المساعد الشخصي الرقمي

مشاهدة النسخة كاملة : أسئلة عن نظام ساهر


علي101
16/09/2010, 07:45 PM
السلام عليكم ورحمة الله وبركاته
في الليل تشاهد فلاش كاميرا نظام ساهر , ولكن هل يشتغل الفلاش في النهار ؟

كم المدة الزمنية بين التقاط سرعة سيارة وأخرى : ثانية واحدة , ثلاثون ثانية , دقيقة ؟

هل ممكن للصورة الواحدة أن تشمل عدة سيارات : سيارتان , أربع , ست ؟

الكميرات الموجودة في السيارات هل تصور والسيارة تسير؟

نريد إجابة مؤكدة ؟ وأسلمكم الله من خسائر ساهر .
علي101
16/09/2010, 09:09 PM
وين الشباب
شاص99
16/09/2010, 09:46 PM
والله من اهل بريدة مالي علم بساهر
مالت عليك
17/09/2010, 01:08 AM
السلام عليكم ورحمة الله وبركاته
في الليل تشاهد فلاش كاميرا نظام ساهر , ولكن هل يشتغل الفلاش في النهار ؟



وعليكم السلام اخوي ..
انا مرهـ كنت امشي بالعصر ما دريت الا الفلاش ضارب بوجهي لكن مو دايما يشتغل الفلاش احيانا ما تدري عنه هو لقطك ولا لا



كم المدة الزمنية بين التقاط سرعة سيارة وأخرى : ثانية واحدة , ثلاثون ثانية , دقيقة ؟



يقولك المقبل حق المرور .. ان نظام ساهر يستطيع ان يلتقط جميع السيارات في جميع المسارات بالاتجاهين رايح جاي حتى لو كانت مسرعه جميعها << سوبر مان مو ساهر




هل ممكن للصورة الواحدة أن تشمل عدة سيارات : سيارتان , أربع , ست ؟



نعم تم الاجابه في السؤال السابق



الكميرات الموجودة في السيارات هل تصور والسيارة تسير؟

نريد إجابة مؤكدة ؟ وأسلمكم الله من خسائر ساهر .


بالنسبه لهذي النقطه ما عندي علم .. لكن ما اتوقع ,,




ملاحظه ..
سمعنا بالفترهـ الاخيرهـ عن تعرض الموظفين اللي يشتغلون بالباصات لعمليات ضرب وصلت بعضها الى تكسير الباص والكميرات اللي تصل قيمتها ملااايين .. وانا اليوم راجع للبيت والا اشوف باص ساهر على طريق الملك عبدالله وعندهـ عسكري واقف .. << يعني اللي مخطط عليهم ياخذ حذرهـ هههههههه
عميد سامودة
17/09/2010, 01:13 AM
على حسب علمي يصورك انت واللي جنبك بالسرعه
moafaq999
17/09/2010, 01:28 AM
التصويرسريع بالثانيه
الفلاش وضع للتصوير اليلي
ممكن ان تصور جميع المسارات الثلاثة بنفس الوقت اذا كانوا متعدين السرعه القانونية
الكاميرات المحمولة والمتحركة لا تستطيع التصوير الا عند التوقف تماماًً ووزن الكاميره حتى يفتح النظام للتصوير
عبد الله 99
17/09/2010, 01:46 AM
بالنسبه للسؤال الاخير ايه نعم تصور حتى و الباص يمشي
في طريقي للمنطقه الشرقيه قدامي جيب مستوبيشي مدري وش اسمه يمشي تقريبا 80-60 حولها ما دريت الا وهو معطيني ذيك الصوره الي يحبه قلبك 4×6
ما اقول الا حسبي الله ونعم الوكيل
البرتقالي
17/09/2010, 02:49 AM
الله يجعله للعمى والعمش يصور الى ثمان سيارات بنفس اللحظه
يعني لو عنده ثمان سايدات صورها كلها
ولا يصور الا نفس السايد فقط يعني ما يمكن يصور السايد المعاكس

وحبيت اوضح نقطة ذكرها بعض الاخوان من قبل
( غير صحيح ان فيه حد ادنى للسرعة )
المقصود واللي فهموه الاخوان خطأ اللي هي زيادة السرعة عن المحددة بـ 25 واكثر

مثال
السرعة المحددة سبعين لك إلى خمس وتسعين المخالفة بثلاث ميه
وإذا زادت السرعة عن خمس وتسعين تصير المخالفة بخمس ميه ريال ينطح ريال
المميـز
17/09/2010, 03:42 AM
:

حسبي الله ونعم الوكيل

نظام حلو واشتغل داخل الديره وقلل الحوادث

لكن يشتغل على الخطوط السريعه !!

الحين فيه شوارع داخل المدن ومع الإزدحام السرعه فيها 120

والخطوط السريعه فااااااااضيه السرعه فيها 120 ؟؟ !!!!!

/

بخصوص استفسارك ...

افادوك الاخوان الله يجزاهم خير

والله يستر علينا وعليكم ...


:
هويدي
17/09/2010, 05:36 AM
شي كمرات زي ماذكرو الاخوان وشي زي الصندوق

يلقطك بدون ما تحس عن طريق الشريحه الالكترونيه اللي باللوحه
نوفل99
17/09/2010, 05:59 AM
:fمخالفات ســ(قاهر)ـــــاهر تصور:redcar::redcar: اللوحات القديمه بدون شريحه والجديده واذا كانت السرعه المحدده90كم ومشيت من95كم الى115كم مزعتك بـ300ريال واذا زادت عن115كم فهي 500ريال اي بمعدل25كم زياده عن السرعة المحدده300ريال ومازاد500ريال الله يحفظنا ويحفظكم0
طعيميس
17/09/2010, 06:39 AM
ياحرصهم على المخالفات والجباية
والا الشوارع مازينوها
قدر مكتوب
17/09/2010, 11:07 AM
ياحرصهم على المخالفات والجباية
والا الشوارع مازينوها

صدقت :good2:
علي101
17/09/2010, 03:27 PM
مشكورين على الردود
ودمتم بخير
أبا مجاهد
17/09/2010, 03:36 PM
ياحرصهم على المخالفات والجباية
والا الشوارع مازينوها


عز الله صدقت