المساعد الشخصي الرقمي

مشاهدة النسخة كاملة : cam4sell.com هل ممكن الوثوق فيه


PAC -MAN
14/09/2010, 09:35 PM
السلام عليكم
ياخوان عندي سؤال هل ممكن الوثوق في موقع cam4sell.com انا شريت من عندهم النيكون d5000 ومادري اذا هم نصابين ولا لا وبغيت اسألكم هل تجي الكام من عندهم مع الضمان وكم يوم لين مايجيب البريد السعودي الكام للعلم ان انا في قطر ومشكورين
والله يعطيكم العافيه :good2:
محب البرق
14/09/2010, 10:50 PM
هلا بك
يالغالي سألت وانت على كلامك شريت :)

الموقع موثوق فيه ماعليه وان شاء الله تتوصلك الكاميرا

ومبروك عليك الكام

وبالتوفيق
اسير الغضا
14/09/2010, 11:56 PM
انا مجربهم موثوقين ولازم تخاف اول شي طبيعي
عقيعقب
15/09/2010, 01:09 PM
انا مجربهم موثوقين ولازم تخاف اول شي طبيعي



مثل ماقال أخونا اسير الغضا
الخوف في البداية طبيعي لكن مع الوقت راح تتعود :p



الموقع موثوق ونص اللي تقرأ لهم وتشوف صورهم شارين منهم



أما مدة التوصيل فبالسعودية كل شيء بطيء وخصوصاً البريد السعودي
يعني حط في بالك من 3 أيام إذاكانوا سريعين إلى 10 أيام
لأن لو كانوا يوصلون الطرود على إبل فيكفيهم 10 أيام وزوووود



وهناك بعض الكلام حول سرقتهم لبعض محتويات الطرود


لا أقصد تخويفك لكن الحذر واجب


أعرف محتويات الكاميرا قبل وصولها


ثم افتح الطرد أمام موظف البريد وتأكد من المحتويات


وأي شيء مفقود خل البريد يسجلون ذلك ويعطونك اثبات أنه لم يكن موجود حين فتح الطرد
أو ارفض استلام الطرد





وإن شاء الله ما حاصل الا الخير لكن الانسان يجب أن يحذر
حبل الوريد
15/09/2010, 01:14 PM
طيب ما تقدر توصل لفرع لهم وتستلمه يد بيد
PAC -MAN
15/09/2010, 02:23 PM
هلا بك
يالغالي سألت وانت على كلامك شريت :)

الموقع موثوق فيه ماعليه وان شاء الله تتوصلك الكاميرا

ومبروك عليك الكام

وبالتوفيق



مشكور وتسلم الله يبارك فيك الصراحة ساعدتني
PAC -MAN
15/09/2010, 02:25 PM
انا مجربهم موثوقين ولازم تخاف اول شي طبيعي

الله يعطيك العافية وصح كلامك اول شي لازم تخاف
شلقة
18/09/2010, 10:03 PM
لك حق تخاف ..
الموقع مضمون .. وأنا جربته وتمام التمام ..

فيهم عذروب حصل لواحد من ربعي .. ولا أدري عن باقي الناس .. وهو التأخر في الصيانه ..
أنا توي شاري منهم وأن شاء الله ما أحتاجهم يارب ..
omar salman
19/09/2010, 02:00 AM
كام فور سيل cam4sale
cam4sell
كلها تعني نفس المتجر
صاحب المحل اعتقد التويجري والي يبيعون فيه اثنين شباب
كانوا يترددون على الحارثي كزبائن حتى دخلت فكرة مزاولة
نفس نشاط الحارثي هذا كلام أبرز اسم في تجارة الكاميرات
بالرياض وهو الي علمهم على كلامه طريقة مزاولة النشاط
وبعدها فتحوا محل جيتهم فيه بشمال الرياض ولقيت شغلهم
مرتب ومنظم وفتحوا موقع على النت ولكن معاملتهم لك
عليها ممنوع تجرب إلا المعروض ولا فيه للتجربة إلا نوعين
من كانون حتى العدسات مشددين عكس الحارثي يخليك تاخذ
راحتك وتختار عن قناعة وتجربة وكذلك بضاعتهم محدودة
لذلك دائماً يطلبون للزبائن من الخارج ولكن من جهة
أمانتهم في الطلب تطمن ما عندهم لف ودوران أو احتيال
ونصب أمورهم ممتازة جداً وانا لما دخلت عليهم
كان عندهم رجل خمسيني محترم شكله لبناني أو سوري
وما خذا من عندهم كام وعدة لها لما سألتهم عنها
قالوا غير موجودة الرجل كان طالبها من فترة وجبناها
له وفيه حاجة ما يتنازلون في السعر لأقل منه يعني
نو مراعاة وأسأل الله التوفيق للجميع ومن وجهة
نظر خاصة لازلنا متأخرين قليلاً في مجال الكاميرات
والتصوير وإلا من المفترض وجود عشر أو خمسة عشر
شركة على الأقل يكونون موفرين كافة الكاميرات
والمستلزمات بحيث يكون وضع الأسعار منافسه بينهم
كأسعار الشركات العالمية التي نراها عبر مواقعها على النت .
منصور الفايز
19/09/2010, 10:07 PM
ما قصرو الشباب ...

ما فيه اي خلاف ان شاء الله

وعلى البركه مقدما ...
لكن ما قلت لنا ..شريت او لا واذا شريت وصلت الكام
او اطلب التوصيل عن طريق ارامكس او فدكس .. اسرع


بالتوفيق اخوي
حسين بن أحمد
20/09/2010, 05:42 PM
عــن نفسي اشتريت مـنهم كاميرتين من قبل ,,

تعامـلهم رائع و يتصفون بالإمانة و سرعة التوصيل و الأسعار المناسبة , و التغليف الممتاز لبضاعتهم أثناء الشحن ,,
حبل الوريد
20/09/2010, 07:04 PM
والله الكل يمدحهم واذا انت مره ثانيه تبي البضاعه بنفسك

تلقاهم على شارع الشيخ عبدالله العنقري الي يتقاطع مع الملك عبدالعزيز
أبـو عــزام
20/09/2010, 07:13 PM
كلام اخي الصياد في محله ..

نعم الامانة موجودة .. ولكن المعاملة لك عليها .. مره ابأخذ منهم كاميرا وسالت هي عربي ولا لا ..
قال ما ندري انت وحظك اذا فكيت الكاميرا ماترجعها .. حتى لو بالمحل .. وبعد نص ساعة من المحاولات اقتنع وفتح لي الكاميرا ..