المساعد الشخصي الرقمي

مشاهدة النسخة كاملة : تركيب بطاريه اضافيه للاكسبديشن


ابومحــ م ـــد
08/09/2010, 05:19 AM
السلام عليكم ورحمة الله وبركاته
يا أهل الخبره او من جرب تركيب بطاريه اضافيه في الاكسبديشن موديل 2006 يعطينى الطريقه الامثل والاسهل والاوفر 00000 وكذلك لتكون الفائده للجميع 000( على فكره المشكله اللي تجبرني على تركيب البطاريه هي اني كل ماطلعت وشبكت على بطارية الموتر بعد ساعه تقريباً الموتر ما يشتغل الا باشتراك علماً انه تم فحص البطاريه ويقول الكهربائي سليمه ) 00
اسير الغضا
08/09/2010, 07:48 AM
للرفع وحدد موقعك علشان يفيدونك الاخوان
ابوصالح77
08/09/2010, 01:22 PM
هلا بك أخو والأمر بسيط
تقدر تشتغله أنت بيدك ، والطريقة بالروابط
وهالربط لخونا قناص *07
http://www.mekshat.com/vb/showthread.php?p=5213321&posted=1#post5213321

وهذا بعد رابط آخر:
http://www.mekshat.com/vb/showthread.php?t=326608

تقبل مروري
اسير الغضا
08/09/2010, 03:44 PM
نرفع موضوعك والله يكون بالعون
اسير الغضا
08/09/2010, 08:10 PM
اقتباس من سوبر فتك


ياخوان المسالة مهب صعبة :good:
انا مسويها بنفسي :good2:
4متر كيبل 10ملي ب36ريال
ان بغيت حط 6ملي مثل حق دينمو السيارة شد البلد
اللي يشحن البطارية
روس كيبل من محلات العدد ب4ريال
جرجور عازل 5متر ب20ريال
سيم معلاقة :p
عشان تسحب الكيبل من صدر الغمارة الى داخل الموتر
عن طريق الفرشة الارضية من عند الابواب
(اذا بغيت تحط البطارية بالداخل)
كرسي بطارية ب60ريال تقريبا
دقمه جمس ب150ريال قبل فترة كانت ب200ريال
الدقمه تسحب له كهرب من اي سلك يشتغل مع فتح السويتش
ماص الدقمه تسحبه من البدي
توصل الكيبل 10ملي من البطارية الاساسية الى الدقمه
الطرف الاخر من الدقمه توصله الى البطارية الاضافية
عند فتح السويتش تشتغل الدقمه :good:
عند الاطفاء تفصل بين الكيبلين :good:
اسير الغضا
08/09/2010, 08:10 PM
وهذا من المتروا

السلام عليكم ورحمة الله وبركاته
الاخوان الكرام كلن بأسمه تسلمون على المرور والتشجيع
ولمن سأل عن البطاريه الاخ الوهاج ومحب الشمال والباقين

اخوكم راعي حربثه والبطاريه انا مركبها ولم تكلف الا تجهيزاتها انا مركبها شخصيا انا وواحد من المحربثين

وترى الموضوع بسيط جداً لتركيب البطاريه بنفسك اذا طبعاً تحب الحربثه وتتقن العمل او تستطيع تطبق التعليمات المترويه بدقه

1-مطلوب بطاريه نفس مقاس شد البلد من حيث الامبيرات 125 ريال وهلايام اظنها 145 ريال وهي ايسي دلكو رخيصه ومن وراء الاجهزه ولمبة الكبس

2-كيبل احمر من شارع الرين بالرياض طوله 3 متر او 4 متر ب 8 ريال للمتر ومقاسه اظن 6 ملي ناعم قله ابي سلك بطاريه ويعطيك وخذ انجليزي افضل
3- كيبل اسود 1 متر كافي للتاريض فقط يوصل لبدي السياره نفس مقاس الاحمر
4-سلك عادي صغير عشان توصل الدقمه بالكهرباء 2متر او اي سلك كهرباء للسياره
4- دقمه حقت الفروت القديمه او الجموس السوداء 90 ريال
5- رؤس حلقات جميع المقاسات لتركيبها بروس الكيبال للربط للمعلوميه يجي طقم 25 ريال فيه حوالي 24 راس مختلفه( طقم كنكترات كهرباء )
6- اصابع بطاريه عدد 2 بـ10 ريال
7- خرطوش للحمايه للكيبلين طول 6 متر ب3ـ يال للمتر
8- قاعدة علويه للبطاريه نفس اللي تجي شد بلد شريتها اظن 45 ريال من الوكاله
9- قاعده ارضيه للبطايه عند الحداد 15 ريال عباره عن 4 حديد زوايا لحمها مع بعض واخرمها على نفس الفتحات التى بالرفرف عشان تثبتها فيها 4 مسامير مقاس 12 او 13 مااذكر بالضبط هذه اللاوازم المطلوبه

ولم ايحدث ولله الحمد اني شفت منها اي مشكله لها الآن حوالي سنتان من ركبتها وكم واحد من الشباب مركبينها له لم يذكر شيء سيء فيها
وللعلم تراها مفصوله عن الاساسيه تماما اذا طفت السياره الدقمه تقوم باللازم تقفل الهرباء عنها
الدقمه تشتغل على السويك يعني تعبي فقط اذا اشتغل دينمو الكهرباء لانها تشبك مع لمبة الدينمو اذا طفت اللمبه عبت واذا اشتغلت قفلت الدقمه (تحتاج شرح اوفى هذه النقطه ودقيق وتركيز )
وكذلك الكيبل الاحمر يشبك ليس على اصبع البطاريه الاساسيه ولكن يوجد فيوز كبير بأصبع الكهرباء على البطاريه الاساسيه وفيه عدد2 مسمار فاضيه ومكان فيوز قبل الاصبع وعليه غطاء يوصل فيه اصبع الكهرباء الجديد وتضيف فيوز جنب الموجود نفس الشكل اظن 60او 80 وقيمته 5 ريال وهذا احياطاً عند حدوث اي مشكله بالبطاريه الاحتياطيه يقطع

واهم شيء جميع الشغل مرتب والاسلاك مخفيه بالخراطيش والمساكات اللي هي تاي راب بـ 5 ريال ولا تشوف شيء مختلف داخل الكبوت كأن مافيه شيء مضاف للسياره غير البطاريه والدقمه

التكلفه الاجماليه للوازم البطاريه الاحتياطيه 380 ريال فقط طبعاً شغل مرتب وليس شغل مش حالك مثل اللي يسوون بعض الورش للاسف كل الامور شطرطون وانت ماشي

وسوف احاول انزل موضوع بالصور عن اللوازم والطريقه بموضوع مستقل لاحقاً


ولكم وافر التحيا
المترو

http://www.mekshat.com/vb/images/buttons/quote.gif (http://www.mekshat.com/vb/newreply.php?do=newreply&p=292265)
ابومحــ م ـــد
09/09/2010, 05:09 AM
الاخوان اسير الغضا والاخ ابوصالح
اشكركم من كل قلبي على المرور العطر والمفيد والله يعطيكم العافيه وتقبل الله منا ومنكم صالح الاعمال 00000000000
ابوصالح77
09/09/2010, 06:19 AM
لا شكر على واجب ، وكان نويت تركبها أنت بنفسك إذا بغيت خدمة
راسلني على الخاص
أو على هالرابط
http://www.mekshat.com/vb/showthread.php?t=326608
__________________________________________________

اخونا أسير الغضا ما قصر الله يعطيه العافية
بيض الله وجهه
اسير الغضا
09/09/2010, 09:43 PM
لا شكر على واجب ، وكان نويت تركبها أنت بنفسك إذا بغيت خدمة
راسلني على الخاص
أو على هالرابط
http://www.mekshat.com/vb/showthread.php?t=326608
__________________________________________________

اخونا أسير الغضا ما قصر الله يعطيه العافية
بيض الله وجهه
والله يابو صالح ماناصل ماوصلت له من خدمة الاعضاء

والله يكتب اجرك
ابوصالح77
10/09/2010, 02:41 AM
والله يابو صالح ماناصل ماوصلت له من خدمة الاعضاء

والله يكتب اجرك

من بعد إذنك أبو محمد

أسير الغضا بيض الله وجهك ولا يهنون الربع
تعلمنا منك خدمة الإخوان فأنت راعي الأولة
ما شاء الله عليك
الله يعطيك العافية ويقويك

تقبلوا مروري