شاحن بطاريات فلاش & رخيص وكويس &

[هويدي]

السلام عليكم ورحمه الله وبركاته

كل عام ونتم بخير جميعا

كل مصور يستخدم الفلاش الخارجي لا غنى له عن شاحن البطاريات
الشهير من سوني :good2:

ولكن البعض يحتاج لأكثر من واحد او يكون فاهي زيي وكل يوم مضيع شي

مالكم بالطويله امس كنت بالبطحا ولقيت شاحن بطاريات نفس سوني ولكن يتفوق عليه
بفرق السعر وكم ميزه اضافيه

شاحن سوني عند الوكيل بثمانين ريال وبعض الموزعين يبيعه بـ 100
اما الشاحن اللي اتكلم عنه بعشرين ريال فقط :good2:

وفيه ميزه انك تقدر تركب عليه بطاريه صغيره حقت الريموت
وفيه غطا فوق البطاريات

سلكه مب زي سوني سلك مسجل .. سكله منه وفيه علشان مايضيع :D
سوني فيه ميزه انه يفصل اذا امتلت البطاريات واحياناً اذا خليت البطاريات وهو فاصل تتبخر الكهرباء المشحونه

اما جهازنا الجديد عيبه مايفصل.. شغلته ونمت وقمت ولاه شغال طلعت البطاريات وفصلته
تنبيه: احياناً كثره الشحن تتلف البطاريه لذلك لاينصح بشحنها اكثر من 6 ساعات

سامحونا على الاطاله والتفاصيل الممله
اترككم مع صوره الشاحن ولا تنسونا ووالدي من صالح دعائكم

http://thumbs.bc.jncdn.com/9f3a6e801cdb2c7a13a2e53bbe2ad8a9_lm.jpg

[أبـو عــزام]

الله يعطيك العافية ..

[فيض العطاء]

وعليكم السلام ورحمة الله وبركاته
بيض الله وجهك على هذا الموضوع بس وش اسم المحل لو تكرمت

[هبوب الصبا]

بيض الله وجهك

[mr.muhmmed]

سؤالي لك

هل الشاحن بلحاله بـ20 يعني ما معه بطاريات


اذا كان ما معه بطاريات

اقولك للاسف انه غالي جدا على ماركته الرديئه

لانه شوف احسبها معي

اسعار عالم سوني الماركة طبعا سوني

4 بطاريات بدون شاحن تباع بــ 49 ريال

و4 بطاريات مع الشاحن تباع بــ 70 ريال

يعني نقص ثمن البطاريات من الشاحن

49 - 70 = 21

يعني الفارق بين الشاحن اللي انت عارضه وشاحن سوني ريال واحد لا غير

عموما شكرا لك

[هويدي]

ابوعقيرب اسعدني مرورك الله يعافيك

فيض العطا ووجهك ابيض لقيته بكذا محل بالبطحا يمكن تصير اشطر مني وتكاسر وتاخذه بسعر ازين

هبوب الصبا ووجهك ابيض يابعدي

اخوي محمد كلامك في محله ومقنع وجهازنا هذا مفيد للي مثل حالتي ـ كان عندي سوني وضاع وسلمن البطاريات
بس ليت سوني يبيع الشاحن لحاله
وردائه الماركه من جودتها تبين مع الاستخدام مثله مثل التلفزيونات الصينيه :) وغيرها من الاجهزه الاخرى

والله يكتب الخير للجميع
بس ممكن تاخذلك بطاريات اصابع من شركه معروفه بسعر ارخص من سوني وهذا اللي راح عن بالي ما سألت عن سعرهن ـ المرات القادمه نسأل