نظام افضل من ساهر ولانفهم منه شفط الدراهم

[اسير الغضا]

السلام عليكم

اخواني الكرام
يقال ان نظام ساهر في بعض الدول المتقدمه افضل بكثير

كيف ذالك

يحدد لك مسافه مثلا من كبري الى كبري يجب عليك قطعه بسااعه او اكثر اذا تجاوزت الكبري الاخر بأقل من ساعه ترصد لك مخالفه مع وجود لوحات التحذير والكاميرا عينا جهارا

اما عندنا فهو ممتاز الى حد ما
الا انه بأمكانك امتلاك كاشف للنظام وبالتالي تنجوا منه ومن ثم تفعل ماتشاء بعدها
كما انهم يقومون بالاختباء طمعا في الصيد فلو طبقنا ماعند الدول المتقدمه ما قلنا انهم يبحثون عن المكاسب باسم الحفاظ على ارواح المواطنين

فلو امتلكت كاشف الرادار ذا 15 باند لما استطاع هذا النظام الذي يسمونه بالمتطور ايقافي
اما في الدول المتقدمه فلو امتلكت الجهاز لن يفعل لك شي اذا انهم يضعون اللوحات ويخبرونك بوجود الكاميرات ويقولون لك اقطع هذا الطريق بوقتنا المحدد والا..........

[ولد وايل..]

لا تفرح واجد !!

الآن 8 كاميرات ساهر في طريق الدمام

ولا اعرف عن باقي الطرق مثل طريق سدير ولا طريق مكه أو أو او

الشاهد إن الكاميرات تعتمد على نظام الحساب بين المسافه مع الوقت.. كما تفضلت اعلاه...

طبعا الى الان ما فعّلت وبالطريق التفعيل


وكللللللها يا شنب.. آآآخ بس

[باترول 4500]

نعم هذا النظام مطبق بأكثر الدول الأوروبية ويسمى نظام التفويج
وفعلا عندهم قبل الرادار تحصل لوحة تحذيرية أما عندنا يحطون الرادار بسياره عشان ماتعرف !!

يعطيك العافية

[اسير الغضا]

الله يعطيكم العافيه
وكوده يحطون هالنظام

[ابو العز بلس]

وعليكم السلام ورحمة الله وبركاته


ياجماعة الخير
اولا معروف وش المقصد من ساهر وهو اخذ الدراهم من المواطن والمقيم ومن يطأ على ارض الوطن
ثانيا الحين وش حارق رزكم هذي ارضهم وهم حرين فيها يسوون اللي يبون لاحول لنا فيها ولا قوة لنا الا بالله
ثالثا المرور يقول (( انفض بوكك انت سعودي ))

[alyahya2]

يااخوان سؤال هل ساهر قلل من الحوادث والوفيات ام لا؟

[rigidman]

انصحكم ايها الاخوة بالسرعة النظامية و بوضع شريط لاصق على بليتة رقم الشاصي على الطبلون ووضع تغبيرة شفافة (بخاخ يوجد في محلات الزينة 15 ريال) وان شاءالله انها كافية لتشتيت هذا النظام .

[بدر الشويلعي]

يااخوان سؤال هل ساهر قلل من الحوادث والوفيات ام لا؟

:good2::good2::good2::good2:

[غالي]

والله اني مع ساهر اقسم بالله (((((لكن)))))

مهوب يحطون شوارع 70 !!!!!! هذي عيني عينك يا دحدر والا خذ مخالفه


وطرق السفر الي ينوي السفر من الشرقيه لأبها مثلا متى بيوصل ؟ بيجلس 3 ايام :D


ياخي الكريم شف المانيا مثلا فيها طرق مفتوحه تدفع رسوم وانا مااقول حطوا شوارع مفتوحه لانهم افضل مننا معيشه وسياراتهم مرسيدس بورش .... الخ

لكن نقول افتحوا المجال شوي حطوا طرق السفر لين 140 وملوا الشارع كله ساهر ماعندنا مشكله

و140 ان شاء الله على حسب الدراسات ماتؤدي للوفيات او حوادث خطيره وانما مناسبه


لكن وش نقول

والظاهر ابشتري لي سياره 2 سلندر لان طبلونها 120 على الاقل احس اني احسن منكم طاق الطبلون :p

[ابونبيل]

المرور حركاتهم مبزره صراحتا..

والدليل ان قدامي وفي كورنيش الخبر واحد واقف غلط ويجيك العسكري منخش ورا طابوق وقاعد يكتب القسيمه بعيد يعطيها راعي السياره..!

فشلونا حتى تطبيق النظام تحس فيه نذاله

[شبح الصحراء]

انصحكم ايها الاخوة بالسرعة النظامية و بوضع شريط لاصق على بليتة رقم الشاصي على الطبلون ووضع تغبيرة شفافة (بخاخ يوجد في محلات الزينة 15 ريال) وان شاءالله انها كافية لتشتيت هذا النظام .
ههههههههه يعني حتى مع السرعة النظامية ما تكفي :D .
عيدكم مبارك وكفانا الله شر ساهر :eek: .

[حبل الوريد]

الله ينقم منهم ومن ساهر

وتلحوداث قليله بالخطوط السريعه مقارنه بالرايح والجاي

[أبـو عــزام]

نظام غبي ..

[أبوغيث 2003]

يااخوان سؤال هل ساهر قلل من الحوادث والوفيات ام لا؟

بالجرايد والاعلام يقولون خفت بنسبة 40 %

لكن الواقع يقول غير كذا

ساهر كم له طالع !! ولا يمر اسبوع الا وأشوف حادث

و غالبا ليست السرعه هي السبب

السبب الغشامة اللي يلف بدون ما يشوف المرايه ولا يحبرش بالجوال ولا يشوف اللي قدامهـ

[السرحان502]

صادق يا بو غيث
اغلب حوادث الرياض جوال وجدعة موتر

[اسير الغضا]

ياجماعة الخير اكيد ساهر له فوايد وله سلبيات
ومن فوايده يقلل الحوادث فعلا لاكن الاعلام يبالغ تلقاه خفف بنسبة عشره ويخلونه اربعين

[التعـ King ـديل]

يااخوان سؤال هل ساهر قلل من الحوادث والوفيات ام لا؟

لا .. بالعكس زاد من عدد الوفيات ليس من الحوادث وانما بجلطات القلب والضغط والسكر

[التعـ King ـديل]

المرور حركاتهم مبزره صراحتا..

والدليل ان قدامي وفي كورنيش الخبر واحد واقف غلط ويجيك العسكري منخش ورا طابوق وقاعد يكتب القسيمه بعيد يعطيها راعي السياره..!

فشلونا حتى تطبيق النظام تحس فيه نذاله

اللي ابي اعرفه عند مطعم شرنبي ماتقدر توقف تشتري اكل وش السبب وسيارتين مرور تمنعك هل هو حقد واذا وقفت عند الصيدليه بعد 12 يقفلون بوابتها مدري وش السبب

[التعـ King ـديل]

ياجماعة الخير اكيد ساهر له فوايد وله سلبيات
ومن فوايده يقلل الحوادث فعلا لاكن الاعلام يبالغ تلقاه خفف بنسبة عشره ويخلونه اربعين

لو كانت 10% ربعنا يضربون بالعشره بيقولك 10%

يارجال شكلها 4% وقالو لك 40%

[التعـ King ـديل]

مااقول الا حسبي الله ونعم الوكيل

المواطن لاقي راتبه ياكل منه علشان يدفع مخالفات

الحين الراتب اربع ارباع

ربع = اقساط البنك

ربع = رايح في الاسعار الغاليه

ربع = مخالفات مرور

ربع = فواتير الشركات الظالمه


بالله عليكم شلون ياكل شلون يسكن حتى البنك العقاري مايعطيه الا 300 الف وبطلوع الروح

[rigidman]

للاسف بعض المشرفين مع نظام ساهر مع علمهم انه من اكل اموال الناس بالباطل . قال تعالى ((
يا أيها الذين آمنوا لا تأكلوا أموالكم بينكم بالباطل

))

بانتظار الحظر على معرفي من المشرف ناصح

[ابوخلف الحربي]

صدق البخاخ يخلي الكميره ماتشوف الوحه!!؟؟

[ابو مكازي2002]

اشوى اني ماني من اهل الرياض الله يعينكم علي شفك دراهمكم
تحياتي

[_دربيل_999]

يالربع وش فيكم على ساهر..
ترى بيزعل عليكم وبيعطيكم مخالفات دبل..
بس تدرون غطى على التاجر في سرقة المواطن..
التاجر يعطيك اقل شيء سلعة..وساهر يأخذ منك ولا يعطيك شيء..




وفقك الله..



الروقي

[rigidman]

اللي ابي اعرفه عند مطعم شرنبي ماتقدر توقف تشتري اكل وش السبب وسيارتين مرور تمنعك هل هو حقد واذا وقفت عند الصيدليه بعد 12 يقفلون بوابتها مدري وش السبب
السبب ان راعي شرنبي مغضوب عليه من بعض مسؤولي

[الشوق]

بسم الله الرحمن الرحيم
والله يااخوان أنا أشوف إن نظام ساهر ممتاز جدا
هل فيه أحد لم يتجاوز السرعه النظاميه وأعطوه مخالفه؟!
ليش إذا سافرنا برا السعوديه ننضبط ونمشي وندور لوحات السرعه وعدم الوقوف ونطبقها زي الألف
ونجي ونقول والله عندهم نظام مرور ممتاز

سبحانك اللهم وبحمدك أشهد أن لا اله الا أنت أستغفرك وأتوب اليك

[خيال النعام]

انصحكم ايها الاخوة بالسرعة النظامية و بوضع شريط لاصق على بليتة رقم الشاصي على الطبلون ووضع تغبيرة شفافة (بخاخ يوجد في محلات الزينة 15 ريال) وان شاءالله انها كافية لتشتيت هذا النظام .

أنا مع النظام ... ولكن لازم نعقلها ونتوكل ونحط من الشغلات التي يقول عليها أخونا الصالح .......... جزاك الله خير ...بس لا توهقنا

[مستر جمس]

بسم الله الرحمن الرحيم

والله يااخوان أنا أشوف إن نظام ساهر ممتاز جدا
هل فيه أحد لم يتجاوز السرعه النظاميه وأعطوه مخالفه؟!
ليش إذا سافرنا برا السعوديه ننضبط ونمشي وندور لوحات السرعه وعدم الوقوف ونطبقها زي الألف
ونجي ونقول والله عندهم نظام مرور ممتاز



سبحانك اللهم وبحمدك أشهد أن لا اله الا أنت أستغفرك وأتوب اليك



كلام جميل

وانا معك ومع نظام ساهر

لكن الي في الرابط هذا وشو؟؟؟
7
7
7
7
7
http://www.youtube.com/watch?v=2aWXGUnE4iU

اتمنى نلقى تبرير واضح للحركه هذي