تفضل وشاهد البئر العملاقه

[عبدالرحمن العمر]

بسم الله الرحمن الرحيم

في البداية اسلم على جميع الاعضاء الاعزاء

وبالنسبه لموضوع هذه البئر فقد سبق لاحد الاعضاء كتابة موضوع عنها وبما انه بالتأكيد يوجد بعض الاعضاء لم يشاهدوها حبينا انهم يشاهدونها 0
1- موقع البئر :
تقع في مركز الرويضه التابع لمحافظة المجمعه
2- اطوال البئر:
العمق (45)متر الطول (35)متر العرض (25) متر تقريبا0
3- مدة حفر البئر:
ثلاث سنوات تقريبا

والان نترككم مع الصور

http://www.mekshat.com/pix/upload/images9/mk6853_dsc001.jpg



http://www.mekshat.com/pix/upload/images9/mk6853_dsc002.jpg




http://www.mekshat.com/pix/upload/images9/mk6853_dsc003.jpg





http://www.mekshat.com/pix/upload/images9/mk6853_dsc004.jpg



http://www.mekshat.com/pix/upload/images9/mk6853_dsc006.jpg


http://www.mekshat.com/pix/upload/images9/mk6853_dsc008.jpg



http://www.mekshat.com/pix/upload/images9/mk6853_dsc009.jpg


http://www.mekshat.com/pix/upload/images9/mk6853_dsc0010.jpg

[المبيحيص]

يا كبره

بس السؤال يقول .. شلون نزلت هالجرافات؟ :)

[الريمى]

السلام عليكم ورحمة الله وبركاته الله يعطيك العافيه وعزالله انها شى غريب وعجيب بس عندى سؤال ليش احفرو هالحفره ومن اللى حافرها الحكومه ولا الشعب ومشكور يالغاطى اخوك الريمى

[ابو درع]

لا لا لا لا الموضوع في انا

اجل وشلون الشريط ( كاست ) الي بجنب الكفر هل كبر ..

تحياتي ،

[النوخذة]

السلام عليكم ورحمة الله وبركاته
سبحان الله وش هالحفرة اللي هالقد
اقول ياحليل المعدات الثقيلة وهي كأنها العاب بزران
بالنسبة لنزول هالمعدات نقول انهم كل ماحفرو ينزلون اكثر بس وشلون يطلعون الله اعلم

[القناص]

السلام عليكم
اخي الغاطي
ياحبذا لو سولفت لنا
وش القصه
من ومتى حفروها
وش تفاصيل الموضوع
لا تعلقنا
انواع الشفاحه <<----------------
شكرا

[المبيحيص]

مهو شريط هذا يابودرع .. ان كاني احقه تراه صندوق فلين .. مثل حق الطماط :)

ولا زال السؤال قائما

[فتى المشقر]

السلام عليكم...
والله ودي افيدكم باللي عندي ولو اني تدخلت على الغاطي وله الشكر الجزيل على هذي الصور...
انا من اهالي المجمعة وقد زرت هذا المكان هو لأحد ملاك المزارع من المجمعة لجمع اكثر قدر من المياه وعلى حسب علمي انها متوقفة
الات الحفر من الحفر منذ اكثر من سنة وهناك الآت لرفع المعدات والتراب والحجر والله اعلم..
ولكن السؤال ماذا يريد من هذه المياة الكثيرة في المستقبل؟؟؟؟

[الهمرH2]

مشكووور أخوي الغاطي . .

بصراحه غريب هذا البير وش الهدف من حفره ؟ ! .

الله لا يهينك عطنا معلومات عنه أكثر و أكثر



و دمتم سالمين

[جبل مشرف]

شغل يحير وافكار غريبه ( وللناس في ما يعشقون مذاهب ) على العموم مشكور على هذا الموضوع المثير

[أبو فراس]

السلام عليكم ورحمة الله وبركاته

لازم يكون هناك شرح وافي عن هالبير

[عبدالرحمن العمر]

السلام عليكم ورحمة الله وبركاته

هلابك اخوي المبيحيص وبالنسبه لنزول الجرافات من بداية الحفر كانت على مستوى الارض وبدات تزل مع الحفر
بالاضافة للونش (كرين)الموجود0

مشكور على المرور اخوي الريمي
بالنسبه للي حفرها كما يبدولي هو رئيس مركز الرويضه وبواسطة معداته الخاصه في مزرعته حيث لايوجد في المنطقه القريبة من البير مياه جوفيه حيث حفر اكثر من 6 ابارجوفيه ولم يحصل ماء كثير بل مياه قليله0
فقام بحفرها ولم يجد ماء (الله لا يخسر مسلم)

حياك الله اخوي ابودرع (شكل الشوف عندك شجر) ;) :D
امزح معك لا تصدق0 هذاالله يسلمك كرتون مثل ما قال اخونا المبيحيص
معك حق الي ما قد شافها مايصدق 0

هلابك يالنوخذه
بالنسبه للنزول والطلوع بالونش0

هلابك يالغالي يالقناص
بالنسبة لوقت الحفر قبل اربع سنوات من تاريخه تقريبا
والباقي ارجو ان تجد اجابة لتساؤلك اعلاه0
واي اضافه مستعدين0

مشكور يالمبيحيص على التوضيح

حياك الله اخوي فتى المشقر ومشكور على المشاركه والتوضيح
اما بالنسبه لسؤالك ماذا يريد بالمياه الكثيرة في المستقبل 0
حيث ان المياه السطحيه في هذه المنطقه قليلة فقام بحفرها بهذا الحجم لاجل انه عندما يجد اي ماء يكفيه لكبر البئر0

هلابك اخوي الهمرH2
بالنسبه للغرض من الحفر هو البحث عن الماء
اما بقية التساؤلات فأرجو ان تجد اجابتها اعلاه
واي اضافة مستعدين0

حياك الله ياجبل مشرف ولا شكر على واجب

هلابك اخوي ابو فراس
انت اسأل ونحن نجيب
امل انت تجد بعض مما ترغب به من شرح اعلاه

[محب الخير]

جوزيت خيرا

[أبوأحمد98]

وااااااااوك أعوذ بالله ..وش هالحفررررررررره واااااااوك ....!!

عندي سؤال ..؟؟ وش الفايدة من هالحفرررررررره ..؟؟ الشياول الي تحت وشلون يطلعن ..؟؟

وشكرا ..!!

[عبدالرحمن العمر]

هلابك اخوي محب الخير
ومشكور على مرورك

حياك الله اخوي ابو احمد98
وهذي الله يسلمك بير ماهي حفره اما بالنسبه للمعدات يطلعهن الونش
ومشكور على المرور

[الأمارة]

السلام عليكم
الى عمق كم بوقفون الحفر...........

الى ان يطلع الماء....

وشكرا على الصور والمعلومات ....

[رسلان]

سبحان الله ...
حفرة عميقة وكبيرة !! ....
وإذا ماخرج ماء ... الله يعوض صاحبها بخير منها ...

وشكر لك أخي على الموضوع والصور ...

[عبدالرحمن العمر]

اخوي الامارة الان متوقفين عن الحفر منذ مايقارب ثمان شهور
ولا شكر على واجب0

الغالي رسلان مرورك شرف للموضوع 0
والله لا يخسر مسلم شكل التعب (الحفر)ماجاب نتيجه لانهم متوقفين الان0
ومشكور على مرورك000

[Khalid AlGhamdi]

اخاف انه يدور بترول بس :)

ماهي معقول كل هذا بير !!

عموما الله لايخسر مسلم ان كانه طلع عقب كل هالتعب ببلاش ، الله يعوضه بالخير

[عبدالرحمن العمر]

حياك اخوي ابومعاذ
شكلك شريك في بير البترول :no: ولا :D

[صالح المطيري]

بير عملاق المفروض يدخل موسوعة جينس للأرقال القياسية ، الله يعوض لصاحبه .

[عبدالرحمن العمر]

هلا بك اخوي صالح0
ومايدرك لوانه داخل للموسوعه :p

[جمران]

تشكر يالغاطي على الصور والله يعوض
صاحب البئر خير ..ولكن ليته استعان
بأصحاب الخبرة بمناطق وجود الماء
تحت الأرض حيث يملكون فراسة بذلك
تشكر مرة أخرى وبارك الله فيك
==========
أخوك جمران

[عبدالرحمن العمر]

هلابك اخوي جمران مرورك شرف للموضوع000
والمفروض انه على كلامك استعان بأهل الخبره00
لان (القوه ) ماهي كل شئ :p

[راعي قَنَا]

بصراحة غريب هذا البير ( القليب ) ..
وهل بأ ستطاعة الزائر ان يراه ؟؟؟
وانا اقترح ان يجعله مزار سياحي .. فالتذكرة بخمس ريال وانت ماشي .. لعل الله يرد له خسارته ..
ومشكور اخونا غاطي على هالتغطية المميزة ..

[خيال الغلبا]

هو افضل حل بعد كل هالتعب انه يطق ارتواز في وسطها لعل الماء يكون قريب ومن ثم ينبع عليها

[راعي الدويحا]

ياويل اللي يطيح بها وبعدين المفترض ان يحقق مع ريس المركز وش كان شارب يوم فكر بهذه الفكره كم كلفت من جهد ومال وقت يشتري له وايتين ويريح المعدات والعمال وبعدين وش يملها

[بدر الجديد]

كلام اخوي خيال الغلبا عين العقل عساه توصله هالمعلومه ويرتاح ..

[مهراس]

المفروض يكون الموضوع في كتاب جينس أو في البرنامج التلفزيوني(That's incridible)

[nahham]

الله لا يخسر مسلم

والله يعوض صاحب البئر خير

[عبدالرحمن العمر]

الغالي راعي قنا مشكور على المرور0
وبستطاعة اي شخص ان يرى هذا البير00000 لكن ببلاش ;) مسكين راعيه المفروض يستغله على كلامك
علشان يرد بعض الخساير000


العزيز خيال الغلبا حياك الله 00
لكن ياخوك الرجال ماحفر هالبير الى عقب ماعجز انه يحصل ماء في الابار الارتوازيه لانه حفر اكثر من ارتواز وما حصل الى ماء قليل0


المحبوب راعي الدويحا الرجال ماينلام عجزيحصل ماء لمزرعته وكان يوم من الايام شارب من ماء (قليب) وجازله وطرت عليه الفكره :p


هلابك اخوي بدر الجديد ومشكور على المرور


الغالي مهراس اسع للموضوع وخل البرنامج يجي بس لا تنسى تخليني اجي :D



حياك الله اخوي nahham ومشكور على مرورك00000

[الشقارى]

بئر عجيب
مشكور الحبيب على الصور

[الكونترولCONTROL]

و هل هذه طريقة علمية للبحث عن الماء؟؟؟؟
=====================
لماذا هكذا ؟؟؟؟؟؟!!!!!!
========================
الحفرة كلفت 20000 ريال على الأقل - هذا لأن المعدات معداته !!!! و الا قد تكلف 100000
================================================== ==
هناك أجهزة و خبراء و التكلفة 5000 ريال ليس لمكان واحد و انما حتى يجد الماء

[CRUISE**كروز]

ودي اشرب من ماء (قليب) عشان اخترع لي اختراعات مدمرة زي هذي :p

هذه الحفرة خطرة جدا على الناس وعلى البهايم وحتى على اللي كانو شغالين
واللي يقول ان الونش بيطلع المعدات هذا يحلم
اتحدى اقوى ونش انه يقدر يرفع شيول او حفار مثل ذولي على هذا العمق والدليل انها تلفت في مكانه
لانه لايوجد عاقل بيغامر بروحه وارواح الاخرين عشان يصلح غلطة واحد زي هذا

[ولد سليمان]

السلام عليكم ورحمة الله وبركاته
حسب ماسمعت انهم يبون يسوونه كخزان ارضي وبحجم ضخم علشان ياخذ كميات هائله من المياه تجلب من ابار ثانيه وتصب في هذا الخزان

اما من ناحيه التكلفه فالموضوع مدروس ومنتهى منه
اما المالك فهو من اهل المجمعه ومن الذين يؤثرون في سوق الاسهم بالمملكه...........؟
اما استخراج المعدات من الاسفل فأمرها بسيط وبالرافعات

ولكن لي ملاحظه على خزان بهذ العمق والحجم .
وهي انه عندما تصب الارضيه والاجناب بالخرسانه ويعبأ بالماء سوف يكون هناك ضغط هائل على الارض والاجناب واحتماليه ان يكون ترريح بارضيه واجناب الخزان وقد يتسبب هذا بحدوث تصدع او تشقق للصبه وتسرب للماء الى باطن الارض (وكأنك يابو زيد ماغزيت) وهذا يحدث للخزانات بالبيوت

وكنت اتمنى انهم عملوا شبك اوسياج حول المكان لخطورته

اخوي كروز تراهم بالمينا يرفعون البلدوزر ثمانين طن من الباخره وينزلونه على السطحه
ولكن انا معك انه خطير لان الديزل ماراح يطلع خارج الحفره ويبي يكتم الي يشتغلون تحت .

[مهـــــاجر]

ترا خمس واربعين متر عمق ميب شي بس ان سمع رايي طق ارتواز وسط هالحفره ان كان الما قريب كمل حفر وان كانه بعيد الله يخلف عليه ..........

بس لحظه سؤال الحين هذا أكيد بير ولا يبي موية المطر تتجمع فيها ؟؟؟

[تبوك]

السلام عليكم ورحمة الله وبركاته
سبحان الله الظاهر ان الاخ ينقب عن البترول مهوب عن الماء
اما عن اخراج المعدات فا احسن حل انه يفككها ثم يرفعها بواسطه الرافعه

[الكونترولCONTROL]

خزان الما لا يكون اعمق من 4 امتار
لأنه سوف ينهار حتما اذا كان عميقا - كما يكون مكلفا استخراج الماء منه
====================================
الظاهر ان الرجال محلم بكنز و قايل له الي في الحلم لازم تبتل تحفر لين تلقى الكنز - يعني لا تمل حتى لو
تطلع على (( بيلا روسيا )) = (( روسيا البيضاء )) من الجهة الثانية من شمال الارض !!!!!!!!!!
مجرد مداعبة مع الحترامي الفائق لكم و لصاحب البئر !!!!!!!
================================================== ======

[فتى البرية]

مشكور أخوي الغاطي على هالموضوع
انا حبيت اصحح بعض المعلومات ، اما بالنسبة للبير فهي ليست لرئيس مركز الرويضة هذا اولا
ثانيا وهو حفر البير لندرة الماء كما ذكرتم ،حيث انا الماء عنه شحيح في المنطقه ولا تكفي لري النخل الموجود عنده فحفر هذه البير ليجمع فنها الماء من الامطار والمياه الجوفيه
ثالثا هذه الحفره كلفت ملايين الريالات
و(الله لا يخسر مسلم)

[عبدالرحمن العمر]

اشكر الجميع على المرور

[الضاري]

فعلا بئر غريبببببببببه

يعطيك العافية

[الضاري]

ياليت لو تعطونا أحداثية البئر ..

[الصمان]

السلام عليكم ورحمة الله وبركاته
مشكور يالغالى

[أبو مفلح]

والله غريب
كل ذى الطول والعرض !!!!!!!
الله يعوضه أحسن منها

[عاشق حسناء]

احداثية البير او وصف دقيق للوصول له لو سمحتوا

[نقا هشال]

سبحان الله

بالفعل بئر غريب

يعطيك العافيه اخوي وماقصرت

[نقا خريم]

والله ينخاف على اللي يبي يجي بالليل
يتهبد مايشوف يطيح فيها . الااذا صارت محميه بحبس او شبك
العلم الشياول وش لون تبي تطلع

[Waleed1]

السلام عليكم

أعتقد ليس بالامكان تطليع المعدات بالونش لانة من الصعب نظراً لثقل المعدات وخاصتاً الشيول، وأذا نظرنا الى فتحة البئر الكبيرة لاكتشفنا أنة يحتاج الى ونش كبير جداً لرفع المعدات، واللة العالم أن الرجال مضحى بهل المعدات أما أنها تجد ماء بأذن اللة أو اللة يخلف عليها وترون واضح أن المعدات بدى الصدء يضربها عسى اللة يعين شئ محير فعلاً

[عاشق الاثار]

مشكور اخوي الغاطي
صاحب هالبير شكله يبغى يدخل موسوعة قنتس للارقام القياسية :d :d :d

[اشهب الزلفي]

ودي اشوف الونش اللي يبي يطلعهن !!!!!

[اشهب الزلفي]

عندي سؤال عن الآبار .
(يقولون)فيه بير قديم مره علي طريق الزلفي المجمعه يسمونه بير الحطيئه و(يقولون)انه الحطيئه كان ساكن عند هالبير.
طبعا هذي شركة (يقولون)مره تصيب ومره تخيب......
ودي بالعلم الوكاد لأني رحت ودورت وصكتني الشموس وقعدت اتوهم اي حفره اشوفها اقول هذا هو واثر صكة الشمس لها دور.
لو تفيدوني جزاكم الله خير.:confused:

[سيف الشمال 1]

لي مداخلة بالموضوع واتمنى اخوي الغاطي انك ماتزعل علي
بلاش ضحك واستخفاف بعقول العالم
ياجماعه شوفوا الصور عدل وركزوا !!!!!!!!!!!
شلون نزلت الجرافات بالحفرة انت تقول مانزلوا هم كانوا من بداية الخفر وماشين حبة حبة
وذكرت ان الوناشات راح تسحبهم بالله عليك اي ونش يقدر يسحبهم؟؟؟؟؟
وثاني شي شلون يشيليون الرمل اللي تحفره الجرافات تحت؟؟ لاحظوا اول صورة شكل الحفرة من فوق يا اخوان انتم تعرفون كل شي
والشاطر يفهم

[northstar46]

الاخ ابو درع لماذا اخترت هذا الاسم بالتحديد وكلنا نعرف من هو ابو درع وماذا فعل ؟؟؟؟؟؟؟؟

[مهندس الكشتات]

ياليت لو تعطونا أحداثية البئر ..

اكرر طلب الاحداثيات.......

[بارود برنو]

ازهلهااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااا
ااااااااااااااااااااااااا
والله انك نصاب
هذي حفره بزارين
رح مشها على واحد غيري

[سندباد الخليج]

والله الحفره كما يضهر انها حقيقية بس وشلون يطلعمنهن

من هالحفرة اكيد يبيلهن رافعه حجم كبير

[ابو رمزي]

اخواني

بالنسبه للموقع ماتبي احداثيه ولاشي

طريق القصيم الرياض

اذا مريت من عند المجمعه وانت على السريع

بتلقى لوحه مكتوب عليها

العمار...الخيس.....الرويضه

اطلع

واتجه غرب والمجمعه تصير خلفك طبعا الخط سيد واحد

امش 8 الى 10 كيلو تقريبا يجيك مسجد صغير على يمينك بعد المسجد بــ200 متر

البئر يمينك 400الى 500 متر عن الخط

وفيه حجر دار مادار عليه

غير حبس المزرعه



ولا كن الان موقف اكثر من سنه

عن طريق مديرية الزراعة



وبنسبه عن كيفية اضهار الحجر والتراب

يوجد قطعه من القلاب اذا امتلأت من الشيول

رفعها الونش ويوجد شحن كثيييييييره حول البئر

بالحجر الضاهر من البئر

هذا بعد مشاهدتي له قبل سنتين

والعمال بعد نفس الي يشيل التراب
ينزلون ويرقون فيه

وبعد الحديث مع صاحب المزرعه
يقول ان البئر يريدها الى 60 متر

[الضيغم]

السلام عليكم ورحمة الله وبركاته .......!!

الله لا يهينك على الموضوع الرائع والصور الجميله..


افا والله عيب أحد يكذب الرجال يالربع ..


الي يبي يعلق عالموضوع يعلق ولاكن سالفة انه يضحك علي وعليك منت مجبور بالرد يالحبيب ..

وبعدين فيه أختراع أسمه كرين وش هالونـش الي يبي يسحبهن


ترى فيه كرينات عملاقه يا جماعه باحجام خياليه ....!!


ولا ما شفتوا الي على الأرصفه البحريه عند البواخر العملاقه ..


http://www.aqabaports.jo/AdminPages/image/DownloadImage.asp?Image_ID=78&lang=AR

[الضيغم]

http://images.abunawaf.com/2005/01/aramco4.jpg




طيب وش رايكم بهالكرين الي رفع الطيارة ....!!

[بارود برنو]

http://www.mekshat.com/pix/upload/images9/mk6853_dsc001.jpg
اعتذر عن الاسلوب بالرد امس جاني النوم وانا اكتب والمسأله ماهي مسألت تكذيب الرجال والى شي اتوقع الرجال يبي يختبرنا
مثل قصه (مسافر1 )
هذي الصوره الاولى طبعا اشوف القشعه (النبته) مقارنت حجمها مع الحصى وقطعت القلاب اشك في الموضوع
ولو البير حقيقه
لاكن الحجم مبالغ فيه وملعوب فيه

[ابو رمزي]

http://www.mekshat.com/pix/upload/images36/mk40485_mk6853_dsc006.jpg


هذي صورة القطعه الي تشيل الحجر والتراب من البئر
وبعد
تحول العمال فيها

والي يقول مبالغ فيها يروح للوصف ويتأكد بنفسه

[عضو مكشاتي]

تصدق عاد إني قد نزلت فيها

[نافخ نفيخه]

السلام عليكم
اخي الغاطي
ياحبذا لو سولفت لنا
وش القصه
من ومتى حفروها
وش تفاصيل الموضوع
لا تعلقنا
انواع الشفاحه <<----------------
شكرا

[KEA2003]

الارتواز اقل تكلفه واسرع وش الهدف يا ولد اوجعت روسنا من الحفره !!!!!!!!!!!!

[الحجاج1111]

مسكين الرجال خسر بس الله يعوضه خير

[قنيف]

اسمحولي ادلو بدلوي هذه البئر لها قصه وهي ان صاحب المزرعه الله منعم عليه
وله مزارع كثيره بشمال المملكه ويملك ايضا معدات ثقيله ومقاولات
ولكونه من اهل الديره اقصد الرويضه فأن المزرعه التي بها البئر لها اثر في نفسه
ولآحيائها واحياء معها ذكريات ابائه ولعدم وجود الماء الكافي عن طريق حفر ابار ارتوازيه
قام بحفرهذه البئر على ان يكون عمقها 70 متر وعند وصوله الى 40 متر تم ايقاف العمل
من قبل وزارة الزراعه . ولتركه للمعدات بالبئر كل هذه المده فهو على نية الاستمرار .
ودمتم،،،

:j