المساعد الشخصي الرقمي

مشاهدة النسخة كاملة : قربة المساحات تخر ، هل لها إصلاح ؟


رواق
15/09/2010, 06:53 PM
مثل ماهو واضح في العنوان ، مايمديني أعبيها إلا هي تهرب تهريب خفيف حتى تفرغ بالكامل

هل ممكن تلحم أو يسد الشق بصمغ أو أي حاجة ؟

ولا لازم جديدة ؟

الموتر اكسبلورر ٢٠٠٩
مجنون نحم
15/09/2010, 07:49 PM
لا اظن انها تتلحم او تسد شقوقها لانها بلاستيك

اشتر جديدة
ولد وايل..
15/09/2010, 07:55 PM
هلا بك أخوي روااق..

شف يا عزيزي سلمك الله...

القربه تتغير وتتصلح..

أنت مر الوكاله وشف الأسعار إذا اقل من 200 ريال غيرها....

إذا أكثر إن كان تقدر تفكها لا خل أحد يفكها لك (حقين الرديترات يعرفون لها)

وإذا طلعتها تاكد من شقوق اللي بالقربه..

وخذ صمغ (لحام بارد) أصلي !! تأكد انه اصلي..

اللي يجي علبتين معجون رعاااااص << ههههههه احد ابيض والثاني رمادي تقريبا...

اخلطها بالتوازن وسكر الشقوق ويفضل تحك مكان الشقوق بصنفره لتماسك اقوى...

همن خله بمكان بارد...(أنا أخليه بالفريزر ولا الثلاجة)

ساعتين ثلاث وركبها توكل على الله...


بشر وش سويت بالموتر والحرارة ؟!

تحياتي...
دحيم الفزعة
15/09/2010, 07:57 PM
السلام عليكم
بأمكانك تصلحها بالصمغ المخلوط لونين عن تجربه


تحياتي ====
ابوطاقية
15/09/2010, 08:05 PM
سلكون شفاف ابو 5 ريال يحل مشكلتك
ابو نايف التميمي
15/09/2010, 08:09 PM
شف كانها غاليه لاتشتريها فيه في ساكو سليكون انواع واشكال وبعضها مخصص للحام البلاستيك وضد المويه
العاذر
15/09/2010, 08:32 PM
هلا بك أخوي روااق..

شف يا عزيزي سلمك الله...

القربه تتغير وتتصلح..

أنت مر الوكاله وشف الأسعار إذا اقل من 200 ريال غيرها....

إذا أكثر إن كان تقدر تفكها لا خل أحد يفكها لك (حقين الرديترات يعرفون لها)

وإذا طلعتها تاكد من شقوق اللي بالقربه..

وخذ صمغ (لحام بارد) أصلي !! تأكد انه اصلي..

اللي يجي علبتين معجون رعاااااص << ههههههه احد ابيض والثاني رمادي تقريبا...

اخلطها بالتوازن وسكر الشقوق ويفضل تحك مكان الشقوق بصنفره لتماسك اقوى...

همن خله بمكان بارد...(أنا أخليه بالفريزر ولا الثلاجة)

ساعتين ثلاث وركبها توكل على الله...


بشر وش سويت بالموتر والحرارة ؟!

تحياتي...



نفس كلامي جزاك الله خير
العاذر
15/09/2010, 08:34 PM
السلام عليكم
بأمكانك تصلحها بالصمغ المخلوط لونين عن تجربه


تحياتي ====


كلامك صحيح
رواق
16/09/2010, 02:11 AM
ينطيكم العافية

حتى لو انها بمية ريال ، ابجرب السيلكون ههههه

تسلمون والله

ياولد وايل .. بالنسبة للحرارة وديتها اليوم لكهربائي واعطاني علم غير علم الباكستاني الميكانيكي

الباكستاني كان يقول :

١- المكيف خربان يطفي ويشتغل

٢- إذا طفا المكيف تطفي معه المروحة

٣- لذلك ترتفع الحرارة وانا واقف

الكهربائي يوم شافها قال عكس الميكانيكي :

١- توماتيك المروحة خربان

٢- عشان كذا ترتفع الحرارة

٣- المكيف مصمم انه يفصل ويشبك إذا ارتفعت الحرارة .. ولذلك ماعاد يبرد



والحقيقة انا جربت هالشي اليوم الفجر ، شغلت السيارة وشغلت المكيف واستمريت واقف ماتحركت ١٠ دقايق ومع ذلك المكيف شغال بارد تمام ، والسبب ان السيارة واقفة لها مدة و باردة ، و كان الجو براد .. لذلك ما ارتفعت حرارة السيارة .. وبالتالي ما فصل المكيف


بينما إذا مشيت على السيارة مشوار العصر أو المغرب يعني وقت حر ووقفت السيارة بدون ما اطفيها عند إشارة مثلا وطولت .. بعد شوي تبدا ترتفع الحرارة ويخرب المكيف ماعاد يبرد

وشكرا على اهتمامك وسؤالك يالغالي
رفيع المقآم
16/09/2010, 02:27 AM
يالغالي عند محلات قطع الغيار خذ لك سيلكون الماني اللي يحطونه حقين الراديترات اسالني عنه تخيل كنا مسافرين وانا معي عدتي ومن ضمنها السليكون وشوي وقفنا الا الموتر يخر ماء واناظر ا لا الطبه قلت بس وافتح الكبوت وانظف المكان وسيلكون وسافرنا مسافه 1200 كيلو وزياده وبعد اسبوع من رجعتنا للديره بدا يهرب شف مع ان فيه حرارة عاليه وضغط تحمل اسبوع كامل انصحك فيه علما ماعندك حرارة بالقربه بارده ولا ضغط ابد حط عليه وتنساه وانا حاط هالسيلكون على فورد 97 على قربه المساحات ولها سنه وعليها ماتنقص
البرتقالي
16/09/2010, 02:35 AM
لحام حار بارد ووكل الله
تناهيت
16/09/2010, 03:52 AM
حقين الفيبر يلحمون لك بــ40 ريال ويتحمل الحرارة

سبق ان لحمت قربة رديتر لسيارة المانية ماحصلت لها قربه .......>وانت خابر قربة الرديتر تكون حاره من الموية
المحل مشهور اسمه البلاشي للفيبر وله فروع في انحاء الرياض

ولا تنسى التشليح
في رمضان شريت قربة لجمس بــ120 ريال اصليه
موقعهم الصناعية القديمة

رواق وش سالفة موترك خابره جديد عسى ماشر حرارة ومكيف


تحياتي
رواق
16/09/2010, 04:17 AM
منوتي الشاص تسلم والله .. والله يعطيك منوتك وأكثر منها :)

بروستد حاشي تسلم والله


تناهيت ، تسلم على إضافتك الهامة

بالنسبة للموتر والله مادري وانا اخوك ، هو مستعمل لكنه ما مشى واجد يعني يفترض انه اخو الجديد ، ويوم افحصه نزلنا تحت الموتر وراني المهندس انه جايته ضربة في زاوية الصدام اليمنى من الأسفل ( عند قربة المساحات ) وانها خفيفة وما أثرت على المحركات والكبوت بشكل عام .. وفعلا مشيت عليه من الامارات للرياض مثبت ١٦٠ ماشالله ماعندك أزين منه ، واستخدمته في الرياض أسبوع أو عشر أيام وعقبها صارت مشكلة الحرارة وقربة المساحات

فيه ثلاث احتمالات : يا إن فيه مشكلة من أول وصاير له عملية ترقيع بقطع غير أصلية يعني غش ، أو انه خراب طبيعي ممكن يصير لأي واحد في أي موتر حتى لو كان وكالة ، والا انها عين ماصلت على النبي لأن الموتر ماشاء الله له طلة حلوة ( أخاف اني ناظلن نفسي هههه )

في كل الحالات مانقول الا الحمد لله على كل حال ومايدرى وش الخيرة به .. انا مرتاح لأني مستخير قبل ما اشتري الموتر ، يعني موكل أمري إلى الله

وشكرا على اهتمامك
VX-R2001
16/09/2010, 04:40 AM
انا عندي نفس المشكلة وصار لي 3 مرات اغيرها شكلي بستخدم السيلوكون
ابوصالح77
16/09/2010, 11:29 AM
شف كانها غاليه لاتشتريها فيه في ساكو سليكون انواع واشكال وبعضها مخصص للحام البلاستيك وضد المويه

كلام سليم:good2::good2::good2::good2:

إسأل الموظف اللي فيه لأنك تتلخبط من كثر المعروض
رواق
16/09/2010, 07:31 PM
في اكس ار وابوصالح

تسلمون الف شكر لكم