عندي مشكله في المساعدات ،، وكيف أعرف إنها انعدمت !!

[الجني العبد]

السلام عليكم
بالخير يا اخوان

أنا من شريت موتري وبه مساعد واحد خربان والثاني هه يبي شوي ويطق
تقريبا كرفتة سنه الا شوي ،، ولكن أمس وأنا طالع مشوار لاحظت إني إذا أخذت المطب ولو كان خفيف تقل إن المساعد يدخل لآخر شي ،، يعني تسمع صوت طقة شينة شوي !!
طبعا علمون هالشي ذا يظر على الدفرنس أو الربلات ولا عاادي يمشي الحاال ..
ونسيت أعلمكم إنه لو يركب اثنين ورى نزل الموتر ،، تقل محمل لك خياش رز ..

* ملاحظة / إذا بغيت تدعي على عدوك ،، ادع عليه إنه بمشوار للشارع التجاري ،، مشوار واحد بس :)


شكرا للجميع ..

[ابوصالح77]

لا بد تغير المساعدات وعلامة الخراب خروج الزيت
اما نزول الموتر إذا ركبت أحد فاليايات طابعات تبي تغيير

[اسير الغضا]

انت الجني العبد بمنتدى شباب عنيزه((والله من الروجه بالمواضيع هناك


والشارع التجاري مابه شي اغديم متمر من عند نزلة مستشفى سعود

[سرطوقا]

لاقام الموتر يطآمر اعرف ان المساعدات الله يرحمها

[أبرق الحيا]

يا أخي اسمك (الجني العبد) فيه عنصرية الرجاء تغيره (وش عبد وما عبد) قال تعالى
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ (13)

[الجني العبد]

لا بد تغير المساعدات وعلامة الخراب خروج الزيت
اما نزول الموتر إذا ركبت أحد فاليايات طابعات تبي تغيير

تراهن مساعدات ورى .. ولكن مالاحظت أي زيت ولا شي
ولكن مجرد ما أديور بالموتر مع الجه اليسار قام يطامر بي المساعد الخربان ..


وأصلن أنا لي شهرين جازم أبركب استراليات ولكن خايف يكسرن ظهري ،، خصوصا إني مانب راعي تحميل ولكن أبي الموتر يرتفع شوي مع ورى لأن شكله بمساعدات البلد هدر ..


يامال الثانكيو يابو صالح ..

[الجني العبد]

انت الجني العبد بمنتدى شباب عنيزه((والله من الروجه بالمواضيع هناك


والشارع التجاري مابه شي اغديم متمر من عند نزلة مستشفى سعود


لا والله ماحصل لي الشرف أكون هو :d
ايه هين مابه شي
والله من الهم والغم والقلق وكل أبو شي :(

[الجني العبد]

لاقام الموتر يطآمر اعرف ان المساعدات الله يرحمها


طيب المساعد يسار إذا كان الحمل عليه ،، يعني وأنا كاسر الموتر يمين والضغط على مساعد يسار والمساعد اليمين مريح ،،
ايه أقولك يبدى يطامر الموتر ...


بس أقولك اللحين لا أكلت لي مطب تقل أحس إن المساعد ضاغط أقوى ماعنده على الربل ...

[الجني العبد]

يا أخي اسمك (الجني العبد) فيه عنصرية الرجاء تغيره (وش عبد وما عبد) قال تعالى
يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ (13)
خلك من العصبيات القبلية وادحر الشيطان
وقلي كانك تعرف شي عن المساعدات ،، خن نستفيد من ردك ولو بالقليل ..


حبي الجم لك ..

[البرتقالي]

احيانا يطلع زيت المساعدات ويختفي بفعل عوامل التعرية والسواق ماجاب خبرها ;)
واذا ضربت مطب قوي يطلع صوت طقه اللي هي ضرب أجزاء المساعد
( علوي وسفلي ) بعضهم بفعل انعدام الضغط لخروج الزيت
هز الموتر بيدك اذا خفيف بالحيل ويلعب مقفاه غيرها

وبالنسبة لنزول الموتر مثل ما قال اخونا من ضعف اليايات
وبنسبة اقل بكثير من المساعدات

الله يرزق عدوك مشوار للشارع التجاري :)
وموفق للخير ياخيي

[الجني العبد]

احيانا يطلع زيت المساعدات ويختفي بفعل عوامل التعرية والسواق ماجاب خبرها ;)
واذا ضربت مطب قوي يطلع صوت طقه اللي هي ضرب أجزاء المساعد
( علوي وسفلي ) بعضهم بفعل انعدام الضغط لخروج الزيت
هز الموتر بيدك اذا خفيف بالحيل ويلعب مقفاه غيرها

وبالنسبة لنزول الموتر مثل ما قال اخونا من ضعف اليايات
وبنسبة اقل بكثير من المساعدات

الله يرزق عدوك مشوار للشارع التجاري :)
وموفق للخير ياخيي
هلا بك بروستد حاشي
أجل شكلهن نشفن وأنا ساحبن عليهن ،، ياويلي من الله ..

على العموم أنا لاهزيت الموتر قعد يناقز علي ونقزاته تأخر شوي
ولكن إذا كنت ماسك خط فالمناقز ماتبين واجد ..
طيب يا أخي العزيز وشرايك أطقم له يايات ومساعدات جميع
ولا يكفن المساعدات

وأيضا لو خليت المساعدات على حالهن هل يبي يضرن الموتر ولا مشي حالك ..؟؟

والله يسمع منك إن شاء الله ..

[ابوحفصه]

ياعبد غير المساعدات واليايات

[التل الصامت]

يا الحبيب انت وياه تراكم في منتدى محترم ومجلس رجال عيب عليك انت وياه هذا الكلام

ومشكلتك انتهت خلاص اقطع انت واياه وكلن يحترم نفسه والله يوفق الجميع

[التل الصامت]

وين تواجد المراقبين شكلهم كاشتين الله يوفقهم