يا شباب ... باثفايندر أو باترول ربع ؟؟؟

[Dr.M]

السلام عليكم يا شباب

أنا على وشك اني أشري سيارة :) واحترت بين الباثفايندر والربع النيسان ..... :confused:

أبي ترشيحكم لوحدة من السيارتين (مع ذكر سبب الاختيار) ..... ;)

تكفون لا تتأخرون علي :no2: ............................. مستعجل مرة ;)

ومشكورين مقدما قبل الردود...... والسلام

[المجد]

السلام عليكم ..
والله يالحبيب انا جربت الباث موديل 2000 ومعي الحين موديل 2004 الموتر ممتاز فلاكن ارى فيه امرين :
الاول .. انه ضيق فلذلك ان كانت عائلتك كبيرة ما اظن يصلح لك .. على كل حال هالشئ يشترك فيه مع الربع بس بغيت انبه عليه .
الثاني .. انه غير اقتصادي فموديل 2004 اعبيه ب60 ريال وتولع لمبة البنزين بعد 350 كيلو .. طبعا هذا داخل البلد.
انا اشوف اللي يبي يحكم لك لازم يكون جرب الموترين .. والله يوفقك .

[salehhd]

السلام عليكم

حالياً عندي باث موديل 2004 صراحة الموتر قوي ومريح لاكن زي ما قال المجد صرفية البنزين واعتقد هذا الشي موجود في كل الجيوب بسبب الحجم والشكل غير الانسيابي

بالنسة للربع موتر قوي وعزم موصاحي بس صرفية بنزين مجنونه وقصير يعني معرض للانقلاب اكثر من الباث

من رايي الباث افضل خاصة اذا عائلة لانها اريح لهم عند الركوب والسيارة اطول وفيها مساحة تخزين اكبر

وعلى فكرة الباث راح يتغير شكله 2006 بمحرك اكبر و3 صفوف من القاعد فمن رايي تنتظر الجديد لسببين
اذا عجبك ظفرت بالجديد واذا ما عجبك اكيد سعر 2005 راح ينزل بسبب تغير الشكل

واذا مصر على الربع خذ ربع تويوتا افضل واقل صرفية بنزين ويمسك سعرة عند البيع

لاتنسى قبل كل شي تصلي ركعتين استخارة وتمر الوكيل وتاخذ سواقة تجريبية والله يوفقك

[ع.ف.الدرويش]

السلام عليكم ورحمة الله وبركاته

السيارتين حلوتين ويطيبن الخاطر
انا معاي ربع موديله 2004 وما شاء الله عسل على القلب.. وش ما بغيته يكون.. لكن انا الآن تزوجت وبجد لي نية البيع واستبداله بباثفايندر لذلك نصيحة خذ لك شئ وسيع تراه يريحك بعدين
.
.
والله يوفقنا واياك لكل خير..

[القشيع]

السلام عليكم ورحمة الله وبركاته

الباثفاندر مناسب

لكن فيه عيب كبير - من وجهة نظري - وهو عدم وجود مكيف خلفي

واستشر واستخر فما خاب ولا ندم من استخار واستشار

[عاشق الأشهب]

أنا أرشح الباثفايندر وخاصة من موديل 2003 وفوق لأن مكينته بها قوة ماتصدق حتى أنه يقوم على الربع التيوتا بالزفلت وبالنسبة لصرفية البنزين تتعبر حلو لأن معي GX.R موديل 99 وأعبي التانكي الكبير ب 80 ريال ولا يمشيني إلا 350 كيلو فقط.

[البرحه]

السلام عليكم

معليش انا بختلف معكم هالمره !!

ارجع لخيمه السيارات وشف الي يكتبون عن عيوب الباث فيندر وانا مع 2 من ربعي فيه نفس العيوب !!

يعني اذا حملت تطلع طقطقه والموتر جديد ما كمل 19 الف؟؟

وصرفيته لا تهون يصرف كما هو حال السيارات الرفاع .......

لكن انا ارشح الباترول الكامل او الربع لكن الكامل اريح

وانت عاد شف واستخر وجرب الموترين ولا تاخذ الا شي داخل مزاااجك وبس

لان لو واحد نصحك بموتر وانت ما اقتنعت فيمكن ما يعجبك وتتحسف !! فلذلك خذ الي خش مخك

وعلى العموم كلا الموترين فلتات .......



الله يوفقك بالموتر المبروك

وشكرا

[بدولوجيا]

السلام عليكم ورحمة الله وبركاته


اخوكم في الله معه باثفايندر 2005 الموتر مضبوط ماشاء الله عليه

وكان معي باترول 2002 قبله

الفرق اللي بينهم ان الباثفايندر اخف وزن وارسى بكثير من الباترول

واما من ناحية الطقطقه اي موتر تكده اكيد بيطقطق عليك

وكل شي وله حل ومن ناحية صرفية البانزين فهو اهون بكثير من الباترول وبالعكس انا

كل 5 ايام الى اسبوع احط فيه 50 ريال يعني في الشهر من 200 الى 250 ريال

وماشاء الله على الباث خفيف وراسي جداً جداً ومتماسك اكثر من الباترول ولا يتفكك مثل الباترول

واذا تبي تتاكد اسئل الاخ ابو سليمان انسان له تجربه كبيره مع الباث

من بدايات ظهور هالسياره ولا عنده استعداد يفكر ياخذ غيرها

وجرب اكثر من موديل من هالموتر



وهذي مواصفات الباثفايندر:

شكل الهيكل : واغن 5 ابواب
عدد الركاب : 5 راكب
وضعية المحرك : طولي في المقدمة
نوع الدفع : دفع رباعي
عدد السلندرات : 6 سلندر بشكل V
سعة / القوة : 3.5 لتر / 250 حصان
الجير اليدوي : 5 سرعات
الجير الاوتوماتيك: 4 سرعات

الطول : 464 سم
العرض : 182 سم
الارتفاع : 173 سم
القاعدة : 270 سم
الوزن : 1867 كجم
السرعة القصوى : 175 كلم /س
من0 الى 100كم/س 9.1 ثانية
استهلاك الوقود : 14 لتر / 100 كلم



وهذي مواصفات الباترول :
شكل الهيكل : واغن 5 ابواب
عدد الركاب : 5 راكب
وضعية المحرك : طولي في المقدمة
نوع الدفع : دفع رباعي
عدد السلندرات : 6 سلندر بشكل V
سعة / القوة : 4.8 لتر / 280 حصان
الجير اليدوي : 5 سرعات
الجير الاوتوماتيك: 5 سرعات

الطول : 514 سم
العرض : 194 سم
الارتفاع : 185 سم
القاعدة : 297 سم
الوزن : 2226 كجم
السرعة القصوى : 198 كلم /س
من0 الى 100كم/س 10 ثانية
استهلاك الوقود : 18 لتر / 100 كلم



اخوكم بدولوجيا

[المجد]

نسيت عيب مهم وهو عدم وجود مكيف خلفي فعلا بهالحر كأنك قاعد بساونا ... لكن اخوي انصحك بما نصح الاخ انتظر 2006 لأن شكله مثل الارمادا تقريبا ويمكن فيه مكيف خلفي غير انه بين انه وسيع ..

[{السبيعي}]

السلام عليكم
لا تعليق

[salehhd]

السلام عليكم
تصليح معلومة للاخ بدلوجيا

طبلون الباث 200 واناماشيها فيه
بالنسبة للموديل القديم 2002 وتحت صحيح ما يمشي اكثر من 175

http://m7aky.jeeran.com/24062005.jpg

هذا والقير على الخامس

http://sss955.jeeran.com/pathfindertopspeed.jpg

وهذا في سرعة 160 رجع القير على d2 وطبعاً السيارة ما راح تبدل على d2 راح تبدل على d3

للمعلومية السياره الاولي عادي والثاني قير اتماتك والسارتين مش لي لاكن منقوله
لان المشي بهذي السرعة جنون

[مسهي الرعيان]

السلام عليكم ورحمة الله وبركاته...ياهلا ورحبا بكل القراء..
يا اخي الحبيب من واقع تجربتي للباترووول والله انه موتر مضبوط ولكن فيه مشكلة الصرفيه ومشكلة المكيف للموديل من 98الى 2001 يوجد بهم شغله غير مضبوطه هي اذا شغلت المكيف تحس انه الموتر ثقيل واذا كان تماتيك تبديلاته تصير مو مضبوووطه وتحس انه الموتر مايمشي هذا الكلام للموديل من 98الى 2001 اما الفتك فهو اضبط منهم لانه المكينه كبروها فما تحس بانه الموتر ثقيل..اما الباث لم اجربه ولكن الناس يمدحون الجديد واسأل مجرب.... وشكرا

[Dr.M]

أخوي المجد ... الله يعطيك العافية على سرعة التجاوب مع الموضوع وأبشرك اني عزوبي الحمد لله

أخوي salehhd ... الله لا يهينك على هالنصايح الدرر ... الله يعافيك

أخوي ع.ف.الدرويش ... مشكور على التفاعل وما قصرت ، الا موترك نظيف ؟ جاهـ صدمات ؟ كم هو ماشي ؟ وش لونه ؟ يا ليت تعطين معلومات كاملة عن موترك يمكن تكون من نصيبي !!! :rolleyes:

أخوي القشيع ... مشكور على المشاركة وبالنسبة للمكيف الخلفي .. خل اللي ورا يتورط :D

وان شاء الله أكمل باقي الردود بعدين لأني مستعجل شوي ... تحياتي للجميع

[salehhd]

حاظرين للطيبين

[ع.ف.الدرويش]

السلام عليكم ورحمة الله وبركاته

أخي الكريم..
تعليقاً على ردك.. بصراحة انا عرضت السيارة للبيع في هذه المنتديات الطيبة وتفضــل بزيارة رابط الموضوع
http://mekshat.com/vb/showthread.php?t=32911
لكــــن وللأسف أغلب اللي يسومون هنا أو عموما في المنتديات يحطمون أحس إنهم في عالم والسيارات او بالاصح بيع السيارات في عالم ثاني.. السيارة ولله الحمد قبل كم يوم سيمت من قبل شخص قريب لي بـ 55 ألف ريال.. وإلى الآن ما اقتنعت وعذري الوحيد إن موديلها جديد اللي اقدم منها وصل لحد حلو وهو ملعوب فيه ومنتهي.. والى الآن واقفه من بعد الصيانة وما حركتــــها.. والله أعلم
.
.
الآن فيه عرض من شركة نيســـان اللي هو استبدال بموديل جديد فانا عرضت موتري وانتظــر منهم الرد
.
.
وما أقول إلا الله يوفقنا واياك لكل خير..

اخوك.. عبدالرحمن

[ماجد الشمري]

الباثفايندر افضل لك .. لكن انصحك بالبرادو ...
اوسع واقل صرف ومكينة اكبر واعلى عزم وقوة ... وتويوتا ..







اخوكم ماجد الشمري

[{السبيعي}]

السلام عليكم
السبيعي مر من هنا

[Dr.M]

أخوي عاشق الأشهب ... مشكور أخوي على الرد وصدقت .. المكينة من 2003 وطالع تغيرت وصارت أقوى مثل مكينة جيب الانفنتي وبالنسبة لصرفية البنزين كل الجيوب متقاربة بالصرفية (30-40 كم ما
يعتبر فرق يستاهل) .... أكرر شكري :)

أخوي البرحه ... والله انك صادق ، احترت من كثر ما سمعت عن الباث .. :(
هنا بالمنتدى كلام كثير عن العيوب وسألت واحد من الشباب كان عنده جيبين باثفايندر (2000 و 2003) يمدحه شوي ويعبده وقال ما فيه عيب الا الطقطقه اذا حملته وسألت واحد ثاني معه 2001 يمدحه ويقول ما فيه عيوب ... حيرون وانا اخوك لكن أبستخير والله يوفق .... ومشكور على المشاركة

أخوي بدولوجيا ... الله لا يهينك على المقارنة الحلوة :good: ... وموترك الباث الله يطعمك خيره ويكفيك شره والحمد لله اني لقيت هنا واحد مجرب ...... كم صار له معك ؟ كم ماشي الحين ؟ موديله ؟

ويا ليت أخونا ابو سليمان ... يعلمنا عن تجربته مع الباثفايندر :j

أخوي المجد ... الله يجزاك خير على العودة والمشاركة .. انا بديت أحس ان عدم وجود مكيف خلفي صار ميزة الحين :confused: .. اذا ما فيه مكيف خلفي > محد يركب ورا الا واحد أو اثنين > أخف للسيارة ( مصائب قوم عند قوم فوائد ) :D

أخوي salehhd ... كثر الله من أمثالك وهذا من طيب أصلك والله يعطيك العافية على التصحيح ... ألاحظ بالصورة ان المكينة مرتاحة ما شاء الله السرعة 200 وضغط المكينة أقل من خمسة ... هذي المكينة الطبيعية ؟

أخوي مسهي الرعيان ... الله يعطيك العافية على المشاركة ... وشو الفتك ؟ :confused: وش يفرق عن غيره ؟

أخوي عبدالرحمن.ف.الدرويش ... الله يعافيك على الرد السريع ... والله يوفقك ويرزقك بموترك الحد اللي تتمناه ;)

أخوي ماجد الشمري ... صدقت البرادو طيب بس سعره خيالي :hot: مقارنة بالباث .. الله يعطيك العافية أخوي وما قصرت

[مسهي الرعيان]

اخي العزيز الفتك هي مكينة الباتروووول الجديد 4800 وتسمى بالخليج بالفتك..ارجو ان اكون قد وضحت

[salehhd]

:D

أخوي salehhd ... كثر الله من أمثالك وهذا من طيب أصلك والله يعطيك العافية على التصحيح ... ألاحظ بالصورة ان المكينة مرتاحة ما شاء الله السرعة 200 وضغط المكينة أقل من خمسة ... هذي المكينة الطبيعية ؟



ياهلا وما قمنا غير بالواجب

بالنسبة للمكينة طبيعية لاكن موديل 2004 وبصراحة انا مشيت مرة بموتري بمثل هذي السرعة وكان باقي في الدوسة وبصراحة خفت وراي كوم لحم :D
واذا تبيني اجرب ثاني واقلوك كم كان الضغط فابشر :D

بصراحة سرعتي العادية من 140 الي 160 والريس يكون بين 3 الى 3.5
وعلي فكرة سمع شباب كثير يقولون ان الباث يقوم على المكسيما والومينا والموستنق في القومة على ذمة الراوي

من رايي تصلي ركعتين استخارة ومر الوكاله وخذ سواقة تجريبية
واذا شفت واحد عنده باث يتمشى في الشارع وقفة واسأله عن السيارة ورح تعرف الجديد من 2003 وفوق من الخلف مسجل حجم المكينه 3.5
واذا كنت من اهل الشرقية وودك تجرب الموتر فأبشر بسعدك راسلني على الخاص وتجد مايسرك ان شاء الله
مبروك مقدماً