البارحه ما مسيت واناس ممسين ......عود على عين المعناء عناها

[مدهـوش]

البارحه ما مسيت والناس ممسيـن=عّود على عيـن المعنـاء عناهـا
ولا هتنا بالـي مـع اللـي هنيـن=ما يستريح وراحتـه مـا هناهـا
آسباب من حالوا وعنا مقفيـن=آقفوا وانا همومي يومي رشـاهـا
آقفو بزملهم عـن الـدار ناويـن=دار(ن) بها وسم السويبع وطاهـا
شّدو شديدهم وشـدّو مـع الزيـن=يم الديار اللـي بعيـد(ن) مداهـا
غابت ركايبهم وغابوا عن العيـن=والعين هلت دمعهـا مـن بلاهـا
قمت اتذكر على عـد(ن) قطينيـن=واليوم جـف قاعهـا مـا رواهـا
قمت آتذكر دار(ن) فيها مقيمين=واليـوم سافيـي الهبايـب سفاهـا
(ياليـت ربـي ماكتـب للمحبيـن=فرقا وحب قلوبهـم قـد محاهـا)
اوليتنـا عقـب المفـارق ملاقيـن=آبل كبد(ن) ضاميه مـن ضماهـا
آهون علي من اللي مالـه مداويـن=داها على آهل الطب يصعب دواها

[مدهـوش]

اتمنا ان تبدو رايكم لانها على الطرق القديم


ولكم ودي وتقديري

[يوسف الخليفة1]

حياك الله أخي العزيز عبرود سنجر

[مدهـوش]

حياك الله يابو عبدالله


اتمنا من الجميع ابداء الراي من ناحية الوزن والقاف والمعناء

ولكم تقديري

[مشعل المشعلي]

صح لسانكـ لاآملك الخبره الكافيه لي آفيدك إن كان توآفقت القافيه مع الابيت لكن ابيات جزله

[مدهـوش]

حياك الله ياغالي


مرورك يكفي عن الاشاده ونظرك يكفي عن الخبره


ادامك الله واتمنا مرورك الدائم

دمت بخير

[مرقاب الوله]

حياك الله اخوي وراجع الخاص
تحياتي

[الgافي]

صح لسااانك

[أبو إبراهيم !!]

صح لسانك ولا هنت يا الغالي

[طفران بس بطران]

عسا منت عتيبي ريحة القصيدة تدل على ذلك

[أبـــوصــالـح]

ماشاء الله تبارك الله
طالبك لاتغير الطرق

وان كان فيه غير هالقصيده ياليت تعطينا

[مدهـوش]

الوافي

ابو ابراهيم


صحة ابدانكم والله يحييكم


اشكرككم من كل قلبي على الاطلاع

[مدهـوش]

عسا منت عتيبي ريحة القصيدة تدل على ذلك


حياك الله

مالك لوا مانيب عتيبي


واشكرك على الاطلاع والمرور والتدقيق على ذلك

دمت بخير

[مدهـوش]

ماشاء الله تبارك الله
طالبك لاتغير الطرق

وان كان فيه غير هالقصيده ياليت تعطينا


الله يحييك يابو صالح

ابشر بالخير وابشر بالطيب الي يرضي خاطرك

وانا من محبي هذا الطرق القديم

لما فيه من معانق للقلب وصدى بين الضلوع وتوجد كبير


اشكرك وان شاء الله لك ماتتمنا

[جرير]

صح لسانك
ابيات طيبه شوي وتكمل
لحنها تنوزن معاك
استمر

[راعي العشاير]

صح السانك
قصيدة رائعه

[ابن حنيف]

صح الله اللسانك وبدنك يالقرم سكرت جميع منافذالحروف لردود يعطيك العافيه وننتظرجديدك.

[ذيب كشب]

عسا منت عتيبي ريحة القصيدة تدل على ذلك

؟؟؟؟؟؟؟؟؟؟؟؟؟؟؟؟؟؟
مافهمت قصدك

[مدهـوش]

اشكر الجميع على المرور الكريم


وان شاء الله تجدون مايحوز على رضاكم


ادامكم الله

[مشعل المشعلي]

صح لسانك بعد حيي