وسعوا صدوركم وتعالوا فهموني من غير زعل

[غالي]

:good:السلام عليكم ورحمة الله وبركاته

اخواني

ملاحظ انا شيء في خيمة البيع والشراء لكن لحد يزعل لاني متعجب ومتخوف بنفس الوقت :eek:


ماتلاحظون ان الي يبيع وأكثر الي يسومون في بيع وشراء السيارات أعضاء جدد !!!!!

لو مسكتوا مواضيع البيع والشراء 90% هم جدد بالمنتدى

صراحه ماادري هل هم اعضاء قداماء لهم معرفين اي نكين ؟

والا كلهم جايين من نصايح البيع في مكشات بعد مارفضوهم الشريطيه بالمعارض؟

والا شريطيه مات سوقهم وجوا ؟ :D

الي يثير تعجبي اكثر لو دخلت في مشاركاتهم بعضهم ابد ماتعدت البيع والشراء

يعني ماشاء الله كلنا نعرف مكشات يجذبك بخيامه ومواضيع اعضائه المتميزه


المهم قلت ترى لحد يزعل هذي كلمتن بقلبي وطلعتها ودي افهم بس :good2:

تحيتي لكم جميعا :good:

[فهد الميهوبي]

ههههههههههههههههه ما شا الله شكلك تاجر امزح انا صرااحه ملاحض الشي ذا

[مجنون نحم]

لو يحطون معارض سيارات على سطح القمر بتلقى شريطية

[زاحف بحر]

الشريطية مثل الغبـــار يتعلق في كل مكان ..

الله يكون بالعون ..


والرزق من الرزاق ..




بالتوفيق للجميع ..






..

ا

[العاذر]

كل شخص له ميول وهوايه ومن حق اي عضو ان يختار الخيمه اللي تناسبه ويمرح فيها

[سرطوقا]

يمكن مايكون شريطي بحد ذااته ، وجاء بنفسه انه يعرض سيارته في المنتدى اخاف لو راح المعارض بيقلقونه الشريطيه

ويمكن متضاعف نفيسته انه يروح المعررض ،


شكراا للموضوع ياغالي

[abumohammad99]

احتمال واحتمال..

احتمال انه شريطي هههه

واحتمال انه دور سلعه معينه سيارة مثلا وبحث في قوقل ولقاها في مكشات ودخل وسجل علشان يسأل او يسوم..

هذي الاحتمالات اللي اتوقعها..

[تناهيت]

كلامك صحيح لاكن موب شرط انه شريطي

لنا بعت موتر ولله الحمد عن طريق مكشات على دكتور ماله كم يوم مسجل جديد..>بلاشك ان الانترنت ارض خصبة للشريطية وخاصة موقع مستعمل

تحياتي

[ابوصالح77]

أهم شيء ما يصر فيه نجش بالبيع

[عميد سامودة]

يمكنه مسجل في المنتدى ليشارك في خيمة بيع وشراء السيارات لأنه رأى ما شاء الله مكشات من اكبر المنتديات المفيده والمنظمه واعضاءها مميزين ,,,,,,,,,,,, فلماذا الاستغرااااب !!!!!!!!

[الطوووفان]

لا وفيه بعضهم يدخل بمعرف ويعرض السياره
وبالمعرف الثاني يدخل يسومها
وعلى فكره أنا ما أخص أحد بعينه لكن شفت ناس كذا في أغلب مواقع البيع

الله يعطيهم على قد نيتهم

[سرطوقا]

الطوفان ههههههههههههه انا فكرت مثلك بس الشكوى لله ، اشتر السياره على الشوفه والفحص وعطه السعر اللي تبي السياره بها انت


عندي زياده على الموضوع انا واقع فرفره في الانترنت لو تشوف بعض مواقع المبيعات تشوف الواحد عارض سيارته في اكثر من موقع وفيه دليل كبير يدل انه شريطي بحيث بعض المواقع تدري انت انه باع اكثر من سياره فيها


تحيتي

[قطب 999]

وازيدك من الشعر بيت فيه رفع وكبس وبالثمانيات قال الشاعر
وَمَنْ لَمْ يُصَانِعْ فِي أُمُورٍ كَثِيرَةٍ

يُضَرَّسْ بِأَنْيَابٍ وَيُوْطَأ بِمَنْسِمِ