ســــــاهــر عــلــى طــريــــــق الــريــاض-الــقــصــيـــم

[مطيعيس]

السلام عليكم ورحمة الله وبركاته
الموضوع ومافيه اني كنت رايح يم القصيم كالعادة وكنت كانس البنص(يعني داااااااااااااااااااعس)الساعه3.15 وماشي 160 وهذا الكلام يوم الجمعه 24/9 قبل صلاة الفجر وكنت ابعد عن الرياض تقريبا100كيلو وكانت قدامي سيارتين المهم واشوف واحد يكبس على اليمين قلت اكيد انه رادار:eek: واكبس الفرامل الين 130واثارية ساهر ولقطني وانا ماشي 130 وسيارتهم باص , وازيدكم من الشعر بيت كان في طريق جابر اللي بالرياض باص يبيع ايسكريم واثاريه مركب ساهر ورى فعرفوه الناس وراح , فسيارته اللي على طريق القصيم باص ومشغل اللمبه الصفراء اللي داخل(عارف اللي داخل السيارة من الخرشة:D).


معلومة مهمة وسريعة:
بما اني خبير في الطريق وانت رايح للقصيم بتلقى ردار قبل التفتيش بــ15كيلو تقريبا ولكن مهو دايم , اما في واحد مابيشوفه الا الذيب فخلوكم ذيابه وانت راجع للرياض بتلقى محطة فيحاء العتش بعدها يمكن بـ10متى فيه اشجار وااجد بتلقى ردار تحتها وبعدين بتلقى كوبري مافيه شيء الكوبري الثاني تحته التفتيش وقد لقطني مرة مع اني متحسف عليها عشان دايم اشوفه واهدي بس انها عدة على خير.


والسلام عليكم ورحمة الله وبركاته
اخوكم ومحبكمـ/مطيعيس

[لبيه يمنادي]

يزاك الله خير اخوي والله هالرادارات مشكله واكبر مشكله الراتب كله يروح للرادار

[صيهد]

جزاك الله خير
لكن اخي السرعة لا تحمد عواقبها
حاول انك تروض نفسك على السرعة القانونية و الحامي الله اولا و اخيرا.

[أبو الحارث 4]

جزاك الله خير
لكن اخي السرعة لا تحمد عواقبها
حاول انك تروض نفسك على السرعة القانونية و الحامي الله اولا و اخيرا.
كلام جميل أخي صيهد جزاك الله خيرا.

[عاشق بترول]

صحيح كلامه بعد الرياض تقريبا100كيلو لا وبعد كانو يتسحرون مع الامن الطرق و فلاش شغله على المسلمين

[ابو العز بلس]

وعليكم السلام ورحمة الله وبركاته

بيض الله وجهك
الله ينتقم منهم شر نقمة

[عاشق المقناص6]

والله يااااشباب السرعه ماوراها الا المصايب كم واحد فقدناه وكم واحد جته اعاااقه وكم طفل تيتم من السرعه
يااارب يكثرووون ارااادرااات

[سوبر مكشات]

فيه احد يقاوم السرعه بها الزمن

هذا تناقض


شف تاخير المعاملات والقضايا بالسنين ويطالبون بالسرعه <<وهؤلاء انفسهم يقاومون السرعه ويطالبون بالتضييق على المسلمين

واقول لهم طالبو بالسرعه في كل شيء والا قد ياتي يوم تفرض عليكم السرعه

(ترانا نسير على خطى المانيا واللبيب بالاشاره يفهم)

طرق المانيا السرعه فيها مفتوحه الا قبل المخارج ب2 كيلو تهدي تمشي 80 واذا تعديت المخرج ب1كيلو مفتوحه السرعه

[محب الحيا]

يوم السبت ليلة الاحد الماضية الساعه 1.30 صباحا على طريق القصيم الرياض وتحديداً بعد لوحه كيلو 80 الرياض ساهر موقف على اليمين وجالس يجلد في العالم (يتسحر عليهم)

[سالم11]

يوم السبت ليلة الاحد الماضية الساعه 1.30 صباحا على طريق القصيم الرياض وتحديداً بعد لوحه كيلو 80 الرياض ساهر موقف على اليمين وجالس يجلد في العالم (يتسحر عليهم)


هههههههههههههههه حسبي الله عليهم سددت 600 ريال هالشهر الله لا يحللهم

مخالفه يمين بالله اني ما تعدين 130 اي وربي

[السالمي]

فيه احد يقاوم السرعه بها الزمن

هذا تناقض


شف تاخير المعاملات والقضايا بالسنين ويطالبون بالسرعه <<وهؤلاء انفسهم يقاومون السرعه ويطالبون بالتضييق على المسلمين

واقول لهم طالبو بالسرعه في كل شيء والا قد ياتي يوم تفرض عليكم السرعه

(ترانا نسير على خطى المانيا واللبيب بالاشاره يفهم)

طرق المانيا السرعه فيها مفتوحه الا قبل المخارج ب2 كيلو تهدي تمشي 80 واذا تعديت المخرج ب1كيلو مفتوحه السرعه




وانت خطوطك مثل خطـــوط المـــانيا


اعوذو بالله متلويه تقل جرت داب مدري وش الحكمه من ها التلوي


وبعدين كل شوي تحويله ولامنك مريت على مسار التريلات الايسر كنك طايح في ساقي


افضل خطوط عندنا خط القصيم المدينه وخط جده المدينه


خطوط سيده يعني لو فيه تثبيت لدركسون يمديك تثبته

هذي هي الخطوط اللي المفروض السرعه فيها 140

وعشان ما اظلم الحقيقه

الصراحه ماعاد تقدر تمشي 120 في ها الوقت والله يتوطونك

والله تصير كنك قطو بوجه مزاين يعرضبهن راعيهن ماتدري من يدعسك

ولاترتاح لين تمشي 140 تحس انك قدرت تلحق مع الناس وتجاريهم

[رحال ملهم]

السلام عليكم ورحمة الله وبركاته

الموضوع ومافيه اني كنت رايح يم القصيم كالعادة وكنت كانس البنص(يعني داااااااااااااااااااعس)الساعه3.15 وماشي 160 وهذا الكلام يوم الجمعه 24/9 قبل صلاة الفجر وكنت ابعد عن الرياض تقريبا100كيلو وكانت قدامي سيارتين المهم واشوف واحد يكبس على اليمين قلت اكيد انه رادار:eek: واكبس الفرامل الين 130واثارية ساهر ولقطني وانا ماشي 130 وسيارتهم باص , وازيدكم من الشعر بيت كان في طريق جابر اللي بالرياض باص يبيع ايسكريم واثاريه مركب ساهر ورى فعرفوه الناس وراح , فسيارته اللي على طريق القصيم باص ومشغل اللمبه الصفراء اللي داخل(عارف اللي داخل السيارة من الخرشة:d).


معلومة مهمة وسريعة:
بما اني خبير في الطريق وانت رايح للقصيم بتلقى ردار قبل التفتيش بــ15كيلو تقريبا ولكن مهو دايم , اما في واحد مابيشوفه الا الذيب فخلوكم ذيابه وانت راجع للرياض بتلقى محطة فيحاء العتش بعدها يمكن بـ10متى فيه اشجار وااجد بتلقى ردار تحتها وبعدين بتلقى كوبري مافيه شيء الكوبري الثاني تحته التفتيش وقد لقطني مرة مع اني متحسف عليها عشان دايم اشوفه واهدي بس انها عدة على خير.


والسلام عليكم ورحمة الله وبركاته

اخوكم ومحبكمـ/مطيعيس

والله انك صدقت

انا رصدوني قبل الفجر حول محطه فيحاء العتش

[سوبر مكشات]

ماودي اتكلم

لكن حط هاالقصه ببالك ايام تعميد طريق القصيم هذا

جت شركه المانيه عند.............................

وقالت نزينه بثلثين القيمه اللي تبي تزين به شركه فلان وشركه فلان وشركه فلان

وتقنيات عاليه جدا(قالو محنا مزينين للطريق صيانه الا بعد 20 سنه )<<<<<شف وشلون ضامنين شغلهم

قال............لا

وراحو


طبعا قال للي عنده ان البلد يحتاج تنميه ويحتاج ان الشركات المحليه تشتغل ويصير عندنا معدات

لو قامت حرب والا شي ولا المعدات عندنا<<<<<<<<<<<وهذي تحسب له وكان صادق

لكن اقل شي خذ التقنيات اللي عند الالمان وزين به هالطريق مب الصلصال اللي يحطونه


ولا خل ابن لادن يزين الطريق ((ابن لادن كانت تقنياته المانيه ))<<تغير من تالي مدري لييه



طلعنا عن الموضوع معليش

[مطيعيس]

يعطيكم العافيه على الردود ووالله انكم صادقين ماغير يتسحرون علينا

[حبل الوريد]

يا جماعه بعد الكلام هذا والشباب امس يقولون ان لقطهم وهم رايحين للقصيم

قررت اني اجيب الي يكشف الرادار ابو 500 ريال ,,, بس سؤال يالربع هو يلقط

اجهزة ساهر ولا لا ؟؟ ارجو الرد ممن يعرف من الاخوان

[هويدي]

الظاهر آخر اعمارنا نبي نبدى نتسلل للدول المجاوره هروباً من قسايم ساهر اللي تراكمت على ظهورنا

الوالد الله يحفظه لقى عليه 3 قسايم مادرى عنها

والمشكله مايدري من من !! بأسمه ثلاث سيارات

[مطيعيس]

الله يعينك اخوي حبل الوريد والله انهم اكلوا الشعب واضن الزيادة اللي جت للعسكر ما جت الا من اللي طلعته ساهر

[مطيعيس]

الله يعينك اخوي هويدي ويصبرك ويصبرنا

[ترابيع]

الله حسيبهم ..

120 على طريق سريع ادا غير معقولة .. اقل شي 140

[مطيعيس]

الله يصبرنا وان شاء الله احد المخترعين يطلع لنا فكرة ونفتك منها