ارجو من جميع صقار وجميع منهو مبتدي في الصقاره الدخول ..وشكرا

[احب الجير]

صبحكم الله بكل خير يا اخواني وكل عام وانتم بخير وسلامه

والعيد عليكم مبارك وهنا موضوع ابي اعرف وانا مستغربها في بعض الصقاقير

اذا جاء رجل يسترزق الله يبي يبيع طيره يجونك ناس من اخواني يسومونه سومه تطيرالطير واخر شي لاجاء الرجال يقول نصيبك وش رده يقول والله انا شريت طيرثاني وهذه
ترى تغبن الرجال ويمكن ان الرجال يدعي عليك ولا هي زينه واذا جاء واحد ثاني يبي يبع طيره وطيره يستاهل يبخس سلع الناس ويحطم الطير والطير يستاهل اكثر من كذا


ولا اطول عليكم واقولها مره ثانيه كل عام وانتم بخير

وارجو الرد على موضوعي والاجبه عليه بلصدق

[راعي طلاع]

اقول على فمك الشحم يا ذيبان وهذا الحاصل للاسف

وانا اقول الشخص اللي يثبت انه يسوم ولا هوب صامل

او يبخس السلعه يوقف وتقبل مروري..................

[دعاس]

كلامك سليم والرجال ياسام ’’وباعه راعي السلعه’’لزمه البيع’’واللي يبخس السلعه’’راح ينال جزاء من رب العالمين’’
{انما الاعمال بالنيات ولكل امرء مانوى}

[skeet]

المفرض الي مايصمل في المشتري ولا يقدم سبب واضح تقدم به شكوى للاداره وتوقف عضويته كعقاب

[ركن برزان]

اخوي الغالي

والله الاسباب كثيره ويمكن تكون من صاحب الطير المعروض ... لا تحطون كل الوم على اشاري
اذ تاخر صاحب الطير لا ينصبه الطير ما يكون سبب في عدم شراء الطير ... اذ اخذ الموضوع كم يوم واقف
على سومت الرجال راح يدق عليه ويقوله سومة الطير واقفه عليك وانا بعتك ( صباح الخبر انشاءالله )
هذا مو غلط على صاحب الطير... الا اذا
كلمته في ساعتها وتعذر ؟؟ هنا يكون في كلام ثاني مع المشرف ترسله وتعلمه وتطلب منه اجراء النظام فيه
وحتى المشرف اذ قصر.. في اعضاء ادارة المنتدي

ام الي ما يسوم سومه زينه مانت في حاله خله على كيفه طيرك عندك ولا هي واقفه عليه يجيه من يقدره ويبيه
ويعطيه حقه ما تقدر تجبر الناس والله صعب
وهذا الكلام مجرد راي واسف على الاطاله

وكل عام وانتم بخير

[شعااق]

السلام عليكم ورحمة الله وبركاته وكل عام وانتم بخير وتقبل الله طاعتكم وبالنسبه للموضوع الي تم طرحه كلام سليم ميه فالميه وانا مع اخوي احب الجير والمنتدى نشوف فيه بعض الامور الي مالها داعي يالربع والصقاقير ترا اهل سلم معروف ولكن بسوالف بعض المتطفلين الله يهديهم سببو حزازيات وكلام ماله داعي والي يجي يقول مرحبا يابو فلان وشلونك وعسى ماشر تبيع الطير الطيب الي ما ينباع والسوم عندي كذا ياخي والله لو ان نيتك صافيه انا اقول انها دعايه وترفع السلعه لصاحبك وبالنسبه لكلام اخوي ركن ربزان كلامه صحيح من ناحية ياخي انا رجال شراي وشفت طير وعجبني وسمته والرجال اسبوع مارد لي خبر ولقيت غيره وشريته ماني ملزوم بطيرك وانت تاركني من غير رد والمسلم يلتمس لاخيه المسلم سبعين عذر واسف ع الاطاله يالربع
وعيدكم مبارك :)

[brooq_njd]

وعليكم السلام ورحمة اله وبركاته

اخي صاحب احب الجير ابدع الاخوان في ردودهم وكلامهم ليس عليه غبار وتشكل من عدة نواحي

كي تكمل الردود علي قدم وساق وبهذا يتم ما نحن نريده ونطالب فيه

1- علي صاحب الموضوع متابعة موضوعه بدقه واول بئول الين يركد الرمي وتبين الحقيقه

وتقف الكلمه الاخيره بين صاحب الموضوع والمستفيد من الموضوع وبهذا يتم الاتفاق بينهم في وقته.

2-علي صاحب الموضوع توافي شروط الموضوع من جميع جوانبه من صور ومعلومات هامه تفيد الكل

3-التحري في الامانه والصدق لانك مطالب بها امام الله اولا وامام زملائك ثانيا وبهذه تكون محل ثقة الجميع
او انك ستكون من خسر دنياه واخرته من اجل مبلغ لا يساوي شي امام كرامة الرجل واحتقاره

4-عدم التطبيل لنوع من الطيور بصفاته وجماله وفعله ان لم يكن معه ما يثبت فعل الطير من فلم مثبت
يبين الطير من عدة نواحي في طيرانه وفي صيده كي يتم التحديد من قرب للطير كي يظهر با الشكل
المطلوب كي نستطيع ان نعرف ان هذا هو الطير نفسه وليس غيره.

5- علي العضو الي ينزل موضوعه ولم يتم المتابعه منه ايقافه بعد خامس رد وحذفه لانه يعتبر
غير مهتم من الموضوع والعالم تنتظره متى يرد عليهم وهو مطنش او شبه مطنش كي يكثر السوم
علي الطير وبعدها يجيك يقول الطير ساموه با الجوال بكذا وكذا.

6- السومه من خارج المنتدى تعتبر لاغيه لانه لم يثبت صحتها للجميع والله علم ما ورائها

7-التقيد با القوانين والتحلي با الاخلاق الرفيعه وعدم الضغينه بين الاخوان .

كما اتمنى من الله العزيز القدير ان يرزقنا وياكم من واسع فظله وبحلاله عن حرامه

اتمنى انني قد اوجزة في هذا الاختصار واثابكم الله علي مجهودكم .

تحياتي