نانكى ماء لل f g

[نواف 100]

يااخوان هل يوجد تانكى ماء جاهز للF g تحت الموتر اكون شاكر

[ولد وايل..]

فيه مكان وتركبه بعد التفصيل...

يكلفك حول 800-1000 ريال...

ابحث عن مواضيع بمكشات وتحصل...

[fof6666]

فيه جاهز بمحل البرية بالرياض ب650 ومخصص للاف جي بس داخل السيارة

[عاشق الفكسار]

عندك اليحي بالنسيم المونيوم بـ1100 ريال الظاهر

[ابوصالح77]

هلا بك أخوي
إذا كنت تبغى حديد يكلفك 250 تقريباً
وإذا كنت تبغى ألمنيوم ، فيه بالرياض ورشة اليحيى وهالرابط بيفيدك http://www.alya7ya.com/

[المحترف800]

عندك ورشة المميز بصناعية الدائري واحد من زملائي مركب عندهم تحت الموتر بحكم ان فيه مساحه ..

[التميمي محمد]

نواف رح لمقر المصنع الوطني اما نادي الرياض مبااااااااااشره

في حي لبن

عندهم تانكي للكل سيارات التايوتا

و ميزته انه من اميثالين

و قوي جدأ

و ثلاث طبقات

و فيه فتحتين لصنبور

تقدر تسد وحده و تستخدم وحده

يعني تحط الصنبور في اتجاه انت تبيه
و هاذي ميزه فيه عن بقية التوانكي
و عليه ضمان سنتين
و ياخذ95 لتر
و سعره مره مره مره رخيص


ب200 ريال

و اذا انت شاطر مثل واحد من الشباب اخذه منهم ب190

سعره سعر جركل الي يباع في المحطات


والله نصيحه الحق عليه قبل لا يزيد سعره

او تخلص الكميه الي عندهم

لان السحب عليه موب طبيعي بحكم جودته

و بحكم ان سعره رخيص


هاذي نصيحه فقط

[أبو نـآيف]

88


الي تتكلم عنه هذا روعه يكفيك انه متى مبغيته عبه واذا خلصت كاشت نزله للبيت
ولا التانكي الي تحت مشكله يثقل على الموتر وتحس ان شكله غلط تحت مدري ماهضمته

لكن ابسالك عنه الايثالين مايتغير فيه طعم الماء ؟
الي له تجارب معه يبلغنا لاني ناوي على واحد وخوفي من الطعم و ضرره

[نواف 100]

عندك ورشة المميز بصناعية الدائري واحد من زملائي مركب عندهم تحت الموتر بحكم ان فيه مساحه ..


شكرا لجميع الاخوان بس ماتدرى بكم ركبه خويك وهل شكله وذف ومحل التعبيه من وين لو سمحت

[نواف 100]

نواف رح لمقر المصنع الوطني اما نادي الرياض مبااااااااااشره

في حي لبن

عندهم تانكي للكل سيارات التايوتا

و ميزته انه من اميثالين

و قوي جدأ

و ثلاث طبقات

و فيه فتحتين لصنبور

تقدر تسد وحده و تستخدم وحده

يعني تحط الصنبور في اتجاه انت تبيه
و هاذي ميزه فيه عن بقية التوانكي
و عليه ضمان سنتين
و ياخذ95 لتر
و سعره مره مره مره رخيص


ب200 ريال

و اذا انت شاطر مثل واحد من الشباب اخذه منهم ب190

سعره سعر جركل الي يباع في المحطات


والله نصيحه الحق عليه قبل لا يزيد سعره

او تخلص الكميه الي عندهم

لان السحب عليه موب طبيعي بحكم جودته

و بحكم ان سعره رخيص


هاذي نصيحه فقط
شكرا على النصيحه ولاكن هل التانكى تحت والا داخل الموتر ودى بشى تحت لان قراشيعى واجد

[التميمي محمد]

لا يجي داخل الموتر

بس انا بنصحك انك ما تركب الي يجي تحت الموتر


و انصحك انك تركب الي يجي خلف المرتبه مباشره


تدري ليش


لان الي تحت الموتر يكون موقعه خلف الصدام الخلفي مباشره

يعني في اخر السياره

و يكون جهد الحمل مركز على الياي الخلفي

و على الدفرنس الخلفي

و هاذا راح تعرفه لين عبيت التانكي

راح تشوف الموتر ينزل من ورا بشكل ملحوض مره مره

و مع الممشاء راح تلاحض انك من تاخذ مطب

تلاحض ان موترك ينزل من ورا بشكل قوي

و هاذا يا صاحبي مستقبلن ياثر على قوت الياي

يعني مع الوقت راح يفقد قوته و تلاحض موترك نازل من ورا حتا و التانكي فاضي



اما التانكي الي يجي ورا المرتبه

يكون حمله مقسم على محور السياره

و يكون ضغطه على اليايات الاربعه

و ماراح تلاحض ان موترك ينزل بشكل كبير لما تعبيه

و انا انصحك دام معه اف جي

لا تتعدا 100 لتر

لان ال100 لتر كثيره عليه بحكم انه من الجيوب الصغيره

ولو زادت عن 100 لتر راح تفرق عزم الموتر كثير خصوصن في الطلوع

و في النفود راح يتغير معك الموتر اذا كان اكثر من 100 لتر


هاذي مجرد نصيحه لك ان تاخذها

و لك ان ترميها في البحر اذا شئت



و تانكي الوطني رخيص مره و سعته 95 لتر

و عليه ضمان سنتين

و يجي 3 طبقات

ولونه حلو بيج

و فيه فتحتين لصمبور

تقدر تحدد تجاه الصمبور من وين ما تبيه

و بعدين ميزته انه رخيص و قوي و اذا جيت من البر فضه و انطله في البيت


ولا ثقل ولا ضيق

ياليته كان يركب على موتري كان ركبته

بس موتري باثفندر

و عيا يركب عليه

بحكم ان شنطة الباثفندر من الرفرف لين الرفرف 95 صانتي

و التانكي حق الوطني مقاسه بلعرض105

و على فكره فيه واحد من ربعي معه اف جي

مركب تانكي الوطني بس الصغير

80 لتر

و جاي على موتره بلمقااااااااس

والله جنان

وواحد ثاني مركبه على شروكي لانجلر الصغير ابو باب واحد

و برضو جاي مقاس

بس الباثفندر شنطته صغيره



و تقبل تحياتي يا حلو