استشارة تكفوووووووون لاهنتوا . [الأرشيف]

مشاهدة النسخة كاملة : استشارة تكفوووووووون لاهنتوا .

wagooode

09/09/2010, 03:48 AM

شريت جيب لاندكروزر 2010 جي إكس آر قير تماتيك وعادي لون لؤلؤي والجيب كشخة ، بس جانا وقت المطاليع والقنص طبعا بشك يومي أقصد ، فقالوا لي هذا مايصلح للبر وتراه يصير فيه كذا ويصير فيه كذا وخفت لا أطلع عليه وش رايكم أبيع اللشة واطلع فيه ، مع أني أشوفه تقل ( خكري )

وش رايكم ؟؟؟؟؟؟؟؟؟؟؟؟؟؟؟

مدمن فتك

09/09/2010, 04:03 AM

اسمع ياغالي اللي انا اعرفه ويعرفونه راعين المكاشيت والطرد والقنص ان اللاند الجديد مهب حق قنص واعمال شاقه بعكس الجي اكس من 98 الى 2007 واللاند بجميع انواعه من 97 وتحت

wagooode

09/09/2010, 05:20 AM

مشكوووووووووور اخوي مدمن فتك ، ورأيك على راسي .

اسير الغضا

09/09/2010, 10:09 PM

اي موتر قنص لابد يتفكك ويجيه بلاوي يعني اذا قضيت من المقناص رح لورشه خله يفحص الموتر من الصدام الا الصدام

wafi4sa

09/09/2010, 10:37 PM

مبروك والله يعطيك من خيرة ويكفيك شرة
بين قوسين مايصلح للبران الجلد اما طلعة شاي وما شاكلها يصلح

الحزوبر

09/09/2010, 10:47 PM

ماشريت الجيب بادوّر كراوي @@@ مشتريه لحاجتن تطري عليه
ساعتن فوقه يدوّج بي خلاوي @@@ ماغبط حتى وزير الداخليه

كد الجيب ماشريته اللا تكده وخلك من الحكي

فيه ناس تحن السياره كم سنه وبعدين تعطيه هديه للشريطيه

تحياتي.

سرطوقا

09/09/2010, 11:00 PM

كانك تبي الشور

الموتر لاتبيعه وخله عندك

واشتر واحد ثاني من موديلات 97 وتحت

موفق يالغالي

ابن عكاش

09/09/2010, 11:33 PM

شف يالغالي الموتر اللي بيجلده قنص اكيد بيتفكك وينعفل لكن ماهو بالصورة اللي يقولها بعض الناس مايصلح ولا خكري
اي موتر جديد نفسياً تحس انك لازم تحنه وتحافظ عليه وانه مايتحمل وتلقاك بعد مايقدم تكرفه ولا تخاف عليه ومع ذلك مايرده شي يعني الدعوى نفسيه
ان كان الله مغنيك جهزه للبر والقنص واطرب نفسك في البر موتر وفي الخط تقل صغيره ماشاء الله تبارك الله وان جاه شي حق الإستخدام

بـــرق نجـــد

09/09/2010, 11:58 PM

اسمع ياغالي اللي انا اعرفه ويعرفونه راعين المكاشيت والطرد والقنص ان اللاند الجديد مهب حق قنص واعمال شاقه بعكس الجي اكس من 98 الى 2007 واللاند بجميع انواعه من 97 وتحت
هههههههههههههههههههههههههههه
الاخ من مهندسين وكالة تايوتا في اليابان

وين يعمي لا ويقول راعين المكاشيت والطرد والقنص يقولون الاند جديد مهوب حق مقناص ولا بر
يالاخو انت ضايع بالعكس حق طرد وقنص وروحه وجيه والكلام هذا من تجربه

ياناس انا ماسوي دعاية لشركه لكن بالعقل شركه عالميه تصنع السيارات وعارفه متطلبات الاند كروزر
والي يبي يتاكد يروح لليوتيوب ويشوف الانظمه الي فيه لطلاعااات والنزول وحفظ التوازن والثبااات
تكفون خلو عنا وكالة يقولون لاحد يفتي بشي مايعرفه واتمنى التوفيق للجميع

مدمن فتك

10/09/2010, 02:36 AM

هههههههههههههههههههههههههههه
الاخ من مهندسين وكالة تايوتا في اليابان

وين يعمي لا ويقول راعين المكاشيت والطرد والقنص يقولون الاند جديد مهوب حق مقناص ولا بر
يالاخو انت ضايع بالعكس حق طرد وقنص وروحه وجيه والكلام هذا من تجربه

ياناس انا ماسوي دعاية لشركه لكن بالعقل شركه عالميه تصنع السيارات وعارفه متطلبات الاند كروزر
والي يبي يتاكد يروح لليوتيوب ويشوف الانظمه الي فيه لطلاعااات والنزول وحفظ التوازن والثبااات
تكفون خلو عنا وكالة يقولون لاحد يفتي بشي مايعرفه واتمنى التوفيق للجميع

جزاك الله خير على كلامك

ابوصالح77

10/09/2010, 03:15 AM

أخوي ما أشوف بالبر إلا اللاند واللكزس الجديد سواءً مع راعين الذود أو الكشاتة
والغشيم لوتعطيه دبابة ما تصبر معه
الموتر ليش شاريه ؟
إذا كان للكشخة ولا تبغى يجيه شيء فجركه بالبيت ودور غيره

فهد الميهوبي

10/09/2010, 03:43 AM

اقوول خذلك اعشيشه وانطرب ما يرده شي واكرفه وخل جيبك الجديدحق رسميااااات
اما اللي يقول الجديد حق بر وما يجيه شي وكده وما يضر
لا لا لا
واحد من العيال معه فكسار 2010 طلع فيه الحره وقنص فيه
يوم رجع انوااااع الاصواات تحس الموتر يبي يتفكك كلها اكلبسااات
ما اقول لا تطلع فيه اطلع لكن يبيلك اداريه
اما المقاطع اللي باليوتوب اكثرها اعلانات
وكل الناس عارف ان الجديد ما يصلح للبر
خرب من عااام 2008 وانت طاالع
والموديلات اللي رايح تجيك اخس واخس
وتذكر كلامي
اكثر الشركات تفكر بالمنضر وكيف يخلونك تستهلك قطع اكثرررررررر
واكثر رااعين البر يميلون للقديم اسئل نفسك ليش

التعـ King ـديل

10/09/2010, 05:39 AM

اسمع ياغالي اللي انا اعرفه ويعرفونه راعين المكاشيت والطرد والقنص ان اللاند الجديد مهب حق قنص واعمال شاقه بعكس الجي اكس من 98 الى 2007 واللاند بجميع انواعه من 97 وتحت

:good2: كلامك صح .. انتا فايز فايز

التعـ King ـديل

10/09/2010, 05:40 AM