المساعد الشخصي الرقمي

مشاهدة النسخة كاملة : البالون بين فايده ومضره


ابوخلف الحربي
12/09/2010, 04:16 PM
سلام عليكم ورحمة الله وبركاته

وش حالكم عساكم بخير ومن العايدين ان شاء الله اليوم فكرت اني اغير البالون من مكسس مقاس16الجنط تجاري الى هيرو17وبركب عليه جنط الوكاله الموتر جكسار
وما تضمن الجنط التجاري لوينكسر مع الخط فقلت اني اركب جنط الوكاله وهيرو17
مكسس سعره 470مقاس16
هيرو سعره750مقاس17!!
يعني اربع كفرات مع السبير بـ3750 الدراهم تهون لان البالون معروف بتحمله,,
تقريبا كل فتره اروح لديره 1000كيلو وانجبر اني استخدم موتري الثاني عشان
الاهل لاني ما اضمن البالون ولارحت الديره تحسفت لاشفت النفود ومعي سياره
والجيب مهو معي ولاجاء موسم الصيد نفس الحاله تضيق علي بشكل ماتخيلونه
وانا استخدم مكسس بس ما عجبني ونويت على هيرو الي جربه مع النفود
ومع الخطوط الطويله يعني امان او عكسه وهل سعره بالقصيم ارخص..؟
ابوخلف الحربي
12/09/2010, 04:53 PM
لــــرفــــع
غواص وقناص
12/09/2010, 08:02 PM
فيه الظاهر دنلوب يسهل عليك المهمه لطلعات وللخط
بس والله ما ني عارف كم سعره وهل يركب ولا لا لاكن
بس اني قريت عنه في بعض المواضيع للأخوان
وان شاء الله الشباب يفيدونك اكثر مني

وتقبل مروري
ابوخلف الحربي
13/09/2010, 03:16 AM
132يدخلون الموضوع ولا يرد الا =1..!
التعـ King ـديل
13/09/2010, 03:22 AM
الماكسس يجي منه 17

والغالي لاتخاف من الجنط الصيني لان الجنوط مهما كانت صناعته تعتمد على حسب الاستخدام

انا ركبت هلل مبرز صيني على موتري سنه وبعته وراعيه اللي شراه مني قعد معه ست شهور

وانا راعي خطوط بالشهر اروح مرتين او ثلاث خط للامارات غير طلعات البر واللي شراه مني

راعي مقانيص وبر والحمدلله مااشتكينا منه ابد والله ان حتى الاسبير جديد مافك من محله
وادي الريمة
13/09/2010, 03:38 AM
مرحبا بك ياعزيزي

من ناحية المكسس انا جربت غير بالون على ددسن دفرسين
شريته جديد وركبتهن على طول فهو اكثر من روعه مابنشر ولا بمسمار
ولا بشوك الطلح وكنت احمل عليه ودائما مشاوير
وامشي احيانا على ارض وعره
والحمدالله جلس الددسن معي سنتين ومشى حول ستين الف كيلو ومابنشر ولا انصلخ على
وبعت السياره والكفرات ماراح من عمرهن الا الربع ....
وهذا الي قدرت افيدك به
واتمنى لك التوفيق والله يحفظك انت واهلك .
لاندكروزرVX_R
13/09/2010, 04:03 AM
البالون يتحمل خاصة الـ 8 غاط .. وصبور .. وشكل للموتر

بس دام جنطك 17 .. وشوله بالون ووجع الراس ورجة ومرتفع حيل عن الارض ويقلل عزم الموتر عن تجربة ..

ركب يا بعدي دنلوب مقاس ( 17 65 275 ) يا هي تتحمل .. وصبورة وسعرها 550 ..

وبترتاح معها ..
آل زايد502
13/09/2010, 06:31 AM
ركب يالغالي دنلوب نقشة شاهين افضل من البالون انا جربت الماكسس البالون ماينفع ابد خاصه فالنفود مايفرش صح اما الدلوب حلو مريح ويفرش فالنفود حلو بقوه انصحك فيه افضل من الماكسس الهيرو ماستخدمته لاكن الدنلوب نقشة شاهين بتدعيلي
مضاد
13/09/2010, 11:23 AM
اولاً المكسس مقاس 16 ب 370 ريال يالغالي ليس كما ذكرت

موتري الان عليها مكسس بالون مقاس 16 امشي عليه خطوط وبر وطعوس

الحمد الله مافيه خوف لكن يقلل من عزم السياره كما ذكر اخي فكسار ورجه وهذا الي يعيبه

جرب منت بخسرران شي لاسافرت على البالون

دول الخليج وخاصه اهل قطر والامارات يجون من ديارهم ياخذون عمره واغلب كفراتهم بالون ماكسس ومالون
شوف عيني وبرظو وقت الربيع بالنعيريه شوف عيني اغلب كفراتهم مكسس ومالون يعني ضاربين مشاوير
مو مشوار ابو الف كيلو

وبالتوفيق
ابوصالح77
13/09/2010, 11:37 AM
هلا بك أخوي
مثل ما قالوا الربع الماكسس بـ 375 ويمكن تحصله بـ 350
والبالون يبي جنط سخيف عشان ما يفسخ
وتبي شوري خل عنك طقمين :1- طقم بالون ،2- وطقم عادي