استفسار بخصوص صلاحية تواير موتري ..!؟

[m3ax]

السلام عليكم ورحمة الله وبركاته

شلونكم ومن العايدين قبل الزحمة :good2:

شباب أنا عندي تواير قوديير صناعة عام 2008 ناشفه وقاسية جداً وتطلع صوت وجيج على الطريق واحسه زايد هاليومين

وعشان أوضح لكم أكثر قد ايش التواير ناشفه وقاسية اذا نزلت الرمل وجيت ابي ألين التاير ما يلين إلا لين يوصل هواه 10 ..

طبعاً التواير باقي فيها تقريباً نصف عمرها لكن سؤالي هو كالتالي ..

في حال السفر على السيارة هل هناك خوف من انسلاخ التواير بسبب نشفها؟؟

صوت الوجيج مسبب لي قلق فهل هذا يدل على إن التاير خلاص معاد يمشيني لأني بصدد السفر على الموتر في العيد ومتردد بسبب التواير وتوقيتها مع أزمة رمضان والعيد (مادياً) ..

مع العلم إني ماشي على هالتواير من شريت الموتر إلى الحين 17 ألف كيلو في ظرف شهرين سفريات وتنقل من البيت للدوام حوالي 80 كيلو رايح ومثلها راجع يومياً

الله لا يينكم أفيدوني ولكم الأجر بإذن الله

[التعـ King ـديل]

عزيزي بعض الكفرات طبيعي تكون قاسيه مثل البرجستون طبعا انا اتكلم من تجربه

وبعض الكفرات لو يقعد فتره اطول تلاقيه مع الوقت يلين مثل الهنكوك

وبعض الكفرات من تشتريه لين تفكه وهو لين مثل الدنلوب

[قلم حر]

تقول ماشي 17 الف كيلو ، والكفر مركبها من شهرين

الكفرات مازالت جديده

العمر الافتراضي للكفر سنتين او 50-60 الف كيلو

[.أبوعبدالرحمن]

احسب انت وانت الحكم

معروفه الكفرات تمشي تقريبا 100 الف كم أو سنتين ونصف طبعا هذا ما هوب مقياس لكن هذا اللي اعرف ان أكثر الناس ماشين عليه وهو اللي متعارف عليه


لكن في نوعين من الكفرات القوديير فيه الياباني وهذا نوعية طيبة وفيه الامريكي وهذا نوعيه عكس الياباني سيئة جدا وللغاية وبسبب انها ما تتحمل الحمل ولا الحرارة


والله يوفقك باللي يطيب خاطرك

[بعيد الهقاوي6]

افضل كفرات وحسب تجربه هي التويو

اخف الكفرات وزن والين كفرات ركبتها عقب استخدامي لاكثر انواع الكفرات وحسيت بفرق واضح

حتى صرفية البنزين فرقت معي والسبب ان وزنها خفيف جدا وهذا اهم شي

[الستانس]

افضل كفرات وحسب تجربه هي التويو

اخف الكفرات وزن والين كفرات ركبتها عقب استخدامي لاكثر انواع الكفرات وحسيت بفرق واضح

حتى صرفية البنزين فرقت معي والسبب ان وزنها خفيف جدا وهذا اهم شي

هههههههههههه يا حبي لك يا بعيد الهقاوي

وين الين كفرات معه شفها مكتوب على جنبها راديال

طبعا مهوب تكذيب لك لا والله حاشاك

ولكن يمكن موترك v8 عشان كذا حسيت بفرق

ولا لو اربعه كان معد يمشي

والين كفرات

هانكوك

وارخص كفرات

ماكسس

وافضل كفرات

تويو + دون لوب

[m3ax]

الله يعطيكم العافية يا شباب

أنا ما أقول ركبت التواير من شهرين بس شريت السيارة من شهرين وهي راكبه عليها

وهي قوديير أمريكي ونقشتها سبورت تقريباً هذي هي

http://search.suhuf.net.sa/cars/22112006/11.jpg

اللي أعرفه ان هالنقشة تطلع صوت من تجربة قديمة لي على تواير فالكن على سيارة صغيرة سيدان نقشتها قريبة من هذي ..

الله لا يهينكم شباب وجعل والديكم للجنة