كيف تفك مساند الرأس في الاكسبلورر ( بالصور )

[رواق]

السلام عليكم ، عيدكم مبارك وكل عام وانتم بخير

بدأ معي هذا السؤال عندما اشتريت تلبيسة للشنطة من السنيدي ، والتلبيسة هذي تتعلق في مواصير مساند الرأس بالمرتبة الوسطانية ، وهي المساند اللي ماعرفت أفكها ، ولما سألت في موضوع استفسارات الاكسبلورر لم أجد جوابا

بعض الزملاء أكدوا لي أن هناك زر أضغطه وتطلع المسندة ( وهذا غير صحيح فالزر موجود في المراتب الأمامية فقط )

عدت للسنيدي فأشر لي العامل على فتحة صغيرة جدا في قاعدة المسندة ، كما تشاهدون في الصورة :


http://www.mekshat.com/pix/upload04/images180/mk11921_eb1.jpg




وقال لي : حط إبرة هنا واضغط ، تطلع معك المسندة

حاولت بإبرة خياطة ، انكسرت ماصار شي ، و بعد سؤالي في المنتدى لم يؤكد لي أحد هذه المعلومة قد ما أكدوا لي وجود زر في القاعدة

طبعا خفت اعابط مع المسندة ينكسر أو يخرب شي ، فذهبت للوكالة وسألتهم قالوا مانعرف ، سألت في الصيانة قالوا مافيه إلا واحد يعرف وهو مسؤول تركيب DVD وانه طالع وماراح القاه إلا بكرا !

والقا لي عميل ابن حلال أكد لي معلومة الابرة وقال انا مجربها بنفسي

هنا ارتحت ، قلت مابدهاش ، بدل الابرة ابرة :mad:

لما رجعت للبيت قلت ماينفع إلا إبرة السكين :

http://www.mekshat.com/pix/upload04/images180/mk11921_eb3.jpg



واحطها في الفتحة بالشكل هذا :

http://www.mekshat.com/pix/upload04/images180/mk11921_eb2.jpg


وأحاول ماصار شي ، واتضح انها يبيبلها قوة ضغط ، فاستخدمت الكشاف وضغطت به على الإبرة لحد ماسمعت "تك" وارفع المسندة والله يوم ارتفعت ماصورتها ، وأروح لقاعدة الماصورة الثانية واسوي نفس الشي واسمع "تك" ثم ارفع المسندة وتطلع معي عن بكرة أبيها :D

وسلامتكم .

[بن سليمان]

وعليكم السلام وكل عام وانت بخير
وبيض الله وجهك على التوضيح والجهد لفائدة اخوانك ملاك الاكسبلورر
بس ما ادري الطريقة هذي في كل موديلات الاكسبلورر نفس الشيء او تختلف الطريقة من موديل لموديل ؟ ابغى افيد واحد من الشباب

[تناهيت]

يسلموا اخوي رواق وبيض الله وجهك فعلا المسند الخلفي مشكلته انه يحجب الرؤية للسائق وانا معاني منه منذو مبطي وحاولت فيه ويأست لاكن مع رواق مافيه يأس بأذن الله


تحياتي لك ومعلومة مهمة منك وتحــــــــــــــسب لك

[رواق]

وعليكم السلام وكل عام وانت بخير
وبيض الله وجهك على التوضيح والجهد لفائدة اخوانك ملاك الاكسبلورر
بس ما ادري الطريقة هذي في كل موديلات الاكسبلورر نفس الشيء او تختلف الطريقة من موديل لموديل ؟ ابغى افيد واحد من الشباب

تسلم والله يابن سليمان ، ماسوينا شي

بالنسبة لاختلاف الموديلات ماعندي علم ، موتري ٢٠٠٩

تحياتي لك

[رواق]

يسلموا اخوي رواق وبيض الله وجهك فعلا المسند الخلفي مشكلته انه يحجب الرؤية للسائق وانا معاني منه منذو مبطي وحاولت فيه ويأست لاكن مع رواق مافيه يأس بأذن الله


تحياتي لك ومعلومة مهمة منك وتحــــــــــــــسب لك


الله يسلمك من كل شر ياتناهيت

ماسوينا شي مقابل كل اللي تقدمه انت والشباب في الرابطة من تفاعل واهتمام مع الاستفسارات والمشاكل

[احمد الشمال]

يعطيك العافيه اخوي على التوضيح

وجزاك الله الف خير

[رواق]

الله يعافيك ويسلمك اخوي أحمد

[الصخرة]

بارك الله فيك

بس لي طلب صغير ياليت تصور التلبيسة مركبة على السيارة

لأني بغيت اشتريها وأجلت الفكرة

ولكن بعد موضوعك وبعد أن تضع الصورة بارك الله فيك راح أركبها

[رواق]

الله يسلمك ياصخر

ماطلبت شي

الليلة إن شاء الله أو بكرا تلقا الصور

[شاووش]

الله يعطيك العافيه على التوضيح

[مخ سعودي]

هي يالغالي نفس التاهو واليوكن المرتبه الخلفية والامامية تحتاج مثل تلك الابره والله يكون في العون شاكر لك تجربتك التي افدتنا بها