المساعد الشخصي الرقمي

مشاهدة النسخة كاملة : نيسان : ربع ، تويوتا ربع ؟!



سرطوقا
08/09/2010, 07:25 AM
السلام عليكم ورحمة الله وبركاته


كيف حالكم اخواني عساكم بخير

انا بطرح الموضوع ليسس للتعصب وانما للنقاش الهادف أي واحد فيه تعصب يقرأ الموضوع ولايرد

عموما مالكم بالطويله

يالربع اللحين نيسان الربع اذا رحت لم المعارض ولا في المنتديات تشوف اكثرهن للبيع خصوصا اللي موديلاتهن قديمه ؟!

بخلاف التويوتا لو تدور عساك تحصل واحد ولا اثنين


وش السبب كثرة جيوب الربع النيسان هل لانه رخيص ؟

ايضا قلة وجود جيب التويوتا ؟


تحيتي للجميع


كل عــآم وانتم بخير


شعارنا [ لا للتعصب ]


:)

ساحووق
08/09/2010, 07:31 AM
مرحبا

كلها طال عمررك جيووووب اذاالله ستر عليها توديك نفوود وبر وخط والجيب من سوااااااااقه ماهو من قوووووته

رايي الشخصي

سرطوقا
08/09/2010, 07:37 AM
مرحبا

كلها طال عمررك جيووووب اذاالله ستر عليها توديك نفوود وبر وخط والجيب من سوااااااااقه ماهو من قوووووته

رايي الشخصي

اولا كل عاام وانت بخير اخوي راعي المصاغير

سلمت على الرد الجميل ياذوق

مشعاب سلمي
08/09/2010, 07:55 AM
اناليس لدي جيب ربع ولم استخدمه ولكن الحقيقه يعرفها من جرب النوعين واعتقد انه تويوتا وبس بدون تعصب
تقبل الله منا ومنكم رمضان وكل عام وانتم بخير بمناسبه عيد الفطر المبارك

escape_man
08/09/2010, 09:01 AM
اتوقع وانا اخوك ان النيسان ونظراً لاسعاره المعقولة اكثر انتشار .. الناس ودها بجودة التويوتا ولكن بنفس الوقت تلاقي بديل ايضاً جيد ومو بطال ..

خذها مثال :

كنت ايام 2005 ادور على برادو ويهمني انه يكون قير اوتو وفتحة .. لقيته بالمعارض جديد بـ 125 الف .. قلت ياولد دور مستعمل .. لقيت المستعمل بـ 105 .. وبالاخير استخرت وقلت ادور لي هدد موديل 2003 او موديل اقدم اذا باوصل لهالمواصيل .. وانا افرفر بالسوق قلت خلني اشوف وكالة الحمراني وشعندهم .. لقيت باثفايندر 2005 جديد اوتو وفتحة بـ 86

يعني فرق 39 الف ريال ..

فرب العائلة الي عنده التزامات او الشريحة الواسعة من مستخدمي الجيوب مثل الطلبة الجامعيين اكيد راح يفضلون الحل البديل والأقل كلفة .. واذا كتب الله وخلصنا العمار فاكيد ماراح نرضى باقل من التويوتا..

هذا رايي الشخصي ويمكن الاخوان اكثر مني خبرة ..

رساويxp
08/09/2010, 09:31 AM
^^^^

كلامك صحيح
التويوتا يستاهل لاكن الاسعار نار

سرطوقا
08/09/2010, 10:05 AM
عقبال الفكسار يالربع ولا الفتك ان شاء الله


شكرا لمن عطر صفحتي

marry101
08/09/2010, 10:17 AM
Little Robert asked his mother for two cents. "What did you do with the money I gave you yesterday?" "I gave it to a poor old woman," he answered. "You're a good boy," said the mother proudly. "Here are two cents more. But why are you so interested in the old woman?" "She is the one who sells the candy." ?No money (http://www.igtto.com/) no way in real life,no gold (http://www.igtto.com/gold_game.php?id=2) no way in game!

يريور عيمان
08/09/2010, 11:05 AM
سبب طال عمك ان النيسان الربع ضعيفة مقارنة بالربع تويوتا
انا اتكلم عن المكينة
لكن في الرساوة النيسان افضل
و انا اشهد لربع النيسان في التحمل
تجلده جلد و ما يقول لآ

ابن علوان
08/09/2010, 11:16 AM
Little Robert asked his mother for two cents. "What did you do with the money I gave you yesterday?" "I gave it to a poor old woman," he answered. "You're a good boy," said the mother proudly. "Here are two cents more. But why are you so interested in the old woman?" "She is the one who sells the candy." ?No money (http://www.igtto.com/) no way in real life,no gold (http://www.igtto.com/gold_game.php?id=2) no way in game!
good story but i think this is not the good plase to write your storys
we care by cars here
see you

رواق
08/09/2010, 01:52 PM
يابن علوان هاليوزر ماكتب القصة لأنه مضيع أو مايدري وش السالفة

كاتبها عشان يسوي دعاية للموقع بطريقة غير مباشرة

عآشق الحره
08/09/2010, 02:49 PM
من واقع تجربه ..البترول 2004 اذا دخلت خط صحراء تلطم بالشماغ ..او اللبس كمامه ..يدخل الغبار والعزم لك عليه ضعيف مقارنه بالجيوب الثانيه بس له ميزه حلوه مريح ..وراسي .**

..ومن واقع تجربه الربع تايوتا 97 والله يوم تعشق باثنين تخاف يطير قوي ولا يدخل غبار ابد وعزم فكسار ولا له اصوات قرقشه بالديكور زي البترول ربع

محمد المساعد
08/09/2010, 03:04 PM
بعد خدمه 15سنه مع شركة تايوتا وكنت من اشد الناس المعارضين لنيسان الان وقبل شهرتم بيع سيارتي التايوتا وشراء نيسان ومديل 92 لا وزيدك من الشعر بيت انا راعي قنص وحرة وطردي لاكن الحق يقال نيسان لاصار نظيف خير من تايوتا وكاله يكسر ظهرك وكل طلعه ونت بالصناعيه لا ولازم تشتري قطع وكاله وعاد شف بكم الوكاله نصيحه من اراد المكده والراحه يدور نيسان صالون من 93 الى 90 ويركب بالون ماكسس ويايات رالي ويتمتع بالقياده وياخذ معه حبل لاصار مقناصه وعر وخويه معه تايوتا حتا يسحبه اكيد التايوته يادفرنس يفرط ياكويل يالذع يابطاريه تنكسر من الطرد وهلم جرااااا سيارتك تايوته وراعي بر انت بشر

اسير الغضا
08/09/2010, 03:41 PM
نرفع موضوعك والله يكون بالعون

سرطوقا
08/09/2010, 07:18 PM
الاستنتاج / يبين افضلية النيسان في الراحه بخلاف التويوتا

التويوتا المكينه اقوى من النيساان


شكراا لمن عطر صفحتي

حبل الوريد
08/09/2010, 08:36 PM
شف يالغالي 120 الف مب حرام تحطه بربع (120= 50 مهر + 20 اجار بيت + 20 تأثيثيث + 20 القصر + 10 تمشابه انت وحرمك )

رايي ان حصلت لك ربع 2007 نظيف تلقاه من الـ 60 الى الـ 73 النظيف

الربع التويوتا مهبول طياره + صلابه لكن بالمقابل غالباً مركب **** + سعره اعلى منه + ادناة شي يقلب

الربع النيسان قوه مقبوله + راحه + دبل افضل ,, وبالمقابل يبغى له صيانه دوريه وأرفق عليه يرفق عليك

موفق ان شاء الله وربي يرزقك

نفداوي
08/09/2010, 09:16 PM
السلام عليكم (كل عام وانتم بخير )
من واقع تجربه ومشاهدات
الورش مليانه من السيارتين (الاستخدام الجائر )
السيارتين يمكن تظربها الربع الخالي وانت مطمن (بعد التوكل على الله )
الراحه والرساوه والخفه والسعر هذي اوجه اختلاف بين النوعين
وانا اشوف ان المديلات القديمه منها اطيب من الجديد التسعينيات

سرطوقا
09/09/2010, 03:14 AM
بارك الله فيكم اخواني على المرور وعندي سؤال بسيط ؟



طيب اللي رجله قويه وش يستخدم ؟

أبو نـآيف
09/09/2010, 04:00 AM
8

تويوتا وعليك بالقديم 2006 وتحت

رواق
09/09/2010, 04:03 AM
كان معي ربع باترول م٩٩ شاريه مستعمل وماشي ٣٠٠ الف

حطيت له سلة عفش

قعد معي الموتر سنتين من بر إلى بر في الرياض والصمان والدهنا إلى حايل ، كان ياخذنا إلى ٤ نفر مرتاحين ، مع عزبتنا كاملة وفرشنا وخيمتنا وحطبنا وثلاجتنا

ما اتوقع ربع التويوتا ياخذ هالقد !

اضافة إلى انه ماطلب مني شي لمدة سنتين ولله الحمد ، ولولا اني احتجت فلوس مابعته

المنيعي1
09/09/2010, 04:20 AM
النيسان راسي مركب مريح شكل لأق قوه مقبولة صرفية مقبولة من 98 وفوق
التويوتا غير راسي مركب غير مريح ومزعج صفير هواء شكل شبابي قوة زأدة اقوا من البترول شوي صرفية زأدة

hawk511
09/09/2010, 05:11 AM
والله كلهم زينين لكن انا اشوف الكشخه ربع تويوتا2009 ماشاءالله عليه

ذيب حريملاء
09/09/2010, 05:58 AM
والله ربع النيساان و ربع التويوتااا كل موتر يقول الزين عندي

بس اناا ابعطيك المميزاات والسلبياات

والنااس على حسب رغبته وعلى حسب جوهـ هو طرد.. ولا تطعيس .. ولا كشتات وقنص


ربع التويوتاا ..,

مميزاته .. عزززم وحش ,, صرفيه البنزين ممتازهـ ,, خفيف .. يمسك سعرهـ

سلبياته .. خطرر سواقته ينقلب بسرعه في تطعيس ولا طرد .. صغيرر حجمه من الداخل اذا بتحمل عفش .. غااالي .. مب مرريح ابد المرتبه .. ومب راااسي في الخط ينااقز ..


ربع النيساان ..,

مميزاته .. عززمه مقبوول يفي بالغرض وزيادهـ .. خفيف .. في العفش والتحميل ممتاااز .. مرريح مرتبته .. ومرريح وراسي في الخط .. سعرهـ ممتااز .. وامن في التطعيس والطرد مامن خووف من انك تنقلب ..


سلبيااته .. يصرف بنزين .. خرابات قليله بس اكثر خرابات من الربع التويوتاا ..

_________________________________________


وآخر شي على حسب رغبتك

اذا كانك رااعي تطعيس ربع التويوتااا اتوقع افضل بحكم المميزاات اللي قلتهاا

راعي طررد وكشتاات ربع النيساان افضل ببحكم المميزاات الي ذكرتهاا


وآسف على الاطااله وانشاءلله اللي قلته في محله

وحااولت اعطي كل موتر حقه

4800VTC
09/09/2010, 06:16 AM
والله ربع النيساان و ربع التويوتااا كل موتر يقول الزين عندي

بس اناا ابعطيك المميزاات والسلبياات

والنااس على حسب رغبته وعلى حسب جوهـ هو طرد.. ولا تطعيس .. ولا كشتات وقنص


ربع التويوتاا ..,

مميزاته .. عزززم وحش ,, صرفيه البنزين ممتازهـ ,, خفيف .. يمسك سعرهـ

سلبياته .. خطرر سواقته ينقلب بسرعه في تطعيس ولا طرد .. صغيرر حجمه من الداخل اذا بتحمل عفش .. غااالي .. مب مرريح ابد المرتبه .. ومب راااسي في الخط ينااقز ..


ربع النيساان ..,

مميزاته .. عززمه مقبوول يفي بالغرض وزيادهـ .. خفيف .. في العفش والتحميل ممتاااز .. مرريح مرتبته .. ومرريح وراسي في الخط .. سعرهـ ممتااز .. وامن في التطعيس والطرد مامن خووف من انك تنقلب ..


سلبيااته .. يصرف بنزين .. خرابات قليله بس اكثر خرابات من الربع التويوتاا ..

_________________________________________


وآخر شي على حسب رغبتك

اذا كانك رااعي تطعيس ربع التويوتااا اتوقع افضل بحكم المميزاات اللي قلتهاا

راعي طررد وكشتاات ربع النيساان افضل ببحكم المميزاات الي ذكرتهاا


وآسف على الاطااله وانشاءلله اللي قلته في محله

وحااولت اعطي كل موتر حقه

كفيت ووفيت

بعيد الارماس
09/09/2010, 06:31 AM
اخوي لانه ربع نيسان سريع التفكك وربع تويوتا قوه وتحمل والحين الناس قعدة ترجع لجيوب الربع من 2006 وتحت

قايد تميم 1
09/09/2010, 07:56 AM
اخــوي اذا الدعوه مقارنه فالربع الباترول تشووفه وبكثره بعد في البراري اكثر من ربع التويوتا طبعا اتكلم من 99 وتحت لانه اخف واقوى عزم واريح وافضل منظر
حتىآ الجديد الباترول حلو بس المكينه ضعيفه شوي مو زي التويوتا ماشاءلله

سرطوقا
09/09/2010, 08:32 AM
ماقصرتوا بيض الله وجيهكم ،

وكل عام وانتم بخير وصحه وسلامه

انا معي سياره صغيره نيسان احاول اغير واخذ تويوتا


فالكم طيب يالربع

جنرال حرب1
27/01/2012, 11:16 AM
مايبيلها كلام ربع النيسان ارفق به يرفق فيك


لكن ربع التويوتا كده كد اللي ماني قايل مايقولك شي

والمنظر صح النيسان اطلق لكن رهم للتويوتا على شكل بريمي

يطلع احلى


وصرفية البانزين اكيد التويوتا افضل


ومشكلة الراحه بالخط بسيطه حط جواعد ونقص من اللسست الخلفي واللي قدام خله لانه ياي

ملاحظه الياي يجي من 2000 وفوق



كل هالكلام من واحد مجرب اللي هو جنرال حرب

والسلام عليكم

شاص99
27/01/2012, 06:47 PM
الله يجزاك خير الموضوع له سنتين


والي فات مات