص والموتر ماطلع فيه شئ وهون

يروح عليه العربون شرعاً

ماهو تركبه وتفرفر معه بدون عربون بعدين يسحب عليك

[راعي المجهم]

اخوي راعي المهاجيم ادخل على الرابطhttp://www.haraj.com.sa/11160471/هوندا_اكورد_2007_تحت_الفل_ذهبي/ (http://www.haraj.com.sa/11160471/%d9%87%d9%88%d9%86%d8%af%d8%a7_%d8%a7%d9%83%d9%88% d8%b1%d8%af_2007_%d8%aa%d8%ad%d8%aa_%d8%a7%d9%84%d 9%81%d9%84_%d8%b0%d9%87%d8%a8%d9%8a/)

الي في الرابط هوندا أكورد 2007 فل كامل فتحة جنوط

أفضل من سيارتي بكثيييييير وحادها راعيها ب 44 الف ريال !!!!!

وانا موتري ستاندرد سياحي وجاب لي 41 الف ريال أعتبر كسبان لو تمت البيعة

لكنهم الشريطية حاصوا عن البيعة بسرعة وضحوا بال 500 ريال خخخخخخخخخخ العربون

لأني شاريها قبل سنتين ب 57 الف ريال واستخدمتها وكرفتها

[عاشق الطرمبه]

لو اني مكانك ماصرف 500 ب ر و ز ه ا وعلقها في الغرفه... مزدي فيهم

[راعي المجهم]

لو اني مكانك ماصرف 500 ب ر و ز ه ا وعلقها في الغرفه... مزدي فيهم

الله يقطعهم هم وفلوسهم ملوثة بالنصب والغش

بطني عورني من السحور ذاك الليل

[GMC 4EVR]

الله يرزقك بسعر طيب انشالله واضم كالامي مع الاخوان هدولا الشريطيه ولازم لهم واحد منتبه مثلك

[talol]

كفو والله ياريت الكل يصير مثلك كان حسبو الف حساب الشريطية

احيان يعملون مثل هذى الحركات عشان يطلعو ويكسبو منك ومن المشتري

والعربون حقكك مية في المية

تحياتي

[السالمي]

كذب
ونصب
واحتيال
وطمع
وجشع


والله العظيم قبل سنتين تقريبا

كان معي لكزس 400 موديل 99 جاني واحد وانا اغسلها عن معارض الدمام

طبعا يطالعني كن اللكزس له وانا اللي اغسلها

قال الموتر سيم قلت لا قال نشوفه في 15 الف

وهي بالسوق مع الشريطيه واامريكي بعد اكثر من 40 الف

وانا موتر والحمدلله بعده بعد سنه من الكلام ذا بحدود 33 الف

وانتبـــــــــــــــــــــــــــــــــــــــــــــ ـهو يالربـــــــــــــــع

من اللي ينطحونك لادخلت المعارض اصلا الشرع يقول مايجوز تنطح الركبان

وهذا زبون ومعه سلعه كانك تبي تشتري خله يطب السوق وعطه سومتك

ماهو توقفه وتضيع وقته وتسحبه لعمك اللي يحتريك بالمعرض وتقعدون تسحبون بالرجال

وتضيعون وقته لانتم اللي شريتو ولا انتم اللي عطيتوه فرصه يطب السوق ويشوف رزقه


والله لولا الخوف من الله لاجي في شاص وتله بثنين ولاريحه الا بعد اخر واحد منهم

ياعالم يطلعون بوجه الواحد اللي ماينتبه منهم يصدمهم

[الصمان 2]

المهم رحت للشباب في الأستراحة ويطيح هاك التويس المندي
سحور مع بيبسي ولبن شئ ثاني




:good2:







.

[راعي المجهم]

كذب
ونصب
واحتيال
وطمع
وجشع


والله العظيم قبل سنتين تقريبا

كان معي لكزس 400 موديل 99 جاني واحد وانا اغسلها عن معارض الدمام

طبعا يطالعني كن اللكزس له وانا اللي اغسلها

قال الموتر سيم قلت لا قال نشوفه في 15 الف

وهي بالسوق مع الشريطيه واامريكي بعد اكثر من 40 الف

وانا موتر والحمدلله بعده بعد سنه من الكلام ذا بحدود 33 الف

وانتبـــــــــــــــــــــــــــــــــــــــــــــ ـهو يالربـــــــــــــــع

من اللي ينطحونك لادخلت المعارض اصلا الشرع يقول مايجوز تنطح الركبان

وهذا زبون ومعه سلعه كانك تبي تشتري خله يطب السوق وعطه سومتك

ماهو توقفه وتضيع وقته وتسحبه لعمك اللي يحتريك بالمعرض وتقعدون تسحبون بالرجال

وتضيعون وقته لانتم اللي شريتو ولا انتم اللي عطيتوه فرصه يطب السوق ويشوف رزقه


والله لولا الخوف من الله لاجي في شاص وتله بثنين ولاريحه الا بعد اخر واحد منهم

ياعالم يطلعون بوجه الواحد اللي ماينتبه منهم يصدمهم


ههههههههههههههههه

حلوة تتله بالثاني

[الشاص99]

كل عام وانتم بخير لو كل واحد سوى مثل ماسويت مالقو لهم احد ينصبون عليه حسبى الله عليهم هم نصابه ماتشوف كثرهم بالمعارض يكسرون بالاسعار على كيفهم

[هوايتي مكشات]

الله يسعدك والله ضحكه الله يوفقك ياغااالي

[مجالس الرجال]

والله يا اخوان به من الشريطية قمة في الامانة والصدق

[النمرالأليف]

الشريطية سوس نخل وكلاب جربانه يحلفون وينصبون ويكسرون سعر السيارة ونصيحتي اللي يريدبيع سيارة يضع لها إعلان اصرفلة ولايطب فيها معارض إلا إذا كان يعرفلة صاحب معرض وهذا هو الحل الوحيد الشريطي لو امه تريد بيع سيارة أو شراء سيارة يلعب عليها

[راعي المجهم]

الله يهديهم ولا يشيلهم