تكفون ياذيابه .. وش افضل سياره . في البر

[ابو نايف 99]

بسم الله الرحمن الرحيم

السلام عليكم ورحمة وبركاته
امابعد :


صباح / مساء الخير للجميع اخووواني اعضاء منتدى مكشات الرائع حبيت استفسر عن افضل سياره للبر والمقناص والمكشات يعني وش افضل سياره بريه ...
وابي توضيح بالتفصيل يعني نوع السياره والموديل ..

وما احب اطوول في هذا الموضوع ... الله يكتب لكم الاجر والثواب .:f

[خشم العرمة]

والله وانا اخوك هاذي ترجع للسواق

يعني لو قلت لك افضل سيارة في البر جيب شاص لكن اللي يسوق عليمي وكل ماطلع للبر غرز

وفي المقابل هايلكس ويقص عروق الدهناء قص

المسألة اهم شي تكون السيارة رفيعه عن الارض عشان ماتتعلق وفي النفود عليك بالتنسيم ثم التنسيم ثم التنسيم وانتبه من الراباضات واذا رقيت العرق خذه شطف وانتبه لايصير اللي وراه قص ثم هوية وسايس الموتر مسايس
وفي الحزوم والارض الصخرية عب الكفرات هواء وانتبه من الجروف وتوكل على الله

( وجهة نظر من واقع تجربة قد اكون مخطىء وقد اكون مصيب )
بالتوفيق

[بعيد الهقاوي6]

كل واحد بيجيك ويمدح سوقه قصدي موتره


اهل الجموس بيقولون لك الجمس عطي الله

واهل الفرود بيقولون لك الفرت اعرق ونيت شق رمال الربع الخالي


واما اهل المواتر التاليه نيسان وتويوتا جابولنا الصداع بكثرة هواشهم في كل مواضيع فيها مقارنه



وانت اختر الموتر اللي ترتاح له نفسك لان بالاول واللاخير انت اللي بتستخدم والله يكنب لك اللي فيه الخير

[شحبار]

كل واحد بيجيك ويمدح سوقه قصدي موتره


اهل الجموس بيقولون لك الجمس عطي الله

واهل الفرود بيقولون لك الفرت اعرق ونيت شق رمال الربع الخالي


واما اهل المواتر التاليه نيسان وتويوتا جابولنا الصداع بكثرة هواشهم في كل مواضيع فيها مقارنه



وانت اختر الموتر اللي ترتاح له نفسك لان بالاول واللاخير انت اللي بتستخدم والله يكنب لك اللي فيه الخير
:good::good::good::good::good::good::good::good::g ood::good2:

[سرطوقا]

تبي الموتر حق بر وقنص ومكشات

خذ لك ياطويل العمر جيب تحمل فيه عفشك وربعك

الهايلكس طامن بيتعبك في البر شوي

الشاص غماره مانت مستفيد منه

الربع لك وعفشك الحالك

انا ارشح الجيب سواء تويوتا او نيسان اللي تهواه انت


موووفق

[wafi4sa]

إذا انت مقرقش وراعي نذخة
وتحب البراري
ولا خلصت من السيارة اهديتها لصديقك
خذ همر وانت مغمض
اما تقول انا ابي سيارة مكدة سنوات عديدة
وراعي بران واجد مافيه مثل الشاص
والله يوفقك للخير

[النجم السيار]

جيب شاص تويوتا 2010-2011 وحط عليه شد وشراع وغير جنوطه وحط جنوط جي ولا تخلي مكان ما تجيه..... والله يطعمك من خيره ويكفيك شرة ,,,,

[لبيه يمنادي]

( السيارة من سواقها )


اخوي قبل السياره لازم اتعر الهدف من السيارة وليش تبيها ؟؟


مثال :


انته اتريد السياره للبر والمقناص ... والا للبلاد والرحلات السفاري الخفيفه ( يعني مانت راعي اطعوس وقنص )


مثال عندك مكلمك اخوك / لبيه يمنادي ..... راعي مقناص ولاايهمني نوع الارض اللي اقنصها اذا فيها صيد سو اطعوس او احجره لان السيارة اللي معاي والحمد لله 100 % يعني مايهما شي ...
وانا اخوك وين اسمع عن مقناص سنع وزين ارتب اموري واشيك بترول واتوكل علي الله عندي نيسان سفاري موديل 98 - v8 طبعا السياره امجهزه تجهيز كامل للمطاريش بغض النظر عن طبيعة الارض ... يعني وين ماتبي روح ولايهمك شي .. كل اللي اريده فيه لرحلتي موجود ..والحمد لله ماشي اعطال ولا مشاكل .... السيارة اتكفيني انا وربعي اللي معاي (3) اشخاص في الرحله وعفشنا واللي نبي للمطراش . ممكن اتشيل اربع اشخاص بس مانريد انضيق علي انفسنا ... السعه زينه وانا خوك ....
وعلي ماقال الشاعر ....( السعه لا بارك الله في الضيق السعه )


اما راعي لبلاد والمدينه والشارع فهو يعرف سيارته اللي اتكفي مطلوبه ...


أن شأ لله اكون افتك ولو بالقليل


اخوك / لبيه يمنادي

[سيوووفي]

أنا راسي تقروش ونا ماني براعي الموضوع ههههه الله يعينك لكن أسمع قروشتي:
التويوتا سيد الكل إستخدام و يمسك قيمة
النيسان كنق دبل و قيمتة مواسم
والأمريكي تعطيه يعطيك إلا الدراهم يبلعها
والكل يعرف سيطرت التويوتا حتى واقعنا بدون مجامل التويوتا هو الأول بس...؟
إذا أنت مقانيص × مقانيص بس خذ شاص
إذا أنت قنص طيور على الساحل أو أي نزل وكشتات خفيفه وتمشيات خذ لند أو سفاري
إذا أنت بس مكشاتي خفيف تمشيات حول الديار و عساسه وقهوة بريه وكبسات خذ هلي يابعدي
إذا أنت ما تفهم مثلي خذ أمريكي وراح تفهم صدقني هههههه ...
***** آسف على الإطاله *****

[ابو نايف 99]

بيض الله وجيهكم جميعا وماقصرتوا والله لايهينكم ومشكورين على مروركم

[عاشق السيل]

والله الشباب ماقصروا لكن أقول إن سؤالك صعب الإجابة عليه لأن مزاجات الناس تختلف في السيارات وخاصة أهل البر والمقانيص ،، فيه ناس تحب النيسان ولو تعطيها تويوتا بلاش ما طلع عليه للبر وفيه ناس العكس وفيه ناس لا تعترف بغير الأمريكي !!!

باختصار شف مزاجك يميل لأي سيارة وبعدين نزل موضوع إسأل عن مميزات وعيوب السيارة نفسها وبعدين قرر إنك تشتريها أو لا ،،،

آسف على الإطالة والله يوفقك للي فيه الخير .....

[عميد سامودة]

خذلك موتر بدون علامه يعني شيل علامة تويوتا او نيسان وقول موتري ياباني وبس !!!!!!!!

[N أبورغد N]

شخصيا ارشح لك ثلاثه
واختياري بسبب الرفع و الجوده وقصر الموتر ويشيل عزبتك وكم واحد معك وانا املك اكستيرا

1-الاكستيرا يا فل كامل فيه تراكشن يا اوف رود فيه دف لوك السعر 117 الف حد اقصى والاوف رود تحصله خليجي يدخل على ضمان الوكيل
2-افجي سعره على ما اظن 122 الف الفل كامل عشان الدفلوك
3-الفورتشنل فول كامل عشان ينفعك في الديره اي بي اس تقريبا 110000 ماني متأكد يزيد الى 5000
وسلامتك
رتبتهم لك بقوة المكينه والافضل من وجهة نظري
والله يسهل امرك

[التعـ King ـديل]

اذا انت راعي بر وتبي موتر يعتمد عليه خذ باترول 97 سوبر سفاري

واذا انت تبي موتر للبر وللخط وتبيه وسيع خذ فتك 2004

واذا انت تبيه وسيع وقوي وكشخه خذ فتك 2009

مو تعصب للنيسان بس اكلمك عن تجربه مقارنه بمواتر ثانيه جربتها

واذا انت تبي موتر تويوتا قوي وخفيف نفس لاتتعدا البرادو سته سلندر

[بعيد الارماس]

اخوي والله نصيحه لوجه الله لاتخذ شور الاعضاء
خذا اللي تبيه انت معك فلوسك والسياره اللي تعجبك طقه

[عميد سامودة]

اخوي والله نصيحه لوجه الله لاتخذ شور الاعضاء


خذا اللي تبيه انت معك فلوسك والسياره اللي تعجبك طقه


من شاور الرجال شاركهم في عقولهم

[مكشإإت]

البــــــــــــــــــــــــــــــــاترل

[فهد 333]

تاااااااااااااااااااايوتا
وغيرها لاتدور
وبعدها النيساااان
وبس

[كودو]

ارشحلك لاندكروز
فيها امكانيه تركيب تانكي ماء 100 لتراسفل السياره يعني ما يضيق عليك داخل السيارة مثل بعض الجيوب
امكانيه تركيب بطارية اضافية 100 امبير ينفع للي بيركب ثلاجه وانوار اضافية
امكانيه تركيب سله فوق السيارة مخفيه وسله خلفيه
امكانيه تركيب ماطور الهواء داخل الكبوت
امكانيه تركيب جهاز مراسله مخفي ( كنود , ايكم )
سهوله صيانته خصوصا السته سلندر منه
امكانيه تركيب دعامه ومعلاق ذبيحه
يوجد في بعضه ونش ودفلك تقدر تركب ونش فيه اذا كان غير متوفر ومخفي ايضا
يعني هذي من اهم المواصفات الي يحتاجها راعين المقانيص والكشاته
وهي تتوفر في الاندكروزر

[aagz]

مساء الخير اخوي

ارشح لك لاندكروز
ثم
نيسان باترول

تحياتي لك

[ابو نايف 99]

بيض الله وجيهكم وماقصرتم

[صامولي]

باترول ربع موديل 2001م

[المفادي]

عليك ببوشنب (الشاص القديم)مايرده شي لاطعس ولاجبل وخيف
ذيب بين الموات في البريس لوتحقرشكله طالع وذابح الثلاث راكد على ...... فارط دفرسه سبوق

[فنجال شاهي]

والله ياخوي اذا كنت تبي الصدق السالفة

ماهي في السيارة السالفة في السوااااق نفسة

اذا كنت فاهم الرمال زين ما راح يهم السياراة

[مكاشتي]

ارشح الجمس ···

[نواف 94]

والله يا خوي ما فيه مثل فورد رابتر الحين صار من سيارات حرس الحدود
http://i.imgur.com/yLwQUil.jpeg
http://i.imgur.com/t0GWAc3.jpeg
وهذي الصور انا مصورها شخصيا وباقي التورس و الاكسبلورر

[صياد الجبل]

والله ياخوي شف الموتر من سواقه

مثل مالخيل من خيالها والنار من شبابها

الي يحكمك ياطويل العمر المال كم راس مالك انت

بالنسبه للربع والشاص والاند الجديد اسعاره فوق 120 الف

بالنسبه للفتك 2009 والاند 2007 الشكاليات القديمه النضيف منها سعره غالي يقارب 90 و 95 وعلى حسب النوع والفىه بعد

انت شف وفكر واستخير واهم شي التجربه لاتشتري موتر الا انك قد جربته الف مره

وجربت غيره بعد الف مره

عشان تقتنع وتحس ان هذا هو الموتر الي يناسبك

[تميم2222]

شاص الفتك الجديد 4800 هو الان افضل شي ... قوه مكينه ومريح .. وراسي في الطرد مقارنه بالشاص وصندوق وسلامتك

[سعيد المعمري]

ارشح الاف جي او GX من موديل 98 الى 2007
عز المواتر من ناحية كرف و بيع و شكل و على قولتهم بتاع كلوو

[ابونبيل]

حاليا اشوف الهايلكس الدبل من افضل مواتر البر يشيل مثل الجيب من ناحية ركاب ويشيل عفشك وحطبكط وتانكيك و بالبر غزال

[N أبورغد N]

موضوع قديم

[تركي البقيلي]

خذ لك صالون من 89 الى 83 وسيع يشيل معك عشره وقوي مايطيح معك الى اذا تعلق
واذا انت راعي طعوس ركب كفرات عراض واذا راعي جبال ركب كفارت سلق

[سعدون جابر]

نيسان باترول فتك