هل اليوكون قوي في النفود بدون دبل ؟؟

[يوكناوي]

بسم الله الرحمن الرحيم ..

حبيت اسأل عن قوة اليوكون في النفود بدون دبل ..

هل هو قوي يعني " نسم الكفرات وامش"

والسؤال الآخر هو كيفية تصفير العداد ..

طبعا اليوكون 2010

الله يعافيكم

[يوكناوي]

للرفع ..

up

[ساحووق]

يمكن قووي بس ليا غرس ماااطلع

[أبو نـآيف]

مايعرف جوابه الا راعيه

رح وجرب

[بيضا القاع]

اخوي انا اقولك نسم وما يردك الى ربك لاكن اذا غرست الله يعينك اخبر شفتلي واحد راع سوبر بدون دبل علق بين حزوم الموتر اخابر ظل اسبوع محد قدر يطلعه اول ما جربو شاص وما قدر يسحبه وبعدها فتك وبعدها فكسار اخر شي الرجال يقولون صلح موتره يالا قدر يطلعه

[راعي الحيسة]

والله يأخوي مجرب ما ينفع ولا بريال بالنفود إن كانك تحب البر زد شوي وخذ دبل أوسع صدر وأرغب عند البيع .

[شحبار]

بدون دبل اقل رمل ناعم يغرز ثقيل لكن اخذ الي فيه دبل
ولا تغامر ترى صعب يطلع من الغرازه مثل ما بينولك الاخوان

[BLAZER91]

والله يخوي اذا بتدخل النفود بدون دبل لازم تنسم وتشد على الموتر وتبي تهابد وتطامر وانت سيارتك ثقيله وقير اوتو يعني بيندمر عليك واذا غرز بتبلش لانه ثقيل نصيحه اذا ماشريت زود فلوسك وخذ دبل وتكون طلعاتك خفيفه شوي لانهم يقولون القير الاوتو ينعدم في النفود اذا تطلع كثير

[ن م ر]

اذا معك عايله وموترك بدون دبل نصيحتي لك لا تغامر ولا تجازف مهما كانت سواقتك

بيجيك واحد مطفي النور ويقول الونيتات قطعت البران بدون دبل بس هذاك ايام اول ينجبرون يقطعون الصحاري ويعرفون الدروب

عزيزي العميل : لا تغامر

[التعـ King ـديل]

الموتر ثقيل وبدون دبل ماينغزا به

لاتقارنه بالونيتات الدفرنس واحد

الوزن باليوكن كبيررره مررره

[ام صتمه 87]

الأخوان يفيدونك أنا لم أجرب ..

[يوكناوي]

بارك الله فيكم لكن ابي المجرب ..

[ملك الفكتوريا]

شوف يالغالي انا مجرب


جربت جمس سوبربان 2006 بدون دبل


وجربت شفروليه تاهو 2008 بدون دبل


النتيجة قويه بس لازم تنسى انه موترك وتنسى خوف المهابد لكن اللي يخوف حساس الايرباق لا يتجاوب مع المطامر



2006 اقوى من 2008 مع انه سوبربان


لكن لا تقول ليه يطلع شوي شوي وبطئ طبيعي بسبب الثقل ولا تنسى لا تطول وانت تمسك سيده لفلف يمين يسار


والاهم تشغيل الاوفر درايف





يمكن ما تصدقون


الفكتوريا وهي سيدان افضل من الجمس بالطعوس حسب نظرتي وعن تجربه


ما انفي اني غرزت ولكن بافكتر محد طلعني انا طلعت نفسي


والامريكي بالنفود لا تدعس بقوة بالعكس على خفيف لانك لو تدعس بقوة حتى بعد المطر بيحفر

[يوكناوي]

شوف يالغالي انا مجرب


جربت جمس سوبربان 2006 بدون دبل


وجربت شفروليه تاهو 2008 بدون دبل


النتيجة قويه بس لازم تنسى انه موترك وتنسى خوف المهابد لكن اللي يخوف حساس الايرباق لا يتجاوب مع المطامر



2006 اقوى من 2008 مع انه سوبربان


لكن لا تقول ليه يطلع شوي شوي وبطئ طبيعي بسبب الثقل ولا تنسى لا تطول وانت تمسك سيده لفلف يمين يسار


والاهم تشغيل الاوفر درايف





يمكن ما تصدقون


الفكتوريا وهي سيدان افضل من الجمس بالطعوس حسب نظرتي وعن تجربه


ما انفي اني غرزت ولكن بافكتر محد طلعني انا طلعت نفسي


والامريكي بالنفود لا تدعس بقوة بالعكس على خفيف لانك لو تدعس بقوة حتى بعد المطر بيحفر


ماهو الأوفر درايف

؟؟

[فارس7]

اخوي انا عندي يوكن صح انه يمشي اذا نسمت الكفرات بس السيارة ثقيلة اي رملة ناعمة راح يغرز وراح تلاقي مطبات وحفر تلزمك انك تهدي الى حد الوقوف وقير تماتيك ماله امان في اي لحظة يعدم عليك لنه مايتحمل مثل القير العادي ،نصيحة لاتغامر

[ام صتمه 87]

اخوي انا عندي يوكن صح انه يمشي اذا نسمت الكفرات بس السيارة ثقيلة اي رملة ناعمة راح يغرز وراح تلاقي مطبات وحفر تلزمك انك تهدي الى حد الوقوف وقير تماتيك ماله امان في اي لحظة يعدم عليك لنه مايتحمل مثل القير العادي ،نصيحة لاتغامر


انا أعرف واحد قير تماتيك يطامر به في النفود مطامر ولا جاه شي ..

[يوكناوي]

الله يعافيكم ..

[أبوغيث 2003]

والله قبل كم سنه

اخبر واحد معه سوبربان 2001 بدون دبل

والله يكشت عليه

ومره طلع به للدهنا

لكن ينسم الكفرات و يفجر الموتر فجر عشان ما يضعف عزمه ثم يغرز

وطبعا غرز تغريزه قشرا وطلعناه بونش

وعمي عنده يوكن 2002 بدون دبل ويكشت به لكن لازم مع واحد ثاني معه جيب عشان لاسمح الله وغرز ما يبلش

الخلاصة ((اذا نسمت يمشي بالنفود بس مثل ما قالوا الاخوان اذا غرز ما ينفع تبريح لازم سحب ))

[يوكناوي]

الله يعافيك ..

[ولاعة]

والله وانا اخوك مثل ما قالوا الله يعطيهم العافية

[يوكناوي]

حياكم الله ..

[MUZAH100]

انا مجرب يوكن قصير دبل في الطعوس لازم تشغل الدبل و تنسم الموتر
الموتر يعيبه وزنه اكثر من 2 طن :eek:
والافر درايف هو الزر الموجود في عصا القير
http://0.tqn.com/d/trucks/1/0/6/q/DSC_0022.jpg

[يوكناوي]

انا مجرب يوكن قصير دبل في الطعوس لازم تشغل الدبل و تنسم الموتر
الموتر يعيبه وزنه اكثر من 2 طن :eek:
والافر درايف هو الزر الموجود في عصا القير
http://0.tqn.com/d/trucks/1/0/6/q/dsc_0022.jpg

بارك الله فيك ..

يعني بيذبحني بالتغاريز بدون دبل ..

[يوكناوي]

وين الشباب ....؟

[MUZAH100]

بارك الله فيك ..

يعني بيذبحني بالتغاريز بدون دبل ..


بدون دبل التغاريز فيك فيك الا اذا صارت تدخل النفوذ بعد الامطار هذا شي ثاني
وفي النهاية مهارة السائق تعتمد على كل شي

[يوكناوي]

بدون دبل التغاريز فيك فيك الا اذا صارت تدخل النفوذ بعد الامطار هذا شي ثاني
وفي النهاية مهارة السائق تعتمد على كل شي

بارك الله فيك ..

[ملك السيييف]

نصيحة لوجه الله

يوكن 2010

تدخل فيه النفود ؟؟؟؟

لا تبهدل موترك الجديد هذا مو للبر

إذا أنت راعي بر خذ لك مواتر ثاني دبل للبر

ما يكون جديد وسعره على حسب استطاعتك

وهذا اليوكن خله للسفر والتمشيات مع الأهل

وإلا موترك بينعدم من المطامر .

[عاشق السيل]

شف وأنا أخوك اليوكن بدون دبل يحتاج لعدة عوامل :

1 ـ تنسيم الكفرات على ضغط 10 ،،
2 ـ الابتعاد عن السيوف والرباضات والأماكن شديدة الوعورة ،،
3 ـ سواق ماهر له باع طويل بالتعامل مع النفود ،،
4 ـ عدم دخول النفود صيفاً ،،

وصدقني إذا طبقت هالشروط تبي تتمشى لو بغيت بالدهناء طول بعرض !!

[البرتقالي]

على حسب الليدر
زمان قديم قدم قبل ثلاث شهور او اكثر من عشرين سنة مانيب متأكد بالضبط ;)
كنت اطاعس بهيلوكس 83 والجيوب تحتي :d
<< امش ياماجدونا

[همس الغدير]

مشاء الله تبارك الله

[يوكناوي]

بارك الله فيكم ..

[يوكناوي]

للرفع ........

[سديرآوي]

يالغالي انتبه ثم انتبه من اليوكن بدون دبل صدقني انه خسارة بخسارة ,,

كانك راعي بران وتحب البر زد عليه شوي واشتر يوكن بدبل أفضل ,,

لان الدبل مرغوب حتى عند البيع ويمسك سعره اما بدون دبل محد يشتريه ولا احد يبيه ,,

وكانك تبي توفر شوية دراهم ,,

خذلك تاهو شيفروليه ,, نفس مواصفات اليوكن بالضبط وشكل متقارب بنسبة 95% ,,

اللهم اللمبات الاماميه والخلفية ,,

وعلى ظني ان التاهو دبل أقوى وأرخص بكثير من اليوكن ,,

وسعره على ما اتوقع من 110 ألآف إلى 120 ألف بالكـثـــييير ,,


ولو انت بالرياض مر على توكيلات الجزيرة وشف الفورد الاكسبدشن القصير بكم ,,

على ظني مايتعدى 110 ألاف ,, غير كذا الاكسبدشن أقوى بكثير من الجمس ,,

وفخم ومريح ورخيص ,, ووسيع أوسع من الجمس ,, لان الجموس التالية من 2007 وفوق ضيقة بالحيل ,,

اما الاكسبدشن واسع والمرتبة الاخيره الثالثه كبيره بنفس حجم المرتبة الثانيه بعكس الجمس الاخيره ماتنفع إلا للصغار لضيقها ,,

وفيه مواصفات حلوه كثيره ,,


وانا عن نفسي إن شاء الله ببيع السوبربان الي معي واشتري اكسبدشن ,,

لانه أفضل بكثير من كثير من النواحي ,,

وعليك بالتجربة والاستخاره ولاتستعجل ,,

والله يوفقك ويعينك ,,