مطلوب شرياص تكفون [الأرشيف]

-الشرياص-

11/09/2010, 12:04 AM

انا صقار جديد ومبتدء ولي يومين جالس على المنتدى اشوف الصقور وتعليمها وصيدها
ولكن زعلت من شي واحد
كلكم تستحقرون الشرياص او الشبوط
حرام هذا مخلوق خلقه الله وله قدرته على الصيد ماله ذنب انه ما يقدر يصيد حبارى
المهم
انا طالب شرياصين 2 ابي اشتريهن بسعر رخيص ومغري مع السبوق حقهن
واتمنى تفيدوني
واذا ما في سبوق ما في مشكلة
وشكرا لكل اللي قرأ الموضوع
انا ساكن بالقصيم-البدائع
واقدر اجيب الطير من بريدة كحد اقى ما اقدر اطلع الرياض اماكن بعيدة

-الشرياص-

11/09/2010, 12:28 AM

اتمنى تردون علي عن قريب

قرناس شاهين

11/09/2010, 02:00 AM

والله ياخوي مادري شقولك بس الشرايصه في كل مكان ان كنت فاحساء فافي سوق الحمام

ان كنت فالدمام والخبر الثقبه سوق الجمعه اما اذا كنت فالقطيف سوق الخميس

لتربيلك شرايص مامنهم رجه تعلم لصقاره معى الصقاقير

وخذلك شيهانه صغيره ابرك لك من الشرياص

حلوش07

11/09/2010, 02:13 AM

الطبشي

11/09/2010, 02:50 AM

اسمع العلم من اخوك
رح للسنيدي وقله عطني شبكه جربوع تلقاها مثل القفص وعليها خيوط الشبك
ورح لأقرب محل حولكم فيه جرابيع
وصدلك واحد او اثنين
وحطهن في صندوق خشب وحط معهن خيشه حقت رز فاضيه طبعا
عشان يكونن سليمات من الكسور وغيره
وبعدين رح اي مكان عندكم فيه عمدان كهرب الي تجي في البر او حول المزارع
واذا شفت الشرياص
طلع الجربوع وحطه في الشبكه
وحطه قريب الشبوط
وابعد عنهم شوي وتشوفه نازل عليها
وتشبكه وهذي الطريقه
يا صقارالمستقبل
والله يوفقك
اخوك
الطبشي
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

-الشرياص-

11/09/2010, 01:07 PM

شكرا اخوي الطبشي بس كم اسعار الشبكة
وممكن اصيد بهذا الوقت يعني شهر 10
انا اشتريت واحد قعد عندي يومين وطار بس كان زي الصقر بقوته تتفرج عليه يطير عليك بمخالبه مستحيل تمسكه
ربطه بحبل قوي وعقدت الحبل 6مرات بكل رجل 2فكهن وطار
بس الصراحة لما طار زعلت عليه لان اي طير اربيه يعز عندي
وانا تعبت لما جبته سنة وانا ادور عليه

skeet

11/09/2010, 01:33 PM

افادك اخونا الطبشي

-الشرياص-

11/09/2010, 11:10 PM

ولا حتى نصيحة بسعره او سعر الفخ
طيب هل يمكنني الصيد بشهر 10
وممكن احط بالفخ حيوان غير الفار وما هو

هاواوي تبوك

12/09/2010, 12:48 AM

اخوي بأمكانك تحط غير الجربوع فري او شي زي كذا انا اول ايام كنت في رفحاء قسم بالله يا كثر الي كنت اصيدهن عاد زي ماقلو لك الاخوان شوف لك مكان فيه عمدان كهرب وحوله خلا وحط الجربوع او الفري داخل الشبك وتباعد عنهم شوي وماتجي الا وهو جاهز بس الله يعينك على مخالبه <<<< تعقد منه :d