رأيكم في اليوكن

[أبو زكريا]

السلام عليكم ورحمة الله وبركاته وبعد


كل عام وأنتم بخير ومن العائدين


أردت أن استشيركم في اليوكن (النوع القصير ) من شركة (gmc) حيث أفكر في شراء واحدة


أريد من أصحاب الخبرة الإدلاء بآرائهم حول ميزات وعيوب السيارة لاسيما المديلات الجديدة 2010 و 2011


لدي خبرة قديمة في السيارات الأمريكية ولكن الموديلات الجديدة لم أتعامل معها


فأرجو من كل من يملك معلومة نظرية علمية أو خبرة عملية أن لا يبخل علينا


وللكل هدية خبأتها بظهر الغيب لكل من شارك


أريد خبرتكم حول :


الميزات


العيوب


الأسعار


الفرق بين الموديلات (الأنواع )


الصيانة والضمان والقطع


الوكلاء


مقاسات العجلات وميزة كل مقاس


ومن باب (( لا تحقرن من المعروف شيئا)) فلا يتردد أحدكم في الإدلاء برأيه ولو حتى في مجال الألوان والديكور .


وحياكم الله وبياكم

[نفود بريدة]

هلا فيك اخوي بالنسبة للميزات , فيه مميزات كثيره لا يسع المقام لذكرها ومنها :
1- الراحة
2- الرساوة
3- المركب
4- قوة الماكينة
5- الرحابة
وغيرها كثير

اما السلبيات منها :
1- اليوكن ومعه الجمس حجم 1500 , تراه حساس شوي , يعني ما يبيلك تكسره لا , يبيلك تحافظ عليه , واذا عطيته بيعطيك .
اما فئة 2500 لليوكن طبعا هي ما تجي الا على الـ xl اما القصير ما تجي فيه هذه الفئه ,, فهي عمليه جدا اكرف زي ما تبي وما شاء الله ما تقول شي .

اما بالنسبة للأسعار , فأنا انصحك بموديل 2010 اذا كان استخدامك من 5 سنوات وطالع , لان الوكاله عامله عروض على موديلات 2010 , لان دائما عندما ينزل موديل جديد يعملون عروض على الموديل السابق .

ولانه ليس في الموديلين فرق سواء 2010 او 2011 , الظاهر كلها سواء وانت اتأكد افضل لك .

اما بالنسبة لفقدان سعره عند البيع , فأنا اقولك اذا اخذت فل كامل slt فهو يبي يطيح سعره وهذا شي معروف في جميع السيارات في اي شركة كانت ,

اما اذا اخذت العادي الي مع عامة الناس , فهو بالعكس تراه يمسك سعره , ومرغوب عند البيع ,

اما الوكاله فسمعت ان الناس يقولون ابعد عن الجميح ووانت بخير , وانا ما ادري لكن سمعت فقط


ارجو اني افدتك بما لدي اخوي

والله يوفقنا واياك لما يحب ويرضى

اخوك

[أبو زكريا]

حياك الله أخي نفود بريدة

وكل عام وأنتم بخير

وفيت وكفيت أخي بارك الله فيك



تراه حساس شوي , يعني ما يبيلك تكسره لا , يبيلك تحافظ عليه , واذا عطيته بيعطيك

من هذه الناحية فالحمد لله أنا من الناس الذين يحافظون على السيارات مهما كان نوعها وأعرف أن الأمريكي عموماً حساس أكثر من الياباني فاطمئن .


اما بالنسبة للأسعار , فأنا انصحك بموديل 2010 اذا كان استخدامك من 5 سنوات وطالع , لان الوكاله عامله عروض على موديلات 2010 , لان دائما عندما ينزل موديل جديد يعملون عروض على الموديل السابق .

وهل تعلم كم الأسعار الآن يا ليت تفيدني

شاكراً لك تفاعلك

ولك شكري وتقديري

[ذئب الدهناء]

اخوي ابوزكريا استخر عندشراء الامريكي لان الياباني افضل بكثير ولوكان اقل موديل

[نفود بريدة]

وهل تعلم كم الأسعار الآن يا ليت تفيدني

شاكراً لك تفاعلك

ولك شكري وتقديري

[/color]


هلا بك اخوي

للأسف لا اعرف اسعارها بالضبط , وما ودي اعطيك سعر ويطلع خاطئ

الأفضل انك تذهب اليهم وتسألهم بنفسك


اخوي ابوزكريا استخر عندشراء الامريكي لان الياباني افضل بكثير ولوكان اقل موديل


غير صحيح ,

للأسف هذا ما شاع بين الناس , وهو ما سبب ارتفاع اسعار تويوتا عندنا

لكن الناس بدأت تتثقف وتطلع وتجرب , وشاهد الآن عدد اليوكن القصير و الـxl عموما في الشارع اعدادها لا تحصى

في البيت لدينا يوجد يوكون xl موديل 2008 , ويوجد لدى الوالد الله يحفظه جيب لكزس موديل 2006 ,, ولله الحمد والمنه

بشهادة الوالد ان الجمس افضل من اللكزس في المركب والراحه والرساوة وامور أخرى ,, الا اللهم الفخامه لان اللكزس لا يقارن بـ الجمس , بل يقارن بالكاديلاك .

وبشهادتي انا اقولك ان الجمس افضل .



ابقولك شي : تدري وش مشكلتنا ؟ اننا نريد كل المواصفات والاعتمادية والراحة والرساوة والفخمامه والصلابة وكل شيء في سياره واحده ,, وهذا لا يمكن أن يأتي اطلاقا .

لابد أن تتنازل عن شيء مقابل شيء آخر , ارجو ان المعلومه وصلت .


اخوكم :)

[رساويxp]

^^^^^^^^^^^
كلامك صحيح

اما الأسعار فهي تقريبا

حول 150 ألف

على حسب المواصفاتـ

[أبو زكريا]

اخوي ابوزكريا استخر عندشراء الامريكي لان الياباني افضل بكثير ولوكان اقل موديل
حياك الله أخي ذئب الهناء

شكر الله لك أخي وبارك فيك

أما الاستخارة فهي خير ومستحبة عند شراء أي شيء مهما صغر أو كبر وسواء أمريكي أم ياباني أو هندي ....

والله يقدر لنا ولكم الخير حيث كان

تقبل شكري وتقديري

[نفود بريدة]

من هذه الناحية فالحمد لله أنا من الناس الذين يحافظون على السيارات مهما كان نوعها وأعرف أن الأمريكي عموماً حساس أكثر من الياباني فاطمئن .







ما شاء الله , اجل نصيحة لا تفرط بسياره غير اليوكون لانك تعشقه , وهو يستاهل الـ... ;)

انا مثلك ارتاح راحه شديده اذا ركبت الجمس , احس اني راكب موتر موتر صح ,

تبي راحه تبي قوة تبي مركب تبي رساوة تبي تبي تبي ... ما شاء الله يعطيك ما يقول لا .

بس اعرف كيف تتعامل معاه وهو موب مقصر معاك اطلاقا .

بعكس بعض السيارات , الي اخذت سمعه على غير فائدة الا الصلابة فقط .

الكلام يطول وفي النفس الكثير , لكن لعلنا نختصر :good2:


موفق اخوي

[أبو زكريا]

أخي الكريم نفود بريدة

أشكرك مرة أخرى على هذا الاهتمام

وبارك الله فيك

الأمريكي في الراحة خصوصاً هو الأصل وكل التقنيات المريحة أول ما ظهرت في الأمريكي

وصحيح لا توجد سيارة تشمل كل الميزات وتسلم من كل العيوب

لكن الأمريكي لا يصلح لكل أحد فبعض الناس لا يهتم بالسيارة ولا يحسن القيادة فهذا لو يأخذ جرار يمكن يكسره في شهرين .

[شقران نجد]

صراحه عندنا في البيت واحد 2008 سياره ولا اروع خفة نفس ورساوه وقوة عزم جباره لكن في البر لك عليه شوي اما في السفر والخطوط والمكاشيت البسيطه خذ ولد ......خصوص ان الموديلات الجديده صارت سته نقل وفيه ميزه مهمه جداً وهي استهلاكه للبنزين معقول جداً تخيل اروح فيه للدمام ويبقى النص وداخل البلد لايصرف حيث ان السرندلات لا تشتغل كامله الا بعد الثمانين

ومن العيوب اللي اشوفها فيه وصارت حتى بالياباني الجديد هو كثرة طقطقة الأصوات داخل السياره اضن الديكورات تتفكك بسرعه مع العلم ان السياره استخدام حشمه ويوجد سياره غيرها يعني هذي للسفريات فقط

ولكن في العموم سياره جيده وبسعر معقول ولو عاد الخيار لي لأخذت التاهو فهو نفس اليوكون مع اختلافالأكسسورات الخارجيه لجمال شكله

موفق اخوي

[أبو زكريا]

^^^^^^^^^^^
كلامك صحيح

اما الأسعار فهي تقريبا

حول 150 ألف

على حسب المواصفاتـ
مشكور أخي رساوي وحياك ربي

[أبو زكريا]

ما شاء الله , اجل نصيحة لا تفرط بسياره غير اليوكون لانك تعشقه , وهو يستاهل الـ... ;)


انا مثلك ارتاح راحه شديده اذا ركبت الجمس , احس اني راكب موتر موتر صح ,


تبي راحه تبي قوة تبي مركب تبي رساوة تبي تبي تبي ... ما شاء الله يعطيك ما يقول لا .


بس اعرف كيف تتعامل معاه وهو موب مقصر معاك اطلاقا .


بعكس بعض السيارات , الي اخذت سمعه على غير فائدة الا الصلابة فقط .


الكلام يطول وفي النفس الكثير , لكن لعلنا نختصر :good2:




موفق اخوي


ما شاء الله

أنا أكبر فيك أخي طول نفسك وطيب نفسك

رزقك الله الفردوس الأعلى

وقل ما في نفسك فكلامك لا يمل

[شقران نجد]

في بداية رمضان المنصرم كان في معارض النسيم دبل ستاندر جديد بطاقه ب138 الف ريال 2010 والتاهو يتراوح من 124 الى 128 دبل ال تي

[أبو زكريا]

صراحه عندنا في البيت واحد 2008 سياره ولا اروع خفة نفس ورساوه وقوة عزم جباره لكن في البر لك عليه شوي اما في السفر والخطوط والمكاشيت البسيطه خذ ولد ......خصوص ان الموديلات الجديده صارت سته نقل وفيه ميزه مهمه جداً وهي استهلاكه للبنزين معقول جداً تخيل اروح فيه للدمام ويبقى النص وداخل البلد لايصرف حيث ان السرندلات لا تشتغل كامله الا بعد الثمانين

ومن العيوب اللي اشوفها فيه وصارت حتى بالياباني الجديد هو كثرة طقطقة الأصوات داخل السياره اضن الديكورات تتفكك بسرعه مع العلم ان السياره استخدام حشمه ويوجد سياره غيرها يعني هذي للسفريات فقط

ولكن في العموم سياره جيده وبسعر معقول ولو عاد الخيار لي لأخذت التاهو فهو نفس اليوكون مع اختلافالأكسسورات الخارجيه لجمال شكله

موفق اخوي
أهلاً وسهلاً أخي شقران نجد

كما توقعت أن الردود سوف تتوالى وهذه ميزة أعضاء هذا المنتدى ما شاء بارك الله
وحسب ما قرأت أن التاهو أضعف من اليوكن وأنا شخصياً أفضل gmc على الشفر

لا عدمنا رأيكم وبارك الله فيكم

[أبو زكريا]

في بداية رمضان المنصرم كان في معارض النسيم دبل ستاندر جديد بطاقه ب138 الف ريال 2010 والتاهو يتراوح من 124 الى 128 دبل ال تي
حياك ربي وبياك

لكن سمعت أن الدبل ثقيل وأقل راحة من العادي

بصراحة الدبل أكثر شي يصلح في الياباني

كما أن التماتيك أكثر شيء يصلح في الأمريكي

[عبادييي]

والله يوفك في اختيارك

بس حبيت اقولك ان الكثير يمدح الاكسبيدشن

وموفق ان شاء الله

[الكيان]

الاكسبيدشن

[You Like Me]

السلام عليكم ورحمه الله
انا معاي يوكون 2009 ولله الحمد
موتر ماعليه كلام اذا حافظت واهتميت فيه
وانت من كلامك اخي ابو زكريا انك إنسان محافظ
فـ لا تخاف على السياره إن شاء الله وتأكد انك ماطحت إلآ أنت متواسي
فيه مشكلتين بسيطة وهي باليوكون والتاهو برضو
اللي هي اولاً مشكلة الـ rpm احياناً تلاقي ضغط هواء السياره
مو راكد يطلع وينزل لكن بدون تفتفه او يطفي السياره بس يطلع وينزل وانت واقف
اماا اذا ماشي ما تحس فيه ابد .. اكثر شي مع المكيف وانت واقف تلاحظ هذا الشي
وكل تشييك لي بالوكاله لازم اسجل العطل هذا ويصلحونه شهر شهرين ويرجع
فاللي فهمته من المهندسين ان كل سيارات الـ gmc كذا واخوي معاي تاهو 2008 نفس الوضع
المشكلة الثانيه اللي حساس ضغط هواء الاطارات
انا عجزت فيه ماخليت شي ما سويته يروح كم شهر ويرجع ينشب بحلقي .
فهذه بيني وبينك اشياء لا تذكر اذا قارنتها بالسياره عموماً
وانت مثل ما ذكر احد الاخوان استخر اولاً واخيراً
والله يكتب لك اللي فيه خير

بالنسبة للاسعار
والله مادري بالضبط آخر علمي بها 2009
بس الاكيد انها تغيرت إن شاء الله الاخوان يفيدونك
وآسف على الإطاله

[ام صتمه 87]

اما السلبيات منها :
1- اليوكن ومعه الجمس حجم 1500 , تراه حساس شوي , يعني ما يبيلك تكسره لا , يبيلك تحافظ عليه , واذا عطيته بيعطيك .
اما فئة 2500 لليوكن طبعا هي ما تجي الا على الـ xl اما القصير ما تجي فيه هذه الفئه ,, فهي عمليه جدا اكرف زي ما تبي وما شاء الله ما تقول شي .





أول مرة اسمع بهالمعلومة ..

هذا في السييرا أما اليوكون المكينة سوا الظاهر ..

[ام صتمه 87]

انا شريت 2010 في شهر 3 يعني تقريبا قبل 7 شهور .. بدون دبل بـ 131

[GMC 4EVR]

نا اضم كلامي لبعض الناس وبالنسبه لي الجميس لاياتي فخامه لكن يجي فيه موصفات مجنونه ومراح تصدق انها تجي منها وقوه جباره وخاصه في الاستخدام الامريكي وانا اشهد انه موتر في البر والخط والعزم بس يبيله واحد يعرف يتفاهم معاه وشكرا

[دل البحار]

انصحك باليوكن اناالاهلما خذين 3 يوكنات ويمدحون ومرتاحين معاها على الاخر سفر بر لا يعلا عليه
لكن ترى ماهو كرف زيه زي الياباني في البر والطعوس
اما كمدينه وأستخدام عادي سياره ممتازه وأنا مجربه ما شاء الله

[أنا الذي...]

اليوكن سيارة رائعة
ولكن لماذا لا تجرب جيب جراند شروكي سيارة رائعة جدا(أنا لم أجربها ولكن معجب بها)

[بن بدرااان]

عليكم السلام ورحمة الله وبركاتة

وانت بصحة وسلامة

توكل على الله انا معي 2008 روعة ما شاء الله ... لا بالبر ولا بالخط او بالمدينة

و2009 و2010 افضل منه عشان القير صار 6 بدال 4 مثل الي عندي

وخذ جنط 17 ترا جنط 20 ما يصلح بالبر ...وايضا بالكفرات غالي ويستهلك بسرعة.. واي شي يخربة لان فتحات الدعسة كبير مو مثل 17 واذا جيت تغيرة لازم يكون معك واحد.. لانة يمصع الواحد ثقيل جدااا ((مجربة ))

استهلاك البنزين ممتاز 600كم تقريبا بـ 42 ريال اوكتان91

قطع غيارة انا غيرت مساعد امامي واحد بـ 1150 بحساس سعر وكالة وموجود بدون حساس بـ 380

بالنسبة للـ الاكسبيدشن الي ذكروة الشباب والله ما شفت احد يمدحة
واحد من الشباب شرى امريكي وقعد معة اسبوعين وباعة وشرى
سعودي وباعة بعد ما جاز لة ابداا ..وولد عمي معة يوكن والاكسبيدشن جدد
ويقول ان اليوكن افضل بكثير

الله يوفقك اخوي وعليك بالاستخارة

[أبو زكريا]

والله يوفك في اختيارك

بس حبيت اقولك ان الكثير يمدح الاكسبيدشن

وموفق ان شاء الله


الاكسبيدشن

أخي عبادي

أخي الكيان

بورك فيكما على المشاركة وإبداء الرأي

تحياتي لكما

[أبو زكريا]

السلام عليكم ورحمه الله

انا معاي يوكون 2009 ولله الحمد
موتر ماعليه كلام اذا حافظت واهتميت فيه
وانت من كلامك اخي ابو زكريا انك إنسان محافظ
فـ لا تخاف على السياره إن شاء الله وتأكد انك ماطحت إلآ أنت متواسي
فيه مشكلتين بسيطة وهي باليوكون والتاهو برضو
اللي هي اولاً مشكلة الـ rpm احياناً تلاقي ضغط هواء السياره
مو راكد يطلع وينزل لكن بدون تفتفه او يطفي السياره بس يطلع وينزل وانت واقف
اماا اذا ماشي ما تحس فيه ابد .. اكثر شي مع المكيف وانت واقف تلاحظ هذا الشي
وكل تشييك لي بالوكاله لازم اسجل العطل هذا ويصلحونه شهر شهرين ويرجع
فاللي فهمته من المهندسين ان كل سيارات الـ gmc كذا واخوي معاي تاهو 2008 نفس الوضع
المشكلة الثانيه اللي حساس ضغط هواء الاطارات
انا عجزت فيه ماخليت شي ما سويته يروح كم شهر ويرجع ينشب بحلقي .
فهذه بيني وبينك اشياء لا تذكر اذا قارنتها بالسياره عموماً
وانت مثل ما ذكر احد الاخوان استخر اولاً واخيراً
والله يكتب لك اللي فيه خير


بالنسبة للاسعار
والله مادري بالضبط آخر علمي بها 2009
بس الاكيد انها تغيرت إن شاء الله الاخوان يفيدونك

وآسف على الإطاله



بيض الله وجهك أخي الكريم

وفقك الله لكل خير

وكل عام وأنتم بخير

تحياتي لك

[أبو زكريا]

أول مرة اسمع بهالمعلومة ..

هذا في السييرا أما اليوكون المكينة سوا الظاهر ..
حياك الله أخي الكريم وبارك فيك

[أبو زكريا]

انا شريت 2010 في شهر 3 يعني تقريبا قبل 7 شهور .. بدون دبل بـ 131
أشكرك أخي الكريم مرة أخرى

وهل شريته جديداً أم مستعملاً سعوديا أم أمريكياً؟
لا عدمناك

[أبو زكريا]

نا اضم كلامي لبعض الناس وبالنسبه لي الجميس لاياتي فخامه لكن يجي فيه موصفات مجنونه ومراح تصدق انها تجي منها وقوه جباره وخاصه في الاستخدام الامريكي وانا اشهد انه موتر في البر والخط والعزم بس يبيله واحد يعرف يتفاهم معاه وشكرا
بارك الله فيك وفي نصيحتك

وكل وأنتم بخير


انصحك باليوكن اناالاهلما خذين 3 يوكنات ويمدحون ومرتاحين معاها على الاخر سفر بر لا يعلا عليه
لكن ترى ماهو كرف زيه زي الياباني في البر والطعوس
اما كمدينه وأستخدام عادي سياره ممتازه وأنا مجربه ما شاء الله
مشكور أخي الكريم لا عدمناكم
وكل وأنتم بخير


اليوكن سيارة رائعة
ولكن لماذا لا تجرب جيب جراند شروكي سيارة رائعة جدا(أنا لم أجربها ولكن معجب بها)


حياك المولى أخي الكريم
بالنسبة للشروكي وغيرها من السيارات الأمريكية فأنا صارف نظر عنها بالكلية لأنني غير مقتنع فيها ولا تصلح لنا أنا يعجبني من الأمريكي فقط جنرال موتور

[أبو زكريا]

عليكم السلام ورحمة الله وبركاتة

وانت بصحة وسلامة

توكل على الله انا معي 2008 روعة ما شاء الله ... لا بالبر ولا بالخط او بالمدينة

و2009 و2010 افضل منه عشان القير صار 6 بدال 4 مثل الي عندي

وخذ جنط 17 ترا جنط 20 ما يصلح بالبر ...وايضا بالكفرات غالي ويستهلك بسرعة.. واي شي يخربة لان فتحات الدعسة كبير مو مثل 17 واذا جيت تغيرة لازم يكون معك واحد.. لانة يمصع الواحد ثقيل جدااا ((مجربة ))

استهلاك البنزين ممتاز 600كم تقريبا بـ 42 ريال اوكتان91

قطع غيارة انا غيرت مساعد امامي واحد بـ 1150 بحساس سعر وكالة وموجود بدون حساس بـ 380

بالنسبة للـ الاكسبيدشن الي ذكروة الشباب والله ما شفت احد يمدحة
واحد من الشباب شرى امريكي وقعد معة اسبوعين وباعة وشرى
سعودي وباعة بعد ما جاز لة ابداا ..وولد عمي معة يوكن والاكسبيدشن جدد
ويقول ان اليوكن افضل بكثير

الله يوفقك اخوي وعليك بالاستخارة

أخي الكريم بارك الله فيك وكل أنتم بخير

لقد ذكرت شيئاً كان في نفسي سؤال عنه وهو الفرق بين مقاس 17 و20 ما هو الأفضل ؟

وقد أجبت وأفدت

بيض الله وجهك

[ابو مكازي2002]

والله انا عن نفسي افضل التاهو من 2008 وانت طالع بس ما قد جربتهن لانه ماهنا فلوس ولا كان فدناك
تحياتي

[ابن عكاش]

كل عام وانت بخير تقبل الله منا ومنكم صالح الأعمال
بصراحه انا لم امتلك يوكن او تاهو بس ابعطيع رأيي من خلال مشاهدتي للسيارة مع الأقارب وانقل لك تجارهم
اولاً السيارة تعتبر سيارة منافسة وسعرها مغري جداً
من ناحية التحمل والصبر مثل ماقالو الأخوان إذا حافظة عليها وعطيتها حقها تعطيك
قوة المكينة ممتازة والقير ست نمر ورساوة وسعة كلها اشوف انها ميزة
الراحة اشوف انها اقل من موديلات 2006م وتحت وانا ركبت الثنين ولعل اللي جربو الموديلين يفيدونا اكثر
من عيوبها نزول الصدام الأمامي واشوف بعض الناس يفك اللحيه السودا تحت الصدام ويصير مقبول
الأبواب عند التسكير فيها زي الدفاش فإذا سحبته يردع بقوة وكذلك إذا فتكت الباب يفتح بقوة ولو كان شي وراه مشكلة
إذا انت منتب راعي بر لاتاخذ دبل مع اني كنت منول انصح اي واحد ياخذ دبل علشان انه مايسوى حاجته لوغرزت لكن واحد من عيال عمي معه 2005م ويقول بهذلني يشبك احيانا طبعا مهوب راعي بر وألحين باعه موتره وبيشتري جديد بدون دبل وانا سقت يوكن بدون دبل ماشي 230ألف كيلو وماشاء الله ممتاز
سعر lt كمرة خلفية وحساسات وتشغيل عن بعد اللون فضي شراه احد اقربائي بـ128ألف من معارض النسيم جديد طبعاً نظام الجميح وغيرة مايعطون المعارض بطاقة جمركية مثل التايوتا لا لازم يطلع بلوحات وهذي مشكلة لأنه بيبدا الضمان لكن الرجال قال للمعرض ليش ماتطلعونه من الجميح بسمي على طول وفعلاً شروه وحطوه بأسمه على طول
اتمنى اني افدتك والله يدلك
اخوك ابوصقر

[ابوعقل]

وعليكم السلام

توكل على الله وخذه

عندنا تاهو 2008 بدون دبل الحمد لله ممتاز

وفيه ميزه حلوه كسرت الطاره كبيره ما شاء الله

وبنزينه 91 ولا يصرف ((بس التانكي صغير لو يكبرونه شوي يغطي على سيارات واجد))

والأسعر شف الوكالات والمعارض

لان الأسعر ماهي ثابته

العيوب انا اشوف انه عرض من مديل 2006 وتحت

فيه ls

هذا نوع ما فيه مواصفات ابد بس مكيف خلفي وبفتح ويسكر بالريموت

وهذا النوع يصلح للي ما يحب الأكسسوارات

ويبي سياره يكرفها صح او انك تاخذه لسواق.

وعندك lt1

وهذا نفس التاهو اللي عندنا

ممتاز

ومواصفاته حلوه حساسات يشغل من الريموت وتخشيبه

وجنوطه 17

وفيه نوع lt2

نفس المواصفات بس يفرق جنطه 20

وانت تدري ان الشوارع اللي عندنا زينه مره ولا فيها حفر

يعني الجنط يبي ينعفط عليك وسعر الجنط بالوكاله غالي

وفيه نوع ltz

هذا فخم شاشه وجلد وفتحه ومواصفات حلوه

وفيه نوع z71

هذا للبر جنوطه غير والمساعدات مخصصه لطرق الوعره

وصدامه مرتفع عن الارض واجد ويجي رفرف

ــــــــــــــــــــــــــــــــــــــــــ

انت استخر وان شاء الله خير

بس الاخوان اللي يمدحون الأكسبدشن

سؤال

وين تغيرون بواجي المكينه ؟؟

واذا الوكاله تغيره وشي اللي مهم مسؤلين عنه ؟؟

[أبو زكريا]

أخي أبو مكازي

أشكرك على المرور وجزاك الله خيراً

أخي ابن عكاش ما قصرت
وفيت وكفيت بارك الله فيك

[أبو زكريا]

وعليكم السلام

توكل على الله وخذه

عندنا تاهو 2008 بدون دبل الحمد لله ممتاز

وفيه ميزه حلوه كسرت الطاره كبيره ما شاء الله

وبنزينه 91 ولا يصرف ((بس التانكي صغير لو يكبرونه شوي يغطي على سيارات واجد))

والأسعر شف الوكالات والمعارض

لان الأسعر ماهي ثابته

العيوب انا اشوف انه عرض من مديل 2006 وتحت

فيه ls

هذا نوع ما فيه مواصفات ابد بس مكيف خلفي وبفتح ويسكر بالريموت

وهذا النوع يصلح للي ما يحب الأكسسوارات

ويبي سياره يكرفها صح او انك تاخذه لسواق.

وعندك lt1

وهذا نفس التاهو اللي عندنا

ممتاز

ومواصفاته حلوه حساسات يشغل من الريموت وتخشيبه

وجنوطه 17

وفيه نوع lt2

نفس المواصفات بس يفرق جنطه 20

وانت تدري ان الشوارع اللي عندنا زينه مره ولا فيها حفر

يعني الجنط يبي ينعفط عليك وسعر الجنط بالوكاله غالي

وفيه نوع ltz

هذا فخم شاشه وجلد وفتحه ومواصفات حلوه

وفيه نوع z71

هذا للبر جنوطه غير والمساعدات مخصصه لطرق الوعره

وصدامه مرتفع عن الارض واجد ويجي رفرف

ــــــــــــــــــــــــــــــــــــــــــ

انت استخر وان شاء الله خير

بس الاخوان اللي يمدحون الأكسبدشن

سؤال

وين تغيرون بواجي المكينه ؟؟

واذا الوكاله تغيره وشي اللي مهم مسؤلين عنه ؟؟

أشكرك على الوصف والتفصيل

وأنت تكلمت عن التاهو ما رأيك في اليوكن (gmc)

[أبو زكريا]

لدي سؤال آخر:

هل يوجد جهاز ملاحة في اليوكن ؟

[KASHTAT]

من موديل 2007 وطالع إسأل عن مكان الكمبيوتر وراح يتغير رأيك

[أبو زكريا]

من موديل 2007 وطالع إسأل عن مكان الكمبيوتر وراح يتغير رأيك

حياك الله أخي الكريم

حبذا تفصل أكثر

وكل عام وأنتم بخير

[نفود بريدة]

أول مرة اسمع بهالمعلومة ..

هذا في السييرا أما اليوكون المكينة سوا الظاهر ..


هلا بك اخوي ,

يبدو انك ما فهمت مقصدي , لكن اختصارا :

اليوكون يتوفر بحجم واحد فقط .

اليوكون الـXL يتوفر بحجمين : 1- حجم 1500 ومكينته تأتي بسعة 5.3 لتر .
2- حجم 2500 ومكينته تأتي بسعة 6.0 لتر .
طبعا حجم 2500 عملي جدا جدا , لكن مشكلته انه سست ورا , فهو قاسي شوي , واثقل من حجم 1500 بفرق كبير , ويأتي بمروحة كرنك على ما اظن , مو مثل فئة 1500 فهي تأتي بمراوح كهربائيه .

الخلاصة : اذا الشخص راعي سحب كرفانات وراعي بران وكرف يأخذ حجم 2500 :good2:
واذا الشخص غالب استخدامه على الزفلت ويريد الراحة وهكذا يأخذ حجم 1500 :good2:


ان شاء الله وصلت المعلومه :), وتراني اتكلم على اليوكون فقط , اما الدينالي فلم اتكلم عنه لانه يختلف .

[نفود بريدة]

لدي سؤال آخر:

هل يوجد جهاز ملاحة في اليوكن ؟


هلا بك اخوي

ايه نعم فيه لكن للفل اوبشن فقط , او طلبيه للعادي


موفق اخوي

[أبو زكريا]

أهلاً بك أخي نفود بريدة

وشكراً لك على التوضيح

[لحظةوداع]

ماشاء الله تبارك الله
الموضوع فيه تجاوب من الاعضاء
وعلى كل حال يبقى التاهو واليوكن
من أفضل السيارات العائلية
ذات الرحابة والسعة والقوة

[ابوعقل]

أشكرك على الوصف والتفصيل

وأنت تكلمت عن التاهو ما رأيك في اليوكن (gmc)

انا تكلمت عن التاهو لان هو اللي جربته

هو واليوكن نفس الشي في المحركات والمركب

وانت قس على كلامي

وكلهن نفس الشي

بس انا اميل لتاهو شكله ممتاز :good2:

ويعجك ان العالي شمعه لحاله والواطي شمعه لحاله

وكلهم يجي فيه شاشة ملاحه

وانت عط الموظف المواصفات اللي تبي

وخله يطلعه لك

[تناهيت]

هلا بك اخوي ,


يبدو انك ما فهمت مقصدي , لكن اختصارا :


اليوكون يتوفر بحجم واحد فقط .


اليوكون الـXL يتوفر بحجمين : 1- حجم 1500 ومكينته تأتي بسعة 5.3 لتر .
2- حجم 2500 ومكينته تأتي بسعة 6.0 لتر .
طبعا حجم 2500 عملي جدا جدا , لكن مشكلته انه سست ورا , فهو قاسي شوي , واثقل من حجم 1500 بفرق كبير , ويأتي بمروحة كرنك على ما اظن , مو مثل فئة 1500 فهي تأتي بمراوح كهربائيه .


الخلاصة : اذا الشخص راعي سحب كرفانات وراعي بران وكرف يأخذ حجم 2500 :good2:
واذا الشخص غالب استخدامه على الزفلت ويريد الراحة وهكذا يأخذ حجم 1500 :good2:




ان شاء الله وصلت المعلومه :), وتراني اتكلم على اليوكون فقط , اما الدينالي فلم اتكلم عنه لانه يختلف .




:good2::good2:

هذا الرد يعتبر اكثر فائدة مختصر ومفيد وايد كلامه

[faisalkhalidi]

من موديل 2007 وطالع إسأل عن مكان الكمبيوتر وراح يتغير رأيك

مكان الكمبيوتر من 2000 وطالع يجي قدام علبة الظفيره جمب الشاص من جوا يكون يمينه المكينه وطرمبة الدركسون

كل ربعي معهم جموس ومن يومك الى اليوم ما احد اشتكى من موقع الكمبيوتر

انا وربعي كلنا نطب سيول ونطعس والله من موتر جاه حادث على الشاص وصدمه مركزه على هالمنطقه بالذات ولا جا الكمبيوتر ولا شي:good2:

هذا سيل طبيته ومايقارن بالسيل الي قطعته وغطا انوار الموتر الاماميه كامله كلها والحمد لله مافيه ولا شي

http://www.youtube.com/watch?v=u65duyost14



بالنسبه لي ياخوك انا انصحك تاخذ تاهو lt دبل

واذا انت مرتاح شوي وتحب الموتر يكون جلد

خذ تاهو z71 وبتدعي لي كثييييييييير

ابعد عن اليوكن شكله مب زين والواطي والعالي شمعه واحده مب مثل التاهو شمعتين

نور التاهو اقوى من اليوكن

[العاذر]

كانك راعي بر ومطامر وقنص وكشتات وتغاريز وشعبان

اشتر ياباني وكب اليوكن

[نفود بريدة]

أهلاً بك أخي نفود بريدة

وشكراً لك على التوضيح



هلا بك أكثر يا بعدي :)

وما سوينا الا الواجب , والي ما نرجو منه منكم الا الدعاء لنا
وفقنا الله واياك لما يحب ويرضى

اخوك

[دوج 115]

نصيحه وبقوووووووووووووه خذ الموتر ولاتعداه الوالد كان معه دينالي 2007 الموتر بطل مرره والله مارضا يبدله الا بال vx.r 2010 ولا مابدله ابد ابد

[ام صتمه 87]

أشكرك أخي الكريم مرة أخرى

وهل شريته جديداً أم مستعملاً سعوديا أم أمريكياً؟
لا عدمناك

ايه وارد الجميح جديد

تحياتي ~

[ام صتمه 87]

الأبواب عند التسكير فيها زي الدفاش فإذا سحبته يردع بقوة وكذلك إذا فتكت الباب يفتح بقوة ولو كان شي وراه مشكلة




هذا علاجها بالفلين المربع الصغير اللي ينحط برا الباب يجي بعدة ألوان ..

[ام صتمه 87]

وعليكم السلام



وفيه ميزه حلوه كسرت الطاره كبيره ما شاء الله






لاحظتها لفته كبيرة جدا تختلف عن السيارات الثانية ...

[ام صتمه 87]

لدي سؤال آخر:

هل يوجد جهاز ملاحة في اليوكن ؟



نعم ..

في الفل ..

[ام صتمه 87]

هلا بك اخوي ,

يبدو انك ما فهمت مقصدي , لكن اختصارا :

اليوكون يتوفر بحجم واحد فقط .

اليوكون الـxl يتوفر بحجمين : 1- حجم 1500 ومكينته تأتي بسعة 5.3 لتر .
2- حجم 2500 ومكينته تأتي بسعة 6.0 لتر .
طبعا حجم 2500 عملي جدا جدا , لكن مشكلته انه سست ورا , فهو قاسي شوي , واثقل من حجم 1500 بفرق كبير , ويأتي بمروحة كرنك على ما اظن , مو مثل فئة 1500 فهي تأتي بمراوح كهربائيه .

الخلاصة : اذا الشخص راعي سحب كرفانات وراعي بران وكرف يأخذ حجم 2500 :good2:
واذا الشخص غالب استخدامه على الزفلت ويريد الراحة وهكذا يأخذ حجم 1500 :good2:


ان شاء الله وصلت المعلومه :), وتراني اتكلم على اليوكون فقط , اما الدينالي فلم اتكلم عنه لانه يختلف .



بارك الله فيك ..

تقبل تحياتي ..

[أبو زكريا]

ماشاء الله تبارك الله
الموضوع فيه تجاوب من الاعضاء
وعلى كل حال يبقى التاهو واليوكن
من أفضل السيارات العائلية
ذات الرحابة والسعة والقوة
الله يبارك فيك أخي ما قصرتم كلكم

والحقيقة أنني من كثرة الردود والتجاوب بالكاد أستطيع الرد على الكل أثناء كتابتي للردود أفاجأ بمشاركة أخرى جديدة

الله يحفظهم هم من أكثر الناس تجاوباً في المنتديات ويستفاد منهم

الله يجزاهم الجنة


انا تكلمت عن التاهو لان هو اللي جربته

هو واليوكن نفس الشي في المحركات والمركب

وانت قس على كلامي

وكلهن نفس الشي

بس انا اميل لتاهو شكله ممتاز :good2:

ويعجك ان العالي شمعه لحاله والواطي شمعه لحاله

وكلهم يجي فيه شاشة ملاحه

وانت عط الموظف المواصفات اللي تبي

وخله يطلعه لك
أهلاً بك أخي مرة ومرات
بيض الله وجهك وما قصرت
لكن حسب معلوماتي ان الجمس أقوى من الشفر


:good2::good2:


هذا الرد يعتبر اكثر فائدة مختصر ومفيد وايد كلامه

أهلاً بك أخي وبارك فيك

[أبو زكريا]

كانك راعي بر ومطامر وقنص وكشتات وتغاريز وشعبان


اشتر ياباني وكب اليوكن



حياك ربي أخي الكريم


طلعاتي للبر قليلة إن لم تكن نادرة


أنا أريد سيارة مريحة وعائلية بحجم اليوكن
أنا أملك حالياً برادو 2001 على استخدامي ولكن له الآن عشر سنوات تقريباً وبدأ يطلب قطع غيار كما أنه عايدي لأنه كان مناسباً في وقته حيث كنت أسير أحياناً في طرق غير معبدة أما الآن فأكثر الطرق عندنا معبدة ، كما أنني أعاني من ألم في أرجلي أكرمكم الله وإذا وقعت في زحمة أشعر بآلام رهيبة من كثرة الدعس والتعشيق وكذلك في الطريق لا يوجد به مثبت سرعة فأتعب كثيراً .
كل هذه الأسباب دعتني للتفكير في التغيير وأنا لست ممن يغير كل وقت بل إذا وجدت مطلوبي أقتنع به وأستمر عليه في أي شيء سواء سيارة أو حاسب آلي أو جوال أو حتى الحرمة لا أحب التغيير إلا لسبب وجيه .




هلا بك أكثر يا بعدي :)


وما سوينا الا الواجب , والي ما نرجو منه منكم الا الدعاء لنا
وفقنا الله واياك لما يحب ويرضى



اخوك


تسلم يا أسد بريدة


والله يسكنكم الفردوس الأعلى


وحياك ربي


أخوكم أبو زكريا


نصيحه وبقوووووووووووووه خذ الموتر ولاتعداه الوالد كان معه دينالي 2007 الموتر بطل مرره والله مارضا يبدله الا بال vx.r 2010 ولا مابدله ابد ابد

بارك الله فيك وفي نصيحتك


وحياك ربي وبياك


ايه وارد الجميح جديد

تحياتي ~

بالبركة أخي الكريم جعلها الله مركوب الهنا ومطية السعادة


هذا علاجها بالفلين المربع الصغير اللي ينحط برا الباب يجي بعدة ألوان ..

ما شاء الله دائماً إيجابي


بارك الله فيك وأسعدك في الدنيا والآخرة
تحياتي لك

لاحظتها لفته كبيرة جدا تختلف عن السيارات الثانية ...
أهلاً بك أخي الكريم مرات ومرات


نعم ..

في الفل ..

بيض الله وجهك على هذا التفاعل الإيجابي


لك شكري وتقديري

[شلون مغليك]

فخم والله
بس مايبله جلد

[أبو زكريا]

فخم والله
بس مايبله جلد
حياك ربي أخي الكريم

[ابوعقل]

لكن حسب معلوماتي ان الجمس أقوى من الشفر


ابو زكريا

مشكور على الدعاء وهذا اللي ندوره طال عمرك

بس التاهو واليوكن نفس المكينة والقير والدفرنسات

ما يختلف الا بالوجه والعلامات وبعض الاكسسوارات

واللي يقولك غير هذا الكلام

اسمحلي ما عنده خبره

وحجم مكينة اليوكن والتاهو 5.3

وكل القطع الميكانيكيه نفس الشي بالظبط

[قراند ماركيز]

أخوي:أبوزكريا

سعر اليوكن القصير2010 lt
بما يقارب ال130

[هاجر الود]

أنا كان معي gxr v8 2009 والله ماصلح لي وبعته وأخذت يوكن والله أنه أطيب منه بكثير وعندي كذلك شكل اليوكن أفرح من التاهو وحتى فتحت الشبك فيه أكبر وهذا يساعد في دخول هواء أكثر للماكينه نصيحة لاتتعدى الجمس .

[مطيعيس]

حافظ حافظ انا عندي جمس حوض اكرفه كرف وكرفني في الورش كرف اما اذا كنت بتحافظ بيعيش معاك200سنه لو تبي وانا قلت 200سنه لأنك اذا شريته ماعاد بتبيعه وانا موتري حوض شريته ومع انه يكرفني في الصناعيات بس مااقدر ابيعه اتوقع انهم حاطين سحر داخله وثاني شيء اذا تبي تشتري اشتر جديد لأن لو شريت مستعمل ماتدري عن استخدام اللي قبلك هو كرفه ولا محافظ عليه فأشتر جديد ازين لك وابرك لك.
والله يوفقك لما فيه الخير ويحفظك ويستر عليك
ومبروك مقدما

[أبو زكريا]

ابو زكريا





مشكور على الدعاء وهذا اللي ندوره طال عمرك


بس التاهو واليوكن نفس المكينة والقير والدفرنسات


ما يختلف الا بالوجه والعلامات وبعض الاكسسوارات


واللي يقولك غير هذا الكلام


اسمحلي ما عنده خبره


وحجم مكينة اليوكن والتاهو 5.3


وكل القطع الميكانيكيه نفس الشي بالظبط




حياك الباري أخي أبو عقيل


المسألة أحياناً تكون نسبية


اتذكر أيام زمان كان الجمس هو المرغوب خصوصاً وارد الجميح


ولكن كل شيء يتغير ونا خبرتي بالأمريكي قديمة نوعاً ما أما الموديلات الجديدة فلم أجربها


ولكن أسمع ناس كثير يقولون الجمس أقوى


وفي المقابل التاهو أجمل في المنظر والديكورات


وهي مجرد وجهات نظر


وبما أنك مجرب التاهو فهي فرصة أتعرف على خبرتك


وكلكم فيكم الخير والبركة إن شاء الله وإن اختلفت وجهات النظر


فنحن نستفيد من الجميع


ولك شكري وفائق احترامي



أخوي:أبوزكريا






سعر اليوكن القصير2010 lt

بما يقارب ال130




أشكرك أخي الكريم على هذه المعلومة وبارك الله فيك


ولك شكري وفائق احترامي



أنا كان معي gxr v8 2009 والله ماصلح لي وبعته وأخذت يوكن والله أنه أطيب منه بكثير وعندي كذلك شكل اليوكن أفرح من التاهو وحتى فتحت الشبك فيه أكبر وهذا يساعد في دخول هواء أكثر للماكينه نصيحة لاتتعدى الجمس .
بارك الله فيك أخي على المشاركة والتفاعل


وفعلاً أنا فكرت في هذا وهو مجال التهوية أكبر في اليوكن


ولكن هل يكون لها أثر كبير ؟


وفي المقابل بصراحة التاهو أجمل من الأمام وكأنه أغنى من حيث الديكورات .


ولك شكري وفائق احترامي



حافظ حافظ انا عندي جمس حوض اكرفه كرف وكرفني في الورش كرف اما اذا كنت بتحافظ بيعيش معاك200سنه لو تبي وانا قلت 200سنه لأنك اذا شريته ماعاد بتبيعه وانا موتري حوض شريته ومع انه يكرفني في الصناعيات بس مااقدر ابيعه اتوقع انهم حاطين سحر داخله وثاني شيء اذا تبي تشتري اشتر جديد لأن لو شريت مستعمل ماتدري عن استخدام اللي قبلك هو كرفه ولا محافظ عليه فأشتر جديد ازين لك وابرك لك.





والله يوفقك لما فيه الخير ويحفظك ويستر عليك

ومبروك مقدما




الله يبارك فيك ويحفظك عليك دينك ونفس وأهلك ومالك

أشكرك من الأعماق على النصحية الصادقة والمشاعر النبيلة


ولك شكري وفائق احترامي

ما شاء الله حق لي أن أفخر بكم جميعاً على على هذه الفاعلية