معقوله سياره تخلص و لا تلقاها في الوكالات و المعارض [الأرشيف]

الشهابة

15/09/2010, 04:33 AM

السلام عليكم ..

شفروليه تاهو 2010 دبل ال تي ..

معقوله يا شباب مافيه سياره بالمواصفات هذي في الرياض او الشرقيه ..

و القصد جديده اصفار وكاله ..

دورت في المعارض قبل العيد و من يوم الاثنين و انا ادور في معارض الرياض و لا لقيت ..

لقيت يوكون بس مالي رغبه فيه .. و لقيت لون ابيض بس مالي رغبه فيه

الجميح مافيه .. العيسى مافيه .. التوكيلات العالميه في الشرقيه مافيه .. احد الاخوان سأل في معارض الشرقيه مافيه .. معارض الرياض النسيم و الشفا مافيه ..

معقوله سياره تخلص .. هل الطلب اكبر من العرض ..

بصراحه الموضوع يهمني و سبب لي احراج مع شخص بيشتري سيارتي تأخرت عليه في البيعه بسبب التاهو مالقيت ..

ياليت من يخبر لنا بالمواصفات هذي يدلنا و يكون مشكور ..

شفروليه تاهو - موديل 2010 - جديد (اصفار) - دبل - كاميرا خلفيه - ال تي - لون غامق ( رمادي - بني - اسود - ازرق غامق )

زاحف بحر

15/09/2010, 04:59 AM

عليكم السلام ورحمة الله وبركاته

غريبة بصراحة تاهو ماهو موجود ..

معارض الشرقية أكيد فيها بس تحتاج تلف تلف اللين تحصل ..

انا أن شاء الله راح اروح للمعارض واذا شفت ابشر بعزك يالغلاا ..

وان شاء الله اذا لقيت راح اعطيك رسالة خاصة ..

والله يعطيك من خيرها ويكفيك من شرها ..

بالتوفيق للجميع ..

..

ابوصالح77

15/09/2010, 05:46 AM

الله ييسر أمرك
بقى شركة بالبيد إتصل فيهم

الشهابة

15/09/2010, 06:11 AM

زاحف بحر .. هذا العشم في الطيبين مثلك و امثالك و الله يجزاك خير مقدماً و بارك الله فيه ..

الشهابة

15/09/2010, 06:12 AM

ابو صالح .. آمين و ياك و جميع المسلمين .. و شركة بالبيد بنتصل فيهم هاليومين بس مشوارهم بعيد و قلنا يمكن نحصل قريب

ابوعقل

15/09/2010, 06:22 AM

ارسل رقم جوالك على الخاص

وان شاء الله اتصل عليك واعطيك خبر

الشهابة

15/09/2010, 06:30 AM

ابو عقل .. لاهنت اخوي الغالي

حاولت ارسل لك على الخاص رقم الجوال .. رفض بريدك الاستقبال لاختيارك خاصية عدم قبول الرسائل الخاصه و بصراحه مافهمت شي .. شكراً

بريداوي اصليm

15/09/2010, 06:39 AM

ودي أخدمك بس ما بيدي شي
إلا الله ييسرلك أمرك وتشري تاهو 2010 الي براسك

لاتكب البيالة

15/09/2010, 06:48 AM

صراحة التاهو انتشر انتشار عجيب وطبيعي ما تقاه عليه اقبال ما شاء الله
وراه ما تصبر ل 2011

الشهابة

15/09/2010, 06:48 AM

يسلّم عمرك اخوي بريداوي اصليm .. و يكفي احساسك يالغالي .. مشكور و جزاك الله خير

الشهابة

15/09/2010, 06:51 AM

اخوي لاتكب البيالة ..

يوم مالقينا تاهو موديل 2010 قلنا بنصبر لموديل 2011

سألت و كالة الجميح هل فيه فرق في الشكل بين الموديلين قال يمكن الجنوط تختلف و لكن فرق السعر بين الموديلين بيكون تقريباً 14000 ريال على كلام الموظف في الوكاله

و بصراحه حرام الفرق الرهيب هذا على موديل و جنوط

ابومازن2

15/09/2010, 07:07 AM

والله ما ودي اكسر خاطرك اذا انت من رمضان انا من شعبان وانا ادور لولد عمي اتصل على من الرياض ويبغاني ادورله على تاهو ال تي دبل وانا في جدة فريت الجميح - بالبيد - التوكيلات .
والمعارض والصالات وما لقيت بعد السؤال والتمحيص افاد احد المندوبين ان هناك شركة شرت جميع سيارات التاهو الدبل من السوق وباقي عليها نقص حدود 400 سيارة غير متوفرة .
وبالنسبة للموديلات 2011 صحيح زي ما قالت

الشهابة

15/09/2010, 07:14 AM

افا و الله يا ابومازن2 .. حطمتني و انا اخوك بقووووه .. كان عندي امل اخير في بالبيد في جده او في معارض جده .. بس اذا كانوا اهل جده مالقوا وش نقول في الرياض ..

الله يسهل امركم و تلقون .. و ابشر اذا لقيت ابلغك بالموجود ..

ابوعقل

15/09/2010, 07:14 AM

ارسل رقم جوالك على الخاص

وان شاء الله اتصل عليك واعطيك خبر

جــرب الــحــيــن

العبقري 1

15/09/2010, 07:16 AM

أنا شريت تاهو 2010 ltz في 5/8/1431 من وكالة بالبيد في جدة وكان الإل تي موجود أنا شايفه .

الشهابة

15/09/2010, 07:18 AM

ابو عقل نفس الشي و نفس المحالوله الأولى .. هذا رقم الجوال يالغالي و اتعبناك ياطويل العمر بس ابشر نخدمك بالجايات .. ( 0505180172 )

Talented

15/09/2010, 07:19 AM

يا اخوان ابشرو بعزكم
انا في امريكا الان و اقدر اوفره لكم بالمواصفات الي تبون لكن مو شرط اصفار اذا لكم نيه هذا رقم مندوبنا في جده 0546311011

الشهابة

15/09/2010, 07:21 AM

العبقري 1 ..

تاهو ltz موجود و متوفر بكثرة في الرياض في الوكالات و المعارض جديد

و لكن تاهو lt غير متوفر .. الي موجود على حد علمي لون ابيض في وكالة العيسى دبل بـ134000 ريال و مالي رغبه في الابيض

و لقيت واحد ذهبي في المعارض ال تي بـ 132000 ريال و يقلت ابدور لون افضل و يوم رجعت له قالوا المعرض بعناه دور غيره ..

ابومازن2

15/09/2010, 07:21 AM

الشهابة

15/09/2010, 07:24 AM

Talented

مشكور و انا اخوك .. و لكن مالنا رغبه بالاستخدام الامريكي و هي موجوده في اسواقنا و بكثره و بكل المواصفات و الالوان

الشهابة

15/09/2010, 07:28 AM

ابومازن2 .. اليوكون متوفر في الرياض في المعارض و الوكالات كلها و كل المواصفات

في وكالة الجميح 144000 ريال sle دبل و كاميرا و تخشيب و تشغيل عن بعد بدون فتحه مراتب مخمل و كل الالوان متوفره (ابيض - اسود - عنابي - ازرق - فضي - رمادي - بني - ذهبي )

في و كالة العيسى نفس المواصفات بـ 146000 ريال و كل الالوان متوفره

في المعارض بـ 139500 ريال كل الالوان ماعد اللون الاسود بـ 139000 ريال و الابيض 138000 ريال

و لكن مالي رغبه في اليوكون ابداً .. ابداً .. شكل التاهو افضل و فرق السعر بينهم تقريباً 10000 ريال

Talented

15/09/2010, 07:35 AM

طيب والله العظيم هذاسؤال يدور دائما في فكري!!
ايش الفرق بين الامريكي و السعودي يعني السعودي و ين صانعينه هذ اولا
ثانيا فكره الاستخدام الامريكي فكره في السعوديه سيئه و للاسف الاستخدام الامريكي للسيارات بالعكس استخدام جيد لا سرعه لا تطعيس لا تفحيط بل ان يرغبون السيارة اذا لم يكن فيها دبل هذا من ناحيه. اما بالنسبه لمكان استخدام السياره فهو يفرق من ولايه الى اخرى حتى في السعوديه فمثلا سيارات الشرقيه اغلبها مصديه و في امريكا و لايات لا تعرف الصدا ابدا.
هذا ما حبيت اعلق عليه و اسف من صاحب الموضوع شطحت شوي لا و الله العظيم لاجل التسويق انما مجرد وجهة نظر.
تحياتي

ابومازن2

15/09/2010, 07:49 AM

الله يوفقك وتلاقي مرادك ....... بس ما دام انتظرت الي الحين فانصحك 2011 صحيح غالي شوئ بس راح تعرف غلاة بعدين .

وتحياتي لك

الشهابة

15/09/2010, 07:58 AM

Talented ..

و لا تزعل اخوي و خذ راحتك و لك الحق تبين وجهة نظرك .. و بالعكس مداخلتك على العين و الراس

اللي اقصده اخوي اني انا مالي رغبه في المستخدم سواءً كان في السعوديه او في امريكا .. الرغبه في الجديد فقط

الشهابة

15/09/2010, 07:58 AM

تحياتي لك يا ابومازن2 .. و بالتوفيق للجميع إن شاء الله

ام صتمه 87

15/09/2010, 10:07 AM

غريبه والله ..

شكل على كلامهم هالشركة ضافه ابو السيارات ..

قطب 999

15/09/2010, 01:00 PM

الكويت مرغوب تلقاه بكميات عندنا اليوكن

الشهابة

15/09/2010, 08:37 PM

ام صتمه 87 .. قطب 999 .. مشكورين و بارك الله فيكم

بعيد الهقاوي6

16/09/2010, 12:17 AM

انا قبل يومين كنت بوكالة الجميح انا وواحد من الربع حجز يوكن دبل

سالت عن التاهو قال لي المندوب الحجز الحين على 2011 واذا كلامه صحيح يعني حتى موديل 2011 محجوزه
من الحين والسياره عليها اقبال كبير اكثر من اليوكن

سبحان مغير الاحوال اذكر 2006 وتحت كان الجمس اكثر شعبيه من الشفر الحين شكل القاعده انعكست وصار الشفر مرغوب اكثر من الجمس

سراب اللال

16/09/2010, 12:33 AM

خلص عليها حامد الغامدي قدمها جوائز في برنامج سباق المشاهدين ههههههههههههه
كان آخرها للفنان محمد المنصور رح له للكويت واشتريه منه

الشهابة

16/09/2010, 01:07 AM

بعيد الهقاوي6 ..

لكل شراي بضاعه و سوق ..

قبل ماكانت الناس تعترف بالتاهو و خصوصاً في السعوديه .. فقط جي ام سي

و لكن الآن بصراحه شكل التاهو اجمل ..

و لو انا افكر في حوض او ونيت اخذت سييرا جي ام سي لأنه افضل شكل من الشفروليه سيلفرادو

الشهابة

16/09/2010, 01:08 AM

سراب اللال ..

لو انا داري كان شاركت معهم بس اخاف يعطوني لون ما ابيه << يتشرط بعد

ولد وايل..

16/09/2010, 01:10 AM

والله إنك صادق واحد من العياال يدوور من مبطي على المواصفات اللي انت طالبها ولا لقينا له...

ما لقيت الا كم حبه يوكن

ممكن يوجد ال اس (إستاندر)

والجميع من وكالات ومعارض إنه يبي ينزل 2011 ويزيد في سعررررره 10 الاف حسبي الله ونعم الوكيل...!!

الشهابة

16/09/2010, 01:19 AM

حياك اخوي ولد وايل ..

تاهو ال اس 2010 موجود في الوكاله (الجميح) .. بـ 126000 ريال دبل

بس بدون كاميرا خلفيه - بدون تشغيل عن بعد - بدون تخشيب داخلي - بدون تحكم دركسون - نقشة المراتب تختلف - المرايات و مسكات الابواب الخارجيه سوداء - بدون كشافات - سيدي بدون mp3 - الجنوط تختلف

طحنون

16/09/2010, 01:20 AM

اللي يبي يشوف تاهو ويوكن والوكالات يقولون مافيه قبل العيد بيومين مريت على المستودعات اللي عند المينا وبطريق المينا
سيارات على مد البصر اكثرها تاهو ويوكن وسوبربان

الشهابة

16/09/2010, 01:26 AM

اخاف هذي موديلات 2011 اخوي طحنون ؟!!

ولد وايل..

16/09/2010, 05:36 AM

كم يسوى تاهو 2007 ماشي 200 الف ؟!

تهقون يجيب قيمه ؟!

ابومازن2

16/09/2010, 07:11 AM

شكل الموجودة عند حامد الغامدي في المسابقات ( بدون دبل )

ام صتمه 87

16/09/2010, 08:41 AM

كم يسوى تاهو 2007 ماشي 200 الف ؟!

تهقون يجيب قيمه ؟!

كني اذكر يوكون 2007 اسعاره عند البيان بـ 90 او 100 الظاهر ماشي 100 وتحت .. يمكن 70 .. ترا منيب متأكد مره .. لكن 2007 اكيد في التعسين لكن ما اذكر الممشى

عمر مقبل

16/09/2010, 09:46 AM

اخوي الشهابة الي تدور هل هو ال تي 1؟ اذا كن ال تي 1 ليه ما تشتري ال تي 2 الي يسمىz71هوافضل من ال تي 1لانه LTZ الئ تنكيل
لقيته عند الجميح الي في النسيم وماصفاته هي دبل كاميرا خلفيه فتحه جلد حساسات خلفيه تبيرد تسخين المقاعد شاشة دي في دي خلفيه تحكم بالدرقسون
وبقي المواصفات ناسيها طبعاً الكلام ذافي رمضان
اذاتبي تعرف باقي موصافاته وسعره
زر الجميح الي في النسيم
ارجو اني قد افدتك
وتقبل ممممممممممرررررررررررروررررررررررررر ي ي ي ي

الشهابة

17/09/2010, 11:25 PM

ولد وايل ..

احد الاقارب اشترى تاهو موديل 2007 z71 فل كامل مواصفات خليجي من صاحبه وكاله ماشي تقريباً في حدود 70000 كلم بـ85000 ريال في منتصف شهر شعبان تقريباً .. فعلى هذا تقيس سعر السياره الي انت تسأل عنها الله يحفظك و يوفقك في بيعتها اذا كنت ناوي بيعها ..

الشهابة

17/09/2010, 11:26 PM

ابو مازن2 .. و الله الظاهر

الشهابة

17/09/2010, 11:27 PM

ام صتمه 87 .. شاكر لمداخلتك يالغالي

الشهابة

17/09/2010, 11:32 PM

اخوي عمر مقبل ..

الي اعرفه الي يحفظك و يمكن انت اخبر مني في الموضوع هذا ان التاهو z71 يعادل اليوكون الدينالي تقريباً من مواصفات الديكور و الشكل و المكينه ..

و التاهو z71 اظن سعره على حد علمي 185000 ريال اذا كنت اذكر سعهر يوم سألت عنه .. و متوفر في الوكالات ..