المساعد الشخصي الرقمي

مشاهدة النسخة كاملة : تبريزة الجنوط للباترول هل تنفع او ...


comابوسليمانwww
08/09/2010, 06:02 AM
ناوي اركب جنوط هلل (باجيرو) على موتري باترول سفاري 2004
لكن لابد من تبريزة ولا يكون شكلة غلط لوجود الرفارف .......... فا اقترح احد الشباب اني ركب تبريزة حديد تباع بالسوق ب50 ريال..
لكن انا متخوف منها هل تتحمل البر والبطناج اخاف اركبه واتسابق انا والكفرات
فلاخوان الي عندهم خبره رجاء يفيدوننا ...
ابوو زيد
08/09/2010, 06:12 AM
في بالغرابي نوع مكتوب عليه ياباني وهو بالاصل امراتي

ركبه ولا تحتاج لا تبريزه ولا شي

انا جربته لا رجه ولا شي استخدمته حول 8 اشهر وبعتهم
comابوسليمانwww
08/09/2010, 06:16 AM
اشكرك اخوي ابوزيد على المرور ...
لكن الجنوط موجودة عندي ... وصعبة اروح ابيعهن واشري الي تقول لان الجنوط الي عندي اصلية ...
انا ابشوف راي اهل الخبرة اذا كانت تمشي بالتبريزة ولا بعتهن والشكوى لله .
comابوسليمانwww
08/09/2010, 01:19 PM
وين الشباب ... ودي اركبهن قبل العيد .
هواوووي 666
08/09/2010, 02:57 PM
فيه طريقه انك تروح للمخرطه وتقول ابيك تسوويلها تبريزه
واحد من العيال مسوويه ولله الحمد ماقد اشتكى منها ابد وانصحك كانك من الرياض بمخرطة الوفاء في الصناعيه القديمه
وبالتووووفيق
اسير الغضا
08/09/2010, 03:42 PM
نرفع موضوعك والله يكون بالعون
ابو نايف00
08/09/2010, 05:07 PM
السلام عليكم ............................وبعد

الجنوط (باجيرو الاصلية ) بدون تبريز غبية .

وتبريزهن عند المخرطة يبي شغل ( تقريبا 300 ريال حسب ما سمعت )

تلقى جنوط باجيرو عند الغرابي مبرزة 850 جاهزة( مستعمل )
وعطة اللي عندك ولا سو لهن اعلان ب مكشات .

بس انتبهة من الجنط احيانا يحك بالكليبر وخاصة اذا كان مبرز .....جرب الجنوط قبل الشراء
وخاصة الاماميات ...


وشكرا وتمتم سالمين............................................ .
مجنون باترول4800
08/09/2010, 07:19 PM
وش نوع الكفرات
comابوسليمانwww
09/09/2010, 07:13 AM
مشكور اخوي هواوي
اما اخوي اسير الغضا حياك ربي سيّر علينا دايم
اخوي ابونايف ماقصرت الله يبيض وجهك .. لكن انا ودي قبل اسمع من احد الشباب بخبرته او اذا كان يعرف احد ركبها هل هي ناجحة ولا اخذت برايك لان التبريزة اريح لي الكفرات والجنوط موجودة عندي بس اركب .
اخوي مجنون باترول الكفرات دانلوب الي يسمونه ( لبنة)
رفيع المقآم
09/09/2010, 07:53 AM
الله يعينك وان شاء الله تلقى حل
ملك الغضى
09/09/2010, 01:36 PM
اناكان معي باترول 2003 وركبت له جنوط باجيرو وحطيت تبريزه وجلس الموتر معي سنتين ومن ابدع ما يكون ورحت عليه الى صلاله و ماشي زي الحلاوه فركب وتوكل على الله
ابوليله
09/09/2010, 02:56 PM
يالغالي ركب التبريزه وتوكل على الله


انا كان معي باترول ومركب تبريزه لجنوط الهلل ومامثله على كيف كيفك


جلست معي ثلاث سنوات ونص حتى بعت الجيب والتبريزه عليه ولا اشتكيت منها ابد


توكل على الله وركبهن بس احرص تكون مصلحه عند مخرطه ممتازه علشان الرجه
محرين باالخير
09/09/2010, 03:28 PM
انا ركبت تبريزه إستراليه شريتها 1000ريال اصليه تركب علي الباترول او الهايلكس الدفرنسين بس ماظبطت معي قامت تحل المسامير ما ادري حنا ما ظبطنا التركيب وإلا هي فيها مشكله
شاص99
09/09/2010, 05:39 PM
وشي التبريزة؟؟؟
ذيب الزور
09/09/2010, 09:27 PM
طيب الجنوط البرازيليه تحتاج تبريزه ؟؟؟؟
نرفع الموضوع للفائده لنا ولك اخوي ك ق ك
comابوسليمانwww
10/09/2010, 01:45 AM
اشكر الجميع على المرور وخصوصا اخوي ملك الغضى واخوي ابوليله ..
لاني كنت انتظر احد يكون مجرب .... لكن عندي سؤال اي انواع التبريزة تقصدون لان قصدي الي تباع بمحلات الزينة تقريبا ب50 ريال ....
اما الي تصلح بالمخرطة فهذي مافيها كلام انا مجربها اكثر من سنتين ممتاااااااااااااازة.
# اخوي شاص 99 ( التبريزة ) هذي قطعة توضع على الهوب القصد منها تبريز الجنوط .
التعـ King ـديل
10/09/2010, 05:51 AM
عزيزي ركب التجاريه المبرزه جاهزه ب 600 ريال الطقم تلاقيها عند الدخيل بشارع الريل

واذا تبي تبرز زياده ركب ام 50 بس انتبه تزيد عن السنتي وكانك راعي خطوط وبر لاتبرز ركب الجنوط المبرزه فقط

واي خدمه جوالي بالتوقيع نرد طوال ايام الاسبوع والاجازات
التعـ King ـديل
10/09/2010, 05:52 AM
قبل انسى لاتستعجل وخذ الموضوع بركود