في حالة أنتهة أسطوانة الغاز في البيت ... وش البديل يا أخوان ..ضح تجربتك !!

[أمطار الخريف]

بسم الله الرحمن الرحيم

أخوانــــــي المكشاتيين حايكم الله وشهر مبارك وليلة مباركة على الجميـــــــع ،،،

اخواني اخوكم ساكن في الدور الثاني وعندي اسطوانة الغاز كل اسبوع تخلص وانا احياناء أكون بعيد عن البيت ويدقووووون علي السطوانه نفذة ....ماهي الطواري في هذا الحالة ..












بأنتظااااااااااار اقتراحتكم ،،،،،،،،،،،،،،

[دل البحار]

الطواري جيب سخان على الكهرب موجود منه عين واحد او عينان كهربائية تحل محل الغاز وتأدي الغرض
او دافور الازرق 3 رطل ويكون مليان غاز للطواري
ارجو اكون افدتك

[سالم11]

ههههههههههه اخوك مثلك بيت أجار والله يفرجها ودور علوي

عطي الله قز الكهرب ما مثله والماء طبعا على الغلايه

[alpencil]

والله البديل إنك تركب فرن كهرب وغاز في نفس الوقت وسعره رخيص واذا انتهت الاسطوانة يطبخون على الكهرب ولو ماتعبيها الا بعد سنة ..
وفيه حل آخر .. إنك تضحي بالاسطوانة حقت العزبة مؤقتا يعني خل الأهل يطلعونه من عزبة البر ويستخدمونها حتى تعبي الغاز ..
وفيه حل ثالث بس ما أنصحك فيه وهو إنك تشتري شحنة سمر للطوارئ .. بس المشكلة إذا خلصت في عز الصيف وش بيقولون عنكم الجيران إذا شمموا ريحة السمر ..

[ahmad963]

البديل النواشف والمعلبات لين تعبي الاسطوانة

[مصلح بن بيئي]

ما انصحك بالكهرباء لان الفاتورة راح تجيك نااااااار

شخصيا عندي دبة الدافور 5 رطل تحت الدرج للمكاشيت واذا احتجتها للبيت تمشيني والله الحمد ثلاث ايام الى يومين

[hadaj]

لي عشر سنوات على فرن الكهرباء والغاز فقط للمناسبات لكبيره
ومرتاح من الاسطوانه وشيل الاسطوانه وخلصت الاسطوانه
والصرفيه مافيه فرق كبير
اهم شي صحتك

[اسير الغضا]

عليك بالخزان الكبير ووصل للدور العلوي وش تبي بالاسطوانت وغثاه

[abu mataab]

1- خزان كبير وهو الأفضل

2- فرن كهرباء للأمور البسيطة والطواري

3- اسطوانة إضافية أو دافور

والله يعيننا وياك ان شاء الله

[عزيزو]

اول شي تاكد من وجود اللي الغاز مافية تنسيم ؟ وثانيا مثل ماقالو الشباب خل عندك دافور اضافي لزنقات

[السلمان2010]

مالك الا سخان الكهرباء بس خذ لك نوعيه ممتازه لا تتهاون وتاخذ تمشيه حال

[ابوناصر426]

مافيه مثل الطباخ الكهربائي، ويكون عند الواحد دافور الازرق احتياط في حال الطوارئ

[-ظل الجزيرة-]

طبعا الدافور

[خالد العمراني]

الهيتر اشوفه فعال

[فهد 333]

هههههههههههه
مالعن من الاسطوانه اذا خلصت وأنت جاي من الدوام وتبي الكبيسه وتنااااااااام
والله انا دائما تكون معي هالحاله لكن الدافوووور أبو الجمايل
شكرا لك

[عبدالاله 123]

انا اقول لابد من وجود احتياط وهو (الدافور) لان لو خلص الغاز وانقطع الكهرباء في وقت واحد d
لازم ترجع للدافور وتقبل مروري

[النمرالأليف]

طيب إذا طفى الكهرب يا اصحاب الكهرب ماذا يعمل

[N أبورغد N]

ياخوي متأكد كل اسبوع معليش بس ما تدخل في الراس
عموما الحل بسيط اشتر دبه ثانيه واذا خلص واحد عب الثاني وريح راسك وبرضوا خل الدافور عندك
وعلى فكرة غلاية المويه ضرورية في البيت منها توفير غاز ومنها اسرع في غلي الماء ومنها تغلي الماء بنسبه ممتازه ما تزيد وتخرب عليك الشاي او القهوة
انا شخصيا كل شهرين دبه واحنا بالبيت ثلاثه
واهلي في البيت 7 وتقعد اسبوعين
فانت وضعك غريب كل اسبوع اكيد عندك مشكله يا تنسيم من الفرن يالفرن عندك يسحب بزياده
عموما الكلام الي قلته هذا مطبق عندي حرفياً
وقز الكهرب حل حلو برضو ينفعك حتى ان سافرت وسكنت فندق

[حق الفيتو]

مالك الا تشتري دبتن ثانيه ،، ودور هالي مزعجينا فيها يقولون خفيفه وما لقينا شي للحين !

[عشقي الباترول]

عندي الدافور
حق العزبة انزلة مع العزبة في المستودع واذا نتهت الاسطواااااانة
نسحبهااا من رقبتهاااااا هههههههههههههه

[أبوجهاد التبوكي]

غاز كهرب واسطوانة ثانية احتياط الله يستر على جيراني عايلتهم واجد ويوم يحملون الاسطوانات بالموتر كانهم فاتحين لهم محل غاز ماشاء الله ...

[بو خالد1]

يابعدي مثل ماتفضلو الشباب الفرن الكهربائي

وريح عمرك وافتك

[هموووس]

اذا خلصت اكل نواشف

[الصقري2000]

الحل انك تشري اربع دبات غاز تقعد شهر
والا مثل ماقالو الاخوان فرن كهربائي
وريح راسك
بس اذ كنت تبغى نار ماتحب الكهرب خذ اربع دبات غاز الحمراء
اخوك
الصقر الاشقر

[عذب الروح]

أهلا بك


الدبة الكبيرهي الحلال الأمثل وإذا لم تستطع تضع دبة ثانية إحتياطا للأولى إذا نفذت


تحيتي

[فياض الربيع]

حطب وخلهم يشبون النار بالبيت ويطبخون

كأنك كاشت ههههههههههه انا اقول الدافور

[صقر الفيافي]

زي ما قالوا الشباب ممكن تخلي دافور العزبة في البيت وقت عدم الحاجة .
لكن ممكن يكون غاز العزبة فاضي أو أنت ماخذه .......... حل لكن غير دائم

أما أن فأنصح وبقووووووووووووووة قز كهربائي أبو عيـنـيـن وخذ لك من النوع الزين
لأنه عندنا بالبيت وأحيانا من كثر ما أنه ينفع وبزيااااااادة إنه يجي أيام نجلس يومين عليه هو لحاله
يفي بالغرض وأنا أقول كل يوم بكره

بيت بدون قز كهرب ضاااااااااااااااااايع وياما ياما ياما نفعنا ولو كان بأي قيمه تراك بتحلله

[راعي الطلعات]

اشتر لك فرن كهبراء نفس أداء الغاز لكن سعره شوي غالي

او انك تشتري اكثر من اسطوانة غاز

[ابن الفيحاء]

الحلول التي ذكرها الاخوة الكرام ممتازة ولكن مهم جدا ان يكون عندك اكثر من برميل يعني اثنين على الاقل وانصحك تاخذ البرميل الجديد(فيبر) ولو انه غالي لكن ترتاح بالشيل والحط وفقك الله

[الكيان]

تسلف من جارك اسطوانة غاز

[ربيع الكشته]

الحل اسطوانتين
وإذا خلصت واحده تعبيها فوراً لاتكون زول :)

وبكذا توفر على نفسك فواتير الكهرباء لان مواقد الكهرباء تصرف كثير
ولاتنسى بأن شركة الكهرباء أصيبت بعدوى شفط جيب المستهلك من الاتصالات .

[ابوفهيدان]

الدافووور والمنة في التراب

خل عندك دافوور 10 رطل هندي
وخله فل دايما وحطه سبير

[زوم]

اسطوانة إضافية أو دافور

[كابتن الشمال]

انا من ناحيتي عندي 3 اسطوانات غاز ههههههههههههههههههههههههههههههه

لاني دايم اكون مداوم ويدقون علي يقولون خلص الغاز وكم مرة يخلص ويكون فيه ضيوف بنص الطبخة يخلص

فشريت 3 هههههههههههههههههه

[نديم الحلم]

اكيد ان الاسطوانة تحت بالدور الارضي وماد لها لي للدور العلوي

اذا كان كذا فهو خطأ

انتظرك

[صقرنجران]

الغاز حقي يقعد اسبوعين ممكن عندك تهريب في الغاز

[عزالصديق]

على طاري الغاز من واحد مجرب كل واحد يسكر الغاز بعد الطبخ من الدبه لان الفرن يهرب حتى لوكان جديد من ظغط الغاز فا عليك بتسكير الغاز من الدبه بعد الطبخ تطول عندك الدبه

[بن هدهود]

السلام عليكم حقيقة موضوع مهم وانا أقول احتياط واجب لبد ان يكون عندك دافور اي نوع انا صار لي موقف قبل اذان المغرب في رمضان وقت ضيق طلعنا هالدافور الخفيف الوذف وأدا واجبه هاذي صورته

http://store3.up-00.com/Sep10/93w27972.jpg (http://www.up-00.com/)

[غرور انثى007]

والله فتحتوا عيني على اشياء ماخطرت عالبال..

ماعرف الخزان ولكهرباء اعرفه بس ماعمري فكرت اشبكه درأ للحرائق..

حدنا الدافور ينقذنا وقت الازمات....ونادرا ان كان فيه وقت شب الضو بالحوش......

وشكرا لكم......عالافادات....

[برق الرمة]

اذا خلصت رح شب ناار بالحوش واطبخ

[حزين الكون]

اشتر دبه ثانيه

[برق الجهمه]

الحل هو النار والحطب

[قنااااص]

مالك إلا الدااااافور حق العزبة طير شلوى

[عاشق الماركيز]

وانا اخوك فرن الكهرب وريح راسك بلاغاز بلاهم من ركبته وانا يالله لك الحمد مرتاح وسبب تغيري كنت عازم واحد من اخوياي توه راجع من بريطانيا مخلص دراسته وقالتلي الوالده الغاز خلص وامحلاات الغاز بعيد ولطعت الرجال وتئاخر العشا وغيرته والحمد الله

[الصيهد.......]

وانا خوك انا مثلك بالدور الثاني وكنت والله اعاني من الاسطوانه
وخاصه اذا كنت توك جاي من الدوام وودك تنسدح شوي قبل الغداء
ويجك الخبر مثل الصاعقه قضا الغاز
وافضل حل لقيته انك تشتري اربع اسطوانات صغار وحطها تحت الدرج
واشتر راحتك........من ناحيه قز الكهرب يوفي بالغرض بس عمره قصير

[ام الدجيجات]

أشتر لك ثلاث أسطوانات إحتياط

[ابو البر]

فرج لم العيال
جب معك وانت جاي غداء من المطعم الله لايهينك
ووفر غلايه كهربائيه للشاي بعد الغداء او لتعقيم رضاعات الأطفال
وفك نفسك من صرف الكهرباء رغم انه ما فيه فرق بالفاتوره / مجرد 100 ريال باليوم :D

[ابن حلاسه]

حط لك فرن كهرباء ابوعينين

مممتاز ورخيص وقت الزنقات

والدنيا عبر وانا اخوك وكله يمشي الحال وبارب لك الحمد والشكر على نعمك

[turkiq]

فرن الكهرباء سمعته سيئة بين الناس ويذمون فيه
بس اشتريته لاني كنت افكر بعقلي واقول انه اريح
بكثير من الغاز وهي تجربة .. الان له عشر سنوات في
البيت او اكثر ... وعرفت الناس ما عندها سالفة .. تمشي
على السمعة وان الانسان عدو ما يجهل

بأختصار آمن بأذن الله .. حوادث الغاز عبارة عن كوارث
انسى سالفة خلص الغاز
انسى التحميل .. رايح جاي بأسطوانة الغاز
الفاتورة ما شفت فيها ذاك الفرق .. لكن اذا بيتك الضيوف فيه 24 ساعة لا .. اتوقع يفرق معك.

اشترو الكهربائي وبتعرفون انكم كنتم في حالة من الانتحار الفكري الجماعي اللامسئول .. بس عاد زودتها .. هههه

[mo3od]

من مجرب خذوا الكهرباء بدون غاز مجربه 8سنوات ولا صرفيه بس نوعية ويربول الحلزوني