ابغى اشتري سيارة للبر انصحوني وافيدوني تكفون

[القرشي]

نويت اشتريلي سيارة للبر وش تنصحوني فيه وحبذا لو السعر حول الخمسين بس تكون حلوة وقوية ووضحولي
احسن بنزيم ولا ديزل

[سفاري]

هل هي سيارتك الخاصة او هي سيارة للبر فقط

اذا هي سيارتك الخاصة انا انصحك بالباثفايندر موديل 2002 او 2003 ان حصلت بالقيمه الي انت تبي
اما اذا كانت سيارة زائده وهي للبر فقط فالربع لاند كروزر ممتاز وايظا الهيلوكس الدفرنسين

اما بنزين او ديزل فاذا انت راعي طعوس فالبنزين احسن واما اذا انت منتب راعي طعوس الديزل يبي يبسطك

كتبت لك هذا الرأي على عجاله وهذا الي حطر لي ونتمنى نشوف رأي الاهوان ونستفيد منهم

[بلوتوث]

ابن الحلال أشتر شاص 97 بنزين وبئس

[صفــــارة]

خذ لك هايلكس غمارة يجيبلك موتر نظيف ويقوم بالغرض..

هذا رأيي واللي أشوفه مناسب على دراهمك .. وعليك بالأستخارة

والسلام عليكم ..

[مشوت الحصى]

غير الهلي دهرنسين لا تركب


وبعدين

وضح طبيعة الارض اللي تقنص فيها ((شمال او جنوب))



طعوس او جبل او سهل وضح لاهنت

[القناص]

ابد
ابد
سفاري باب واحد نيسان
97 بدون اي اضافات
غير المكيف
شكرا
تلقاه بحول الخمسين
واسع
وراسي
ونظير
شكرا مره ثانيه

[حرباش]

أظم صوتي لصوت اخوي القناص واقول خذ لك باترول 97 واسعاره من 35 الى 50 حسب النظافه والمواصفات واذا كان ربع او طويل :)


ولك تحياتي

[المتوكل]

تبى الشور اشتراسيزودبل ولن تندم ابدا قوه متانه اقتصاد فى الوقود سوا بنزين او ديزل خفه و سهوله على الطرق الوعره او المزفلته جمال الشكل الخارجى--------وعلى قوله احد الاعضا الكرا مم [size=5]لاتفكرولاتحتارغير السوزو لاتختار------------------ فعندى ولله الحمد2005بعد ان شريتهاو جربتها تغيرت وجه النظر 190 درجه وهذه صور المزيونه
:good: :)
http://www.mekshat.com/pix/upload/images9/mk13516_dsc01501.jpg
http://www.mekshat.com/pix/upload/images9/mk13516_dsc01502.jpg

[صفــــارة]

بس ما تلاحظ إن قيمتها غاليه وعند البيع يطيح السعر وتبي واحد يحافظ عليها..والشي الثاني الهايلكس ازين من السوزو
.

[مسهي الرعيان]

السلام عليكم اخوووي القرشي ..انصحك بالباترول الربع مثل ماقالو اخواني فهو موتر ذو متانه وعزمه حلو واذا فلوسك زايده شوي خذلك لاند كروزر موديل 96او97 تراه ممتاز ايضا واذا انت راعي مقناص وعندك اغراض زايده شوفلك وانيت جمس دبل موديل99او 2000تحصله نظيف ..واسف على التقصير بالرد....حافظك الله

[ابو باسل]

انصحك ان تشتري جمس حوض غماره ونصف دفرنسين تبي قوه تبي راحة في البر او على الطرق او في المدينة فيه الوسع والمتانة

[القرشي]

مشكورين مشكورين يالربع بس تراكم حيرتوني وانا ودي بموتر ينفع للبر وللمدينة يعني 2*1 وابغا شي فيه دبل
وانا والله حاب تويوتا بعدين نيسان تكفون لا تحرموني من نصايحكم المفيدة

[{السبيعي}]

يالغالي ما لك الا السفاري ربع
دلع
اجنان
راعي بر
وطير
وبنادق
كلش
كلش
واطلق موتر بعد الا ندكلوزر

[عاشق الأشهب]

أنا أقول خذلك باترول موديل 99 بابين (صالون) اللي مب سوبر سفاري اللي أقل منه يجي ثلاجة تراه موتر بر وديرة وأسعاره من 45 الف إلى 50 ألف والموتر مع واحد من الربع توه شاريه ويمدحه.

[فتى التويم]

خذ لك سفاري ربع موديل 2001
سفـــــاري وبس

[راع الونيت]

خذلك ايسوزو 4*4 2005 غمارتين شكله رهيب لكنه غالي شوي والله انه داخل مزاجي وناوي على واحد ان شاء الله لكن ما أدري عن كيفية الدبل لأنه زرار لو واحد يضغط الزر الثقيل وأنت ماشي بسرعة 0000 ليت أخونا المتوكل يفيدنا لأنه مجرب وللجميع تحياتي

[محب الشمال]

اضم صوتي للأخ قناص
الباترول الربغ مريح و زين للبر
بس بدون اضافات
او تويوتا ربع بطربك وعلى كيف كيفك
واذاعندك عائلة عليك بالباثفندر
والله يحفظك

[salehhd]

السلام عليكم

تبي النصيحة خذلك باث موديل 2001 او 2002 واذا حصل 2003 يكون افضل لان محركة اكبر

الموتر مريح ومعروف في البر وفي الزقلت ويبيض الوجه

وفي الخط راسي وعزمه حلو اقل صرفية من الباترول

[القرشي]

الشكر الجزيل لكل من رد وحقيقة استفدت من اراء الجميع وشكرا

[الباث الأسود]

انا من رأيي اذا كانت سياره اك او زائده ان تشتري باثفايندر 2002_2005 ولن تندم

واذا كنت تبي بحدود 20000 تلقى باثفايندر موديل 94_96 هذا للنظيف

[بن سنجاره]

يأخي اذ تبي موتر للبر هايلمس دفرنسين ركبله جنوط فكسار و فلتر دينا





وسلامك

[بن سنجاره]

يأخي اذ تبي موتر للبر هايلمس دفرنسين ركبله جنوط فكسار و فلتر دينا





وسلامك

[انا ناصر]

اقول بس لاند مواصفا ت خليجية عطي الله اذا تبي شوري

[اسيزو 4x4]

أنا اشهد لا تدور غير سيزو 2003 ديزل تيربو دبل مستعمل

تلاقية بــ من 54 الى 58 الف وموتر بر يطربك مشاء الله >>>>>>>>>>> أسال مجرب !!


.

[محب الشمال]

هل هي سيارتك الخاصة او هي سيارة للبر فقط

اذا هي سيارتك الخاصة انا انصحك بالباثفايندر موديل 2002 او 2003 ان حصلت بالقيمه الي انت تبي
اما اذا كانت سيارة زائده وهي للبر فقط فالربع لاند كروزر ممتاز وايظا الهيلوكس الدفرنسين

اما بنزين او ديزل فاذا انت راعي طعوس فالبنزين احسن واما اذا انت منتب راعي طعوس الديزل يبي يبسطك

كتبت لك هذا الرأي على عجاله وهذا الي حطر لي ونتمنى نشوف رأي الاهوان ونستفيد منهم

نفس كلام اخوي سفاري طلع لك جيب ربع ولا هايلكس دفرنسين

[ابوصالح022]

هايلكس4x4 2008 او 2007
وانصحك لاتبعد عن التويوتا والنيسان
وعلى مهلك