قررت شراء سياره وشرايكم::..

[xGHx]

السلام عليكم ورحمه الله وبركاته


اخواني قد طرحت موضوع عن مزانيتي 40.000
وتفاعلو الاخوه معي وما قصروا الله يطرح فيهم البركه



المهم رسيت على:good2:


اكسنت 2010رياضيه
فل ابشن


شوفوها واحكموا
بس للديره فقط


هذي وحد زيها بالضبط لاني ما امداني
اصورها:D


http://up.arab-x.com/Sep10/FUY41592.jpg (http://up.arab-x.com/)

[عميد سامودة]

اكسنت وللديره فقط !!!!!!!!!! انحش عن الكوري وتخير .. ياخي عندك تويوتا ونيسان وهوندا وميتسوبيشي وشفر

[نفود حائل]

اهم شي تكون انت مقتنع بالسيارة

وبصراحة لو معي 40000 ريال اكيد ماراح افكر بهالسيارة يالشيخ لو اشري ياباني موديل 2005 او 2006

ازينلي

وترا الدعوه قناعات شخصية

ومبرووووك مقدما

[سطام vip]

الله يالدنيا الاكسنت الحين ب40 الف؟

دامك عزمت الله يسهل امرك ويعطيك خيرها ويكفيك شرها

وتبي الحق اذا انت من اهل الرياض صراحه الدنيا زحمه ولا ينفع فيها الا هالصغار

انا كنت ابنصحك تشتري فورد ماركيز افضل لك بس انا الحين اطفش في الزحمه

ولا اقدر ازووورق بين هالناس بسبب حجم السياره على شان كذا احب اطامر في الرياض

بالجيب الباجيرو الربع والفورد مخليه للسفر والعائله

بالتوفيق لك والله يكتب لك الي فيه الخير

[xGHx]

اكسنت وللديره فقط !!!!!!!!!! انحش عن الكوري وتخير .. ياخي عندك تويوتا ونيسان وهوندا وميتسوبيشي وشفر


والله يا خوك حجزت الموتر
ومزانيتي 40.000
والاكسنت 46.000وبالموووت دبرت الدراهم

لا تضيق صدري

الله يفتحها في وجهك

[xGHx]

الله يالدنيا الاكسنت الحين ب40 الف؟




دامك عزمت الله يسهل امرك ويعطيك خيرها ويكفيك شرها


وتبي الحق اذا انت من اهل الرياض صراحه الدنيا زحمه ولا ينفع فيها الا هالصغار


انا كنت ابنصحك تشتري فورد ماركيز افضل لك بس انا الحين اطفش في الزحمه


ولا اقدر ازووورق بين هالناس بسبب حجم السياره على شان كذا احب اطامر في الرياض


بالجيب الباجيرو الربع والفورد مخليه للسفر والعائله


بالتوفيق لك والله يكتب لك الي فيه الخير



والله تبي الصدق انا من سكان الجبيل الصناعيه لا زحمه ولا هم يحزنون

[ذهب صافي]

احسنت الاختيار اكسينت بصراحه سيارة المدينة المفضله

بحسب تجربتي سيارة عمليه جداً قطع الغيار متوسطه ومعقوله

المكيف وهذا الأهم فريزر ومن واقع تجربه كنت احط فواحه على فتحت المكيف وبعز القايله والله يا جماعه إنها تجمد من مكيف السيارة

إختيار موفق والله يوفقك

[xGHx]

احسنت الاختيار اكسينت بصراحه سيارة المدينة المفضله



بحسب تجربتي سيارة عمليه جداً قطع الغيار متوسطه ومعقوله



إختيار موفق والله يوفقك



افرحت قلبي الله يفرح قلبك:)
حياك الله اخوي

[بدون عضويه]

خييييييييييييرياناس انتم تقولون انحش عن الكوريه


اجل روح خذلك صندوق طماط (كورولا)ب54لا والنوافذ تفتح باليد يعني هندول نسميه هههههههههههه


انت خذها وخف يدك عليها واعطالها اول باول
وما بتشوف الا كل خير

ودامك مقتنع فلا تشاور واذا حجزتها لا تشاور
وانا اشوف كثيييير من الناس يمدح الاكسنت

[xGHx]

خييييييييييييرياناس انتم تقولون انحش عن الكوريه


اجل روح خذلك صندوق طماط (كورولا)ب54لا والنوافذ تفتح باليد يعني هندول نسميه هههههههههههه


انت خذها وخف يدك عليها واعطالها اول باول
وما بتشوف الا كل خير

ودامك مقتنع فلا تشاور واذا حجزتها لا تشاور
وانا اشوف كثيييير من الناس يمدح الاكسنت


حياك الله اخوي

شف انا هل السياره لتقضيه اشغالي فقط لا غير
بس طلعات بحر خفافيه
تمشي على خفيف فقط لاغير

[عميد سامودة]

مادام فلوسك قليله عندك في التويوتا ( يارس ) والنيسان ( تيدا وصني ) والشفر ( افيو )

[التعـ King ـديل]

لاتاخذ الرياضيه

خذ عاديه وقزاز كهرب بتلاقيها ارخص وضبط الموتر بباقي الدراهم

وللعلم تراها اطيب من الكرولا واليابانيات اللي كبرها

عندنا 2006 والحمدلله مادخلت ورشه الى يومك الا تغير زيت او بطاريه بس

[xGHx]

لاتاخذ الرياضيه

خذ عاديه وقزاز كهرب بتلاقيها ارخص وضبط الموتر بباقي الدراهم

وللعلم تراها اطيب من الكرولا واليابانيات اللي كبرها

عندنا 2006 والحمدلله مادخلت ورشه الى يومك الا تغير زيت او بطاريه بس


هلا والله اخوي


هذي الي باخذها بأذن الله
فل كامل


قزاز اوتوماتيك
وعجبني شكلها صراحه
والصراحه الفلوس هديه من الوالد((الله يطول عمره ))

[التعـ King ـديل]

الغالي نصحتك لا تاخذ فيها شي زود عن القزاز الكهرب

اللي عندنا سياحيه مررره واخر حلاوة

يعني خذ سياحيه ولا خذ سياحي قزاز كهرب بس

ابعد عن الجنوط والزبرقه الزايده وانت حر بفلوسك

[بدون عضويه]

من واقع تجربه انا يوم استشرت الناس في الموقع عن بندق هوائيه
ناس تقول خذلك كذا وناس تقول خذلك كذا
والله انهبلت طلع ان ثلاثه ارباعهم فاظين ما عند ابو جدهم سالفه
واقولها بصراحه وما اقصدكم انتم ياللي رديتو على موضوع اخوي الكريم
المهم شريتها ورحت فيها يجيك واحد يقول خذ النوعيه الفلانيه تراهي ممتازه تلاقيه توه شاريها وما يدري عنها ولا ما جرب الباقيات

واليوم وانا اتصفح موضوع مثبت عن البنادق الهوائيه
واحد يقول يا ناس ابغى نوعيه ممتازه طبعا في دول ممتازه صناعتها مثل منتو عارفين مثل المانياء واليابان

ودول رديئه مثل تايون و الصين يجي منها ردي وزين


المهم جايك واحد طاااااير يقول التركيه التركيه

[سرطوقا]

انا اشوف ان الاكسنت حلوه موفق الله يسعدك

[xGHx]

اخوي العديل king واخوي .بدون عضويه . واخوي سرقوطا

الله يفرح قلبكم كما اثلجتم صدري بردودكم لا يهونون الباقين

[بدون عضويه]

بادلك على سياره الي هي المازدا 3 بـ57الفل والسياحي باقل بس ما ادري يمكن 48ريال
شف انا ما اقول اني مجربها ولا لاتدور غيرها انا اقول انها يابانيه ورخيصه لاكن قطع غيارها غااااليه
بس الباب ينفتح بالبصمه وتشغيل السياره بالكرت وميزات فن
واعرف واحد يفحط بها تفحيط (اخرتها صدم له واحد)
وصابره معاه



شف انا قايل لك ما ادري عنها

[xGHx]

بادلك على سياره الي هي المازدا 3 بـ57الفل والسياحي باقل بس ما ادري يمكن 48ريال
شف انا ما اقول اني مجربها ولا لاتدور غيرها انا اقول انها يابانيه ورخيصه لاكن قطع غيارها غااااليه
بس الباب ينفتح بالبصمه وتشغيل السياره بالكرت وميزات فن
واعرف واحد يفحط بها تفحيط (اخرتها صدم له واحد)
وصابره معاه



شف انا قايل لك ما ادري عنها

الله يطولي بعمرك يا اخوي... بدون عضويه
خل االموتر يطلع من الوكاله بعدين يحلها الف حلال
...

[ولد الديره 2]

.

الاكسنت حلوه نمبر 1


:good2:




.

[xGHx]

.

الاكسنت حلوه نمبر 1


:good2:





.


وانت نمبر 1

[ياوجودي]

السلام عليكم

أخوي مهوب صحيح الإكسنت الـ 2010 بهالقيمه؟؟

أنا شريت قبل شهرين 2010 أصفار من معرض بالنسيم بقراطيسها . بـ 34.500ريال قير أوتوماتيك وقزاز كهرب.واللون اللي تبي .وضمان الوعلان.

اذا كانت الزياده اللي قلت عنها لأنها رياضيه مثل ماتقول تراها أكسنت أخوي لاتزيد عشرة آلاف على شي سخيف وتورط بعدين في قطع البودي لأن شكلها يختلف شوي حسب الصورة.
اذا يمديك تتراجع وتشتري القير اوتوماتيك وقزاز كهرب وهذا أهم شي والباقي يروح بعد شهرين من الفرحه.
والله يوفقك...

[مسمار شداد]

الاكسنت الي جربوها وعرفهم يمدحونها اما رياضيه فما انصحك فيها ابد

[S4500]

احسنت الاختيار في الاكسنت سيارة مكدة و قطع غيارها رخيصة و مكيفها ثلج

ماء شاء الله

مبروك مقدما و احسنت الاختيار

[تناهيت]

السلام عليكم

أخوي مهوب صحيح الإكسنت الـ 2010 بهالقيمه؟؟

أنا شريت قبل شهرين 2010 أصفار من معرض بالنسيم بقراطيسها . بـ 34.500ريال قير أوتوماتيك وقزاز كهرب.واللون اللي تبي .وضمان الوعلان.

اذا كانت الزياده اللي قلت عنها لأنها رياضيه مثل ماتقول تراها أكسنت أخوي لاتزيد عشرة آلاف على شي سخيف وتورط بعدين في قطع البودي لأن شكلها يختلف شوي حسب الصورة.
اذا يمديك تتراجع وتشتري القير اوتوماتيك وقزاز كهرب وهذا أهم شي والباقي يروح بعد شهرين من الفرحه.
والله يوفقك...



كلام جميل من شخص واعي

:good2::good2::good2:

[xGHx]

السلام عليكم

أخوي مهوب صحيح الإكسنت الـ 2010 بهالقيمه؟؟

أنا شريت قبل شهرين 2010 أصفار من معرض بالنسيم بقراطيسها . بـ 34.500ريال قير أوتوماتيك وقزاز كهرب.واللون اللي تبي .وضمان الوعلان.

اذا كانت الزياده اللي قلت عنها لأنها رياضيه مثل ماتقول تراها أكسنت أخوي لاتزيد عشرة آلاف على شي سخيف وتورط بعدين في قطع البودي لأن شكلها يختلف شوي حسب الصورة.
اذا يمديك تتراجع وتشتري القير اوتوماتيك وقزاز كهرب وهذا أهم شي والباقي يروح بعد شهرين من الفرحه.
والله يوفقك...

لا انا غلطت بعنوان الموضوع هي 2011

[خشم العرمة]

لولا اختلاف الاذواق لبارت السلع

انا لي تجربة سيئة وقديمة مع الهونداي لكن بحاول اكون حيادي في ردي
اذا تبي الصراحه انا عن نفسي اذا جيت استأجر من محلات الاجار ما أستاجر الا الاكسنت دمها خفيف ومكيفها بااااااااارد وعزمها حلو وصبورة اذا فكها الله من الحوادث.

اي سيارة جديدة وعلى يدك وتحت رجل وحده اذا بتراعيها وتلاحظها بالصيانة وتشيك الزيوت وخلافه بتعيش معك بأذن الله اقل شي 4 سنوات ماتطلب قطع سواء كانت اكسنت او غيرها

بالتوفيق الله يطعمك من خيرها ويكفيك شرها لكن انا مادري وش فرق الرياضية عن العادية اذا المسألة زوائد بلاستيك وزبرقة فنصيحه خذ العادية اتوماتيك وقزاز كهرب السعر اقل ووقت البيع لها رغبة
اما اذا المسألة تفرق في المكينة فهذا امر اخر

[خشم العرمة]

من واقع تجربه انا يوم استشرت الناس في الموقع عن بندق هوائيه
ناس تقول خذلك كذا وناس تقول خذلك كذا
والله انهبلت طلع ان ثلاثه ارباعهم فاظين ما عند ابو جدهم سالفه
واقولها بصراحه وما اقصدكم انتم ياللي رديتو على موضوع اخوي الكريم
المهم شريتها ورحت فيها يجيك واحد يقول خذ النوعيه الفلانيه تراهي ممتازه تلاقيه توه شاريها وما يدري عنها ولا ما جرب الباقيات

واليوم وانا اتصفح موضوع مثبت عن البنادق الهوائيه
واحد يقول يا ناس ابغى نوعيه ممتازه طبعا في دول ممتازه صناعتها مثل منتو عارفين مثل المانياء واليابان

ودول رديئه مثل تايون و الصين يجي منها ردي وزين


المهم جايك واحد طاااااير يقول التركيه التركيه

صادق والله مثل بعض الاخوان الله يهديهم يمدح بعض السيارات ويطيرها في السماء وهو عمره ماركبها بس مع الخيل ياشقراء

وبعضهم يذم موتر ويقولك ابعد عنه وهو عمره ماجربه ولا ركبة واذا سألته يقولك صديق اخوي عنده وحده وهو يقول

يارجال الله يخلف بس

[wafi4sa]

الف مبروك واحسنت الأختيار
الكوري جدا ممتاز اقل شي كوري كوري ماهب تجميع
تايلندي ويقولون ياباني
الله يعطيك من خيرها ويكفيك شرها
انا عندي الأنتراء 2004 وتماتيك جدا ممتازة وعزمها ماتغير
سافرت مرات عديدة خارج المملكة حتى حدود تركيا
الله يوفقك لا يهمك كلام اللي يقول ياباني وبس هذا ما جرب غيرة
لو جرب الكوري وخصوصا في السنوات الأخيرة لغير كلامة
لكن عندي لك نصيحة حافض عليها وسوف تعيش معك بأذن الله سنوات عديدة
واليك هذا الرابط لعل تجد ما ينفعك فيه
http://www.mekshat.com/vb/showthread.php?t=329920
وهذا رابط اخر تجد ماذا قالوا عن الكوري
http://www.mekshat.com/vb/showthread.php?t=329355
وتقبل تحياتي

[الستانس]

ماشاء الله تبارك الله


الله يطعمك خيره ويكفيك شره


من تجربه لي جيب هونداي جلوبر

ممتاز جداً ما شفت منه خلاف ولله الحمد

ولغيري اكسنت 2005

ماشاء الله صبوره جداً وفيها قوه عجيبه ما كنت متوقعها

ومبروك الموتر

[عاشق السيل]

لا يضيق صدرك وأنا أخوك تراك خطيت خطوة موفقة بإذن الله الإكسنت مايختلف عليها اثنين سيارة قوية وصبورة وخفيفة ورخيصة وعملية ،، أنا استأجرتها كم مرة قسم بالله خاشة مزاجي وحاطها براسي ودي أشتريها لمشاوير الرياض !!!

ألف مبروك والله يطعمك من خيرها ويكفيك شرها وإن قدرت تاخذ قير تماتيك وقزاز كهرب بس ماتكون رياضية فهذا أفضل لأنها أرخص ،، وإن ماقدرت لا تندم ولا يضيق صدرك وعساها عشرين سنة بدون مشاكل ....

[ziran]

السيارات الكوريه بدأت تشتهر مو مثل اول ماطلعت الكل يذمها
مثل الاكسنت والالنترا والسوناتا
تبي نصيحتي خذها وتوكل على الله

[xGHx]

مشكووووووووورين وماقصرتوا على التفاعل معي
وبيض الله وجيهكم