^^^ كل واحد يذكر لنا أخطر موقف حصله ونجاه الله -- يمكن لو صار ............^^^

[الصقر الحربي]

بسم الله الرحمن الرحيم
السلام عليكم ورحمة الله وبركاته
صلوا على محمد
((اللهم صلي وسلم عليه))


كل واحد يذكر لنا أخطر موقف حصله ونجاه الله -- يمكن لو صار ............
نبدأ على بركة الله


السالفة
هذا من المواقف العالقة في ذهني
الموقف حصلي وانا عمري تقريبا 12سنة
كنت دايم أحب الطلعة فوق سطح العمارة ((4ادوار)واجلس جنب الخزان واتفرج على الحارة
كنت جالس تحت الخزان ((الخزان يجيك مقوس على شكل بيضاوي)) الخزان مشرف على الهوية
قمت بسرعة وراسي يضرب في طرف الخزان من فوقي
طبعا ارتداد الجسم بعد الضربة كان إلى الأمام إلى الهوية
نجاني الله بطرف حديدة كانت قدامي تعلقت فيها وشديت نفسي وطلعت
وإلى يومك هذا ماعمري طلعت للسطح


وننتظر مواقفكم

[الصقر الحربي]

----- وين التفاعل ياشباب -----

[عقيعقب]

الحمدلله عل سلامتك
.
.
أما عدم التفاعل سببه هو
أن الناس مشغوله بالعشر الآواخر

مشغولة بالتحصل ليوم لاينفع فيه ذكر المواقف السابقة

[غرور انثى007]

يؤؤؤؤؤؤؤؤؤ الله يلوم اللي يلومك...احمد ربك واسجد له شكر...

انا مايحضرني موقف محدد..

لكني 3 مرات صدت حراميه طبوا على البيت اخرهم سكرااااان..

كان بالليل الساعه1 واسمع صوت صوت مدري وش يقول اللي سمعته يبو محمد..:eek:

انعمييييييييييييييييت قلت هذا يبي ابوي يبي يسوي به شي,,:mad:

كنت متحجبه نظرا لوجود ولد خالي عندنا بالبيت..المهم احط الطرحه على وجهي وانطلق له..

لقيته يترجى اخوي من الشباك لكن مو فاهمه كلامه بس اسمع ابو محمد..:confused:

كان اخوي ماسك يده من الشباك عشان لا يدز..
مسكت الرجال وباعلى صوتي قاعده اهاوشه وادزه يطلع من البيت بكل قوتي..

لمحت اخوي وولد خالي يهاوشوني ارجع ادخل..طننننشت..:mad:

وعيت على ابوي يناديني وانا قاعده ادز الرجال يطلع..:director:

رحت ورا ابوي...(( وش عقبه ^_^ )):(

مسكه ابوي وفتح الباب وماعاد شاف الا غباره:burnout2:..ثم سمعنا طلق نار عليه من الشرطه..:alarm:

لكن ماجاه شي...((الذل حلاب البل))

اثاري الرجال يبينا نزبنه...اااااااااااااخ صدق اننا رخوم..اخر زمن..والله ماكنت ادري..:confused:

قال ابوي ان ريحته فاقعه خشمه منتهي شكله..

قام يعاتبني ليش اسوي كذا..افرضي معه مسدس او سكين..:no2:

قلت معليش سمعت اسمك وماعاد حسيت...عساك ذخر لنا...:cool:

بعد تفكير لقيت ابوي صادق...يمكن ياخذني رهينه عالاقل..^_^ كنكم خاشين سينما صح..:rolleyes:

ادري حتى انا تحمست مع نفسي ..:D

المهم اني طلعت منها سالمه غانمه مع وسام الشجاعه..لاني ماصررررررررررررخت يوم اشوفه..:eek:

[بو خالد1]

والله مافيه شي لكن اذكر يوم جاء

يوم الرعووود والصراحة كنت بعيد عن البيت وقعدت تحت مأوى

وسمعت صوت الرعد فـ حسبت ان شي طاح او مثل كذا

[ليالي المكشات]

حصلي اربع مواقف دايما في ذاكرتي

مرة كان معي هايلكس 99 ومصفي الطبلون على الدائري الا ويخش علي زول بقربعتة فجاءة مدري وش صار السيارة قامت تلف يمين ويسارمرة اشوف الصبات على يسارى ومرةالسيارات على يمني ونجاني الله

مرة كنت مدخل الدفاية معي بالكمبل الا وغفي واقوم فجاءة ولا اقدر اتحرك عرفت اني ابموت وفجاءة جاء اخوي وشال الكمبل وقال انت مهبول ونجاني الله

مرة ايام الدراسة طالب رمى قلم ومن حسن الحظ كنت توني قاص نظارة ويصقع راس القلم بعدسة النظارة يعني لو ما لبست نظارة كان راحت عيني


هذة طريفة نوعا ما مرة ايام الطفولة غصيت بحلاوة المصاص بعودها ومحد عندي وطلعتها بنفسي

[غرور انثى007]

ليالي المكشات...عز الله انك شقي من صغرك...ترى الخامسه ثابته انتبه عاد...

[ساحووق]

الحمد لله على سلامتكم جمييييييع ولاهنت يابن العم على المواضيع الراائع

مره جيت ابحلب النااقه المهك كنت وراها ومعي القدح اللي هي الطاسه ههههه وهي ترمح ليا القدح مع الهواااء فك الله وجهي ولاكان راحت مللللللللح

لاهنتم

[الصقر الحربي]

حصلي اربع مواقف دايما في ذاكرتي

مرة كان معي هايلكس 99 ومصفي الطبلون على الدائري الا ويخش علي زول بقربعتة فجاءة مدري وش صار السيارة قامت تلف يمين ويسارمرة اشوف الصبات على يسارى ومرةالسيارات على يمني ونجاني الله

مرة كنت مدخل الدفاية معي بالكمبل الا وغفي واقوم فجاءة ولا اقدر اتحرك عرفت اني ابموت وفجاءة جاء اخوي وشال الكمبل وقال انت مهبول ونجاني الله

مرة ايام الدراسة طالب رمى قلم ومن حسن الحظ كنت توني قاص نظارة ويصقع راس القلم بعدسة النظارة يعني لو ما لبست نظارة كان راحت عيني


هذة طريفة نوعا ما مرة ايام الطفولة غصيت بحلاوة المصاص بعودها ومحد عندي وطلعتها بنفسي



الحمد لله على سلامتك يا اخوي
اما سالفة الهايلوكس احمد ربك على السلامة ولا كان رحت في خبر كان ولا تعودها

[الصقر الحربي]

الحمد لله على سلامتكم جمييييييع ولاهنت يابن العم على المواضيع الراائع

مره جيت ابحلب النااقه المهك كنت وراها ومعي القدح اللي هي الطاسه ههههه وهي ترمح ليا القدح مع الهواااء فك الله وجهي ولاكان راحت مللللللللح

لاهنتم


بارك الله فيك يالغالي

على طاري الرمحات ذكرتني بسالفة
كنت رايح سوق الغنم والف وادور
ما ادري ويش لقفني على ذيك البقره
قلت خلني اسوي فيها كارتيه وانا أشوتها من ورى
وهي ترمحني ذيك الرمحة اللي غير الله سلمني منها
حكت رجلها في طرف ثوبي مع الجنب
والا كان تحصلني تقاطيع عندها
.................................................. ..............................
الشكر للجميع على التفاعل

[الشقردي 205]

صراحة اول موقف دمر جزء كبير من حياتي وللحين هلى الشيء مستمر معاي . . .


انا تلقيت يوم من الايام وتحديدا قبل 5 سنوات عام 2005 ضربة في مؤخرة راسي كان سبب رئيسي بوقوعي بمرض الصرع وللحينة معاي . . .


والموقف الثاني مره كنت اللعب بخزان الماي وانا اشدة بقوة وفجاة ركزت علية انه يبي يطيح وفعلا جتني فزعة من الله سبحانة وسلمت ولله الحمد . . .

[الصقر الحربي]

مشكورين على التفاعل وكل عام وانتم بخير

[دل البحار]

والله الاصابات كثيره عد وأغلط من التماس كهربائي الا حوادث
اخر حادث كسور في كسر مضاعف في الحوض وهو اخطر الكسور وأشدها الما واليد اليسرى برضه كسر مضاعف وعدد ثلاثه اضلاع تكسرت في حادث لكن اصعب موقف لي ولا انساه التماس كهربائي والله شفت الموت قدااااااااامي منه بقوة 3 فاز عالي التركيز نساني الحوادث والكسور الله يجيرنا منه
وكل عام وأنتم بخير الله يحفظنا بحفظه انه الحافظ

[غرور انثى007]

الحمدلله على سلامة الجميع....

[اسير الغضا]

مره يوم انا صغير كنا مسافرين من مكه الى الطايف وتعرفون طريق الهدا قبل يظبطونه يوم هو خطر
وعاد الوالد شاف ناس متجمعين عند مطل وكلن يتفرج والوالد يسفط على جنب وعلى طرف المطل ولا كان به اسمنت يرد واخره طين الوالد نزل من لم الشارع العام انا ما انتبهت طبعا لانه مايقدر ينزل مع الجه الثانيه يزلق وعلى المنحدر
انا قلت ودي اتفرج وانزل مع الشين وامشي مظبوط يوم وصلت لمهم مرازلق ويمسكن واحد مع طرف ايدي
والحمدلله لو مامسكن كان ماكنت معكم الحين

[فصوولي]

هههههههههههههههههههههه والله مواقف الله يسعدكم

وفكره حلوه من صاحب الموضوع بس اللي ضحكت أكثر على شكله راعي المصاغير تخيلت شكله والطاسه في جبهته ناشيه أسعدك الله يا راعي المصاغير ومساك بالخير

[فصوولي]

هههههههههههههههههههههه والله مواقف الله يسعدكم

وفكره حلوه من صاحب الموضوع بس اللي ضحكت أكثر على شكله راعي المصاغير تخيلت شكله والطاسه في جبهته ناشيه أسعدك الله يا راعي المصاغير ومساك بالخير

[الصقر الحربي]

(.) شاكر ومقدر لكم التفاعل (.)

[الخالدي 999]

مره كنت على كرنيش الخبر اسير بالسياره على خيف اذا انا برجل كبير الجسام من هذولي المصارعين شكله لبسه فنيه علاقي وسروال وسط ويضرب في ولد صغير عمره يمكن 11 سنه وقفت السياره ونزلت اشوف الموقف اذا هو يقولي الولد هذابيسرق سيكلي من السياره قلت له بس ماتضربه هذا الضرب الكبير حرام عليك
هذا طفل صغير امسكه حتي يجي ولي امره او اتصل على الشرطه أما تضربه كذا حرام عليك انتفض الرجل ووقام عليه طبعآ تجمهرو الناس الحين يقول ان متساعد معه وارجل بي يضربني وحنا في غنا عن المشاكل والاانت فاضي للمشكل المضاربات والرجال يتفرع والناس يمسكونه ويالله ويحرج عليه اعوذي بلله من هذا الموقف لرجل فتوه من ذولي الصلع المصارعين عد انا لازم اثبت وجودي واتفرع وماصدقت على لله ان فيه رجل قدر يشابه له في الجسم ويمسكه حتى واركب السياره وافتك منه ومن المشكله

[الصقر الحربي]

مره كنت على كرنيش الخبر اسير بالسياره على خيف اذا انا برجل كبير الجسام من هذولي المصارعين شكله لبسه فنيه علاقي وسروال وسط ويضرب في ولد صغير عمره يمكن 11 سنه وقفت السياره ونزلت اشوف الموقف اذا هو يقولي الولد هذابيسرق سيكلي من السياره قلت له بس ماتضربه هذا الضرب الكبير حرام عليك
هذا طفل صغير امسكه حتي يجي ولي امره او اتصل على الشرطه أما تضربه كذا حرام عليك انتفض الرجل ووقام عليه طبعآ تجمهرو الناس الحين يقول ان متساعد معه وارجل بي يضربني وحنا في غنا عن المشاكل والاانت فاضي للمشكل المضاربات والرجال يتفرع والناس يمسكونه ويالله ويحرج عليه اعوذي بلله من هذا الموقف لرجل فتوه من ذولي الصلع المصارعين عد انا لازم اثبت وجودي واتفرع وماصدقت على لله ان فيه رجل قدر يشابه له في الجسم ويمسكه حتى واركب السياره وافتك منه ومن المشكله



هههههههههههه احمد ربك انه ما ثار عليك
المره الجاية لا شفت مثل هالموقف حاول انك تساعد واذا شفت فيها لكه حط رجلك

_________________________________________

مشكور اخوي الخالدي على المشاركة

[الربذي]

انا صار لي عدة مواقف
منها دباب خايس ابو ثلاث كفرات الله لايعيده كبير الحجم مركب ولدي قدامي وماشي مسرع واضرب مكب وتدخل رجلي تحت الكفره ويسحبني طبعا فيه وطايه ومنكسر البلاستك وباقي حديده زي الماصورة ومع المشي والثقل وسحبة رجلي وهي تدخل برجلي وحسيت بالم شديد جدا جدا واخلي الدباب لين وقف ورجلي تحته الا ايش ياربي سترك الماصورة داخله برجلي وفاتحتها من تحت الركبه والعظلم ظاهره والحم مشلق والدم زي الشلال والم لايعلمه الا الله واجر رجلي بقوه واشوى تطلع من الماصورة بس وش فاقعة رجلي حتى انها كانت تبي تطلع من الجهه الثانيه بس ربك ستر تخيلوا ربي ستر علي مادخت ولاانصفرت وسقت مسافه 30كم حتى المشفى كنت البس ملابس شتويه الممرضه يوم شقت الملابس هربت وهي تقول ماي قد فري بيق دكتور بليز كام سي ثز بيشنت ؟؟؟؟ ياربي جرح كبير يادكتور شوف هالمريض الدكتور قال لازم نستدعي طاقم العمليات ودكتور الاوردة والشراييين حتى فيما بعد والى الان جهه لو ادخل الابره حتى تاقف بالعظم مااحس يقول الدكتور ان الاحساس انقطع عندك ويرجع بعد سنين فعلا رجع بس لحد الان من 9سنوات وانا ماحب شي يضغطها واثر الخياطه طوله يخرع واجازة شهر ونيفا وانا فقط نايم ويودوني لغيار الجرح هذي عام 1423 وعام 1431 معي دباب واطعس فيه بانشي مجنون وانا نازل وعلينا مطر ويعيي يمسك بريك وانزل مع الطعس الا قدامي ارطاه اطول من السياره واتجشمها واطير فوق فوق واخي الدباب واطيح وكان عندي واحد اشوى واطيح طيحه من ثلاث امتار على يدي وادوخ واحس بغثيان ودوخه الا كل شوي ويدي تزيد على حتى اني قعدت اهذري من شدة الالم يوم وخرو البجامه الا لافه يدي بشكل يروع طلع كسر واجازه شهرين لكن بعدها حرمت اركب الدباب وبعته ب3500 ريال واسعره على 9000 وفوق

[عشق بري]

والله سواليفكم ومواقفكم منها المحزنه ومنها المضحكة الله يرحم حالنا وحالكم
عاد موقفي أنا محزن لكن الحمدلله وهذا قدر الله ، في رمضان الماضي حصل لي حادث مروري بالسيارة
طبعاً السبب السرعه ولكن مع السبب سيارة تتمشى قدامي ماأنتبهت لأنها صارت قدامي فجأة .. وأتفادى ذاك الموتروألف يسار
وصار قدامي الرصيف ثم أتفادى الرصيف بنطله ثانيه إلا الموتر تهيض وجاب ذيك الزحفة وأنا أستسلمت مادريت ألا أضرب
بالرصيف الثاني وينقلب الموتر قلبتين وأنزل على مزرعه ، والحمدلله ربي ستر وطلعت من السيارة بفضل من الله
سالماً غانماً بحفظه طبعاً السيارة جاها ضرر شبه كبير لكن الحمدلله على السلامة .

وهذا أخطر موقف لي في حياتي

[دلهميز]

انا مواقفي بالنوم اثناء القيادة كثيرة

اول ما بديت اسوق طلعت قبل صلاة العصر بالرمضان وانا انود ,,, مسكت خط المية ثم نمت ,, انتبهت وارتعت وتخيلت اللي قدامي قريب ,, لفيت الدركسون بقوة وبدت السيارة تسوي حركة الصحن الدوار وانا ما اشوف الا عجاج الجن ,,, الين وقفت بوسط التراب ( مكان حي الجزيرة الحين )

مرة ثانية كنا طالعين من المدينة لمكة بهايلكس بعد صلاة الفجر والنوم سلطان
قال واحد انا ما بي نوم وابسوق ,,, وساق ابن الحلال ,,, وما صحينا الا وحنا على رأس تلة صخرية والسيارة رايحة وطي .

والحمد لله رب العالمين

[الربذي]

انا مواقفي بالنوم اثناء القيادة كثيرة

اول ما بديت اسوق طلعت قبل صلاة العصر بالرمضان وانا انود ,,, مسكت خط المية ثم نمت ,, انتبهت وارتعت وتخيلت اللي قدامي قريب ,, لفيت الدركسون بقوة وبدت السيارة تسوي حركة الصحن الدوار وانا ما اشوف الا عجاج الجن ,,, الين وقفت بوسط التراب ( مكان حي الجزيرة الحين )

مرة ثانية كنا طالعين من المدينة لمكة بهايلكس بعد صلاة الفجر والنوم سلطان
قال واحد انا ما بي نوم وابسوق ,,, وساق ابن الحلال ,,, وما صحينا الا وحنا على رأس تلة صخرية والسيارة رايحة وطي .

والحمد لله رب العالمينهههههههه الحمد لله على السلامة وراك نعوذ بالله النوم ورارك وراك يارجل انتبه وشلون يجيك النوم هذي مافيها لعب حياة او موت

[غالي]

نصيحه لأصحاب الدبابات لحد يطلع الحاله مهما كنت مواعد احد استناهم

مره مواعد اخوياي في المخيم عام 2003 او 2004 تقريبا

وطلعت قبلهم كان الجو جميل وطلعت طعس التحدي مافيه الا انا وهايلكس نطعس (انا بالدباب طبعا موقف الجيب تحت)

شوي ارقى الطعس انا والهايلوكس نتحدى بعض والمراد اخر الطعس طرت طيره غريبه انقشعت المرتبه وراح الدباب وانا اجيك خابط على الرمل بارتفاع فوق المتر تقريبا وبقوه

والله العظيم ياجماعه جوني الي بالهايلوكس الي قدام يضحك ويأشر على خويه الي وراء يقول :

((تراااه عطاكياها يتنحتك ونظلك كااااااااااااااكاكاكاااااااا)) ويمشون

انا مازلت بمكاني عجزت اتحرك اقسم بالله احسبني ابنشل جالس المس يديني تتحرك والا لا

رجليني عيت تتحرك شوي بالطقاق وبقوه يالله تحركت رجليني ((الظاهر ابو الشباب ذكر ربه))

ابي اقوم عجزت الظهر على الرجول فيها عروق احس بها مااقدر اتحرك شوي قمت من الخوف سمعت صوت سياره خفت يدعسني لاني جنب سيف

واركب الدباب وامشي 2 بس مااقدر اضغط البنزين ولا اتحمل المطناج خلااااااااااص انتهيت

والبلا راعين الهايلوكس راحوا يطعسون بعيد

واوصل لسيارتي واركب الدباب بالسطحه واتسدح على الرمل تمددت تقريبا ربع ساعه مااقدر اتحرك بالطقاق اتحرك

شفت الوجع بداء يزود وانا متمدد

والقط عمري ويالله وصلت المخيم كان في العاذريه

لقيت كم واحد من الشباب بالمخيم واجلس عند النار واتدفى وحليب مع زنجبيل يوم جلست كم ساعه (ناسي والله ) ويروح بي واحد من الاصدقاء الله يجزاه خير للمستوصف الحكومي ويحولني للشميسي بشكل عاجل كتب ورقه

والله واخاف زوووود قلت ايوه رضووووووووض والا نزيف الله يستر

واروح للشميسي ويدخلوني والحمدلله على كل حال مع الاشعه طلع تمزقات والله الشافي سبحانه

لكن ذكرت هالقصه واول مره اذكرها للأمانه ابي انبه الأخوان بشيئين:

اولا: اذكر الله دائما حيث بتطعس بسياره والا بدباب والا غيره ((فيه ناس ماتذكر ربها ويتنحتون الواحد))

ثانيا: انتبه ياصاحب الدباب والا صاحب التطعيس تروح لمكان ماحولك احد ممكن تنقلب حتى بالسياره ولاقدر الله تشب ولاتقدر تطلع منها ونقول الله يرحمك

تحيتي لكم واسف على الاطاله

[اسم قديم]

الحمدلله على سلامة الجميع....

اما انا قصتي من اربع سنوات كنت جاي من جده في فترة الاختبارات طبعاُ منتسب خلصت اختباري بالليل بعد صلاة العشاء وطلعت من الاختبار وفرحان ومخلص لاني برجع للرياض وطبلوني وانا في الفصل هروله ودف:hot: وارمي الاقلام طبعأً اقلام رصاص من الفرحه وعلى السياره :redcar: واتوكل على الله وامشي وامسك خط جده ومن جده الى مكه ومن مكه الى الطائف ومن الطائف الى الرياض والحمد الله ماشي على مهلي وماخذ السفريه سهاله وكانها رحله :cool: وكان معي واحد من الاخوياء مثلكم وشرواكم المهم ومالكم في الطويله وصلت الرياض ونزلت خويي في الدخل وبعدها اروح لبيتي طبعاً ساكن في جنوب الرياض وانا ماسك الدائري وصلت على الشروق خلاص طفيت وانا في مخرج 24 انا كنت امشي ولا ادري اني طبيت في وقت تفحيط ههههه :alarm::alarm: وانا اقول وشفي الناس مصطفه على جنب الدائري على بالي يرحبون فيني :confused:الا فجه في لمحه البصر بدون مقدمات الا المفحط :burnout2: وراي واسمع بس تفحيطه صغيررررره ودببببببببببببب :burnout2:<<< يعني صدمني من الخلف وهاتك انواع الاستعراض في الدائري بسيارتي سويت انواع التفحيط عقد وعكسيه وزحفه الموت وكل الانواع وشوي الا سياره تطلع عن السيطره ووتطلع على الجزيزه واخذ معي صبه :j وكم شجره على كم حديده سياج بس ربي سلمني منها بحركه الريوس ولا وقفت الا في الشارع الثاني الخدمه وللمعلوميه موقع حادثي لازال الا وقتكم الحاضر وكل ما امر اشوفها احمد ربي على سلامتي
طبعاًُ الحمد الله سلمت طلعت سليم وابشركم تجمعوا الشعب السعودي والله حسيت نفسي اني ماني سعودي كاني اجنبي اول ماوقفت وانا في الحوسه في السياره انواع السراقات الحراميه ما قصروا صرقوا بعض الاغراض وانا اشوف بس وش اسوي من الصدمه احس اني فقدت الذاكره :looney:

طبعاً من بعدها اذا خشيت الرياض وانا جاي من جده والله ثم والله اني اتشهد وامشي بشويش ويخش في قلبي خووف بس ابشركم حصلت طريق مختصر ههههههه مع ديراب وانا جاء مالي ومال الزحمه :good2:


وهاذي قصتي والعذر والسموحه على الاطاله

[ابو الشمقمق]

انا مرة كنت طالع مع المدرسة عام1997م وسووا لعبة شد الحبل في صالة كبيرة وجابوا اصغر طالب وجابوني انا من (النحيفين)
واثر صاحب اللعبة مطلع الحبل مع الدريشة على ان الصغير برا واثره راط الحبل بمورسيدس بنز ورابطينه ببطني
وقالوا لصاحب البنز امش هو توقع ان اللعبة انتهت وهو يدوس وياسااااااااااااااااااااااتر
انا اقلعت معه وضربت العمود في وسط الصالة وصاح عليه واحد من الشباب ووقف والا لو وصل الدريشة كان طلعني معها اوصال الوكاد اني فقدت الذاكرة تقريبا 24 ساعة كأني مهبول الكلام هذا بالرياض وبعد الصفقة احس اني بالقصيم

[سبتان]

عندما كنا ندرس في الابتدائي كان مدرسنا شديد علينا ولكن كانت إحدى عينه مايشوف بها فإذا خربناها في الفصل ودخل علينا فالطلاب الذين من حول عينه السليمه الله يخلف عليهم . وأما الآخرين فيسلمون من بطشه لأنه لايراهم . طبعاً المعلم كان حينها أجنبي . مع الاحترام والتقدير لكل معلم أجنبي ولكن هذا ماوقع .

[عيسى عبد الله]

السلام عليكم والحمد لله على سلامتكم
حبيت اشارك معكم مره من الامرار وانا محمل شعير للبل والبل بعيد حول 100كيلو عن الديره الوكاد وانا بليل حول الساعه تسع ليلا والموتر شاص الوكاد مسرع والنور لك عليه وموتر بدوي القزاز وصخ وعزلت من الطريق على المسحيه ممسوحه جيد وطاير معها والموتر راسي من الشعير يوم اخت الاوالله البل وسط الطريق الاولى جالسه على جنب تخطرتها بصعوبه وبستر الله والثلاث في الوسط مدري كيف ربي سلمني منها والا الحيران بعد خلفهن ويوم شافوالجيب طاير هجو الا الحين الوضع تمام بغير القلب في الطاره وربك مدبرها سبحانه 00000000000وتعيتها بصعوبه جدا قلت الحمد لله رافع رجلي من البنزين ولاضغت فرامل بعدها الا باقي ثلاث وتخطرها بصعوبه جدا جدا والله اني قلت هذي ثابته الوكاد فريت السياره والا طالع من الخط والرجعه وهو محمل بصعوبه يوم تعدل الموتر والا البعير وسط الخط وهو على مااضن الاخير ولف يمين عنه وتعداه واصدق اكذب وانا ضر بمرايه للخلف والاالبعير 000000000000!!!!!!!!!!!!!!!!!!!! يناضر في ويضحك ويشر بيده احسنت !!!!!!! وهههههههههههههههههههه >دعايت سوبر شل للقوه والتحمل ههههههههههههههههههههه
هههههههههههههههههههههههههههه ولاهنتم

[الصقر الحربي]

انا مرة كنت طالع مع المدرسة عام1997م وسووا لعبة شد الحبل في صالة كبيرة وجابوا اصغر طالب وجابوني انا من (النحيفين)
واثر صاحب اللعبة مطلع الحبل مع الدريشة على ان الصغير برا واثره راط الحبل بمورسيدس بنز ورابطينه ببطني
وقالوا لصاحب البنز امش هو توقع ان اللعبة انتهت وهو يدوس وياسااااااااااااااااااااااتر
انا اقلعت معه وضربت العمود في وسط الصالة وصاح عليه واحد من الشباب ووقف والا لو وصل الدريشة كان طلعني معها اوصال الوكاد اني فقدت الذاكرة تقريبا 24 ساعة كأني مهبول الكلام هذا بالرياض وبعد الصفقة احس اني بالقصيم


هههههههههههههههههههه تخيلت الموقف
اما الولد الصغير والله النذاله بعينها

مشكور على المشاركة
والشكر للجميع على المشاركة

[ربيع الشمال]

شكراً لك اخي صاحب الموضوع

المواقف كثيره وبعض مواقف مريره ومحرجه

اذكر قبل حوالي الثمان سنوات كنت في رحلة احتطاب بوسط النفود الكبير

مابين حائل والجوف في ناحية الشرق

غرب قرية عذفاء وتبعد عنا الجوف حوالي الـ 100كيلوا

المهم في الليل صديقي المرافق في الرحله يراسل ويسولف بجهاز النداء

وفي الصباح عندما اردنا الانتقال بالسياره

رفضت ان تعمل لسبب ضعف الكهرباء في البطاريه نتيجة استخدام الجهاز

حاولنا ان نحدر السياره في احد القعاره القريبه

الا ان السياره في النفود تصبح ثقيله جداً ولاتتحرك الا بصعوبه بالغه

جلسنا على هذا الحال حوالي الـ 3 ساعات

طبعاً صليت ركعتين وتوجهت للباري عز وجل بأن يخرجنا من هذا الموقف

وبعدما طلعت الشمس حاول صديقي ان يطلب المساعده عبر جهاز النداء

وجاء الفرج من الله بعد التقاط اشارة النجده من قبل مجموعة من الشباب

العابرين في اتجاه عذفاء , حيث قرروا ان يسعفونا

وفعلاً قدموا الينا وقّدموا لنا المساعد وجرى شحن البطاريه بواسطتهم

فجزاهم الله عنا كل خير

ورحم الله قائدهم الذي وافاه الاجل قبل نحو عدة اشهر ,,

نسال الله ان يجعله من اهل الجنه ,,,,

اعتقد ان هذا الموقف من اصعب المواقف التي مرت عليه

واكرر شكري لكم اخي الكريم ,,,,,

[الصقر الحربي]

شكراً لك اخي صاحب الموضوع

المواقف كثيره وبعض مواقف مريره ومحرجه

اذكر قبل حوالي الثمان سنوات كنت في رحلة احتطاب بوسط النفود الكبير

مابين حائل والجوف في ناحية الشرق

غرب قرية عذفاء وتبعد عنا الجوف حوالي الـ 100كيلوا

المهم في الليل صديقي المرافق في الرحله يراسل ويسولف بجهاز النداء

وفي الصباح عندما اردنا الانتقال بالسياره

رفضت ان تعمل لسبب ضعف الكهرباء في البطاريه نتيجة استخدام الجهاز

حاولنا ان نحدر السياره في احد القعاره القريبه

الا ان السياره في النفود تصبح ثقيله جداً ولاتتحرك الا بصعوبه بالغه

جلسنا على هذا الحال حوالي الـ 3 ساعات

طبعاً صليت ركعتين وتوجهت للباري عز وجل بأن يخرجنا من هذا الموقف

وبعدما طلعت الشمس حاول صديقي ان يطلب المساعده عبر جهاز النداء

وجاء الفرج من الله بعد التقاط اشارة النجده من قبل مجموعة من الشباب

العابرين في اتجاه عذفاء , حيث قرروا ان يسعفونا

وفعلاً قدموا الينا وقّدموا لنا المساعد وجرى شحن البطاريه بواسطتهم

فجزاهم الله عنا كل خير

ورحم الله قائدهم الذي وافاه الاجل قبل نحو عدة اشهر ,,

نسال الله ان يجعله من اهل الجنه ,,,,

اعتقد ان هذا الموقف من اصعب المواقف التي مرت عليه

واكرر شكري لكم اخي الكريم ,,,,,




الحمد لله على السلامة يا ربيع الشمال
والله يرحمه ويسكنه فسيح جناته
شاكر ومقدر لك المشاركة

[كم كيلو باقي]

الحمدلله الحمدلله الحمدلله على سلامتنا وسلامتكم جميعا

[برق الرمة]

الحمد لله على سلآمتك ـَ

[ريان2002]

الشكر لصاحب الموضوع على فكرته الجميله
ومشاركتي سلمكم الله تتمثل في مايلي
قبل تقريبا 13 سنه كنت مسافر من الباحه للطايف بسياره بيوك موديل 83 وكان وقت الحادثه بين المغرب والعشاء
في الطريق وفي مكان مقطعه كنت داخل ملف وواجهتني سياره وقبل مايمر من جنبي ماأدري إش خلاني أطالع في المرايه الداخليه إلأ وأشوف فيها روؤس 3 رجاجيل كأنهم راكبين معي في المرتبه الخلفيه وأنا مسافر لوحدي بصراحه دب فيني الرعب
ولكن تعوذت من الشيطان وبقيت طول الطريق كل خمس دقايق أشغل كشاف معي وأناظربه في المرتبه الخلفيه وأرجع أطفيه إلين دخلت الشوارع المنوره في الطايف لأن النور الداخلي ماكان يشتغل وسلامتكم جميع

[الصقر الحربي]

الشكر لصاحب الموضوع على فكرته الجميله
ومشاركتي سلمكم الله تتمثل في مايلي
قبل تقريبا 13 سنه كنت مسافر من الباحه للطايف بسياره بيوك موديل 83 وكان وقت الحادثه بين المغرب والعشاء
في الطريق وفي مكان مقطعه كنت داخل ملف وواجهتني سياره وقبل مايمر من جنبي ماأدري إش خلاني أطالع في المرايه الداخليه إلأ وأشوف فيها روؤس 3 رجاجيل كأنهم راكبين معي في المرتبه الخلفيه وأنا مسافر لوحدي بصراحه دب فيني الرعب
ولكن تعوذت من الشيطان وبقيت طول الطريق كل خمس دقايق أشغل كشاف معي وأناظربه في المرتبه الخلفيه وأرجع أطفيه إلين دخلت الشوارع المنوره في الطايف لأن النور الداخلي ماكان يشتغل وسلامتكم جميع


العفو اخوي ريان

ومشكور على المشاركة

[الصقر الحربي]

..............

[الصقر الحربي]

............

[الصقر الحربي]

...............

[a7md al-q9em]

ماشالله موضوع شيق ..

لي عوده بعد صلاة المغرب ..

برب

[a7md al-q9em]

بسم الله الرحمن الرحيم ..

هاذي القصه ياطويل العمر حصلت قبل مده ليست بالبعيده..

طلعت من البيت الساعه 4 صباحاً وصلت المحافظه الي ابيها وهو يقيم صليت الفجر معهم ..

اول ماطلعت من المسجد دق علي خويي قال تجي لم البيت ..

مريته وقفت سيآرتي عند بيتهم ركبنآ الجيب ومشينآ ..

وصلنآ المكآن الي نبيه حوالي الساعه 7وعليهآ ..

تمشينآ بالشعيب وهاذي قميريه طيآر وهاذا فرق قميري ونتصيد وضحك وسوآليف ..

الوكآد تقريباً الساعه 9:30 نمشي شوي شوي ونسولف ..

الى الي طار من جنبنا قريب من عندنآ " كرك " يجي الـ 20 ..

والسواق لآشاف الطيور يجيه بلآ ههههههه ..

ويشد فينآ ولحق ورآهن ونطرح ثنتين ..

اول ماطاحن بالارض ..

والصوت من ورآي تسسسسسسسسسسسسسسسس تسسسسسسسسسسسسسسسس ..

الكفره الي ورآي رآحت فيهآ .. ابو الشباب خوينآ وطء له حصاه حآدهـ ( صعنون )..

والله يالحصاه تقل سكين والكفره بثواني نسمت علينآ لآن الشق كبير ..

الوكاد نوقف وننزل وطيورنآ نشوفهآ ماهي ببعيده عنا واحد مايتحرك والثاني كآسرينه ههههه ماغير يصآيح .

المهم ماهمنا الطيور اهم شي الكفر .. من المعتاد 10 دقائق بالكثير نفكها ونزبط امورنآ ..

المهم اول ماجينآ نفك الكفره اول صاموله عيت تنفك !!

ونحاول بالثانيه الثالثه الرابعه الخامسسه مافيه آمل عيت تنفك الصآموله مبوزهـ (متعلقه)..

طلعت كلهن مبوزات عين ينفكن .. الوكاد نحاول فيهن ه لين انفكن كلهن ..

ويوم نزلنا الاستبنه ونطالع بالصواميل السنون حقت الصواميل متكسره .. والي نركب فيه الصواميل متكسره سنونه ..

يعني الصواميل مستحيل تركب !! و الكفره مستحيل تركب ..

الشبكه حقت الجوال مافيه الكنود مافيه احد طلعت على اعلى مكآن ماشوف ولا ابن امه ..!!

وش نسوي وش نسوي والماء الي معنا القربه ماعاد بهى شي !!

واروح افك من الكفره الي قدام صآموله سنونهآ جديده ..

واحاول بهآ بعد عناء طويل ركبت ربعهآ فقط تخيل معي ربعهآ الي ربط ..!!

ونحاول بالباقيات وتركب صاموله ثانيه الى بالله ركبت موب ربعها لا والله ولا ثلث راسها الي ركب بس !!

هالحين الساعه 1 الظهر ..

واشاور خويي قال خلنآ نمشي عليهآ وعلى ربك .. ونروح نجيب طيورنأ .. ونمشي والكفره مربوطه بصامولتين ولا حتى نص ربط ..

ونركب ونشغل ونحرك الموتر ونمشي السرعه ماتعدى 10 والكفره ماغير تطلع اصوات وترج وتدور وحالتهآ صعبه ..

ومن شعيب بشعيب والكفره كل شوي نقول تبي تطيح فينآ هالحين ياربي سترك ..

الوكآد ربك ستر ماوصلنآ الـ 2 الظهر ولا صلينآ وذابحنا الظمى ..

وناصل للم محطه ونشرب ماء ونصلي بالمسجد وندق على خويانا ويجونا ونوقف الجيب عند البنشري قال البنشري مافيه آمل لآزم صوآميل من الوكآله ..

ونآخذ بنادقنا وصيدنآ ونمشي .. .. قسم بالله ماكان عندي آمل ولو ب 1% انا نبي نآصل .. بس ربك ستر

وسلآمتكم

سؤآل ..: لو آنك في مكآني وش تبي تسوي ..

[صاحب الذئب]

والله ياجرتلي مواقف تشيب الطفل وكثيره لاني راع مقناص واحب البر وسفريات وزود على هذا كله في لقافه وشغب من يوم انا صغير .
خذو هالمواقف
قصتي وانا في المقناص (http://www.mekshat.com/vb/showthread.php?t=314989)
قصتي وانا في سفري لمدينة جده (http://www.mekshat.com/vb/showthread.php?t=337264)

وزياده على هذه القصتين
مره طلعت السطح ابزبط الاريل عشان المباراه زمان قبل الدشوش وكان جاينا مطر من يومين والاريل بغرفه على السطوح يعني كاني بالدور الثالث وعلى الطرف الاريل يعني لو اطيح على الشارع
المهم حركت الاريل بيدي والله يالربع مسك يدي وبطني لصقت في الماصوره اللي حامله للاريل كهرباء جسمي كله وجلست اصرخ وجاء واحد ولما مسك جسمي تركني وابعد بعيد وهذا حدي بنفسي وبعد نصف ساعه صحيت متمدد على السطح ويدي وبطني كلها دم واشوف الاريل مكسور جنبي .
اسبوع وانا مااكل احس اني ولدت من جديد ولما سالت الشخص قلتله ليه تتركني قال جسمك كهرباء كله مااقدرت امسك نفسي نفضتني وعشان كذا ابعدت بعيد ويقولي اني ماطولت اصرخ انكسر الاريل وطحت فوق الغرفه.
الحمدالله على السلامه يارب
وموقف ثاني سوف اسرده بقصه بااذن الله

[a7md al-q9em]

والله ياجرتلي مواقف تشيب الطفل وكثيره لاني راع مقناص واحب البر وسفريات وزود على هذا كله في لقافه وشغب من يوم انا صغير .
خذو هالمواقف
قصتي وانا في المقناص (http://www.mekshat.com/vb/showthread.php?t=314989)
قصتي وانا في سفري لمدينة جده (http://www.mekshat.com/vb/showthread.php?t=337264)

وزياده على هذه القصتين
مره طلعت السطح ابزبط الاريل عشان المباراه زمان قبل الدشوش وكان جاينا مطر من يومين والاريل بغرفه على السطوح يعني كاني بالدور الثالث وعلى الطرف الاريل يعني لو اطيح على الشارع
المهم حركت الاريل بيدي والله يالربع مسك يدي وبطني لصقت في الماصوره اللي حامله للاريل كهرباء جسمي كله وجلست اصرخ وجاء واحد ولما مسك جسمي تركني وابعد بعيد وهذا حدي بنفسي وبعد نصف ساعه صحيت متمدد على السطح ويدي وبطني كلها دم واشوف الاريل مكسور جنبي .
اسبوع وانا مااكل احس اني ولدت من جديد ولما سالت الشخص قلتله ليه تتركني قال جسمك كهرباء كله مااقدرت امسك نفسي نفضتني وعشان كذا ابعدت بعيد ويقولي اني ماطولت اصرخ انكسر الاريل وطحت فوق الغرفه.
الحمدالله على السلامه يارب
وموقف ثاني سوف اسرده بقصه بااذن الله

هههههههههههه الاريل مكسور جنبك اضحك الله سنك ..

والحمدلله على سلآمتك ..

لآزم يكون فيه روح تضحيه عشآن المبآراه ..

شكلك نصراوي تحب تضحي :D

[صاحب الذئب]

هههههههههههه الاريل مكسور جنبك اضحك الله سنك ..



والحمدلله على سلآمتك ..


لآزم يكون فيه روح تضحيه عشآن المبآراه ..



شكلك نصراوي تحب تضحي :D


الله يسلمك يالغالي

قل خير ياشيخ:eek:

[الصقر الحربي]

بسم الله الرحمن الرحيم ..


هاذي القصه ياطويل العمر حصلت قبل مده ليست بالبعيده..

طلعت من البيت الساعه 4 صباحاً وصلت المحافظه الي ابيها وهو يقيم صليت الفجر معهم ..

اول ماطلعت من المسجد دق علي خويي قال تجي لم البيت ..

مريته وقفت سيآرتي عند بيتهم ركبنآ الجيب ومشينآ ..

وصلنآ المكآن الي نبيه حوالي الساعه 7وعليهآ ..

تمشينآ بالشعيب وهاذي قميريه طيآر وهاذا فرق قميري ونتصيد وضحك وسوآليف ..

الوكآد تقريباً الساعه 9:30 نمشي شوي شوي ونسولف ..

الى الي طار من جنبنا قريب من عندنآ " كرك " يجي الـ 20 ..

والسواق لآشاف الطيور يجيه بلآ ههههههه ..

ويشد فينآ ولحق ورآهن ونطرح ثنتين ..

اول ماطاحن بالارض ..

والصوت من ورآي تسسسسسسسسسسسسسسسس تسسسسسسسسسسسسسسسس ..

الكفره الي ورآي رآحت فيهآ .. ابو الشباب خوينآ وطء له حصاه حآدهـ ( صعنون )..

والله يالحصاه تقل سكين والكفره بثواني نسمت علينآ لآن الشق كبير ..

الوكاد نوقف وننزل وطيورنآ نشوفهآ ماهي ببعيده عنا واحد مايتحرك والثاني كآسرينه ههههه ماغير يصآيح .

المهم ماهمنا الطيور اهم شي الكفر .. من المعتاد 10 دقائق بالكثير نفكها ونزبط امورنآ ..

المهم اول ماجينآ نفك الكفره اول صاموله عيت تنفك !!

ونحاول بالثانيه الثالثه الرابعه الخامسسه مافيه آمل عيت تنفك الصآموله مبوزهـ (متعلقه)..

طلعت كلهن مبوزات عين ينفكن .. الوكاد نحاول فيهن ه لين انفكن كلهن ..

ويوم نزلنا الاستبنه ونطالع بالصواميل السنون حقت الصواميل متكسره .. والي نركب فيه الصواميل متكسره سنونه ..

يعني الصواميل مستحيل تركب !! و الكفره مستحيل تركب ..

الشبكه حقت الجوال مافيه الكنود مافيه احد طلعت على اعلى مكآن ماشوف ولا ابن امه ..!!

وش نسوي وش نسوي والماء الي معنا القربه ماعاد بهى شي !!

واروح افك من الكفره الي قدام صآموله سنونهآ جديده ..

واحاول بهآ بعد عناء طويل ركبت ربعهآ فقط تخيل معي ربعهآ الي ربط ..!!

ونحاول بالباقيات وتركب صاموله ثانيه الى بالله ركبت موب ربعها لا والله ولا ثلث راسها الي ركب بس !!

هالحين الساعه 1 الظهر ..

واشاور خويي قال خلنآ نمشي عليهآ وعلى ربك .. ونروح نجيب طيورنأ .. ونمشي والكفره مربوطه بصامولتين ولا حتى نص ربط ..

ونركب ونشغل ونحرك الموتر ونمشي السرعه ماتعدى 10 والكفره ماغير تطلع اصوات وترج وتدور وحالتهآ صعبه ..

ومن شعيب بشعيب والكفره كل شوي نقول تبي تطيح فينآ هالحين ياربي سترك ..

الوكآد ربك ستر ماوصلنآ الـ 2 الظهر ولا صلينآ وذابحنا الظمى ..

وناصل للم محطه ونشرب ماء ونصلي بالمسجد وندق على خويانا ويجونا ونوقف الجيب عند البنشري قال البنشري مافيه آمل لآزم صوآميل من الوكآله ..

ونآخذ بنادقنا وصيدنآ ونمشي .. .. قسم بالله ماكان عندي آمل ولو ب 1% انا نبي نآصل .. بس ربك ستر

وسلآمتكم

سؤآل ..: لو آنك في مكآني وش تبي تسوي ..





أول شي الحمد لله على سلامتكم

سؤآل ..: لو آنك في مكآني وش تبي تسوي ..

والله أمري لله أبحاول بأي طريقة واللي فيها فيها

شاكر ومقدر لك أخوي أحمد

[a7md al-q9em]

أول شي الحمد لله على سلامتكم

سؤآل ..: لو آنك في مكآني وش تبي تسوي ..

والله أمري لله أبحاول بأي طريقة واللي فيها فيها

شاكر ومقدر لك أخوي أحمد

[/CENTER]


الله يسلمك يآولد آلعم ..:good2:

[الصقر الحربي]

والله ياجرتلي مواقف تشيب الطفل وكثيره لاني راع مقناص واحب البر وسفريات وزود على هذا كله في لقافه وشغب من يوم انا صغير .
خذو هالمواقف
قصتي وانا في المقناص (http://www.mekshat.com/vb/showthread.php?t=314989)
قصتي وانا في سفري لمدينة جده (http://www.mekshat.com/vb/showthread.php?t=337264)

وزياده على هذه القصتين
مره طلعت السطح ابزبط الاريل عشان المباراه زمان قبل الدشوش وكان جاينا مطر من يومين والاريل بغرفه على السطوح يعني كاني بالدور الثالث وعلى الطرف الاريل يعني لو اطيح على الشارع
المهم حركت الاريل بيدي والله يالربع مسك يدي وبطني لصقت في الماصوره اللي حامله للاريل كهرباء جسمي كله وجلست اصرخ وجاء واحد ولما مسك جسمي تركني وابعد بعيد وهذا حدي بنفسي وبعد نصف ساعه صحيت متمدد على السطح ويدي وبطني كلها دم واشوف الاريل مكسور جنبي .
اسبوع وانا مااكل احس اني ولدت من جديد ولما سالت الشخص قلتله ليه تتركني قال جسمك كهرباء كله مااقدرت امسك نفسي نفضتني وعشان كذا ابعدت بعيد ويقولي اني ماطولت اصرخ انكسر الاريل وطحت فوق الغرفه.
الحمدالله على السلامه يارب
وموقف ثاني سوف اسرده بقصه بااذن الله


الحمد لله على السلامة
ههههههههه

احمد ربك انك طحت فوق الغرفة

والله قصص مضحكة ومخيفة في نفس الوقت

سلمت على المشاركة يالذيب

وعجلنا بقصتك الجاية

[عاشق الماركيز]

الموقف الي مافيه امل انساه اول ايام العيد قبل سنتين تقريبا كنت طالع انا وواحد من اخوياي للشرقيه الفجر المهم وصلنا الشرقيه فرينا مالقينا احد رجعنا للرياض العصر ودقينا على اخويانا قالو حنا بالثمامه قلنا بنجيكم ورحنا هناك العيال كلهم الي دددتسن والي جيب والي هايلكس وحنا كراون فكتوريا المهم تغدينا وفليناها وطلعنا عند محطة الخزام كنا موقفين الموتر وواحد من العيال الله يهديه تحدا راعي الفورد يطعس وخوينا في العجه كلنا ركبنا الفورد وخلو مواترهم في المحطه ودخلنا ومع السرعه دخل اشوي ونشب وحاول يمين يسار جانا اليل وحنا بمكانا مافيه امل تطلع ورحنا نمشي لين نزلنا ومالقينا الى سكرا يفحطون وناديناهم وياليتنا مانديناهم بغو يدعسونا وتضاربنا معهم المهم فكونا العالم الي حولنا طلعنا على الشارع وجونا المجاهدين جيب وماقصرو طلعو الموتر هاذا اليوم الي مافيه امل انساه

[الصقر الحربي]

_______ للرفع ______

والحمد لله على سلامة الجميع

[Ra3e aljeep]

حيالله كلاً بأسمه ورسمه
المواقف كثيره ولكن هذا الموقف من اصعبها ..
كنت في الطائف وطالع من البيت رايح للمغسلة في حي الدهاس
مريت من شارع سيدين فيه بيت حوله مواتر كثيرة يوحي بأن عندهم مناسبة ولا يوجد سوى ممر لسيارة واحده بين الرصيف والسيارات .
كان فيه شباب اعمارهم على 16 و 17 تقريباً على الرصيف بين السيدين يكبون باقي الاكل في الزبالة للأسف
وانا سرعتي حول 40 او 45
جاني شعور غريب جداً يالربع تخيلت ولد بيقمز من بين المواتر يروح للشباب .. سبحان الله
ما امداني اشعر واهدي إلا ... ولد عمره تقريباً 3 سنوات يركض قاطع الشارع .. يالله سترك
آآآآآآآآآآآه وادعسه بالسيارة ..
اضلمت الدنيا في وجهي يا اخوان والله ما اشوف غير خيال راسه عند التمثال ..
اسمع صوت تحت السيارة قربعه .. سبحان الله كأنك داعس قطو والله يا اخوان ..
انظر في الرآه الجانبية وسبحان اللي خلقه .. متلوي على بعضه .. لا إله إلا الله
الحمد لله السيارة عدت من فوقه ما توطته الكفرات ..
والله كأني اشاهده الآن .. الحادثه هذي قبل 25 سنه 1407 هـ
المهم .. وقفت السيارة بسرعه وانطلقت للولد والشباب رموا اللي في ايديهم وانطلقوا وراي .. يتوقعون اني بنحاش !!
شلت الولد بين يديني واتجهات للسيارة ناوي مستشفى النهضة ..( للناس اللي يعرفون الطائف )
لحقوني الشباب واحد راح يجيب سيارة والثاني قالي خل الولد عنك ..
مالكم بالطويلة .. الاطفال اللي شافوا الموقف راحوا ركض ينشرون الخبر المفزع ان فلان دعسته سيارة ومات .. !!
خرج كا من كان في البيت واولهم ابوه يسب ويشتم وله الحق من الغضب وما عنده خبر بحيثيات الموقف
توقع انني من الشباب المتهورين جاي ماشي طبلون سيارته ..
ركب كثير منهم للمستشفى وجاء بعضهم يطمئننا ان الولد بخير وعافيه لم يصب بغير خدوش واغماء من الصدمه
عاد ابوه قبل رأسي واعتذر وقال سامحنى على الفاظي انا اب وشعور الاب افقدني شعوري ..
وانتهت المصيبه يالله لك الحمد على غير المتوقع
آسف على الإطاله .. الموقف له تفاصيل اكثر ولكن اكتفيت بالزبده
وهذا من اصعب المواقف في حياته ولن انساه ما حييت
اشكرك اخي الحربي

[YOU1]

مره كنت مصلح سيارتي مركب لها هيئه امامية وكان بعد العشاء والمحل يادوب صلح سيارتي وقفل وكان مستعجل .. المهم بعد ماحاسبتة مشيت بالسيارة راجع للبيت مسافة 30 كيلو تقريبا وقبل لا اوصل للبيت قلت امر واشري خبز.. ويوم وقفت وشريت الخبز وركبت السياره ورجعت نص متر يمكن طاح الكفر اليمين....!!! اثره يمكن ماشد الصواميل من العجله .. واشوي انة ماطاح علي بالدرب ...كان علوم... الله ستر.

[باث 3]

موضووع جمييل جدا:)

مره من المرات قبل تقريبا 10 سنوات كنا في الطائف مصيفين :lrالمهم وفيه محل قريب من عندنا محل أبو ريالين نبي نشتري كوره أنا وولد عمي المهم قطعنا الشارع الأول وقطعنا الشارع الثاني إلا أسمع صووت البرييييييك :eek:
ويصقعنا راعي ددسن غماره قديمه عليها شد أسود(ما أنسااه) ولد عمي صقعه صدام الموتر من الزاويه ودخل تحت الصدام والله يا أخوان بغا يدعسه الكفر لاكن ربي سلمه
وخويكم طار تقريبا 5 أمتار و5 أمتار زحف ولله الحمد ,والله لم نصب إلا بكدمات بسيييطه جدا لاكن جانا نوع من الهستيريا والله أنا يا شباب قمنا نضحك من الروعه..
وكملنا طريقنا وشرينا كووره ورجعنا الشقه والكل منا ساكت خايفين نعلم أهلنا ويحرمونا من الطلعه خخ..

وأتمنى أنا تحوز إعجابكم..

تحياتي

[عيسى عبد الله]

موضووووع جميل لاهنت
بس قصتي لو اذكرها لكم اخذت 10سنوات ونت تضحك وطويلة جدااااا

شاكرلكم

[عاشق الجكسار]

الموقف الذي لن انساه مهما حدث
والله ياشباب وانا على الخط السريع امشي180 والا قدامي نيفار تمشي 140 واتجوزها اكتاف والا والموتر
لف على التراب ولا السيارة تقوم تخمس فيني شلون ماصدم راعي النيفارا مدري وربك ستر وبعدها مانعدى80
لمدة اسيوع

[خالداللهيبي (ابو احمد)]

قبل سنوات في البر معي جيب قديم بالليل تقريبا الساعه 12 رايح يم خويا عندهم خيمه والمنطقه مافيها ارسال تعطلت السياره وصار التماس يعني مافيه امل
تركتها وقلت امشي يمكن انهم ماهم بعيد على الوجهه اللي متاكدمنها
مشيت يمكن ساعه
المنطقه مهجوره والله اني اسمع اصوات من كل جهه
لكن ماعاد ينفع الكلام
بعد ها

واشوف نور سياره
وفرحت وغيرت وجهتي يمهم
قبلت عليهم واليا واحد فرش الفراش
وجالس عليه والثاني بالموتر مااشوفه
ومطفين النور قربت عنهم
150 متر وقلت المفروض اني اكلمهم من بعيد حنا في بر
طبعا انا لابس ثوب اسود للبرد وعلى راسي عمامه ملونه ومن المشي حالتي حاله
قلت
السلام عليكم يالربع
تراني متعطله سيارتي قريب منكم وابي الفزعه

الا وااشوف اللي جالس خم الفراش بسرعه وهو يصارخ مدري وش يقول
لكن كنه يقول لخويه جني هههه

شغل بسرعة البرق وفحط علي خلاني في غبار وانا واقف ميت من الضحك
واصلت المشي
وصلت لربعي وقبلت عليهم وهم قاعدين حول النار

والحين سويتها متعمد غيرت مشيتي وتلطمت وجيتهم امشي واقف
والله ان الدم جمد في عروقهم لين وصلتهم وهم سكوت
من المفاجاه
واوريهم وجهم ونموت من الضحك وعمري ماانسا هالموقف 0

تحياتي لكم

[الصقر الحربي]

قبل سنوات في البر معي جيب قديم بالليل تقريبا الساعه 12 رايح يم خويا عندهم خيمه والمنطقه مافيها ارسال تعطلت السياره وصار التماس يعني مافيه امل

تركتها وقلت امشي يمكن انهم ماهم بعيد على الوجهه اللي متاكدمنها
مشيت يمكن ساعه
المنطقه مهجوره والله اني اسمع اصوات من كل جهه
لكن ماعاد ينفع الكلام
بعد ها

واشوف نور سياره
وفرحت وغيرت وجهتي يمهم
قبلت عليهم واليا واحد فرش الفراش
وجالس عليه والثاني بالموتر مااشوفه
ومطفين النور قربت عنهم
150 متر وقلت المفروض اني اكلمهم من بعيد حنا في بر
طبعا انا لابس ثوب اسود للبرد وعلى راسي عمامه ملونه ومن المشي حالتي حاله
قلت
السلام عليكم يالربع
تراني متعطله سيارتي قريب منكم وابي الفزعه

الا وااشوف اللي جالس خم الفراش بسرعه وهو يصارخ مدري وش يقول
لكن كنه يقول لخويه جني هههه

شغل بسرعة البرق وفحط علي خلاني في غبار وانا واقف ميت من الضحك
واصلت المشي
وصلت لربعي وقبلت عليهم وهم قاعدين حول النار

والحين سويتها متعمد غيرت مشيتي وتلطمت وجيتهم امشي واقف
والله ان الدم جمد في عروقهم لين وصلتهم وهم سكوت
من المفاجاه
واوريهم وجهم ونموت من الضحك وعمري ماانسا هالموقف 0


تحياتي لكم




هههههههههههههه
عز الله انه موقف مضحك ياخالد

والحمد لله على انك حصلت ربعك

[عطر الحكي]

السلام عليكم ورحمة الله وبركاته
موضوع شيق وجميل بالنسبه لي انا تعرض لموقف لان انساه حتى الان
كنت مسافر من المدينة للقصيم قبل الطريق السريع مع القديم بالليل وتعطلت سيارتي عند الحيسونيه وكان الجو برد وقت شتاء اوقفت السياره على جنب ومدري وش فيها ماهي راضيه تشتغل وانا ماعرف شي في صيانة السيارت خاصة السياره امريكي اتومتيك يمين يسار مادري وش فيها وكنت لحالي المهم وقتها الجوال بعشرة الاف مامعي جوال اشرت ساعتين محد وقف لي وجلست لين طلع الصبح صليت الفجر وجلست اشر المشكله ختى امن الطرق ماشفتهم طول الليل وقف لي واحد الصبح متلثم ومعي جيب قال سلامات قلت الله يسلمك السياره تعطلت ومادري وش فيها نزل حاول ماضبطت معه قال اوصلك قلت ياليتالمهم يوم ركبت معه كان حاط بيني وبينه فرره وبشت وشفت طرف الفروه رشاش كلاشن شوف طبعا انا وقتها صغير بالسن طبعا خفت بصراحه رشاش وشخص متلثم شي يخوف المشكله مايتكلم من ركبت وهو ساكت وكل شوي يناظر فيني نظرات غريبه ومريبه طبعا الوقت صبح والطريق شبه فاضي المهم وصلنا لمحطه قلت وقف بالمحطه بشوف لي مهندس قال هذي المحطه مافيه احد الناس نايمه خلنا نشوف قدام قلت لا وقف هنا قال انا اعرف المحطه هذي مافيه احد يؤؤؤؤؤ بداء الخووف معي بشكل خطير المهم وصلنا لمحطه ثانيه قلت وقف هنا قال طيب وقفنا مالقيت احد قلت له شكرا ماقصرت خلاص روح انا بنتظر هنا قال مايصير لازم اوصلك قلت لا روح شكرا قال حرام غير تركب وش تسوى هنا لحالك يؤؤؤؤ بداء الخوف مره اخرى بس انا قررت ماركب معه نهائيا راح ورجع مره ثاييه قال اركب رفضت مادري وش يبي مني قال انت خايف قلت لا قال الا خايف قلت له لا ضحك وقال اركب لاتخاف يابن الحلال وثقت فيه نسبيا وركبت المهم قام يسرع بشكل كبير الطبلوون للاخر قلت هدي يابن الحلال وراك مسرع قال ابدا لاتخاف قلت بيني وبين نفسي الا والله ورطنا وقمت افكر كيف اتخلص من هالنشبه صادفنا نقطة تفتيش بالطريق قلت حلوووو اللحين استفزع امن الطرق المهم هو ارتبك وتلخبط وقام يخبي الرشاش تحت الفروه ويحط ايده بجيوبه مرتبك مررره قال لي امن الطرق مشكله قلت بالعكس وصلنا النقطه قالوا له ارخصه واثبات اللى معك عطاهم الرخصه واثباتي قال العسكري لبق على جنب قال وش فيه قال عندك سرعه المهم قال طيب يوم تعدى شوي دعس وشرد وانا معه قلت وقف وش فيك قال ماعليك منهم هذولا بيعطوني قسيمه المهم لحقنا جيب امن الطرق صارت مطارده قلت وقف لاتنكبنا يابن الحلال اثباتتنا معهم وش فيك ماتوقف قال لي اسكت ياووورع افا ورع مره وحده طبعا سكت خفت يقلب فينا قلت الله يسامحك ياشيخ ماتجي منك قال انثبر بس عرفت انه ماهو طبيعي ابدا شكله حق حبوب المهم الجيب ورانا مشغل السفتي وهو داعس شوي الجيب اختفى قال ضيعناهم قلت اثباتتنا معهم كيف ضيعتهم جايبنا جايبنا ضحك قال ماعليك المهم شوي الا فيه نقطه ثانيه هداء السرعه ولبق يمين الخط ونزل يوم نزل وانا اطمر واني محل السواق وادعس طبعا لحق فيني بس رحت عنه قال وقف وقف رحت بعيد عنه وتجهت لنقطة التفتيش ولا هم واقفين وملاحظين الوضع عن بعد واوقف عندهم صراحه كنت مرتبك شوي قال العسكري وش فيك سلامات وانا اقول لهم القصة قالو اصلا فيه بلاغ عنكم قلت هذي القصه راحو للرجل ومسكوه وجابوه مكلبش وفتشو الجيب ولقوا السلاح ولقو حبوووب كثيره معه المهم قالوا انت مالك شغل وتصرفك كان سليم وشكروني وهو يسب فينه ويلعن ويقول هذا جزاء المعروف المهم ساعدوني امن الطرق وصلحت الموتر ورجعت لاهلي سالم معافى وهذاك مدري وش صار فيه للحين وسلامتكم
واسف على الاطاله

[ملك الفكتوريا]

أنا قصتي غير



دق علي أعز أخوياي وقال ما ودك نمشي؟

قلت له مو مشكلة


ومشينا في بر وبه طريق مزفلت يقطعه والجو زين لا برد ولا حر


وبنص الطريق انقطعت النعال وانتوا بالكرامة

ضايقتني ورميتها


المهم كان فيه بوابة وتعديناها ويجيني شعور غريب


واقول لخويي قول اعوذ بكلمات الله التامات من شر ما خلق


قلناها ونسولف وشوي احس بشي يلتف على رجلي احسه سيم


واشوته قدام إلا هو أم جنيب وقفنا نناظر بذهوول


طار عقلي ورجعنا وبالطريق صادفنا احد الشباب روكبنا معه ورجعنا


هذا أصعب موقف وصار عندي حساسية من الشئ هذا إلى اليوم

لدرجة اي شئ يلمس رجلي يبدأ مسلسل المناقز ولو قدام الملك ما اقدر الدعوة نفسية










بس اللي افكر فيه وش اللي اخر ام جنيب ما تلدغ وكيف جت من وراي وليه؟!!!!!!!!

[ولد الأجاويد]

المواقف كثيرة وشي نسيته

لكن هالموقف فيه عظة وعبرة


مرة رجعت للبيت ومعي عيالي كانوا عند خوالهم
ودخلنا البيت الساعة 12.00 ليلاً
بنتي الكبيرة عمرها ذاك الوقت ست ينوات نامت عند خوالها
وعيالي الاثنين أعمارهم أربع وثلاث سنوات
أبو أربع طفل مصاب بالتوحد يعني ما يعرف يتصرف
والصغير توه ما يدرك

دخلت أنا وأمهم لغرفة ألعابهم وعادتنا نقفل الغرفة علشان ولدنا ما يحوسها
فتحنا الغرفة والمفتاح على الباب شوي وإلا الولد أبو ثلاث سنوات يحط يده على الباب ويسكره ويقفل الباب علي أنا وأمه
تخيل الموقف لا جوال معنا ولا تلفون ثابت بالغرفة
والغرفة بالدور الأرضي وآخر البيت ومنتصف الليل يعني اقعد بها
تخيل أنك محجور في بيتك وا تقدر تسوي شيء
المهم العيال أناديهم يا ولدي افتح الباب اللي قفلته شوي وإلا الولد يخاف ويقوم يصيح وضاعت علومه
جلس عند الباب يصيح
أمهم مرتبكة ماتدري وش تسوي
وخويكم ما بين نفسيات العيال وما بين أزمة الموقف

شوي وإلا ألقالي حديدة محطوطة على جنب وأحاول أفتح الشباك اللي على الحوش بالحديدة
ومابين تنزيل الشباك وتكسير شبك الحرامي الحماية علوم وعلوم
تقريباً قعدنا على هالحال أكثر من ساعتين وقرب الفجر يطلع شوي وأفتح فتحة بالحديدة بين شبك الحرامي وأطلع نفسي منه
طبعاً أنا نحيف ووالل لو وزني زايد واحد كيلو ما تحركنا من مكاننا
وأحشر نفسي بين الحديد ومن يمين ومن يسار وهاه وهاه
ويالله طلعت
طبعاً وقت الجد ما أحس بالآلام والجروح يا حبيبي السلامة ما يعدلها شيء
واطلع وأفتح باب الحوش وأفتح باب الغرفة وتطيع أمهم وتخمهم ويخمونها ويحضنون ببعض
وأنا يا غافلين لكم الله ما أحد يحضني

والله أن الموقف ما تتخيلون صعوبته في وقتها
وهذا الكلام في 1427هـ

والله يستر علينا وعليكم

الله يجزاكم خير اقرو توقيعي تكفون لبوا لي طلبي

[* Storm *]

**

موقف حصل لي قبل قرابة شهر وشوي

كنت ذاهب لكليـة الفارابي لطب الاسنان عندي أختبار .. ومتأخر

فأسرعت وأول مره خوف ان يتعدى وقت الأخــبار كنت امشي 160

وكنت على شارع الاستاذ تقاطع دوار جابر

كان في موتر ددسن مهدي انا ماشي الفين هههههههه

ابطوف يعني بتعدا مستعجل

وفجأة لف علي بقوة كنت بجنبه بالضبط

حذفت يمين ومييييير اناضر يمييني نخل ويساري حجر وكل شوي أشوف النخل والجحر السيارة

تلعب يمين يسار ولين ماوقفت

والله ياصليت ركعتين وجسمي بارد ورجلي تصافقت بعضضها لين ماداخت

وتوبت السرعه مهما كانت الضروف

وجزاك الله الف خير :) على موضووعك الرائع

[الربذي]

السلام عليكم ورحمة الله وبركاته


وعليكم السلام صراحة موضوعك غير والله اني عشت معك الجوا زين ماقلبتم زين مااطلقوا عليكم النار الحمد لله على سلامتك صح قديمة بس كانت قصه خطيرة جدا

[الصقر الحربي]

حيا الله الجميع

^^^^^^^^^^^^^^^^

شاكر لكم التفاعل مع الموضوع

والحمد لله على سلامتكم جميع

[abo rseel]

بصراحه روعه خشيت معكم جو بهالسوالف

ومافي اشين من انه يشد معك عضل وانت تسبح ههههههههههههههههههههههههههههه

تحياتي لكم والحمدلله ع سلامتكم جميعا

[FAPioO]

هذا مره كان واحد من اخوياي عنده حيه
وخويكم مااااايواطن الحيايا والزواحف بشكل عام
المهم انه كان يقول لي انه ركبها بالسياره ولاعاد لقاها مايدري هي طلعت برا السياره ولا وين راحت
المهم جلس شهرين مايدري وينها
الوكاد اني كنت راكب مع وطالعين من الدايري الغربي ع الدايري الشمالي واحنا بالفه سمعت صوت تسسسس تسسسس تسسسسسسسسسسسس
انا ذرقت والدين العافيه قلت بسسسسسس هاذي ملعونت الوالدين قمت رفعت رجليني واطلطل تحت المرتبه مررررررتااع شوي
خويي هدا شوي والى الموتر يفتر فينا ويرد وجهه وصار يمشي بالريوس واشووف قدام الى قدامنا راس تريله فلفوا جديييد<<ما انسى علامتها طول عمري

ويسترها رب العالمين ونطمر الرصيف ونتكوم فوقه وطلع صوت تسسس تسسس من الكفر منسم ويوم هدا خويي بركت السياره على الكفر وهجت




وهذي موقف ثاني صار لي في شعيب دقله
جالس انا والشباب وكان الوقت حول 3 الفجر المهم جالسين يسولفون بالجن ومالجن ونص السوالف فقش<<معنا واحد مايواطن الجن يخاااف منهم ومتسلطين عليه
المهم ويلتفت علي خويي ويقول خل نروع فلان قلت بسسس عندي انا بروعه
المهم قلت تصبحون على خير انا بدخل ارقد وادخل من باب الخيمه والبس الفروه واتلطم بشماغ اسود واطلع من الجهه الثانيه وانصى الشباب بالجلسه وانا اسمع خوينا الخواف يقول انا بروح اطير الشراب(اكرمكم الله) قلت بسس هذي فرصتك وانا اركض بالبحص وانبطح وظلااااام مايقدر يشوفني ويجي طويل العمر هههههه
ابد ماوقف الى عند رجولي هههههههه
واقوم عليه واقول اااااااااااااااااااع وهو الي يبقسني ذاك البقس الي فر خشتي
انا من الحماس قلت ااااااع ععع ااع<<شرقت معد عرفت اتكلم خخخخخ وهو يبقسني الثاني
وعليها عجزت اقوم واخوياي فاااااااجرييين ضحك ماقدر يمشون من بطونهم

وهذا الي عندي الحين والسوالف كثيييره وكل ماذكرت شي بقوله هنا

[محمد النجدي]

السلام عليكم ورحمة الله وبركاته

أولا أشكرك أخي الغالي على طرح هذا الموضوع الجميل


ثانيا : لدي العديد من القصص سأذكر أحدها فقط اليوم ولعل الباقي يأتي في الأيام القادمة


كنا في الرياض وقررنا نحن مجموعة من الزملاء الذهاب إلى المنطقة الشرقية وكان الوقت اجازة نهاية الاسبوع

وكان الجو رائعا
محدثكم مريض بالربو والبخاخ منذ 25 سنة لم يفارق جيب ثوبي أسأل الله لي ولجميع المسلمين الشفاء


ذهبنا الى الشقه في الخبر وجلسنا فيها وقرر الشباب الذهاب الى البحر للسباحة

طبعا لبسنا الملابس الخاصة بالسباحة وأول ما وصلنا البحر في شاطي نصف القمر في اخره تقريبا

قمنا بالنزول في البحر وبعد تقريبا نصف ساعة من السباحة والطرطشة والاستمتاع بدأت أشعر بالكتمه (بداية ضيق التنفس)

قلت للشباب انا ابي اطلع من البحر ولم اخبرهم عن السبب

طلعت ورحت للسيارة وأول ما شفت المنشفه وملابس الرياضة الي انا جايبهم معي تذكرت أن البخاخ الخاص بالربو ليس معي وقد نسيته في ثوبي بالشقة

قلت ابي اجلس شوي وتفك الأزمة من حالها

قعدت خمس دقايق وكل مال التنفس يضيق

الآن بديت اشعر بالكتمة تزيد قلت خل اطبق وضع الجلوس يمكن ارتاح شوي , ولا فائدة

طلع احد زملائي وقلت شف جيراننا وكان الشاطئ فيه ناس ليسوا بالكثيرين

سألهم وكان الجواب لا وللأسف


الان انا اتنفس بصعوبة والخوف بدأ يدخل إلي


أشرت لزميلي وصديقي بالركوب بالسيارة

اصبحت لا استطيع الكلام والتنفس يمكن 5% فقط

يعلم الله اشعر بأن الرئتين اغلقت تماما ولا تقبل ذرة من الهواء

شعرت بأنها التصقت بأضلعي وتمنيت لوانني ادخل يدي لفكهما للسماح للهواء بالدخول


صديقي رأى حالتي تسوء

فأسرع الى مستوصف سلاح الحدود الذي كان يبعد تقريبا عنا مسافة 5كم

ووالله انني رأيت الموت أمامي

عيناي احمرتا والدموع تنهمر منهما وصدري ضائق بي

عندما وصلنا الى سلاح الحدود كان هناك عسكري مقفل البوابة فقال له صديقي معي حالة اسعافية ونريد المستوصف

فقال ادخلوا

توجهنا الى المستوصف ولم نجد احدا ووجدت لوحة مكتوب عليها الصيدلية

بلاشعور وبدون تفكير فتحت الباب وانا في حالة دوخه ويالله أمشي بس الفرار من الموت

لم اجد الصيدلي بالداخل فصرت كالأم التي ضيعت إبنها بل والله أشد

قلبت عيوني بين الأدوية أبحث عن بخاخ الفنتولين الخاص بالربو

وسبحان الله وجدته وقمت بتمزيق الكرتون وأثناء ذلك دخل دكتور الصيدلية وهو يصيح فينا ويهاوشنا

بس بعد ما شافني استخدم البخاخ وأن دخولنا للبحث عن الفنتولين هدأ وأذكر كلمته (بتعرف تستخدمه )


بالعادة بخاخ الفنتولين يفتح الصدر من بخة أو بختين

تصدقون يالربع أني بخيت عشر بخات ولم تفتح الرئتين

وجلست ابخ الين ولله الحمد انفتحت رئتيني
عشت دقائق عصيبه ولكن الله سلم ولل احمد والمنة
حتى صديقي كن يقول توقعتك أن تموت معي بالسيارة


اقسم بالله أنني رأيت الموت وتشهدت

معلومة ( النسبة لمعدل الوفيات بسبب الربو حول العالم فتقدر بحوالي 180000شخص سنوياً حيث يتوفى في كندا 10مصابين بالربو اسبوعياً )

كنت ولازلت احمل البخاخ بجيبي والشافي هو الله

دعائكم يا اخوان أن يشفيني الله ويشفي مرضى المسلمين

[الصقر الحربي]

هذا مره كان واحد من اخوياي عنده حيه
وخويكم مااااايواطن الحيايا والزواحف بشكل عام
المهم انه كان يقول لي انه ركبها بالسياره ولاعاد لقاها مايدري هي طلعت برا السياره ولا وين راحت
المهم جلس شهرين مايدري وينها
الوكاد اني كنت راكب مع وطالعين من الدايري الغربي ع الدايري الشمالي واحنا بالفه سمعت صوت تسسسس تسسسس تسسسسسسسسسسسس
انا ذرقت والدين العافيه قلت بسسسسسس هاذي ملعونت الوالدين قمت رفعت رجليني واطلطل تحت المرتبه مررررررتااع شوي
خويي هدا شوي والى الموتر يفتر فينا ويرد وجهه وصار يمشي بالريوس واشووف قدام الى قدامنا راس تريله فلفوا جديييد<<ما انسى علامتها طول عمري

ويسترها رب العالمين ونطمر الرصيف ونتكوم فوقه وطلع صوت تسسس تسسس من الكفر منسم ويوم هدا خويي بركت السياره على الكفر وهجت




وهذي موقف ثاني صار لي في شعيب دقله
جالس انا والشباب وكان الوقت حول 3 الفجر المهم جالسين يسولفون بالجن ومالجن ونص السوالف فقش<<معنا واحد مايواطن الجن يخاااف منهم ومتسلطين عليه
المهم ويلتفت علي خويي ويقول خل نروع فلان قلت بسسس عندي انا بروعه
المهم قلت تصبحون على خير انا بدخل ارقد وادخل من باب الخيمه والبس الفروه واتلطم بشماغ اسود واطلع من الجهه الثانيه وانصى الشباب بالجلسه وانا اسمع خوينا الخواف يقول انا بروح اطير الشراب(اكرمكم الله) قلت بسس هذي فرصتك وانا اركض بالبحص وانبطح وظلااااام مايقدر يشوفني ويجي طويل العمر هههههه
ابد ماوقف الى عند رجولي هههههههه
واقوم عليه واقول اااااااااااااااااااع وهو الي يبقسني ذاك البقس الي فر خشتي
انا من الحماس قلت ااااااع ععع ااع<<شرقت معد عرفت اتكلم خخخخخ وهو يبقسني الثاني
وعليها عجزت اقوم واخوياي فاااااااجرييين ضحك ماقدر يمشون من بطونهم

وهذا الي عندي الحين والسوالف كثيييره وكل ماذكرت شي بقوله هنا

ههههههههههههههههههههههههههههه

الله يرج بليسك


شاكر لمرورك
وعجل علينا بمواقفك الثانية

[الصقر الحربي]

السلام عليكم ورحمة الله وبركاته


أولا أشكرك أخي الغالي على طرح هذا الموضوع الجميل


ثانيا : لدي العديد من القصص سأذكر أحدها فقط اليوم ولعل الباقي يأتي في الأيام القادمة


كنا في الرياض وقررنا نحن مجموعة من الزملاء الذهاب إلى المنطقة الشرقية وكان الوقت اجازة نهاية الاسبوع

وكان الجو رائعا
محدثكم مريض بالربو والبخاخ منذ 25 سنة لم يفارق جيب ثوبي أسأل الله لي ولجميع المسلمين الشفاء


ذهبنا الى الشقه في الخبر وجلسنا فيها وقرر الشباب الذهاب الى البحر للسباحة

طبعا لبسنا الملابس الخاصة بالسباحة وأول ما وصلنا البحر في شاطي نصف القمر في اخره تقريبا

قمنا بالنزول في البحر وبعد تقريبا نصف ساعة من السباحة والطرطشة والاستمتاع بدأت أشعر بالكتمه (بداية ضيق التنفس)

قلت للشباب انا ابي اطلع من البحر ولم اخبرهم عن السبب

طلعت ورحت للسيارة وأول ما شفت المنشفه وملابس الرياضة الي انا جايبهم معي تذكرت أن البخاخ الخاص بالربو ليس معي وقد نسيته في ثوبي بالشقة

قلت ابي اجلس شوي وتفك الأزمة من حالها

قعدت خمس دقايق وكل مال التنفس يضيق

الآن بديت اشعر بالكتمة تزيد قلت خل اطبق وضع الجلوس يمكن ارتاح شوي , ولا فائدة

طلع احد زملائي وقلت شف جيراننا وكان الشاطئ فيه ناس ليسوا بالكثيرين

سألهم وكان الجواب لا وللأسف


الان انا اتنفس بصعوبة والخوف بدأ يدخل إلي


أشرت لزميلي وصديقي بالركوب بالسيارة

اصبحت لا استطيع الكلام والتنفس يمكن 5% فقط

يعلم الله اشعر بأن الرئتين اغلقت تماما ولا تقبل ذرة من الهواء

شعرت بأنها التصقت بأضلعي وتمنيت لوانني ادخل يدي لفكهما للسماح للهواء بالدخول


صديقي رأى حالتي تسوء

فأسرع الى مستوصف سلاح الحدود الذي كان يبعد تقريبا عنا مسافة 5كم

ووالله انني رأيت الموت أمامي

عيناي احمرتا والدموع تنهمر منهما وصدري ضائق بي

عندما وصلنا الى سلاح الحدود كان هناك عسكري مقفل البوابة فقال له صديقي معي حالة اسعافية ونريد المستوصف

فقال ادخلوا

توجهنا الى المستوصف ولم نجد احدا ووجدت لوحة مكتوب عليها الصيدلية

بلاشعور وبدون تفكير فتحت الباب وانا في حالة دوخه ويالله أمشي بس الفرار من الموت

لم اجد الصيدلي بالداخل فصرت كالأم التي ضيعت إبنها بل والله أشد

قلبت عيوني بين الأدوية أبحث عن بخاخ الفنتولين الخاص بالربو

وسبحان الله وجدته وقمت بتمزيق الكرتون وأثناء ذلك دخل دكتور الصيدلية وهو يصيح فينا ويهاوشنا

بس بعد ما شافني استخدم البخاخ وأن دخولنا للبحث عن الفنتولين هدأ وأذكر كلمته (بتعرف تستخدمه )


بالعادة بخاخ الفنتولين يفتح الصدر من بخة أو بختين

تصدقون يالربع أني بخيت عشر بخات ولم تفتح الرئتين

وجلست ابخ الين ولله الحمد انفتحت رئتيني
عشت دقائق عصيبه ولكن الله سلم ولل احمد والمنة
حتى صديقي كن يقول توقعتك أن تموت معي بالسيارة


اقسم بالله أنني رأيت الموت وتشهدت

معلومة ( النسبة لمعدل الوفيات بسبب الربو حول العالم فتقدر بحوالي 180000شخص سنوياً حيث يتوفى في كندا 10مصابين بالربو اسبوعياً )

كنت ولازلت احمل البخاخ بجيبي والشافي هو الله


دعائكم يا اخوان أن يشفيني الله ويشفي مرضى المسلمين




والله الحمد لله على سلامتك

والله يشفيك شفاء عاجلا غير آجل ويكتبلك الأجر

[الربذي]

السلام عليكم ورحمة الله وبركاته




دعائكم يا اخوان أن يشفيني الله ويشفي مرضى المسلمين

وعليكم السلام الفنتولين له عندي ذكريات اليمة رحم الله ابني رحمة واسعة وشفاك الله جل وعلا

[الشقردي 999]

انا يومني في المتوسط طالب
المهم وانا مستعجل نازل من الدرج وازلق وطيح على راسي
اقسب بالله ما اشوف الا ابيظ واسود
المهم رحت الفصل ولله الحمد يالله وراسي ما احس في
واحط يديني وارقدلي ربع ساعه الينه يقومني المدرس
والحمد الله ما جاني الا العافيه

وذاك اليوم كنت في شعيب الحيسيه
واشوف هاك النار من ورا الجبل حتى صوتها نفس صوت النار
العيال قامو يوسوسون يوم القيامه وما ادري ايش
المهم ونهج لم المجاهدين اكرمونا وسألناهم
قالو يستخرجون النفط وتجي الراحه النفسيه ههههه
ونعود وندق الخيمه ولله الحمد

والمواقف كثيره من كثرها نسيتها
تقبل تحياتي

[سد الغابة]

في حياتي مواقف كثيرة و خطيرة ..
و لكن أخطر هذا المواقف و هو الموقف الذي لا أنساه ما حييت و الذي كدت أفقد فيه نفسي و أسرتي المكونة من زوجتي و ولداي آنذاك حيث أنني ممن يحب التنزه بعيداً عن الناس و في أماكن هادئة بالإضافة لشغفي الشديد منذ الصغر بالطائرات و مراقبتها و كان بالمدينة مخطط قريب من المطار بدرجة كبيرة و هذا المخطط في بدايته كان بدون إنارة و لا توجد به أي مباني سوى استراحات قليلة في أول المخطط و كان الشارع الرئيسي في هذا المخطط غير نافذ في آخره و لا يصله أحد أصلاً لأنه لا يؤدي لأي مكان و كنت دائماً آتي بالأسرة لآخر هذا الخط و نجلس فيه جلسة هادئة و نراقب الطائرات .
و كنا أحياناً قليلة جداً نرى السيارات في أول الخط ( على بعد كيلوين تقريباً ) و حتى هذه القليلة لا تلبث أن تنعطف للاستراحات القريبة .
و لكن في ذلك اليوم و تقريباً في وقت صلاة العشاء شاهدنا أربع سيارات تسلك خطنا الذي نحن في آخره و بسرعة كبيرة و بينت زوجتي توجسها من هذه السيارات و لكنني طمنتها لكن الرعب العظيم دخلنا عندما تعدت تلك السيارات المنعطف الذي تسلكه السيارات و في هذه اللحظة قفزت و كنت أتوقع أن أصل للسيارة لأضاءة أنوار السيارة و كانت المفاجأة أن السيارة الأولى وصلت لنا و بسرعتها و انعطفت بسرعة عجيبة و كان لا يفصلها عن زوجتي و ابني سوى أقل من ( مسطرة ) نعم و الله حوالي 20 إلى 30 سم و صرخت زوجتي صرخة عظيمة و مدت يدها نحو السيارة ( طبعاً لن توقفها و لكنها الحياة ) و كان أن دخلت السيارة بسرعتها إلى الحرة و إلى طريق معظمه من الصخور الكبيرة التي لا يمكن لعاقل أن يدخل سيارته بها و تبعتها بنفس السرعة السيارة الثانية ثم الثالثة ثم الرابعة و كانت تلك السيارات بها أعداد من الشباب و حتى الآن لا أدري ما الأمر و لكن غالب الظن إما أنها مطاردة أو أنهم هاربين من أحد ..حتى أنني أبلغت عنهم الشرطة
و أحمد الله أولاً و أخيراً على عظيم لطفه و جزيل فضله .
و أنصح الجميع بأن لا يجلسوا في طريق مسدودة و غير نافذة لأنك أن كنت تعرف أنها غير نافذة فغيرك لا يعرف .
و اعذروني على الإطالة

[عزيز 3333]

الموقف الي ماأنساه ...... يمكن في ثالث متوسط كنت في فيفا في شارع الستين لاف الشماغ على يدي ( على الكف ) شغل لسب في الحيوانات يوم جيدت عند الغرلا ضرب تلسيب فجأة مسك الشماغ وقعد يسحب في الشماغ ونا اضرب في الشبك ابي افك من الروعة ما فيه فايدة فجأة انحلت الشماغ ....الحين اكره شئ اسمة قرد

الموقف الثاني سبحان الله السماء صحو تونى حاطين روسنا في الخيمة ( نايمين في شعيب ) دخل علين الماء فجأة قم قم قم من الروعة خمس دقايق ضافين العفش الله من شئ نسيناه كانت الأرض رويانة ( غلطة العمر )
الحمد لله ماكان لنى فترة نايمين

[برميت]

هذا سلمكم الله موقف لن انساه ماحييت


موقف رعب


قبل سبع سنين تقريبا كنت طالع من الرياض متجه للدمام وبالعادة ما امشي الا في الليل ماحب مشي النهار

طلعت من الرياض بالضبط بحدود الساعة 11 ليلاً بروحي ومعي وقتها كراون فكتوريا 98 تاخذني الهواجيس والافكار وماخذ الطريق براحة

شوي الا لمبات الطبلون طفت واشتغلت وبعدها بدقايق طفت السيارة لا كهرب ولا شي وقفت السيارة وهي مدحدرة بعيده عن الخط بعيد عن الشارع والتريلات وكان الوقت مانساه نهاية الشهر والدنيا ظلام ماتشوف الا النجوم قمت احاول اشغلها ماتشتغل نهائيا ولا تعطي امل نزلت من السيارة وفتحت الكبوت احاول احرك الاسلاك واشوف البطارية وللاسف مامعي كشاف وعلى ضوء شاشة الجوال حاولت فيها ماقدرت اشغلها قلت مالي الا اتصل في امن الطرق ومع صعوبة الموقف مخي قفل ولا اذكر رقمهم اتصلت على واحد من اخوياي واخذت الرقم واتصلت على امن الطرق والمشكلة اني ماعرفت اوصف لهم المكان كل اللي اذكره انه باقي على الدمام حدود المية كيلو قلت بطلع على الخط اوقف احد يسعفني يمكن ينفعني في هاللحظة واجلس حول نصف ساعة كل ماشفت نور سيارة صرت اشر ولا احد يمي واغلبها تريلات وامن الطرق له ساعة وفيها ماجاء قلت بروح السيارة ااحاول فيها
والله ياجماعه وانا رايح للسيارة الدنيا ظلام دامس اني شفت زي الدخان الابيض قدام السيارة والجوء كان سكون قمت سميت بالله وتعوذت من الشيطان والظاهر قريت اية الكرسي عشرين مره ذاك الوقت وارجع للشارع كل ماشفت نور سيارة تطمنت قلت هذا الفرج وخلال لحظات الا اشوف سفتي امن الطرق والحمدالله اسعفوني طبعا كلموا راعي سطحى قريب في احد المخارج وجاء ونقلنا السيارة للدمام ونمت بالسيارة عند الصناعية احتريهم يفتحون لان الوقت قارب على الفجر وصلحتها طلع التماس بالظفيرة الله لطف والا كان احترقت السيارة

[سفاري فتك2009]

انا صار لي عدة مواقف
منها دباب خايس ابو ثلاث كفرات الله لايعيده كبير الحجم مركب ولدي قدامي وماشي مسرع واضرب مكب وتدخل رجلي تحت الكفره ويسحبني طبعا فيه وطايه ومنكسر البلاستك وباقي حديده زي الماصورة ومع المشي والثقل وسحبة رجلي وهي تدخل برجلي وحسيت بالم شديد جدا جدا واخلي الدباب لين وقف ورجلي تحته الا ايش ياربي سترك الماصورة داخله برجلي وفاتحتها من تحت الركبه والعظم ظاهر والحم مشلق والدم زي الشلال والم لايعلمه الا الله واجر رجلي بقوه واشوى تطلع من الماصورة بس وش فاقعة رجلي حتى انها كانت تبي تطلع من الجهه الثانيه بس ربك ستر تخيلوا ربي ستر علي مادخت ولاانصفرت وسقت مسافه 30كم حتى المشفى كنت البس ملابس شتويه الممرضه يوم شقت الملابس هربت وهي تقول ماي قد فري بيق دكتور بليز كام سي ثز بيشنت ؟؟؟؟ ياربي جرح كبير يادكتور شوف هالمريض الدكتور قال لازم نستدعي طاقم العمليات ودكتور الاوردة والشراييين حتى فيما بعد والى الان جهه لو ادخل الابره حتى تاقف بالعظم مااحس يقول الدكتور ان الاحساس انقطع عندك ويرجع بعد سنين فعلا رجع بس لحد الان من 9سنوات وانا ماحب شي يضغطها واثر الخياطه طوله يخرع واجازة شهر ونيفا وانا فقط نايم ويودوني لغيار الجرح هذي عام 1423 وعام 1431 معي دباب واطعس فيه بانشي مجنون وانا نازل وعلينا مطر ويعيي يمسك بريك وانزل مع الطعس الا قدامي ارطاه اطول من السياره واتجشمها واطير فوق فوق واخي الدباب واطيح وكان عندي واحد اشوى واطيح طيحه من ثلاث امتار على يدي وادوخ واحس بغثيان ودوخه الا كل شوي ويدي تزيد على حتى اني قعدت اهذري من شدة الالم يوم وخرو البجامه الا لافه يدي بشكل يروع طلع كسر واجازه شهرين لكن بعدها حرمت اركب الدباب وبعته ب3500 ريالِِ واسعره على 9000 وفوق


لاحول ولاقوة الا بالله
الحمد لله على السلامة

[سفاري فتك2009]

السلام عليكم ورحمة الله وبركاته






أولا أشكرك أخي الغالي على طرح هذا الموضوع الجميل



ثانيا : لدي العديد من القصص سأذكر أحدها فقط اليوم ولعل الباقي يأتي في الأيام القادمة



كنا في الرياض وقررنا نحن مجموعة من الزملاء الذهاب إلى المنطقة الشرقية وكان الوقت اجازة نهاية الاسبوع


وكان الجو رائعا
محدثكم مريض بالربو والبخاخ منذ 25 سنة لم يفارق جيب ثوبي أسأل الله لي ولجميع المسلمين الشفاء



ذهبنا الى الشقه في الخبر وجلسنا فيها وقرر الشباب الذهاب الى البحر للسباحة


طبعا لبسنا الملابس الخاصة بالسباحة وأول ما وصلنا البحر في شاطي نصف القمر في اخره تقريبا


قمنا بالنزول في البحر وبعد تقريبا نصف ساعة من السباحة والطرطشة والاستمتاع بدأت أشعر بالكتمه (بداية ضيق التنفس)


قلت للشباب انا ابي اطلع من البحر ولم اخبرهم عن السبب


طلعت ورحت للسيارة وأول ما شفت المنشفه وملابس الرياضة الي انا جايبهم معي تذكرت أن البخاخ الخاص بالربو ليس معي وقد نسيته في ثوبي بالشقة


قلت ابي اجلس شوي وتفك الأزمة من حالها


قعدت خمس دقايق وكل مال التنفس يضيق


الآن بديت اشعر بالكتمة تزيد قلت خل اطبق وضع الجلوس يمكن ارتاح شوي , ولا فائدة


طلع احد زملائي وقلت شف جيراننا وكان الشاطئ فيه ناس ليسوا بالكثيرين


سألهم وكان الجواب لا وللأسف



الان انا اتنفس بصعوبة والخوف بدأ يدخل إلي



أشرت لزميلي وصديقي بالركوب بالسيارة


اصبحت لا استطيع الكلام والتنفس يمكن 5% فقط


يعلم الله اشعر بأن الرئتين اغلقت تماما ولا تقبل ذرة من الهواء


شعرت بأنها التصقت بأضلعي وتمنيت لوانني ادخل يدي لفكهما للسماح للهواء بالدخول



صديقي رأى حالتي تسوء


فأسرع الى مستوصف سلاح الحدود الذي كان يبعد تقريبا عنا مسافة 5كم


ووالله انني رأيت الموت أمامي


عيناي احمرتا والدموع تنهمر منهما وصدري ضائق بي


عندما وصلنا الى سلاح الحدود كان هناك عسكري مقفل البوابة فقال له صديقي معي حالة اسعافية ونريد المستوصف


فقال ادخلوا


توجهنا الى المستوصف ولم نجد احدا ووجدت لوحة مكتوب عليها الصيدلية


بلاشعور وبدون تفكير فتحت الباب وانا في حالة دوخه ويالله أمشي بس الفرار من الموت


لم اجد الصيدلي بالداخل فصرت كالأم التي ضيعت إبنها بل والله أشد


قلبت عيوني بين الأدوية أبحث عن بخاخ الفنتولين الخاص بالربو


وسبحان الله وجدته وقمت بتمزيق الكرتون وأثناء ذلك دخل دكتور الصيدلية وهو يصيح فينا ويهاوشنا


بس بعد ما شافني استخدم البخاخ وأن دخولنا للبحث عن الفنتولين هدأ وأذكر كلمته (بتعرف تستخدمه )



بالعادة بخاخ الفنتولين يفتح الصدر من بخة أو بختين


تصدقون يالربع أني بخيت عشر بخات ولم تفتح الرئتين


وجلست ابخ الين ولله الحمد انفتحت رئتيني
عشت دقائق عصيبه ولكن الله سلم ولل احمد والمنة
حتى صديقي كن يقول توقعتك أن تموت معي بالسيارة



اقسم بالله أنني رأيت الموت وتشهدت


معلومة ( النسبة لمعدل الوفيات بسبب الربو حول العالم فتقدر بحوالي 180000شخص سنوياً حيث يتوفى في كندا 10مصابين بالربو اسبوعياً )


كنت ولازلت احمل البخاخ بجيبي والشافي هو الله



دعائكم يا اخوان أن يشفيني الله ويشفي مرضى المسلمين

وعليكم السلام ورحمة الله وبركاته
الحمد لله على السلامة والله حزنت عليك
الله يشفيك ويشفي مرضى المسلمين شفاء عاجل غير اجل
اللهم اشفي محمد النجدي عاجل غير اجل
اللهم اشفي محمد النجدي عاجل غير اجل
اللهم اشفي محمد النجدي عاجل غير اجل

[محمد النجدي]

جزاكم الله خيرا

أسأل الله لنا ولكم الخير وأن يبعدنا عن الشر

[نايف 1996]

صراحة اول موقف دمر جزء كبير من حياتي وللحين هلى الشيء مستمر معاي . . .




انا تلقيت يوم من الايام وتحديدا قبل 5 سنوات عام 2005 ضربة في مؤخرة راسي كان سبب رئيسي بوقوعي بمرض الصرع وللحينة معاي . . .



والموقف الثاني مره كنت اللعب بخزان الماي وانا اشدة بقوة وفجاة ركزت علية انه يبي يطيح وفعلا جتني فزعة من الله سبحانة وسلمت ولله الحمد . . .

الحمد لله على سلامتك وماتشوف شر يالغالي:)

[نايف 1996]

انا ابي اقولكم موقف صعب___مره حنا واهلي ورحنا فندق بجده وفي مصعد يشيل3 اشخاص فقط وكنا حنا 5 ودخلنا
ونبي نروح الدور الثاني والمصعد علق بين الدورين يبي يرفع مايقدر :eek:وطفت اللمبات اللي داخله وولعت بعد 4 دقايق تقريبا وندق الجرس مره مرتين ماحد يسمع:eek: ودقينا علقنا عليه وجانا الموظف يقول:وشفيه المصعد معلق قلنا له:ايه وقام رفعه لنا وطلعنا وانا نقزت من الخرعه يوم فتح باب المصعد __وتحمدت الله على كل شي--وصرت ماداني اركب المصعد ابدا هذا_اصعب موقف صار بحياتي___

[الصقر الحربي]

الحمد لله على سلامة الجميع
وشاكر لكم المشاركة

[ليالي المكشات]

لرفع لاعجابي بالموضوع

[أبا مجاهد]

أجاركم الله

حادث حاصت منه السياره ثلاث مرات

ونجاني الله من الانقلاب

بسبب ان الموتر فورد


والحمدلله

[ملك المملكة]

الحد لله على سلامتكم والله اسمحولي

ماعندي اي مواقف الا ان كان عندي

ماادي امكني نسيت

[خوي السفر]

انا من منسوبي القوات المسلحة اذكر ان فيه موقف حصلي ونجاني الله منه ولله الحمد والمنه

هو في زيارة لولي العهد الامير سلطان بن عبدالعزيز حفظة الله لمنطقة تبوك عام 1428هـ

كنا من الصباح الباكر متواجدين بالميدان مع جميع الوحدات وتقف خلفنا دبابة من نوع ( برامز ) وهذه صوره لمثلها
http://www.nasvoice.net/lib/thumbs/thumb_news.2292.jpg
وعطيني وضع الجلوس لطول الوقوف فقمت بالاستاذان من القائد لإريح ظهري من البندق التى كنت احملها فتمددت امام جنزير الدبابة ( العجلات ) وسرعانما نودي لنا بالاستعداد وتغيير الموقع فنهضت ولحقت بزملائي فاذا بالدبابه تتحرك بدون سائق الي موقعنا وانا اناظر في تهشة ماذا لو كنت تحتها
قدر الله وماشاء فعل

[الصقر الحربي]

انا من منسوبي القوات المسلحة اذكر ان فيه موقف حصلي ونجاني الله منه ولله الحمد والمنه

هو في زيارة لولي العهد الامير سلطان بن عبدالعزيز حفظة الله لمنطقة تبوك عام 1428هـ

كنا من الصباح الباكر متواجدين بالميدان مع جميع الوحدات وتقف خلفنا دبابة من نوع ( برامز ) وهذه صوره لمثلها
http://www.nasvoice.net/lib/thumbs/thumb_news.2292.jpg
وعطيني وضع الجلوس لطول الوقوف فقمت بالاستاذان من القائد لإريح ظهري من البندق التى كنت احملها فتمددت امام جنزير الدبابة ( العجلات ) وسرعانما نودي لنا بالاستعداد وتغيير الموقع فنهضت ولحقت بزملائي فاذا بالدبابه تتحرك بدون سائق الي موقعنا وانا اناظر في تهشة ماذا لو كنت تحتها

قدر الله وماشاء فعل




والله الحمد لله على السلامة
وهذا كله من حفظ الله جل وعلى فاحمده واشكره

[المدير1]

كنت وافق بجانب سيارتي عند البنشري ليغر الزيت وفجأة وانا في حفرة الزيت المجاورة والحمدلله على السلامة

[ليالي المكشات]

كنت وافق بجانب سيارتي عند البنشري ليغر الزيت وفجأة وانا في حفرة الزيت المجاورة والحمدلله على السلامة

هههههههههه
حمدالله على السلامة دايم تصير واستغرب وشلون تصير لكن يمكن الطيحة من ضيقة الصدر بسبب ارتفاع الزيت بشكل مهووول

[محمد النجدي]

اشكر الاخوان على دعائهم لي بالشفاء من مرض الربو

ومتابع للموضوع وننتظر الجديد من الاخوان

[سيد الجو]

الاسبوع اللي راح في الاستراحه رايح ابجيب كم كسرة حطبه في الليل وانا هازع واذا بسيخ طق بين عيني واذني وكان قريييييييييب جدا من عيني


اللهم لك الحمد والشكر

[rohe012]

في شهر 12 لعام 1431 كنت انا وزميل لي في مهمة وكانت طويله المهم من ضمن مهمة انا نطلع من حائل الى الجوف كان معنا جيب لما جينا في نص الخط كان ورى جمس 2005 قرب من السياره من الجهة اليسرى ثم اليمين
وتم اطفاء انوار الجسم وفهمت المقصد وحطيت رجلي والله اني امشي190 ميتين كيلو اتصلنا على امن الطرق واللاسف يقولون جايين جايين ولا شفنا حد
في اخر لحظة قررت انا وزميلي بقلبت الجمس بس نبيه على سرعه على مع فتح مساره
سبحان الله الى صار ان كان قدمنا مرتفع ثم نزله بعد مانزلنا لقينا الدوريه الامنية الجمس على طول هدى وديور
نزلنا لدوريه واقوله هذا هو يقول ماجاني بلاغ
قلت باله مستانسين على مخالفة السرع بس
اجل اسمع ابي اتصل الان في العمليات واخذ رقم البلاغ وعرف وش اجيب
نزل الى جنب السواق قال يرجال خلاص بس لو انكم عايله كان جيناكم
قال خوي لا والله مو قصة عايله الى قصة خايفين
والله فكني منهم

[الغسق البعيد]

كنتـ طالع مع الشباب لاستراحهـ مستاجرينها سنه

المهم وارسلونى اعبى الجركل ورحت المهم عبيت المويه وخلصت وجلت الجركل المكان شوى صاااد عن الحوش بينى وبينهم زرع

واشيل الجركل وامشئ وادريت بعمر الا انى هاوى بالخزان حق الماء وتوهم معبينه

انا يوم مشيت مشيت فوق الخزان احسبن الخزان مقفل وطلع ماهو مقفل نص تقفيله يعنى

والحمدلله تعلق طرف ثوبى

حديده فوق قبل فتحت الحزان علقت فيها ومير اطامر منا الراعهـ ومنا ابى الحياااه

واختبصت امورى ابى اطلع يمين شماال واشوى امسكـ طرف الفتحه واشيل عمى وانى طاالع

لو الله ثم ان الخزان فيه مويه كان تعبت بالطلعه بس الوزن يخف مع الماء

ويوم طلعت الا الشبااب جايين يراكضون وواحد اغمى عليه يحسبنى غرقت و

انا يوم طحت شافنى واحد من العياال وركض للمجلس فلاان طاح بالخزاان

والحمدلله ماصار لى شى سوى ان وحده من رجلينى شلختها الحديده شلخ ونتج عنها رتب

وبعدها عافو الشباب الاستراحهـ معااد راحو لها وسلموها على طول

المشكله بالحكايهـ كلها ان واحد من الصغيرين دق على ابوى وقال فلان غرق بالخزان

ابوى رااح فيها جاانى للمستشفى ماهو مصدقهم الا للين شاافنى

[هاوي هواك]

السلام عليكم ورحمة الله وبركاته

أولا أشكرك أخي الغالي على طرح هذا الموضوع الجميل


ثانيا : لدي العديد من القصص سأذكر أحدها فقط اليوم ولعل الباقي يأتي في الأيام القادمة


كنا في الرياض وقررنا نحن مجموعة من الزملاء الذهاب إلى المنطقة الشرقية وكان الوقت اجازة نهاية الاسبوع

وكان الجو رائعا
محدثكم مريض بالربو والبخاخ منذ 25 سنة لم يفارق جيب ثوبي أسأل الله لي ولجميع المسلمين الشفاء


ذهبنا الى الشقه في الخبر وجلسنا فيها وقرر الشباب الذهاب الى البحر للسباحة

طبعا لبسنا الملابس الخاصة بالسباحة وأول ما وصلنا البحر في شاطي نصف القمر في اخره تقريبا

قمنا بالنزول في البحر وبعد تقريبا نصف ساعة من السباحة والطرطشة والاستمتاع بدأت أشعر بالكتمه (بداية ضيق التنفس)

قلت للشباب انا ابي اطلع من البحر ولم اخبرهم عن السبب

طلعت ورحت للسيارة وأول ما شفت المنشفه وملابس الرياضة الي انا جايبهم معي تذكرت أن البخاخ الخاص بالربو ليس معي وقد نسيته في ثوبي بالشقة

قلت ابي اجلس شوي وتفك الأزمة من حالها

قعدت خمس دقايق وكل مال التنفس يضيق

الآن بديت اشعر بالكتمة تزيد قلت خل اطبق وضع الجلوس يمكن ارتاح شوي , ولا فائدة

طلع احد زملائي وقلت شف جيراننا وكان الشاطئ فيه ناس ليسوا بالكثيرين

سألهم وكان الجواب لا وللأسف


الان انا اتنفس بصعوبة والخوف بدأ يدخل إلي


أشرت لزميلي وصديقي بالركوب بالسيارة

اصبحت لا استطيع الكلام والتنفس يمكن 5% فقط

يعلم الله اشعر بأن الرئتين اغلقت تماما ولا تقبل ذرة من الهواء

شعرت بأنها التصقت بأضلعي وتمنيت لوانني ادخل يدي لفكهما للسماح للهواء بالدخول


صديقي رأى حالتي تسوء

فأسرع الى مستوصف سلاح الحدود الذي كان يبعد تقريبا عنا مسافة 5كم

ووالله انني رأيت الموت أمامي

عيناي احمرتا والدموع تنهمر منهما وصدري ضائق بي

عندما وصلنا الى سلاح الحدود كان هناك عسكري مقفل البوابة فقال له صديقي معي حالة اسعافية ونريد المستوصف

فقال ادخلوا

توجهنا الى المستوصف ولم نجد احدا ووجدت لوحة مكتوب عليها الصيدلية

بلاشعور وبدون تفكير فتحت الباب وانا في حالة دوخه ويالله أمشي بس الفرار من الموت

لم اجد الصيدلي بالداخل فصرت كالأم التي ضيعت إبنها بل والله أشد

قلبت عيوني بين الأدوية أبحث عن بخاخ الفنتولين الخاص بالربو

وسبحان الله وجدته وقمت بتمزيق الكرتون وأثناء ذلك دخل دكتور الصيدلية وهو يصيح فينا ويهاوشنا

بس بعد ما شافني استخدم البخاخ وأن دخولنا للبحث عن الفنتولين هدأ وأذكر كلمته (بتعرف تستخدمه )


بالعادة بخاخ الفنتولين يفتح الصدر من بخة أو بختين

تصدقون يالربع أني بخيت عشر بخات ولم تفتح الرئتين

وجلست ابخ الين ولله الحمد انفتحت رئتيني
عشت دقائق عصيبه ولكن الله سلم ولل احمد والمنة
حتى صديقي كن يقول توقعتك أن تموت معي بالسيارة


اقسم بالله أنني رأيت الموت وتشهدت

معلومة ( النسبة لمعدل الوفيات بسبب الربو حول العالم فتقدر بحوالي 180000شخص سنوياً حيث يتوفى في كندا 10مصابين بالربو اسبوعياً )

كنت ولازلت احمل البخاخ بجيبي والشافي هو الله

دعائكم يا اخوان أن يشفيني الله ويشفي مرضى المسلمين



الحمدلله على سلامتك
الله يشفيك ويعافيك وماتشوف شر
ذكر أحد الاعضاء علاج نهائي للربو
على الرابط http://www.mekshat.com/vb/showthread.php?t=369225
إن شاء الله يفيدك

[سفير الحيا]

والله وأنا أخوك المواقف واجد وأبجيب لكم الطآرف والجآهز منها
هذا الله يسلمك الشآيب أخذنا تمشيه عآم 1411هـ لجده وكآن حآط التيس معنا في الغمآره الخلفيه
والموتر بآص 84 اللون أزرق << أموت بالكحلي ياشيخ .
المهم مآلكم ومال طوالها يوم وقفنا على البحر ندوّر محل نجلس فيه واليا التيس طآمر وكآسر قزآز الموتر
وآلشآيب ينآدي وينخى عليّ . عآد أنا لازميني حرس الحدود معي نبآله وأقنص طيور البحر اللي
على الجزيره وينشدوني حرس الحدود وين أبوك وأقول يبي يجيكم شوي << مآهي بتصريفه الله يهدآك
وآلحمد لله مسكنا التيس وحطينا السكين على رقبته وشربنا مرق وعيّنا خير والغريب في الأمر
إن الوآلد الله يحفظه حط بدل الملح سكر ويوم خلص الغداء واليا طعم الرز سكر << طيب ياسكر .
الوكآد إن الشآيب قآلي ولأخوآني والله اني عآرف انها عكآس من يوم أصبحنا
وانتهى الموقف

[الصقر الحربي]

شاكر ومقدر لكم المشاركة

[.أبوعبدالرحمن]

متابع وبقوة

والمواقف كثيرة ولكن الوقت لم يسعغني ولي عودة إن شاء الله

[SRAAAB]

الله يعطيك العافية يالصقر الحربي
الصراحة عندي موقف لا أحسد عليه بالمرة هههههههههههههههه
وأنا رايح للدوام يوم من الأيام المهم الاشارة قبلها ملف وفيه زحمة وحبيت أنحاش منها
لقيت ياطويل العمر راعي فورد واقف وفاتح الكبوت والشنطة والباب اللي على جنب
وأنا معي نفس الموتر فورد والصبح بدري والرجال واقف ويكلم قلت أكيد يبي فزعة
المهم ضربت له بوري وماعطاني وجه
وتعديته قلت ياولد أرجع له وإفزع معه وتوي بديور إلا العجوز تطمر من وراء الباب خخخخخخخخخخخخخخخخخخ
لذعت مني وطمرت أثاريها ........................................؟؟؟ الله يكرمكم خربت السالفة عليها شكلها تقول الواحد ماياخذ راحته .....
وحطيت رجلي وقعدت أضحك وأسأل نفسي :
هل أنا ملقوف ههههههههه
لكن الله يكتب لي على قد نيتي
بعدها لو يشر لي واحد بكفر مبنشر ههه قابلني أوقف له بصد عنه على طول , أمزح أمزح
وشكراً

[الصقر الحربي]

الله يعطيك العافية يالصقر الحربي
الصراحة عندي موقف لا أحسد عليه بالمرة هههههههههههههههه
وأنا رايح للدوام يوم من الأيام المهم الاشارة قبلها ملف وفيه زحمة وحبيت أنحاش منها
لقيت ياطويل العمر راعي فورد واقف وفاتح الكبوت والشنطة والباب اللي على جنب
وأنا معي نفس الموتر فورد والصبح بدري والرجال واقف ويكلم قلت أكيد يبي فزعة
المهم ضربت له بوري وماعطاني وجه
وتعديته قلت ياولد أرجع له وإفزع معه وتوي بديور إلا العجوز تطمر من وراء الباب خخخخخخخخخخخخخخخخخخ
لذعت مني وطمرت أثاريها ........................................؟؟؟ الله يكرمكم خربت السالفة عليها شكلها تقول الواحد ماياخذ راحته .....
وحطيت رجلي وقعدت أضحك وأسأل نفسي :
هل أنا ملقوف ههههههههه
لكن الله يكتب لي على قد نيتي
بعدها لو يشر لي واحد بكفر مبنشر ههه قابلني أوقف له بصد عنه على طول , أمزح أمزح
وشكراً

ههههههههههههههههههههه الله يرج بليسك

[الصقر الحربي]

للرفع

وننتظر مواقف ثانية

[MANSOR QATAR]

السلام عليكم ورحمة الله

وصبحك الله بالخير وش عندك سهران هاهاهاه :)

والله ياخوي اول ماشفت العنوان تذكرت لي موقف الله لايعوده علي ولا على الصديق

كنت اجرب اسلاح لي وكانت امي الله يحفظها واقفه عندي وقمت وشيكت عليه مافيه فشق وافلقه وصوب تحت على الارض من جهة الوالده عند رجلها واضغط الزناد الا يوووووووووووووووم وقف شعر جسمي من صوت السلاح اختبصت ولا عاد عرفت وش اقول الا الوالده تقول الله يهديك ويصلحك وراحت وخلتني في مكاني لايمكن اني انساه هذا الموقف وكل ماتذكرة اعض على الساني

وتحياتي لك وللجميع

[سليل الطيبين]

والله المواقف كثيرة .....ولكن الي اتذكرة سنة من السنوات في عيد الاضحى جايبين ذيك الضحية ماشاء الله تبارك الله بعير ماهب خروف ...المهم ..الوالد الله يطول في عمرة على طاعتة قالي انا وخوي انا بذكي وانت واخوك عليكم الصلخ ...قلنا قدام ..المهم نحر الوالد الضحية ..الله يتقبل ..وجيت انا واخوي علقنا الذبيحة
على شنكار والشنكار معلق بحديدة بين الجدار ومدخلين الحديدة في احد الدرايش ..بدينا الصلخ ...وصلنا عند نص الضحية وقمت انا وتركت السكين قلت ابي اسحب الجلد بيدي وسحبت بقوة ومادريت الا اسمع صوت الحديد
وطاح الشنكار وتخيلوا ثقل الشنكار مع ثقل الذبيحة وطاح على راسي قعدت تقريبا كم ثانية ماحس بنفسي والا كل راسي دم ورحت المستشفى ...وطلعت المفاجئة ان الي ضربني هو بس حافة الشنكار يعني ربي سلم ما طاح كلة على راسي ...تخيلو طاح كلة على راسي وش راح تكون النتيشة ممكن وفاة ...ولكن ربي سلم والحمد للة ...تخيلوا يا اخوان الشنكار ثقيل مرة مع ثقل الخروف ...والحمد لله على السلامة....

[حرماوي.نت]

قصص اكشن هههههه

مشكورين جميعا

[الصقر الحربي]

السلام عليكم ورحمة الله

وصبحك الله بالخير وش عندك سهران هاهاهاه :)

والله ياخوي اول ماشفت العنوان تذكرت لي موقف الله لايعوده علي ولا على الصديق

كنت اجرب اسلاح لي وكانت امي الله يحفظها واقفه عندي وقمت وشيكت عليه مافيه فشق وافلقه وصوب تحت على الارض من جهة الوالده عند رجلها واضغط الزناد الا يوووووووووووووووم وقف شعر جسمي من صوت السلاح اختبصت ولا عاد عرفت وش اقول الا الوالده تقول الله يهديك ويصلحك وراحت وخلتني في مكاني لايمكن اني انساه هذا الموقف وكل ماتذكرة اعض على الساني

وتحياتي لك وللجميع




والله موقف خطير

الحمد لله على سلامة الوالدة

والسلاح ماله أمان

شاكر لك

[محطم عنيد]

والله وأنا أخوك المواقف واجد وأبجيب لكم الطآرف والجآهز منها
هذا الله يسلمك الشآيب أخذنا تمشيه عآم 1411هـ لجده وكآن حآط التيس معنا في الغمآره الخلفيه
والموتر بآص 84 اللون أزرق << أموت بالكحلي ياشيخ .
المهم مآلكم ومال طوالها يوم وقفنا على البحر ندوّر محل نجلس فيه واليا التيس طآمر وكآسر قزآز الموتر
وآلشآيب ينآدي وينخى عليّ . عآد أنا لازميني حرس الحدود معي نبآله وأقنص طيور البحر اللي
على الجزيره وينشدوني حرس الحدود وين أبوك وأقول يبي يجيكم شوي << مآهي بتصريفه الله يهدآك
وآلحمد لله مسكنا التيس وحطينا السكين على رقبته وشربنا مرق وعيّنا خير والغريب في الأمر
إن الوآلد الله يحفظه حط بدل الملح سكر ويوم خلص الغداء واليا طعم الرز سكر << طيب ياسكر .
الوكآد إن الشآيب قآلي ولأخوآني والله اني عآرف انها عكآس من يوم أصبحنا
وانتهى الموقف



أضحكني ماخط باللون الاحمر حتى سمع ضحكي جيراننا ههههههههههههههههههههههههههههههههههههههههههه


أضحك الله سنك ياخوي

والله يحفظ لك أبوك إذا هوحي ويطول بعمره

وإذا كان ميت فالله يرحمه رحمة واسعه ويدخله فسيح جناته

[لعبتي الطيار]

موقفي هالموسم بشعيب رماح شرق الرياض 120 كيلو كان يوم الاربعاء وكان عندي اووف بالجامعة شمشيت الفجرلحالي وصلت هناك وقعدت اصيد من الدخل الازغر:hot:
المهم وصلت الساعة 9 دخلت الديررة ابفطر واتلين شوي عقب الرمي
افطرت ورجعت لنفس المكان طبعا اول ماجيت طيرت قمارية وخليتها مامعي الا85 فايروخ
الشاهد مريت ذيك الطلحة والى هاذي قميريتي والحمدلله صدتها
الطلحة فيها دخل يعمي العيون جلست اصيدبها الين الساعة 12 قلت خلاص يكفي للغداء ابمشي للرياض
المهم كملت شوي لعل القى قمارية ثانية ابعدت عن الديرة المهم توكلت على الله ومشيت .
:alarm:الخطا اللي ارتكبته اني ابقطع الشعيب بعز الظهر موتري هايلكس الكفرات بهن 30
طبيت ببطن الشعيب اللي كنت اشوفه ارضن جلد وادعس واردنمر وهواللي يقعد ببطن الشعيب
المهم حاولت فيه قدم رجع واكلتني الشمس ولحالي بديت اشوف الدنيا تقلب:looney::looney:
والماء اللي معي كان بالصدنوق حاررررر
شربت منه شوي
مرني راعي جيكسار فيه اثنين من زود البجاحة اللي فيه قعد يتصيد بالشجرة اللي قبالي
ويشوفوني مغرز قلت له ساعدني وكان جوابه مامعنا واير:mad::mad:





جلست ساعة زيادة بدت الطيورتتعفن بسبب قل الماء قررت اروح مشي لحظيرة ابل ماهي بعيدة عندها وايت ماء ..عشان اشرب واتبرد واغطس الخيشة اللي فيها الطيور الين يمر احد.



وانا بالطريق امشي بنص المسافة الا ذاك الجيب:redcar: داعس وانا اشر له :director:طبعا كانت معي البندق والطيور


اول ماقربولمي اوجست منهم خيفة سلمت عليهم قالو سلامات قلت ابد مغرزببطن الشعيب



المهم نزل الراكب وعطاني الماء الله يجزاه وانا ارشش وجهي .وياخذون الطيور ويجدعونهن بالثلاجة


السواق تكلم معي وعرفت انه من الجماعة :D:D الصدق اني فرحتتت:heart:




وين موترك قلت هذاه المصيبة مامعهم واير:eek: حاولنا فيه ماطلع.
مرنا راعي باثفندروقفناه وعطانا حبل الله يجزاه خير.
طلعنا الموتر .
تشكرت منهم وحلفوعلي بالغداء مشيت معهم لربعهم اللي قدام وتغديت معهم ورجعت للرياض :D
سالم ولله الحمد.

لكنني إلى الان اطلع لحالي للصيد فقط.

وبالنسبة للاصابات والحوادث(((( مقرووود))))واجد والحمدلله على كل حال.


معليش اسلوبيي ممل شوي تحملوني :D[/QUOTE]

[سعود501]

للرفع
'

[عطالله الحربي]

______
_____
____
___
__
_

[فياض الربيع]

انا لي موقف وقسم بالله هذا اللي حصل كان ولد خالي يلعب بالسلاح مسدس 9 ملم وكان موجهه

لصدر واحد من الشباب قلت لاتلعب بالسلاح قال مافيه شي واشوفه ضغط على الزناد وامسك المسدس

وانزله بالارض ويرمي المسدس وتدخل الرصاصه في فخذي في اللحم ماجت العضم والحمد لله سلمنا

خيطتها رتبتين مع الجهتين ومشت الامور بسلام كتب الله لي وللي كان موجه له المسدس عمر جديد

والحين ولد خالي مايحب طاري السلاح السالفه هذي وعمري 20 سنه قبل 13 سنه الان عمري 33

[ابونومان]

ايه على طاري المواقف
مره انا ضيف عند رجال وكان فيه براد شاي على منقل الكهرباء ومن لقافتي يوم خلصت كاست الشاي
ماخليت المعزب يصب لي رحت تقول مطفوق ومسكت البرادي علشان اريح الرجال واصب لنفسي اثاري البراد واصله كهرب:D من المنقل الله واعلم انه عشر الاف فولط الوكاد وش لكم بالطويله سرت هيكل عضمي دخلت بغيبوبه :looney: مصطني حتى قلت العيد باكر قالو الحاضرين على ذمتهم اني قمت اتكلم لغه غريبه وسلامتكم

[السلوم 2005]

مشت عقرررب على رقتبتي كفانا الله وإياكم شررها وشرر كل مايضرنا ويؤذينا