يا اصحاب الاكسبديشن عطونا رايكم بالبطاريه

[ابومحــ م ـــد]

السلام عليكم ورحمة الله وبركاته
ياشباب رغبت شراء بطاريه للاكسبديشن 2006 وسئلت الوكاله وقالو ان سعره مع التركيب 500 ريال وعليها 30 او 40 ريال وقلت كثير وذهبت لشارع الريل بالرياض وحصلت عندهم بطاريات مكتوب عليها ميركوري نفس الحجم ونفس الفولت ونفس الوات وعليها ضمان سنه والسعر اخ من السعر 240 ريال ل ل ل ل 000
السوال لمن جرب وشو الفرق مع العلم ان صاحب المحل يقول ركبت لسيارات كثيره مثل موترك ولا احد رجع يقول شي افيدوني يالربع

[ابوصالح77]

ركب أي بطارية إلكترونية نفس الحجم والإنبير
تقبل مروري

[jasser]

هلا بك اخوي ابو محمد

بالنسبه للبطاريه والله ما عندي علم فيها لكن اتوقع انه ماهو شرط تاخذ من الوكاله اهم شي تكون اصليه وصناعه معروفه
ومثل ما قال ابو صالح اهم شي الحجم والانبير

بس ما قلتلي وشهو نوع البطاريه اللي في الوكاله وش اسمها ؟؟ وهل يعطونك ضمان عليها ؟؟

[ابومحــ م ـــد]

الاخ ابوصالح مشكور على المرور كلامك صحيح بس يخوي هالسيارات والله ماعرفنا له كمبيوتر وحوسه قلت اسئل قبل يمكن فيه شي يختلف 00

الاخ جاسر مشكور على المرور ونوع البطاريه والله ماسئلت عنه الضاهر نفس اللي يجي مع الموتر شد بلد اما الضمان يقول سنتين

[ابومحمد 8445]

السلام عليكم
يابومحمد رايي اشتر اللي سعره رخيص وترا الفرق 300 ريال والله حراميه ياخي حقين الوكاله وكما قالو الاخوان اهم شي نفس الحجم والامبير

[بن سليمان]

السلام عليكم ورحمة الله وبركاته
ياشباب رغبت شراء بطاريه للاكسبديشن 2006 وسئلت الوكاله وقالو ان سعره مع التركيب 500 ريال وعليها 30 او 40 ريال وقلت كثير وذهبت لشارع الريل بالرياض وحصلت عندهم بطاريات مكتوب عليها ميركوري نفس الحجم ونفس الفولت ونفس الوات وعليها ضمان سنه والسعر اخ من السعر 240 ريال ل ل ل ل 000
السوال لمن جرب وشو الفرق مع العلم ان صاحب المحل يقول ركبت لسيارات كثيره مثل موترك ولا احد رجع يقول شي افيدوني يالربع
وعليكم السلام ورحمة الله وبركاته
يا ابو محمد يا ليت تسأل الوكالة فيه برمجه او لا ؟ لازم تتأكد من النقطه هاذي
قيور السيارات كلها امريكي ياباني الماني في الموديلات التاليه صار لها برمجة ويمكن مع تغيير البطاريه تتغير البرمجة
واحتمال فيه اشياء ثانية يبغى لها ايضا برمجة فلازم تتاكد من النقطة هاذي لا تخسر اكثر بسبب توفير 300 ريال
وكل عام والجميع على احسن حال

[ونش]

بعض الناس يبالغ في كل شي حتى البطاريه لازم من الوكاله لازم ينسرق عشان يرتاح

[ابومحــ م ـــد]

الاخ بن سليمان هذي الخوفه ( نبي نكحلها ونعميها ) وعلى ما قلت نوفر 300 ونخسر 3000 لكن اذا فيه احد مجرب نستفيد والوكاله وانا اخوك يعطلك يومين وياخذ دبل المبلغ والمقصود والله التعطيل يومين ثلاثه وانت عارف وما معي موتر ثاني 0ومشكور على المرور العطر 0

الاخ ونش مشكور على المرور الجميل ووسع صدرك وانا اخوك هالنوع من السيارات كله كهرب كمبيوتر × كمبيوتر لو تبي تشبك اشتراك لسياره ما تشتغل يحوس لك الكهرب فوق تحت 0000