المساعد الشخصي الرقمي

مشاهدة النسخة كاملة : انتبهوا من سيارات ((ساهر)) الجديدة


ذيب العيالي
14/09/2010, 10:23 PM
السلام عليكم ورحمة الله وبركاته : ومساك الله بالخير
امس انا ببريده ومع راعي ورشه نجرب سيارة زميلي المهم يوم دعس الرجال نبي نسمع صوت الكارونه والا فيه جيب متسوبيشي الي اصغر من الباجيرو على الرصيف واقف وشكيت انه لساهر قلت يالربع هذا لساهر قالوا لا ساهر سياراتهم باصات نيسان
واليوم بعد العشاء وانا في الرياض نزلت مع كوبري الحاير الا والجيب المتسوبيشي نفسه
وفيه دعامات من ورا وقدام ويوم كبس الفلاش على سيارة قدامي الله يكفينا شرهم وشر غيرهم.
فانتبهوا يالذيابه؟؟؟؟؟؟؟؟؟؟؟؟
اخوكم ذيب العيالي
تلميذ الصحراء
14/09/2010, 10:59 PM
والله ما قصرت بس لو تحط صورة ياذيب علشان نعرف شكله مضبوط؟
badr_1
14/09/2010, 11:03 PM
جزاك الله خير
مشاغب شوي
15/09/2010, 12:10 AM
هذا هو الجيب .. متسوبيشي ناتيفا

http://q8motor.com/images/listing_photos/2747_dsc06681.jpg

وفيه بعد باثفندر جديد

http://www.automild.com/wp-content/uploads/2010/03/2010-Nissan-Pathfinder-specifications-588x441.jpg
كم كيلو باقي
15/09/2010, 12:12 AM
ناتيفا اسمه
منفلوط
15/09/2010, 12:23 AM
ليه ليه انتبهو ومدري ايش لييييييييه..!!!!
ورا ماتنصح الناس انها تسوق بعقلانية بعيد عن السرعه الجنونية بدل ماتقول انتبهوا من ساهر وكأنة عدو

اكبر مشكلة اذا كان الشخص مو عارف مصلحة نفســة
ولد ضبيب
15/09/2010, 12:27 AM
الناس تسوق بعقلانية

أحياناً تمشي 80 تعطى مخالفه

يعني يبغون تدحدر السيارة دحدره
منفلوط
15/09/2010, 01:02 AM
متأكد ان الناس تسوق بعقلانية ؟
اجل ليه عندنا أعلى نسبة وفيات بسبب الحوادث على مستوى العالم ..!!!!!!

اللي يمشي 80 بيوصل واللي يمشي 180 بيوصل
الربذي
15/09/2010, 01:23 AM
متأكد ان الناس تسوق بعقلانية ؟
اجل ليه عندنا أعلى نسبة وفيات بسبب الحوادث على مستوى العالم ..!!!!!!
اللي يمشي 80 بيوصل واللي يمشي 180 بيوصل
اولا اخوي الذيب وعليكم السلام
نرجع لاخونا منفلوط
انا معك اخوي ان السرعة ماوراها الا المصائب لكن انت اذا سافرت تمشي 80 اذا كذا انتبه لايدعسونك حقين التريلات انا بالدايري امشي 100 تقريبا تخيل تجاوزتني تريله بانزين ولحقتها على سرعة 130 تمشي بحدود 120 انا عن نفسي اثبت السرعة بالسفر وطريق سريع على 140 واشوف انها اعلى شي مناسب

كنت كم يوم في بريدة ماشف الي تقولون سيارات ساهر المشكله انهم يحطون السرعه 50 داخل العمران بطريق ثلاث حقول وشولون تمشي 50 ؟؟؟؟ ليه عشان دراهمك هذا ومان بالسبعينيات القرن الماضي السرعه 50و55 ونصهم عليميه يعني غشمان ..
لايوجد بيت بالسعوديه الا ويشتكي من فقد حبيب بسبب السرعة

ااخي مات بحادث
ابن اختي الغالي مات بحادث
خالي مات بحادث
وخال اخر مات بحادث
اعرف من القرائب والاصدقاء مايقارب 15 واحد جميعهم حوادث
السيارات قتلت بسبب السرعة
اسماعيل99
15/09/2010, 01:27 AM
طيب تتوقع انه فيه شوارع في مكه السرعه القصوي هههههههههههههه



25 كم /س

وفيها سااااااااااااااهههههههههههر
ذيب العيالي
15/09/2010, 01:46 AM
ليه ليه انتبهو ومدري ايش لييييييييه..!!!!
ورا ماتنصح الناس انها تسوق بعقلانية بعيد عن السرعه الجنونية بدل ماتقول انتبهوا من ساهر وكأنة عدو

اكبر مشكلة اذا كان الشخص مو عارف مصلحة نفســة
كلامك 100 x ميه
بس الي صاير ان ساهر يصور الي مسرع والي ماهو مسرع
انا على طريق الشفا حي بدر قبل رمضان وامشي 60 كلم وصورني ساهر
و300 ريال يخلف الله علي
والله اني صرت بعدها اوقف قبل ساهر الين يفضى الشارع ثم امشي وبشويش
او اني اعدي من وراه اذا صار واقف في محطة بنزين من الخوف
منفلوط
15/09/2010, 02:02 AM
اهلن وسهلن اخوي ذيب
اذا كان الناس مهبل أصير مثلهم مهبـول ؟؟
كل واحد يسوق على قد ذوقه . صحيح ان السواقه ذوق واخلاق ماكذب من قالها

من ناحية توزيع السرعه داخل المدن معاك حق لو تتغير يكون افضـل

انا صورني ساهر اكثر من ثلاث مرات على طريق جابر وايضا طريق الـ 100 والكلام هذا قبل رمضان والى الآن مانزلت علي ولا مخالفه لانه فعلا صورني بس ماكنت مسرع.
أخي اسئل الله انه يرحم موتانا وموتى المسلمين

وارجو انني لم أثقل على أحــد
ولكم الشكر
النداوي HZ2AF
15/09/2010, 02:14 AM
بسم الله الرحمن الرحيم
السلام عليكم ورحمة الله وبركاته
إن نظام ساهر والذي تم تطبيقه مؤخراً لهو أمر محمود بلا شك ولا يختلف على ذلك إثنان وذلك للمصالح العامة التي يجنيها الوطن والمواطن من تطبيق هذا النظام
إن النظرة السلبية لهذا النظام هو ما جعل البعض يتطرق للطعن في مدى جدواه
ولقد وجه خادم الحرمين الشريفين الملك عبدالله بن عبدالعزيز كافة الوزارات والمصالح الحكومية بالمشاركة في دعم مشروع النظام المروري “ساهر” تحقيقًا للمصلحة العامة
رابط ذلك
http://www.al-madina.com/node/255061 (http://www.al-madina.com/node/255061)
........
ومن خلال تطبيق هذا النظام ولله الحمد والمنة ظهر جلياً أهميته بفضل من الله بتقليل حالات الحوادث ومن ذلك الوفيات والإصابات
..
وهذا ما ورد في جريدة الرياض
على هذا الرابط
http://www.alriyadh.com/2010/07/04/article540569.html (http://www.alriyadh.com/2010/07/04/article540569.html)
مدير عام الصحة الوقائية بوزارة الصحة فلاح المزروع ل(الرياض):




«ساهر» خفض عدد إصابات حوادث المرور بنسبة 43%




انخفض معدل حالات الوفاة من 37 قبل التطبيق إلى 20 حالة في الشهر بعد التطبيق وذلك بنسبة 45.9 %.
وقال المزروع إن هناك انخفاضا مستمراً لعدد الإصابات حيث وصلت نسبة الانخفاض 43% مما يعكس مساهمة برنامج ساهر في هذا الانخفاض الملحوظ.
كما أظهرت إحصائيات هيئة الهلال الأحمر السعودي أن الحوادث المرورية (دهس – انقلاب – تصادم) والتي باشرتها الفرق الإسعافية لهيئة الهلال الأحمر السعودي خلال شهر ربيع الآخر من العام الحالي سجلت انخفاضاً في أعدادها بلغت نسبته 25،21% عن معدلها في الشهر الذي سبق تطبيق النظام
..
http://www.mekshat.com/pix/upload04/images175/mk19047_mk.jpg
..............






يغلق الموضوع حتى يبت فيه مشرف الخيمة
مع الإعتذار لصاحب الموضوع